家嫂

營業中

休息中

11:30去到，有職員喺度準備緊，叫咗幾聲都冇人應，你寫得11:30開，你11:30之前你就應該要準備好晒啲嘢，但係佢哋仲喺度做緊事前準備，又唔帶埋位，等咗5分鐘，叫我哋自己搵位坐，亦都唔叫我哋做安心出行，第一次嚟亦都唔知道佢個做法係點樣，我哋就一直坐咗喺度等，真正埋黎講解已經11:50幾分，到頭盤到，已經過左12點，但係仍然當我哋係11:30入場， 呢半個鐘，我哋完全係蝕俾佢，但係環境係真係幾好嘅，但係好明顯係金玉其外，外觀唔錯，裝修得好靚，但係睇啲櫈邊就見到好多污糟嘢😱講返食物，我最欣賞係佢一開始嗰個花生，好好食🤤之後嗰幾款小食，我都覺得好一般，但係天婦羅翠玉瓜幾好之後刺身合格然後就係雞煲，煮咗一陣之後有個員工走過來炒咗兩炒，之後話食得㗎啦，但係。。仲生架😱嚟到呢度未打邊爐之前其實都差唔多飽飽地其實所有嘢都一半，之後最唔高興嘅係我訂枱嗰陣時明明同我講$278一位加一，去到就突然加價，話298加一，我覺得你要加價冇問題，但係我book枱嗰陣時係278 ，上到嚟食就298，非常嬲真係佢有幾個湯底，但係熱門嘅湯底全部都同你講無架啦，叫其他啦，花膠老火無，濃牛肉湯無，芫荽皮蛋冇，今日真係，

今日去家嫂食，食物質素一般，但最主要想寫既係，臨食到最後嘅時候，服務員開始執嘢，但位置係櫈貼櫈，點知個服務員係櫈中間傳遞食物，啲食物跌咗落我身後，服務員仲話冇野冇野。最後未到交枱時間，已經開始執嘢，仲要同我哋講夠鐘交柯枱。又唔係平，但服務態度不佳，唔會再食。

用到誇張黎形容真係唔誇張的…同朋友一行八人黎到家嫂打邊爐，一班朋友相聚傾下計🥸店鋪環境舒適唔會逼打邊爐前一定有啲開胃小菜呢度嘅前菜有十分多選擇，分別有蝦多士、螺肉、茄子、黑糖糍粑、皮蛋、花甲，款款都可以無限refill😍忍唔到口既話真係未食主菜都食飽左食完小菜就會上刺身船，只要5人或以上就係呢款大既刺身船，刺身就無得refill啦，有三文魚又甜蝦呢啲基本刺身，然後有成板海膽..好誇張雞煲嘅雞係可以無限refill，食完又可以加食完又可以加…好誇張打邊爐揀左花膠湯底，有十分多海鮮選擇，有鮑魚、象拔蚌、大花甲等等

1. 地方整齊職員有禮2. 飲品選擇款式多，好多係自家制，例如竹庶茅根麥冬茶，檸檬薏米水等等，全部都唔係好甜👍🏻仲有汽水同紙包茶選擇3. 火鍋醬料款式挺多，普通鼓油、麻醬、沙爹醬當然有，仲有炸紅葱油、泡椒油、黃椒辣醬、泰式酸辣醬… 好多款式4. 入座之後，職員好仔細咁講下今餐有咩食，除左刺身，小食炸物、雞煲、火鍋配料都係任食，包括海鮮。放題食兩小時，食物都黎得好快，食完雞煲，火鍋又到，湯底都真材實料。差唔多夠鐘，職員仲問左幾次有冇需要加野食，跟進工夫做到好足。間唔時又叫我倒下骨，清碟都清得好快但唯一唔習慣係落野食要叫職員加單，冇得自己QR點餐。同埋甜品得雪條冇其他可以揀我今日5點入座連加一，$360 位，我覺得超值

我地8個人食 真心難食 個湯超咸 個男員工態度又差 好似殺左佢全家咁 $400/人頭好貴 仲要受氣 海鮮好一般 牛肉 豬肉都唔好食 真係得打卡用 唯一可取之處係個野飲ok lor 野飲幾好飲…首先要等一大輪 差唔多等左60分鐘先有得食… 刺身普普通通 唔算難食 之後就雞煲 都ok ga, 之後就係個湯底咸到要係咁加水 但個男員工仲要好串咁唔肯加 全部都好串 態度好差 野食得好少選擇 主要係海鮮 但唔算好食 之後丸反而ok, 牛肉豬肉都唔好食 食落無味的 可能個湯太咸喇

難食，款式少，服務態度差貴食，夜晚人均$427，冇任何野值得讚賞🥲好失望的一次體驗，睇相有海膽，黎到冇，隻刺身船就好大，刺身勁少🥲🥲不知所謂，雞煲冇火喉，唔算得上好吃，火鍋算好少少….啲菜除左生菜，娃娃菜同菜心都好老，娃娃菜仲苦味…性價比勁低！唔明點解會有咁多人🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️希望大家睇到個post之後3思而後行！搞唔掂…咁既質素其實係大把選擇….…

刺身舖就見得多，火鍋同雞煲都唔少，但係三合一既餐廳真係唔多。去旺角行街見到個名叫家嫂都幾有趣，心思思就像試下。餐廳環境係中式風格，頭上盞吊燈係花既形狀，幾靚下；不過衛生就唔係幾好，地上同埋檯面都有D污糟野同食物未清理乾淨。食物方面，蝦多士同皮蛋都算ok，我自己唔鍾意食皮蛋但朋友話OK食得落。雞煲味道幾好，但仲落左蜆落去，增加唔少鮮味，雞肉肉質夠嫩，份量一般。之後到火鍋，湯底正正常常，配料大多係海鮮，鮑魚同蟹都好大隻，好滿足。價錢唔算平，但整體味道份量尚可。

呢度就算平日都係相當爆滿, 所以黎之前記得卜位呀😉 醬料: 好多選擇, 款式都好特別, 印象最深刻係自家製辣椒油同埋海南醬真係好惹味😌 飲品: 絕對係真材實料, 除左平日飲開啲茶類同汽水之外, 仲有大概8️⃣款自家養生飲品, 個人最鐘意係酸酸地幾開胃既西柚蘆薈茉莉茶同埋清甜下火既竹蔗茅根😍 另外仲會有架酒車推出黎俾大家任飲紅白酒添🤩小食: 酥炸蝦多士好彈牙, 炸粉夠薄同夠鬆脆, 值得encore😉 仲有螺肉沙律, 蜆肉, 酸薑皮蛋同埋超級好食既紅糖糍粑, 炸到啱啱好, 煙韌既糯米包住流心既紅糖漿, 好食到停唔到口🤩刺身: 食落好鮮味同好厚身, 絕對唔係流野🤓雞煲: 揀左小辣, 雖然唔算太入味, 但係雞肉都幾嫩同埋唔肥, 配埋好香既芫荽同埋索曬汁既豬皮超正🥳 想食多啲既係可以加雞嫁😎火鍋: 總共有5️⃣款湯底可以揀, 今次試左個相當濃郁既家嫂花膠老火湯鍋, 而配料就有三色手打丸, 極上牛肉, 海鮮拼盤, 餃子, 炸魚皮, 黑白腐竹等等既配料😚 海鮮拼盤既海鮮相當鮮味, 特別係鮑魚同埋生蠔最出色🥰 另外三色手打丸都相當用心三款口味都相當特別, 完全唔係平日出面就咁買到果啲😙甜品: 皮好薄, 餡係好

一行5人去’家嫂’食晚飯埋到枱，個地下有少少少污糟😅有上一手跌左落地嘅食物殘渣，仲要比人踩過黎，搞到個地下係立痴痴的不過位置算係坐得舒服，唔會話同隔離枱好近同好迫開場首先有刺身船都鮮味，新鮮嘅然後就上左個雞煲，都係一般雞煲嘅味道，唔見得話好出色眼見其他配料嘅選擇真係唔多，老老實實係有少少失望，因為價錢唔算話好親民。我仲覺得略嫌有少少貴，人均每位加埋一就已經過四百蚊，出面有好多咁嘅形式嘅雞煲打邊爐再包你刺身都唔洗咁嘅價錢。如果味道又係同出面其他店差唔多嘅，就唔洗喺你呢度食了。

見佢間鋪都唔難book就諗住試下，間鋪頭環境OK，不過個雞煲就一般般，而且一d放題嘅feel都冇，全程係職員落單，而且就算你叫佢落，個職員都要睇下你嘅食用速度而決定幫唔幫你落單，開頭d服務都OK，不過仲要未夠鐘就已經催你離開，呢樣嘢就比較難d接受，我d食物都未食完，而且仲有10分鐘先夠鐘，但係職員就已經推架執台車係你面前執走台d食物，真係感覺好差，有得選擇都唔會再幫襯，各位都要慎重考慮，先試丫！！

之前朋友介紹我到家嫂打邊爐🫕， 今次終於有機會食到， 我們一行四人🤩，預早打電話到餐廳訂位，位於旺角西洋菜南街74-84號旺角城市中心4樓。 星期六的晚上，店內超多人😍，坐低不久店員會為我們送上小食( 蝦多士、紅糖糍粑、螺肉沙律、蜆肉和酸薑皮蛋) ， 然後到刺身和惹味雞煲， 食完雞煲之後就到打邊爐時間， 我們要 養生花膠菌香湯鍋，火鍋配料有極上牛肉、 海鮮拼盤、手打丸、 餃子、 炸魚皮、韓國麵和蔬菜組合。 飲品方面有自助櫃提供罐裝紙包飲品和自家製手搖飲品，最開心是酒車，有紅酒白酒任飲。 甜品有番薯糖水和雪條。🔸小食( 蝦多士、紅糖糍粑、螺肉沙律、蜆肉和酸薑皮蛋) ～ 幾款小食都好有水準， 我喜歡蝦多士香口好味😋， 還有酸薑皮蛋味道濃郁又流心。 🔸刺身 ～ 刺身有幾款，全部都新鮮👍🏻。 🔸惹味雞煲 ～ 雞煲我們點微辣， 雞件嫩滑， 仲有豬皮和蜆肉🤤， 辣度適中。 🔸養生花膠菌香湯鍋 ～ 好香菇菌味， 湯底清清地同海鮮幾夾。 🔸手打丸、 餃子、 炸魚皮、韓國麵和蔬菜組合 ～ 實在太多嘢食， 食到手打丸和餃子都已經很飽， 推介手打丸， 口感爽而彈牙✌🏻。 🔸極上牛肉 ～ 可以揀豚肉或牛， 我

近排聽朋友介紹呢間任飲任食海鮮火鍋店，高質到要密密食，誇張到呢，咁我就一於book定枱試一試😏🍽刺身一坐低就成盤送上黎，打卡一流，大大盤，但可惜呢個係冇得任食嘅🥲🍽前菜小食要讚下個蝦多士，好食，炸得香脆，蝦膠嘅份量都唔少，仲有就係黑糖磁巴，好好食丫🤭，佢係黑糖做涵，一d都唔會過甜，一定要新鮮食，其他小食就正常啦🍽雞煲味道正常，唔會好突出，但會比出面雞煲多左蜆去配搭🍽火鍋材料都會有牛肉，丸，餃子之類，都係正常品質🍽重點推介，海鮮要讚嘅係海鮮，款式又多，有蝦，蠔，蜆，鮑魚，魚片等，d海鮮都好新鮮，因為我哋食早輪，所以冇蟹🥺，聽朋友講，d蟹都好好食，仲要係任食，所以鍾意食海鮮嘅朋友一定好抵食整體佢食物都係正常，野飲選擇都多，但就時間比較緊湊家嫂 (旺角)旺角西洋菜南街74-84號旺角城市中心4樓#hkfoodie#hongkongfoodie #hongkongfood #hkfood #香港火鍋 #香港美食#旺角#放題

呢度主打雞煲海鮮火鍋放題，任食海鮮。除左有新鮮海鮮刺身，雞煲，一般火鍋配料，仲有小食、甜品、果茶，一次過滿足你N個願望🤤海鮮拼盤鮑魚、大蝦、蟹、蠔、蜆、魷魚、珊瑚蚌整體都好新鮮鮮甜，鮑魚同蝦仲識郁，有部分花蟹都有好多膏。海鮮任叫，當然要食多d回本喇🫢。刺身鮑魚、甜蝦、裙邊、三文魚、吞拿魚、章魚、帶子、海膽。海膽唔算好苦，還可以，三文魚比較淡，其他刺身質素平均正常。翡翠蚌沙律食落爽口，但唔太食到蚌既鮮味，俾芝麻醬蟹籽蓋過。松露蝦多士必試小食，咬落外面脆，入面蝦肉彈牙，充滿蝦既鮮味，加埋松露醬食落幾香。紅糖糍粑咬落軟糯，唔算太甜，味道唔錯軟硬適中，不過食一粒已經好飽。整體來講，海鮮、小食、酒水果茶呢度係做得唔錯，但雞煲同火鍋就比較普通d，肉類同配料唔算特別好食，如果重視打邊爐質素既朋友，就未必滿足到你喇～不過$440/位，有咁多野食，海鮮任叫，價錢都算合理。呢度主打雞煲海鮮火鍋放題，任食海鮮。除左有新鮮海鮮刺身，雞煲，一般火鍋配料，仲有小食、甜品、果茶，一次過滿足你N個願望🤤海鮮拼盤鮑魚、大蝦、蟹、蠔、蜆、魷魚、珊瑚蚌整體都好新鮮鮮甜，鮑魚同蝦仲識郁，有部分花蟹都有好多膏。海鮮任叫，當然要

同朋友第一次去旺角食家嫂，地點方便，近地站。一早己訂坐，7點去到，都坐滿幾多人。環境唔錯，唔會太迫。這間不用點菜，會主動上食物，依次序上，小食，刺身，雞煲，海鮮。食物方便：小食，份量都幾足。大概有5,6,樣，可每樣試下。之後刺身，刺身新鮮，有海膽，三文魚等等，附上乾冰裝飾，但不能添加。再嚟雞煲。雞煲入味。最後上火鍋，有海鮮牛肉，海鮮有鮑魚，貝殼類等等，可以添加。海鮮新鮮好味。牛肉亦美味，沒有雪味。可惜食完雞煲後，己有差唔多飽，所以沒有添加。如食量唔多而喜歡食海鮮的話，可以不要上雞煲。最尾有甜品亦不錯。連加一每人4百多，唔平，但總括黎講，值得一試

今日team building🥰好彩五月頭嘅時候已經打定去book枱🙆🏻‍♀️有得坐圓台❤️不得不講今餐絕對高質😝無論係魚生雞煲定打邊爐都食唔停口🤤🤤雖然一開始等佢魚生船係有啲耐勝在呢度啲阿姐好識做係咁比前菜我哋食同勁好招呼👍🏻又不停提我哋可以出去雪櫃嗰度拎嘢飲🤭魚生船🫶🏻質素比想像之中好🌟海膽仲一啲都唔臭幾新鮮😍前菜嚟咗六七樣🐽🐽最鍾意食佢嘅蝦多士同埋黑糖糍手👍🏻另外有一個麻醬翠玉瓜都幾好食感覺好似食緊茄子咁幾特別🥰麻辣雞煲💃🏻雖然唔夠一品好食但係都唔錯肉質夠亂口惹味不過勝在入邊好多料又有大蜆豬皮花膠.....不過美中不足係我自己食到舊雞有碎骨插咗落牙肉度勁痛😢海鮮邊爐🫶🏻一嚟就上咗兩盤勁多嘅海鮮🥰啲鮑魚新鮮到佢哋仲係識得郁👍🏻肥牛肉味幾好油脂分布都幾靚我哋幾個人前後食咗五碟🤣跟住侍應仲問我哋鍾唔鍾意食蟹佢就俾咗一碟我哋❤️完全冇想像過蟹鉗都有我哋隻手咁大🤣🤣手打丸都唔錯同埋不得不讚佢哋嘅餃子勁好食🤤不過就好衰係每次嚟得3/4粒但我哋有八個人每次都唔夠分講返佢有個雪櫃係任飲嘅但係去到未夠10點個雪櫃啲嘢飲已經冇得7788🤷🏻‍♀️不過如果你係飲開紅酒白酒嘅去呢度會有架車巡迴咁問你要唔要飲酒🤣