富臨皇宮

營業中

休息中

今次係我唔知第幾次去食富臨每次去我都會叫差不多個幾味來吃因為實在是大太好味了我高度推薦大家吃這些 芝士波士頓龍蝦龍蝦伊麵必需要配答既一定係芝士, 濃濃既芝士汁係伊麵上面, 加上大大隻龍蝦, 真係一大享受, 最正係佢既芝士份量夠多, 以至到我食到最後都唔會覺得好DRY, 反而仲係有好多芝士係上面, 口感同味道都係一流的 金銀蒜蒸日本元貝沒想到呢個蒸元貝粒元貝咁大!! 加埋D蒜去蒸不但止香噴噴, 而且食落個口感又唔會覺得好柴, 都係JUICY JUICY的口感!! 呢個作為前菜真是一流 花膠北菇鵝掌煲整個鵝掌煲都被花膠COVER住了, 沒想到花膠才是主角!! 吸收左鵝掌煲味道既花膠不但口感好香滑, 而且味道出眾, 煲內材料相當的多, 落重本之作

雖然富臨好多分店, 不過因為我屋企附近無, 所以真係好少食~ 今次去左沙田行街, 諗唔到食咩, 見富臨皇宮有位, 就入去食個便飯~~我地都係點自己鍾意食既野, 上菜都幾快, 服務都正常~其中一樣點左日本元貝, 加蒜同蔥拎去蒸姐, 最簡單既做法. 所以隻元貝新鮮都好難唔好食~ 呢度都無令我失望既, 粒元貝好厚身, 幾彈牙~ 唔錯~之後仲有叫到花膠北菇鵝掌, 呢煲野都幾入味, D 花膠幾厚, 如果可以再炆稔D 就Perfect~ 反而北菇真係正, 吸哂D 味, 好香口之後仲有叫到紅燒乳繁~ 呢度要兩隻起, 本身覺得好油膩, 但見佢咁抵食就叫兩隻黎試下啦~正WO, 雖然個皮唔係脆, 但係醃得好好食, 而且乳鴿多肉得黎D肉又幾滑, 唔鞋口, 有DD 喜出望外, 因為總覺得平野無好~ 配反個白飯就夠喇~兩口子, 兩碗飯, 三個餸已經好滿足喇. 今餐食完對富臨既印象都唔錯

探訪完親人沙田新居，順道到石門食入伙晚飯。石門聽得多，但未曾到過。京瑞中心就在石門站，大圍轉烏溪沙線，非常方便。富臨這分店是新開張，裝修華麗但椅套及枱布很殘舊，洗手間又骯髒不清理，這麼大間酒樓都不處理下憑傳單訂BB豬一隻$188，隻BB豬雖然皮脆，但完全無肉得皮包肥膏勁差長腳蟹新鮮鮮甜但被花雕蓋過蟹味，蛋白香滑幾好食，我覺得海港的長腳蟹比較好味又抵食其他菜式都不過不失涼粉布甸燉蛋白幾好味，南瓜露太稀，南瓜糕味道麻麻

富臨, 總有一間係左近. 今晚阿媽又唔想煮飯, 求奇去左富臨食晚飯啦.今晚老豆好似心情好好, 點左D 幾名貴既菜式.. 芝士焗龍蝦配烏冬芝士焗龍蝦多數係配伊麵, 但呢度就然係可以揀配烏冬lol未試過所以貪得意試下啦~ 佢用既唔係cheap仔烏冬, 似係稻庭烏冬, 都幾好食.. 比起伊麵, 烏冬仲飽肚呀, 而且好大碟呀, 搞到要打包呀~龍蝦都幾多肉, 而且師傅都起好哂D肉, 好易食到; 芝士醬無平時個D 咁膩, 偏淡少少, 所以比平時可以食到多D~~紅燒乳鴿呢個兩隻起, 撈飯一流! 佢醃得超入味, 都幾厚肉, 唔洗點淮鹽都已經好夠味喇!! 我一個人搞掂左一隻, 真係好惹味呀!!清蒸龍躉斑黎到真係嚇一嚇, 唔知咁大條呀.. 時間蒸得岩岩好, 好多肉呀, 好新鮮~! 最衰叫左烏冬底啦, 撈飯真係好正呀!!仲有炒左個菜, 已經好飽, 好豐富~~ 耐無食過富臨晚市, 今次有DD 驚喜~~

星期日到沙田探親戚，到酒樓食都是不二選，加上原來富臨最近有海鮮最強晚飯優惠，有各款配搭選擇，看菜牌非常抵食，試試食物質素如何。魚配湯星期一至五 $188，星期六、日及公眾假期 $228淮杞燉響螺老火湯非常足料，有半隻雞、響螺、瘦肉、淮山等等的食材，湯香濃不帶味精，非常滋潤。清蒸沙巴龍躉斑賣相吸引，龍躉斑有2斤重，份量十足，足夠4人份，而且十分新鮮，肉質嫩滑，愛吃魚的我真的不能錯過。果皮蒸南非鮑魚(8隻)配紅燒乳鴿(2隻) $238鮑魚大隻，而且腍軟不韌，有微微果皮香，能吃到本身的鮮味。紅燒乳鴿乳鴿外皮微脆，切開汁援援流出，肉質嫩滑很野味。波士頓龍蝦(上湯烏冬) 星期一至五 $288，星期六、日及公眾假期 $308龍蝦份量很有誠意，肉質彈牙，但烏冬就太腍身，夾起都會斷，配烏冬個人感覺也不搭。金銀蒜蒸日本元貝(4隻) $118日本元貝很大一隻，整隻元貝足足有手掌般大，元貝肉也有掌心那麼大，肉質爽嫩，配上蒜蓉粉絲，很滋味。花膠北菇鵝掌煲 $98整道菜膠質豐富，花膠有4大片，口感不是腍軟而是帶點爽口，不是太入味。富臨性價比十分高，服務也不錯，食物質素也不過不失，宴請親朋的不錯選擇。

今天路過石門，光顧咗這間，服務態度不錯。可惜食物的質素，真的有待提升。雖然是特價產物，將貨就價，超值孖寶：法式長腳蟹配伊麵底及枝竹菜心。長腳蟹基本上是沾滿生粉炸完再落獻汗，蟹腳基本上沒有蟹肉，相當搵笨。與其是法式長腳蟹配伊麵底，不如叫鬆炸生粉蟹殼配伊麵更為合襯。枝竹菜心則尚可。

衛生欠佳😖，食品🆗， 我們喜歡吃紅棗糕，但它 太多味精😑， 冷氣過凍🌫， 服務態度差😒， 人手不足， 還和其他服務員談天！， 簡直不知所謂呀~😤 睇到餐牌嘢食麻麻地 佔其他顧客個樣好嬲 睇個名好好，但係實物相反！ 聽到嬰兒哭聲， 我想他很驚 食品大部分都係 大陸貨😑蘿蔔糕無蘿蔔味！！🥕🥕 炒米粉唔會有咁多油 ，ok！ 紅棗糕 係千層嘅正！ 都夠紅棗味！但中間有些凍！ 蒸不透！ 燒賣太鹹！ not good😓 茶冇茶味！☕ 蝦餃都算有蝦味！生炒骨不是太好！！🍖 簡直是垃圾！酒樓 設計十分土氣！🙄 服務員經常給錯點心！😧 好處是可以節省家裏的電氣費！ 因為有免費冷氣！ 但係冇wi-fi 有埋wi-fi更好！😎😎 但我唔知！應該會有！ 但不肯定， 不好大家引起誤會， sorry！ 講返生炒骨，Ｄ菠蘿好酸！ 帶埋老人家一齊嚟，老人家 瘋狂 打噴嚏！ 埋單地方 超級隱蔽！ 但價錢都好抵！

服務差，態度差，星期六早茶明明到11:30但10:00去到話已停早茶，有無攪錯 搵經理問明明餐牌都係寫到11:30，點解會無左...個經理話我唔知喎，公司話既喎! 搵另一位幫手加水，竟然話我要食飯走左去，你唔得閒都搵另一個幫手，唔係走左去 就算

放假當然要搵下老人家飲茶，所以就約左呀嫲呀爺去石門間茶樓石門站一出就係，馬路都唔洗過下午茶時段$18.8隻乳鴿，超抵食！我地就叫左兩隻，都好大隻北菇棉花雞，雞份量好多但棉花好少飲茶當然要嗌燒賣啦，好大粒入面仲有粒粒冬菇左邊：鮑汁鳯爪，大隻夠入味，底下既花生吸滿曬鮑汁，好好味右邊：胡椒豬肚湯，百果唔香，個湯底超鹹香芒糯米卷，入面其實係芒果布丁黎仲以為係真芒果先叫

難得的出去食晚飯，就陪屋企人去北角。富臨一直都價廉物美，都有多間分店，屋企人又鐘意酒樓的叫餸食飯，所以就去咗富臨一試晚餐。 花膠鵝掌北菇煲 $98 個煲夠熱，上菜嘅都時候都有煙。花膠大塊兼爽口，北菇有成6-7朵，大朵之餘又好入味，加埋鵝掌一齊煲，味道十足。  香薯一口牛 $88 牛肉粒炒得剛好，肉質頗嫩，不會炒得過老，也不會太韌和「鞋」。薯仔本身幾甜，牛粒和薯仔的味道匹配，加上黑椒汁，味道開胃，餸飯一流。  薑蔥焗筒蠔$128筒蠔很大隻，有半隻手掌咁大。味道唔腥，加上薑蔥去炒，不單止冇搶咗個蠔味更提升咗不少鮮味，再以煲去上菜，熱辣辣咁入口好好食。  清蒸龍躉斑 $138 魚肉好鮮嫩好滑，不會因蒸得太老而失去鮮美。鼓油亦淋上油，使整條魚更香。魚肉好多，整條魚好肥美。  例牌糖水：紅豆沙 紅豆滿滿一碗，每一羹都有好多粒紅豆。紅豆煲得有微微沙粒，口感滿足。甜度適中，不嗜甜嘅人都會鐘意。 除咗上面個啲之外，仲嗌咗芝士龍蝦伊麵，燒乳鴿，六隻蒸鮑魚同蝦球炒通茶。四個人食八樣餸$1000多啲，每個人唔使$300蚊，抵食呀！

一田減價，血拼完一輪，一袋二袋，隨意搵間中菜館食個晚飯。黎得早，所以唔洗等位就入座喇。呢度D員工都幾識做，專登拎多張凳比我放戰利品。我地一行四人，點左隻木桶豉油雞，菠蘿生炒骨，叉燒菜甫粒煎蛋，海味銀絲煲。其實已經有一段時間無食過富臨，香港太多選撢。不過今次食有少少驚喜既，價錢唔貴，估佢唔到都幾大碟。好彩我地都只係點左4個餸姐，唔係唔做大哂鬼都唔得。三個菜當中，我最鍾意係個隻木桶豉油雞！！醃得好入味，好上色；都幾多肉，幾嫩滑。重點係價錢唔貴！！另外，菠蘿生炒骨，海味銀絲煲水準都唔錯。菠蘿生炒骨甜甜的，送飯一流。海味銀絲煲都好入味，粉絲份量多，菜相對地少，海味都食到。叉燒菜甫粒煎蛋呢個都煎得幾香，唔會太老太油。呢間分店水準都唔錯，今餐都食得幾舒服。

上星期親戚生日又去左幫襯多年既富臨到食飯其實富臨呢間酒家 我地已經幫襯多年地方大，易去，最緊要係員工好因為我地成日去，D部長一早都混熟了!!我地今次叫既野唔太多但係樣樣都唔錯 亦都叫左好多老人家鐘意食既菜!先來一個海鮮，呢個係蒜香蒸帶子，之前都有講過 用蒸煮方法去烹調海鮮，必先要對自己有自信，因為要海鮮夠新鮮先可以用蒸煮方法呢個帶子好鮮甜 加埋蒜香突出味道 不錯!第二個海鮮係蟹 味道亦都唔不錯經炒既方法煮 非常惹味最後仲有一條魚好嫩滑!!

有日day off， 做完gym之後肚餓得好緊要， 就去酒樓搵一啲嘢食下，雖然做完gym之後食嘢係會有反效果， 不過冇辦法我就係忍唔到餓一個人去到酒樓都唔知叫啲乜嘢好，究竟叫盅頭飯食定係叫點心食，抑或是燒鵝瀨， 不過當時只係見到每一台都有叫燒乳鴿，我就忍唔住口帶著3隻嚟食。三隻燒乳鴿全部係開邊斬成半，有啲人可以好優雅咁用筷子去食，不過我唔係嗰種人， 我就用手拎起隻乳鴿，用口齒出嚟食， 乳鴿皮好脆不過啲肉唔係太嫩滑，而且都算幾咸， 我一條友食咗三隻，感覺好油膩，好滯，好咸，好口乾。食完之後我就叫咗碗紅豆沙嚟飲，呢碗紅豆沙好杰，好甜，飲完會紅豆沙士後，喉嚨依然係好口乾。

今晚家人飯聚，訂了富臨皇宮食飯。打開餐牌就給波士頓龍蝦孖寶價錢吸引，平時淨食龍蝦沒數佰元都吃不到，現在二佰多元就能一次過享用芝士焗波士頓龍蝦伊麵配搭皇牌燒味，實在平靚正！餐牌實在太多選擇，為迎合各人口味。最後叫了多款海鮮及小菜& 兩款甜品。西蘭花翠綠爽口，龍躉魚肉，肉質很嫩滑及鮮甜味美亦咬落啖啖魚肉，魚塊火喉控制得非常準確。芝士佈滿整碟，伊麵大大碟足夠數人吃用。醬汁味濃烈，醬汁完全滲透在麵條內。每件龍蝦肉都非常飽滿，數量亦不少，肉質亦鮮甜好味。這個價錢有這樣的質素，只能說是超值。香甜的蕃薯，切得細細粒，入口容易。香薯經過輕炸亦不太油膩。一口牛肉質嫩，沒太多筋。肉汁美味，配飯一流。剛燒好及熱騰騰的燒鵝，皮脆多汁，肉質嫩滑不會過實，好味道！鮑魚比預期大隻，鮑魚滲有果皮的味道，肉質咬落爽口及彈牙，味道有海鮮的鮮甜可口。很大隻的元貝，元貝上蓋滿有很多蒜粒及粉絲，蒸後的汁液很鮮，肉質彈牙爽口。吃多幾個都不太膩。甜品，香芒糯米卷及杞子桂花糕晶瑩的桂花糕，都很足料。糕內滿滿的杞子及桂花及未吃都聞到陣陣的桂花春。而香芒糯米卷，皮薄料多。剛好是芒果當造，好味。今晚各人都好滿足，埋單都不過千元。

太肚餓，所以今次叫了不少菜肴。先叫了芝士伊麵焗波士頓龍蝦配極品燒鵝皇，西蘭花抄龍躉球，果皮蒸南非鮑魚及金銀蒜蒸三頭大元貝。首先上菜的是西蘭花抄龍躉球，西蘭花爽脆而沒有抄過火喉，上碟時仍然非常翠綠。鮮甜美味的龍躉魚肉塊，肉質很嫩，魚肉很鮮美，啖落啖啖肉，沒有什麼魚骨在肉內，都非常合適怕魚骨的人。再來是大大碟的芝士伊麵焗波士頓龍蝦，芝士味很濃烈，醬汁不會太浠亦不會濃，與伊麵配搭剛好。龍蝦塊數量不少，每人都能夠分多幾件。龍蝦肉很飽滿，肉質美味及火喉按制好好。極品燒鵝皇（例牌）不是到到都可食到脆皮的燒鵝，有些地方開頭會脆，但放久了會很快出現軟皮狀態。富臨真是燒鵝的專家，這麼多的菜肴輪住吃，最後仍然脆口。除了脆口，肉質仍然保持嫩滑多汁，味道很鮮美。果皮蒸南非鮑魚好大隻的鮑魚呀！果皮的香味滲透在鮑魚肉內，鮑魚的口感咬落像吃緊軟綿綿的啫喱，但非常爽口。蒸的過程、時間及火喉拿握得太好了。金銀蒜蒸三頭大元貝，蒜泥的味道全在這隻扇貝上。扇貝肉嫩滑大隻配搭濃郁多汁的蒜泥粉絲，一啖食落去真的回味無窮。吃吓吃吓才發現，今餐除了燒鵝外其餘都是海鮮。話時話，海上人都話今次的海鮮新鮮美味，值得再來。