家後

呢一日平日放假，其實係想去深水埗Cafe Hopping嘅，但係去到想食嗰間要等位，無諗過平日下午都無位🥹最尾等咗陣肚餓，轉咗去食 #餃子 😌早幾年前曾經食過「家後」，印象係比較早期湯餃個湯底係用真係煲湯嗰啲湯🫶🏻最後叫咗呢幾樣：🥟 餃子系列#雲耳椰菜豬肉餃 $40/8隻粒粒飽滿足料，雲耳爽口，湯底係粉葛湯，食完個餃子仲飲埋碗湯😌#洋葱豬肉餃煎餃 $40/8隻煎得金黃酥脆，記得配埋佢個 #辣菜甫 一齊食，個辣菜脯唔會太辣又非常惹味！🍹 飲品跟餃子+ $6 可以有嘢飲，叫咗經典 #凍檸茶 🍖 特色小食#滷水豬大腸 $27滷得入味👍#麻辣豬肚 $29 麻香帶微辣，豬肚有嚼勁另外叫咗🍰 #芝士蛋糕 無錯，呢間餃子店係有芝士蛋糕賣嘅！對上一次嚟太飽無食到，今次終於試咗❤️呢日有原味、焙茶、開心果、蘋果味，最尾揀咗 #焙茶味 同 #蘋果味 $35/件☕️焙茶味芝士蛋糕：茶味香濃郁唔苦澀，蛋糕口感綿密🍎蘋果味芝士蛋糕：淡淡蘋果清香，食到細碎果肉，清爽不膩！ 當日一路食一路有人入去買生餃子！証明餃子質素有保證！芝士蛋糕有驚喜～ 可以去試吓～…查看更多

係深水埗附近搵野食 上網search附近既餃子店 點知除咗水餃好食 芝士蛋糕更正! 湯餃8隻$40 湯餃煎餃想雙拼都只係加$2 今次試左波菜豬肉餃同埋非常少見既洋蔥豬肉餃 2隻都好足料好好食 洋蔥好甜 肉汁鮮嫩 而且都幾大隻 抵食！如果想要麵既話 就$43有6隻餃再加上海麵，男士都夠晒飽。另外叫左個炸豬排飯 豬排份量多 炸完肉質都鮮嫩有肉味 脆漿都厚薄適中 $46連野飲性價比非常高。最後一定要講嘅就係巴斯克芝士蛋糕 今日除咗原味之外 仲有柚子、開心果、榛子 我哋試晒三隻特別口味柚子清甜 仲有少少柚子果肉開心果同榛子都有好濃嘅果仁味 難怪網上咁多人都話係比餃子耽誤咗嘅芝士蛋糕店下次再encore試埋煎餃、飯糰同埋希望遇到焙茶味嘅芝士蛋糕…查看更多

因為放假有野做就出左深水埗，順便諗住搵間吸引既餐廳食好野，假日黎食，鋪頭都算多人， 不過我唔係好肯定既係，到底啲好食既食評係點黎，對我黎講，比一般更差。 我係叫湯餃既，個湯淡味到好似茶記煲出黎啲例湯咁， 直頭用稀湯黎形容。我叫左兩款餃子，加2蚊（合理，但唔理想）Anyway, 我為食，想試兩隻味。個餃子涵同餃子皮，一咬開係鬆散分離既，入面啲食材都係鬆開哂，個皮又煮到軟爛真係麻麻地我覺得佢只係對得住個價錢， 40蚊 8隻餃因為我揀兩款，所以42埋單。 呢個價錢呢個級數…查看更多

終於試咗深水埗街坊力推嘅「家後」！日式手作芝士蛋糕（$30）入口即化，芝士香濃又唔膩，甜度啱啱好，食完對佢念念不忘，超推！日式飯團（$16）米香撲鼻，豬肉餡肥美多汁，好味有驚喜！湯餃（$40，8隻）皮略厚但餡料夠足，赤小豆粉葛湯底清甜，感覺無乜味精，有種家的溫暖；煎餃（$44，8隻）外脆內實，雖然相對普通但非常足料！價錢親民，性價比高，一定會再幫襯！📍家後香港深水埗基隆街211號地舖
#家後 #深水埗美食 #日式芝士蛋糕 #飯團 #湯餃 #煎餃 #香港美食 #ShamShuiPoEats #HongKongFoodie…查看更多

今日又想食芝士蛋糕🍰, 天氣太熱, 今日唔叫湯麵🍜, 要左淨湯餃8只🥟, 想試佢哋d粉葛湯底, 加2蚊要左雙拼餃🥟, 亦想試下佢哋d即磨咖啡☕, 等左一陣咖啡☕先到, 要左少奶不要糖, 飲一口, 味道唔差👍, 再之後送上雙拼餃🥟, 要左菠菜🥟豬🐷肉加白🥟菜豬🐷肉, 飲啖湯先, 清甜但不算好濃, 唔係太飲到粉葛湯的味道, 食舊餃先🥟, 只只皮薄多餡😀, 食件餃先, 咬開完全爆饀😄, 係菠菜, d菜入面勁多, 食落唔係太咸😘👍依只味道唔錯🥰, 夏天食幾舒服😅, 再之後食白菜😅之前都食過, 味道相比之下, 無菠菜敢出色😆, 8只餃🥟食晒其實都夠飽👍, 個碗底見到d赤小豆同扁豆🫘, 可能外面有人等位的關係, 女店員無叫起, 已經送上開心果🍰芝士蛋糕, 今日再過來食, 味道依然非常出色😍🤩, 好香開心果味亦好濃好滑的芝士味😄, 食落唔係太甜, 配杯咖啡☕非常夾夾, 之後想再食芝士蛋糕🍰, 真係一定諗係依度😘…查看更多

估唔件chesecake咁正，叫左開心果味，非常濃郁！餃子都唔錯，有紅豆粉葛湯做底，唔係面麵水。韭菜餃都包得幾飽滿。略嫌8隻太少，冇得加大，叫多份又太多，如果有得加大就perfect …查看更多

一間仲要排隊嘅餃子店配日本芝士蛋糕雖然佢好似開咗2.0，但第一次食都係食本店好啲。佢喺門口俾你寫低個名，然後等佢嗌你入去。煎韭菜餃真係好好食，佢脆得嚟入邊仲keep到好juicy，同埋韭菜味好香。湯餃兩款都好好食，然後個湯真係屋企煲嘅湯好甜，最後成碗都飲晒。排隊嘅時候，出邊已經有寫到芝士蛋糕，餃子店配芝士蛋糕真係第一次聽。所以都嗌咗個嚟試。當日有開心果味，所以嗌咗新口味試。食完覺得佢同出邊嘅Cafe有得比，好濃嘅開心果味，同埋好creamy既芝士🧀…查看更多

香港人氣餃子店多的是🥟但以芝士蛋糕聞名的餃子店就應該只此一家☝🏻甚至有不少顧客會特意前來訂購原個蛋糕，就算說這是一間烘焙店亦絕不為過🤣———————————————————————日式餃子皮薄得來口感煙韌😄底部煎得十分香脆金黃✨內餡洋蔥比例相當多🧅味道香甜，相對地豬肉味道就稍為偏淡☹️整體調味不多，主要以食材原味道為主🙂整體調味相當清淡🌱各項食材中以菇菌香味最為突出🍄‍🟫椰菜粒口感爽脆，但粟米份量偏少🧐未能感受到粟米餃應有的清甜🥺最後是每枱必點的芝士蛋糕🧀如圖所見，蛋糕中間呈軟心半熟狀態🤤質感細滑creamy，味道簡單直接🤗不會太甜，頗有水準但就未算有太大驚喜😗———————————————————————這件「被餃子耽誤的芝士蛋糕」雖然未如傳聞所說的那麼驚為天人😅但作為一件飯後甜品，仍然足夠令人滿意😇…查看更多

最近咪上咗食餃子，就周圍去唔同區度搵餃子食。呢間見openrice咁多好評本身都預咗唔伏，估唔到尋到寶 😍我要湯餃雙拼，2.雲耳椰菜猪肉餃+3.香菇粟米肉餃。上枱個湯底係豬骨粉葛湯，飲得出無味精，好住家feel真係好似屋企自己會煲嗰種味，餃我鍾意粟米多啲，好甜。下次黎應該會雙拼粟米同白菜餃，我係貪心嘅大人我全都要XD朋友鍾意食香口嘢，叫咗煎餃 獨沽一味8.白菜猪肉餃，安定好食，佢個醋嘅味啱啱好，重口如我忍唔住放啲餃落去沖涼嗰日特別味嘅巴斯克芝士蛋糕有rum酒提子同抹茶。本身我哋都飽飽地，最初淨係叫咗一件rum酒提子，第一啖食落去驚為天人，可能我見識少，之前食過rum酒提子味嘅嘢通常都冇提子淨係得個味，呢度佢係真係有放啲提子乾做底，但平時嫌提子乾太甜 唔鍾意食嘅我，第一次覺得放落蛋糕入面可以咁好食未食完即刻再叫埋個抹茶味，驚死佢賣晒無得試😂 結論我鍾意抹茶味多啲💚 好濃唔係得個甜字嗰種好假嘅味臨走見隔離枱叫咗飯團，似係黎食開嘅熟客，下次再黎都試下佢飯團先…查看更多

食過家後煎餃真係覺得好似天下無敵諗唔到邊間好過佢....芫茜餃溝豬肉好香好正 我，估唔到洋蔥餃都好 juicy 冇得彈，三日不知肉味 老闆好有禮貌 ，我話出面有客不如我拎開個背囊啦，老闆話唔好唔好 我諗自己諗辦法 ，香港今時今日有咁好嘅態度難得難得。我好鍾意食佢嘅蛋糕，所以今日又叫咗個紅桑子 芝士蛋糕 味道真係一流。跟餐叫咗個咸檸七， 原來只需要 12蚊雞。今日嘅豬手好入味， 幾舊都非常淋 ，所以 差唔多我每次嚟都會叫同樣 一碟大大 o肯吃。…查看更多

🧅洋蔥豬肉煎餃（$44）🥬芹菜豬肉湯餃（$40）💚開心果芝士蛋糕（$35）小編完全係為咗cheesecake入嚟，點知餃子都好食！餃子夠大粒，外皮夠薄，煎餃同湯餃都各有特色~湯餃嘅湯底係清淡嘅粉葛湯，feel到家嘅味道，但鐘意食香脆嘅可以揀煎餃，食得出係即叫即煎🥟個cheesecake真係無令我失望！只係店主諗法好搞笑，小編去到見到「蛋糕售完」呢個牌就以為無得試，但就不停見到有人落單，原來呢個牌同有無係無關係😂店主話只係唔想啲人嚟到無得食失望所以貼定先😂（errr唔明 but理解xd）講返個味道先，蛋糕creamy又重開心果味，重點係好抵食😭😭小編會為咗巴斯克蛋糕再返去的~…查看更多

嘩！今日帶大家嚟到一間隱藏喺小街小巷、充滿住港式風味嘅餃子店呀！🥰 呢間小店雖然唔係好大，但係感覺好親切，好似返咗屋企咁！今次嚟到，我哋鎖定咗幾款聽講好受歡迎嘅餃子同埋一個甜品，等我呢個為食貓同大家報告吓有幾正啦！首先隆重登場嘅係「洋蔥豬肉煎餃」🥟！嘩！一碟上枱，個樣已經好吸引！每隻餃子都煎到金黃色，個底仲有少少焦脆嘅裙邊添！睇見都流晒口水！🤤 夾起一隻，個底硬淨得嚟又帶點彈性，咬落去嗰吓，真係聽到「咔啦咔啦」嘅清脆聲，超治癒！入面嘅餡料係滿滿嘅洋蔥同豬肉，洋蔥嘅甜味完全滲入晒豬肉度，令到成個餡料好鮮甜，而且肉汁超多，一咬落去就爆晒出嚟，真係juicy到不得了！配埋店舖特製嘅辣椒油同醋，簡直係天衣無縫嘅組合！呢個煎餃真係令人食到舔舔脷呀！食完香口嘅煎餃，嚟個清淡啲嘅「雲耳椰菜豬肉餃」！呢個我哋揀咗湯餃。餃子皮好滑溜，晶瑩剔透咁睇到入面嘅餡料！咬開佢，入面有好多切得細細粒嘅雲耳同椰菜絲，同埋鮮甜嘅豬肉。雲耳食落去有QQ地嘅口感，椰菜又好清甜爽脆，同豬肉嘅軟滑形成咗好好嘅對比，食落好有層次感！成個餡料好清新，唔會有肥膩感，食多幾隻都唔怕！湯底都好清甜，飲埋個湯成個人都好舒服，好適合想食得健康啲嘅朋友仔呀！💖估唔到呢度除咗餃子正，連甜品都有驚喜！最後出場嘅係「手作芝士蛋糕」🍰！雖然係餃子店，但呢個芝士蛋糕完全冇令人失望！佢嘅賣相好樸實，但一切落去就feel到佢嘅實在。入口嗰吓，哇！芝士味超香濃，質地係屬於比較實淨同creamy嗰種，但又好滑順，唔會乾爭爭。甜度啱啱好，唔會太甜，食完餃子再食呢個芝士蛋糕，真係一個完美嘅句號！為今次嘅美食探險畫上一個甜美嘅Ending！…查看更多

剛好在中午時段到來深水埗，想買生水餃回家煮，店主聽了外賣沒有反應，另一個侍應剛打包生水餃後，跟她說要外賣，只是悔氣說沒有便彈開!!! 惟有問另一個侍應幾點有得買，又係冇反應，再問店主，悔氣說你睇我咁多客，等過了午市，2-3點先算！眼見客是有，不算多，另外，不是一早包好水餃應付午市需要嗎？工作能力真差!!! 曾經試過他們的水餃，有的可以，有的不行！但咁嘔血嘅服務態度，就算有得食，都頂住條氣，真係冇下次!!!…查看更多

之前聽過呢間小店好耐，終於有機會試下！唔係好肚餓，所以淨係嗌左8隻煎韮菜豬肉餃+上海麵+原味芝士蛋糕兩個人食煎餃煎得好好，煎得乾身，外脆內軟😋餃子皮做得好薄，但又唔會穿😳味道方面都好香韭菜味，好食！上海麵就係普通豬骨湯底，唔係佢間鋪嘅重點，但放心，唔會伏😂芝士蛋糕係經典嘅巴斯克蛋糕，做到中間流心嘅效果，有芝士味但又唔會好膩，坐喺到一個鐘見到兩個人特登黎呢度淨係食芝士蛋糕🤣聽到有得訂開心果芝士蛋糕，下次黎要試下！…查看更多

經過想買外賣， 一打開門想問已feel 到一股殺氣。 點知真係中晒招， 無。。 無。。無。。 連等緊外賣的一位小姐， 都話剛才奶過野， 不過想食又比左錢唯有啞忍等等等今時今日點解食店都可以咁串，難怪個個都北上…查看更多