家後

營業中

休息中

呢區人氣餃子店，自從食過佢嘅芫荽煎餃，每次嚟都忍唔住叫一碟！一碟有八隻，相當夠份量！即叫即煎，有時都要等耐啲！餃子隻隻飽滿，底部煎到脆香，加醋汁食好岩數。餡料就係芫荽加豬肉，入口滿滿芫荽香味，黨員應該收貨。仲有老闆娘自家製蛋糕，有幾隻味道，自己食過原味及抹茶等，so far最喜愛係開心果，入口超香濃開心果味，就好似有十幾粒係口中咁，質感棉滑，甜度啱啱好，記住留返個胃比呢客蛋糕呀！

去到深水埗，突然醒起好耐去食過家後既餃子因為之前朋友帶過我去食真係覺得好正，今日經開就一定要黎回味一下啦餃子有煎餃同埋湯餃2款，而且仲有唔同既餡料，仲可以雙併添！而且加錢可以轉埋套餐，有粉麵/ 飯團/ 雞翼揀一款同埋飲品我叫左個煎餃套餐配飯團，每一隻餃子都煎都金黃色，外皮脆卜卜大家食既時候要小心D，因為真係會爆汁架我幾鍾意個飯團，煙煙韌韌，味道岩岩好而湯餃子既湯底就係粉葛湯，味道都唔錯皮薄餡靚除左餃子之外，呢度既日式芝士蛋糕都好正架入口勁香勁滑，仲有唔同既味道所以呢間餃子店真係會令我一直返轉頭想再食

高度推薦🤩🤩🤩其實係為左個芝士蛋糕而去，但餃子都好正！🤩洋蔥豬肉湯餃🌟我本身鐘意食煎餃多啲🙈但見到佢哋個湯好似好正就要左湯餃，結果完全冇失望💯💯湯有少少鹹但飲得出無味精🤩係屋企湯嘅味道🤩🤩🤩8粒湯餃好飽肚😋皮唔算特別靚但唔會糊/爛👍👍👍然後嗰餡！🤩用左紫洋蔥，辣得黎有甜好啱我口味🥰🥰豬肉都鮮甜芝士蛋糕🌟🌟有啲sad 得返原味🙈🙈🙈cream cheese 味好重🤩🤩🤩比得上new york cheesecake 嘅程度，consistency 我會話介乎burnt cheesecake 同日式輕芝士蛋糕🍰🤩好得意嘅combo 真心榮登cheesecake 排行榜頭幾位但比想像中細件🙈老闆好貼心🥰我出左去傾電話佢仲幫我提醒返張枱有人🥰🥰

講到食家庭式餐廳，一定要試吓餃子，因為有好多童年回憶都係同屋企人一齊包餃子。叫咗韭菜豬肉煎餃，煎餃外皮好趣卜卜，入面韭菜同埋豬肉嘅份量比例好啱，韭菜嘅香味唔會搶過豬肉嘅肉汁味，不錯不錯！

永遠都好多人排隊嘅餃子店襯今日有時間去等下位先Lunch時間等咗大約8分鐘都唔算等得耐呀👌🏻老闆叫返每個客人做老闆真係搞到我唔好意思呀🙈雙併煎餃子 $44/8隻加套餐C 2隻滷水雞翼 +$16 包冷熱飲品一杯老闆上菜時見我拎定電話相機食先好細心同我講咗句：快手影一兩張相好啦～煎餃凍咗唔好食有聽老闆嘅叮囑影完即刻品嘗煎到脆口嘅餃子皮🥟點咗兩隻味，一隻係芫荽豬肉，另外係一隻味係韭菜豬肉，兩種菜同肉都平均分配，啖啖都有肉有菜，真係好好食呀！餃子皮好薄好薄，脆到好有口感🤩😋😋😋雙拼湯餃子 $40/8隻加套餐B：日本飯團🍙一個 +$16 包冷熱飲品一杯點咗雲耳椰菜豬肉餃同埋菠菜餃，今次湯餃食到餃子皮好滑，雖然皮薄但絕對唔會一夾就爛皮，每啖都食到滿滿嘅菜，個人就鐘意食波菜餃多啲😉餃子店最特色之作一定係由日藉老闆娘整嘅芝士蛋糕，絕對勝過係咖啡店賣嘅芝士蛋糕🍰芝士蛋糕勁軟滑，中間做到流心嘅質感！係餐廳食完原味決定外賣開心果味、冧酒提子味芝士蛋糕返屋低同屋企人分享深水埗餃子店居然有咁好食嘅芝士蛋糕😍😍每種咪都好突出，屋企人各自都鐘意唔同嘅味，下次要預早三日訂原個芝士蛋糕先夠分呀😋最後不得不讚嘅係～店員姐

📍深水埗 𝚂𝚑𝚊𝚖 𝚂𝚑𝚞𝚒 𝙿𝚘❝家的感覺既餃子同甜品😚🥰芝士蛋糕更出色!!😋👍🏻❞🥣湯餃雙拼 $40▪️韭菜豬肉 (4/5) + 芫荽豬肉 (3.5/5)🥟煎餃雙拼 $44▪️洋蔥豬肉 (4/5) +香菇粟米雞肉 (3/5)整體黎講 餃子都大隻 但餡料唔算好飽滿😕豬肉款都好食 醃料鹹香十足😚反而雞肉個款較清淡 香菇粟米呢個combo我都普通🙈💚開心果芝士蛋糕 $33 (4.5/5)反而芝士蛋糕好食! 黎到原來細細件😆開心果好濃呀🥰又軟滑😚🍂焙茶芝士蛋糕 (4/5)奶味重嘅焙茶 但唔會太甜😌👍🏻都中意꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍家後深水埗基隆街211號地舖

聽講深水埗有間隱世手作芝士蛋糕🍰的餃子店🥟，好多人都專程去品嘗，小編我當然唔可以錯過一齊同大家試下啦💁🏻‍♀️👉日式手作芝士蛋糕🍰~原味🧀 ($25)入口香口軟滑仲要係流心架🤤，芝士味濃郁之餘唔會太膩，質素同性價比都💯~開心果🥜 ($30)開心果版更加不得不試😍😍😍，不但有好rich的開心果🥜果仁香外，流心的效果更係世一☝🏻，必試推薦俾大家😎👉韭菜豬肉餃🐽併香菇粟米雞肉餃🐓🥟 ($42)煎到脆卜卜🔥的黃金色外皮但卻一點也不油膩非常考功夫，值得一讚👍🏻韭菜豬肉🐽內涵飽滿多汁💦，鮮味十足，鍾意食韭菜的你絕對唔可以放過🙆🏻‍♀️香菇粟米雞肉🐓質地會比較清淡，但每一啖都食到清甜的粟米粒🌽，夠曬足秤😆👉雲耳椰菜豬肉餃🥟+麵🍜 ($40)食落有咬口之餘，清淡得來又夠味😋 上海麵🍜煮得啱啱好，大家記得落埋自家製香辣🌶菜甫更加惹味架😙👉淨豬手🐷 ($39)豬手🐷超級大隻同肥美，39蚊5大隻超級抵食，不過味道偏淡少少🤏🏻🤣👉鹵水雞翼🍗 ($25)

餐廳原先已經比蘋果日報報道過☺️估唔到相隔多年，人龍都依存在😝.煎餃 $42 （8隻）今次點咗洋蔥豬肉餃/白菜豬肉餃雙拼煎餃。本身唔算好中意食洋蔥，呢隻煎餃唔會有好濃烈嘅洋蔥味，但係就好香甜。加上煎完熱辣辣同埋脆卜卜嘅外皮，咬落去仲湯汁流出嚟，非常惹味。兩款餃都好足料，記得記得要趁熱食。湯餃 $38 （8隻）湯餃就揀咗雲耳椰菜豬肉餃同香菇粟米雞肉餃，湯底就配搭豬骨湯。湯餃相比煎餃就清淡啲，皮薄加上豐富嘅餡料，啖啖滿足又唔肥膩，值得推薦。家後鮮大腸羹 $38冬天食湯羹可以暖胃，呢個大腸羹每日用新鮮大腸製作，爽口彈牙。大大碗湯羹仲有其他配料如豬紅、豆腐、木耳，再加上蔥花和胡椒粉調味，絕對係物超所值。日式手作芝士蛋糕（抹茶）$28

有媽媽做的味道的水餃店，每道簡單的小菜都很用心。木耳椰菜豬肉水餃，陷粒粒分明，層次豐富。湯居然有蓮藕排骨湯的味道，驚喜。上湯娃娃菜的湯也完全是雞湯，娃娃菜已經煮透，吸收了滿滿的湯汁。

人龍餃子店行過深水埗見到咁多人排隊嘅餃子店，一於試吓。等咗陣發現原來可以外賣🥡生餃子返屋企自己慢慢整。生餃子$3隻，一盒10隻，另加兩蚊盒錢。(即係$32一盒10隻)我聽到有人話自己帶盒嚟，不過店員話生餃子🥟個皮可能會黐住，佢哋個盒係每一隻獨立格仔，所以如果想自備外賣盒嘅要留意。叫咗冬菇粟米雞肉餃🥟每一隻餃子都大大隻，餡料充足。我放咗落粟米湯度一齊煮，味道都非常match，不過餃子加咗薑蓉，有點微辣，小朋友食唔到，但媽媽我覺得啱啱好。食得出係冇加味精👍🏻，果然有家後的感覺。餡料新鮮比起雪藏嘅餃子好食好多。價錢亦都好合理👍🏻

食餃子一定要嚟深水埗行過見到呢間舖頭外面企滿晒人，原來係好出名嘅溫馨餃子店，梗係要試吓。本來諗住買走，不過老闆話煎餃梗係現場食好味😋，要我哋等一陣，好彩唔算排好耐，不過人龍不斷，我哋都唔敢坐太耐。叫咗佢個🌟招牌豬肉洋蔥煎餃🥟$42/8隻煎餃皮金黃色，非常香脆，賣相已經滿分💯，洋蔥爽脆帶甜味，配埋豬肉及香脆餃子皮一齊食，非常Juice好味😋🌟雲耳椰菜豬肉煎餃$42/8隻+$16套餐呢款口感豐富，餃子皮一樣煎得金黃脆邊，咬落卜卜聲，食得出沒有加味精👍🏻，每一隻都飽滿餡料豐富。加$16配套餐，我哋揀咗加日本米飯團及凍檸茶。

簡潔企理既裝修，表面唔係太起眼，但老闆同客人既互動，充斥住港式既人情味，有種家既感覺，好warm， 好Homey洋蔥豬肉餃同芫茜豬肉餃雙拼🤘 外表可能毫不起眼，但一啖落去，充滿肉汁嘅餡料，厚薄中等嘅脆皮，熱辣辣嘅餃子🤣系會令到你眼睛👀睜大，閃令令好好味呀！好似阿媽包嘅餃子，而皮又煙韌d；肉又嫩滑d；味道又再好d，同時都好Homie。系你會有種感覺，食佢煎餃，想試埋湯餃。即使材料幾common，食到落口，都係滿滿嘅感觸👍👍👍滿滿嘅愛同溫暖煎餃子跟餐 配一個日中fusion飯糰🍙，紫菜變左梅菜 x 日本米。組合得真係幾好！ 首先，❤️❤️日本米掂👍🏻 梅菜一齊同飯煮熟，貢獻左啲咸香口感🖖🏻麻辣雞翼 9/10 ！😇🥲😍😝🤭估唔到，初初見d麻辣油 同埋辣椒子系面，咬落第一啖唔係好特別。 好似屋企嘅脆皮鹵水雞翼呀！食完一隻先發覺停唔到口😍💥💥💥💥雖然唔係特別辣。但麻辣俱全，鹵水香甜，無味精嘅真材質料大雞中翼😉 Trust me，雞翼點都要試！！！btw 點都要試，你會見到臺臺客都點嘅，一定系佢個cheese cake🙊🙉開心果芝士蛋糕9.5/10 真心，好食過好多甜品店，流心餡、每啖都係濃濃既開心果

好特別既餐廳有得食自家製水餃又有自家製嘅芝士蛋糕。本來係為咗芝士蛋糕去，但最後比餃子收買左。🥰🥰🥰值得提起嘅係叫湯餃同面佢地係會分開二碗，水餃嗰碗係中湯應該係粉葛蓮藕排骨湯仲見到有點豆係湯到，食完餃子仲可以飲埋啲湯。二煎餃真係勁脆！各有特色好難講我鍾意邊個兩個都鍾意！😍😍😍而芝士蛋糕中間係好流心，個日排左半左鐘入去八點半，已經係最後果幾件。🥺🥺🥺另外有得飲檸賓唔洗額外加錢！好正🤩

自從食過一次家後就愛上咗，湯餃煎餃一樣好食，係超好食！上次星期六去見好多人排隊，人山人海，都排咗成半個鐘今次係用外送平台，外賣送到公司樓下好彩送到嚟嘅湯餃都仲暖嘅，餃子皮薄多饀，好食又高質，湯底可以揀豬骨湯或是日例湯，今日是日例湯係粉葛豬骨湯湯底好味，係煲咗好耐嘅老火湯，冇味精，味道全部係材料嘅天然味道除咗湯餃，煎餃都好好食，不過外賣嘅話驚焗住會焗到腍呢間芝士蛋糕都好好食好吸引，估唔到呢到有芝士蛋糕呀呢～呢個係老闆娘拿手菜，絕對唔比蛋糕店輸蝕嚟嘅話一定要食埋呀

今日去咗深水埗食一間好出名食餃子嘅舖頭🤤Menu嘅選擇都好多 除咗水餃同煎餃 仲有其他小食 佢嘅滷水都好出名 除此之外都有飯餐 只係$42 真係好抵👍🏻👍🏻👍🏻我哋叫咗個芫荽豬肉餃 水餃好大粒 好香芫荽味 個湯底飲得出係佢哋自己煲嘅 唔係啲味精湯🥰食完水餃梗係要試吓煎餃 叫咗個洋蔥豬肉餃 煎得外脆內軟 好食🤩 枱面上面有啲辣菜莆同辣椒油俾我地點餃子食😆佢嘅餃子類可以加錢變套餐 就會有埋滷水或者麻辣雞翼兩隻🤤套餐都會包一杯嘢飲 我哋叫咗凍奶茶同凍阿華田我哋仲叫咗小食炸肉丸 炸得好香脆 入面肉汁好多再叫多咗個豬手 好重滷水味🤤最後一定要叫佢哋嘅巴斯克芝士蛋糕 喺呢度非常出名 之前曾經停過一排 而家又出返一定要試吓🤤