家嫂

營業中

休息中

#MC帶你去旺角.最新天氣開始轉涼，又係時候約埋一大班朋友火鍋打邊爐。➖✨ 家嫂.餐廳主打晚市無限時d海鮮火鍋放題，雞煲、新鮮刺身拼盤、蒸海鮮、海鮮拼盤，更設有自助飲品區；火鍋配料有30款以上，可以無限追加！➖🅰️ 環遊海鮮．火鍋放題｜$438.▶️ 小食｜任食▶️ 刺身▶️ 雞煲｜任食▶️ 打邊爐及海鮮船｜任食海鮮及火鍋配料▶️ 任飲所有飲品（包括酒精類飲品）➖🅱️ 無限時火鍋放題｜$298（週末及假期｜$328）.▶️ 小食｜任食▶️ 雞煲｜任食▶️ 蒸海鮮▶️ 打邊爐｜任食火鍋配料▶️ 任飲非酒精類飲品（每位+$20 可任飲酒精類飲品）➖➖➖➖➖➖➖➖➖➖➖➖➖➖➖🥢 滋味食評.晚市無限時任食任飲，最早可以五點半入座。未齊人可以先享用家嫂小食，冷盤熱食都有，可以無限追加；雞煲雞件偏細，骨多過肉，但罕有地有雞腎片；蒸海鮮略嫌簡單，每人只得兩款海鮮，但勝在味道不錯；火鍋湯底味道鮮甜，可以先飲湯後打邊爐；B餐一樣有海鮮拼盤；火鍋配料就正正常常；其中，溫室竹笙就有啲驚喜！原條竹笙！➖➖➖➖➖➖➖➖➖➖➖➖➖➖➖🥢 即叫即製小食｜無限添加.胡麻羅文芯生菜｜沙薑豬手｜經典沙律炸雲吞｜招牌炒蜆｜原汁原味煮什菇｜紅糖糍

同事吃過後不停大讚, 所以早在一個月前已經訂了位, 到來之前一刻看到差評倒不少, 突然心感不妙 😅任食無限時火鍋套餐 $480由於同事訂枱, 所以我不太清楚我吃的是那一個餐, 總之就由5時半或者6時開始入座, 一直吃到10時 (收鋪時間) 為止。 食物是放題式, 同事之前吃過主要以吃海鮮為主, 只要夠5個人就會送一隻刺身船 😍 裡面有海膽, 帶子, 三文魚, 魚子醬等等, 船隻很大很IGable, 最喜歡就是中間的藍色波波 🤪在這個AI世代裡沒有掃QR code下單已經夠令人驚訝, 連自己填紙仔都沒有, 就是每次要叫staff下單, 所以根本不清楚到底有什麼可以吃 🙃 而且餐廳這樣也可以控制大家下單次數。另外不知道是否海鮮才有限制, 總之每次下單都只可以點人數數量, 這個倒不能接受 😐除了刺身船, 都會先送一碟牛肉, 牛肉色澤亳不紅潤, 單純肉眼所看會以為是豬肉, 全無吸引力 🙄 我試了一塊就停止了, 牛肉肉質粗糙, 還有輕微羶味, 所以大家都機乎沒碰過這碟牛 😶 我們點了很多次, 每次都是點鮑魚, 蜆肉, 蟶子, 珊瑚蚌, 珊瑚蚌同事超愛吃, 但我覺得比較普通, 鮑魚不錯, 厚身煙韌

Now eat frequently have to see whether one has a limited time occasionally a few friends gathering really eat to talk can't say two words and stated the time is extremely ghost unaddicted.  Taste is not terrible sort then comes the sashimi really startled very big very exaggerated, although seaweed is also delicious chicken pot is nonetheless not lost.  Finally, the hot pot soup is wonderful. Food is good.  All you can drink can also pick wine handshake cocktails are not awful ice cream is calle

好耐以前大埔有間家嫂，食過覺得唔錯，點之今次真係好好好好失望！.食貴餐，$438+10%一坐低order啲小食，等左好耐，其實上雞煲上湯底時間都好耐😑，看似5點食到10:30，好似好抵，佢咁樣拖餐法真係食到好灰.講返食品質素，真心差，依個金額去食啲高級放題都無咁嬲，啲手切牛，同佳寶質素一樣，佢只係卷左好靚一卷卷😑，佢話手切牛食一之，之後上左點普通牛，根本兩碟都無分別，無牛味架，依個價錢食依個質素真心好失望.最尾last order 上野又上得好快，真心覺得間野好黑，絕對唔會再幫襯！

年初三不怕赤口，同朋友食餐團年飯一班人出街食飯經常都雞啄唔斷，所以要搵間可以坐得舒舒服服同埋不限時既餐廳，朋友仔呢次就揀左旺角既家嫂餐廳位於一幢大廈入面既4樓，地面入口比較唔顯眼，真係要睇住Google map先搵到室內設計走中式風格，燈同屏風都係中國風，新年期間仲掛上紅燈籠點綴埋位坐低就可以揀左小食先啦，全部都任食架‼️松露蝦多士 👍推薦，又香脆好食沙薑豬手鹽 ☑️唔錯，醬汁配搭得好好鹽燒雞中翼 ☑️炸出黎又熱又脆陳醋小籠包 ☑️幾好食沙律炸雲吞 👍推薦，上面仲鋪左三文魚籽同沙律𠮩𠹌溏心皮蛋 👌唔知係咩意思，不過賣相好精緻紅糖糍粑 🤏普普通通，幾煙韌蜜糖芥末醬燒青茄👌可以試下椒鹽白飯魚 🤏正常水準雪櫃仲有多款飲品同啤酒，先拎咗一杯蘋果雪梨茶，手掌咁大個杯，估唔到飲咗幾啖就冇曬，一開蓋睇真係真材實料😳起碼有半個蘋果同幾片雪梨係入面 推薦👍👍朋友仲叫咗杯鴨屎香檸檬茶，夾出嚟嘅檸檬都有成個唔係幾片😂不過甜度就冇得揀已經固定咗，太甜就要自己加水開胃菜食到咁上下，店員就話可以上個刺身船啦起初仲以為係隔離枱面嗰碗，點知。。。😳😳😳真係由兩位店員抬隻枱咁長既船上黎，睇到我地同隔離枱都嘩嘩聲😆好興奮咁不停影

其實本身約食打邊爐，係一件好開心嘅事，但係奈何臨食飯嘅前一兩日員工瘋狂WhatsApp確定人數，又要人揀咗食咩餐先。店員係咁WhatsApp我話要confirm食咩先，我已經話到時再揀，但員工話要預食材，所以一定要揀左先🙄🙄 又係咁send promotion俾我，番工已經好多野要處理，員工又淨係錄音🙄 煩上加煩 🙄 其實雞煲火鍋店都無咁煩。。食個飯姐，又話如果唔回覆確定人數，少左人都會計之前book的人數。 強烈建議呢間店舖參考其他放題餐廳的操作手法，咁就唔使麻煩食客 🫶🏻

而家食嘢好多時都要睇下間鋪有冇限時有時幾個朋友聚會真係食得嘢黎傾唔到計傾得二句又話夠鐘好鬼無癮呢間一直都想試有D人講到麻麻地但我覺得真人唔錯先有無限點嘅小食小龍包蝦多士花螺雞翼好多都好好味唔差個種之後黎個刺身真心嚇到好大好誇張連海膽都有仲要唔錯雞煲就不過不失最後就打邊爐湯底又正食物都唔錯任飲仲可以揀酒手搖飲品又唔差雪條都叫做Ok但$480一個人任食無限時黎講我覺得非常好

今日 farewell 另一個同事，所以就嚟咗呢一間大家食餐飯！一開始係先食刺身跟住雞煲然後海鮮火鍋！鍾意大隻嘅朋友，真係不能夠錯過呢間餐廳！而且氣氛相當好我覺得！夜晚嚟講非常多人，如果下次嚟嘅時候記得book位！佢嘅海鮮非常新鮮，啱晒鍾意食海鮮嘅我，個人嚟講鍾意食佢嘅鮑魚，鮑魚非常大隻，而且嚟嘅時候仲係識得郁吓，真係非常新鮮！而且入口亦都非常好食，仲要係任點任食！佢嘅肉質非常厚身，所以亦都非常爽口彈牙，淨係食鮑魚都回本！雞煲就覺得有少少鹹，同出邊嗰啲冇乜太大分別，大家可以留力食多啲海鮮！貴妃蚌亦都非常鮮甜，亦都係任點任叫必食回本之一，我同朋友都叫多咗兩輪！

又係時候約朋友仔邊邊啦今次揀左家嫂，因為身邊嘅朋友個個食完都話要encore，所以我哋就一試首先，入座… 姐姐招呼勁好，又叫我哋慢慢放好手袋就叫小食食住等朋友，又提我哋拎飲品，最後我哋就試左皮蛋同蝦多士，皮蛋流王架😆😆蝦多士好足料 ，好好味🤩🤩之後朋友陸續到齊，有職員就講解今晚食嘅流程食左小食，就食刺身了，刺身不得了，係成隻船咁抬上台，樣樣都好好味，好新鮮之後就食雞煲，雞煲好入味，豬皮都好味最後就係打邊爐，我哋預留左花膠湯… 都好多花膠仲有仲有，就係甜品，每人一碗杏汁蛋白，我好鐘意杏汁關係，飲埋朋友個份整體：下次會再來

之前睇樓下啲評論有好有壞，又有熟人推介話幾抵食，所以想試下佢。估唔到食到最後係煲火鍋到撈到隻“曱甴”，同啲員工講，過左好耐先有人處理，中間有個員工想拎走煲火鍋。後來有人話幫我地換過兜，但我地都已經食飽，我地話唔洗換，佢就問我地想點，之後就走左去。再過一陣都係冇人黎，我地又再問佢地點處理件事。等啊等，終於有個企係reception既員工走過黎道歉，話會同公司反映。曱甴問題需要解決，睇樓下食評已經唔係第一次！

一齊工作左幾年嘅同事兼朋友即將離港，三五戰友決定食好西同佢farewell。其中一個吃貨就推薦左呢間「家嫂」、仲閃電式咁訂好位。第一次喺呢間餐廳用餐，並且無 了解過呢間係食咩嘅餐廳嘅我，第一個到達。唔需要等齊人已由侍應帶領安排入座一張可以坐8-9人嘅圓枱，侍應一再確認用餐人數，提我袋可以放窗台，並率先同我介紹佢地嘅自助飲品櫃、自助醬料區，細心提醒我可以攞住嘢飲先。令我未開始食就已經喺佢地嘅服務上加左分。喺等緊人齊嘅期間，侍應先後兩三次同我講可以食住小食等、可以上住小食俾我先。之後，朋友陸續到齊，嗰時先知有個唔舒服嚟唔到，同番侍應講佢地完全無介意，態度非常好👍🏽。後來我先知原來刺身係跟人頭數，所以我一坐低就要一再confirm，等佢地準備。飲品方面，佢地嘅飲品櫃，除左一般嘅罐裝汔水啤酒，仲有餐廳自制嘅特色飲品，我試左佢嘅洛神花百香果西柚茶、鮮菠蘿香芒特飲同椰青水。洛神花百香果西柚茶偏淡唔夠香，似係溝得太稀。三樣裏面都係椰青水最正常。另外，一路用餐嘅時候，會有侍應推住紅白酒嘅車同你要唔要，所以飲品選擇嚟講都算多。食物方面，餐廳有幾款唔同嘅小食提供，其中蝦多士同蜆都不錯，而且係任添任食，但建

位於旺角既家嫂絕對係我印象最深刻既火鍋餐廳 , 雖然係放題，但材料比外面單點既更新鮮而且足料 , 基本上我地食完第一輪都已經飽曬一坐低職員就會拎啲小食俾我地食住先 , 驚我地肚餓 , 小食種類都算多而且係幾好食 , 有蜆、蝦多士、皮蛋等等 , 唔係俾幾碟花生魚仔應酬下就算 ...除咗小食外，出面都有飲品吧同甜品吧俾客人自己選擇，佢既飲品除咗罐裝之外，仲有養生茶選擇，擔心打邊爐既時候食得太肥既朋友，建議可以飲下佢既茶，有幾款有啲紅棗、桂花喺入邊，絕對足料刺身 大部分常見刺身例如帶子、大蝦、油甘魚、八爪魚，樣樣都好新鮮仲有海膽 , 海膽好鮮甜冇腥味 , 超級豐富不過刺身唔係任食，計人頭俾返相應嘅份量雞煲可以揀不同既辣度，幾入味，雞仲可以refill食完雞煲就會揀湯底打邊爐 , 我地揀咗椰子雞鍋同牛肉(可選豬肉) 有勁多配料 , 包括海鮮拼盤 , 海鮮拼盤有鮑魚, 蟹, 桶蠔, 扇貝, 蜆, 魷魚, 蝦等等配料鍾意食海鮮嘅一定唔可以錯過 , 啲蠔好大隻而且仲會有魚皮 , 烏冬 , 手打肉丸 , 蔬菜盤 , 水餃2款 , 真係捧住個肚走

有朋友介紹話好食，又好難book，難得有朋友book到就一行十人去試下。餐廳環境麻麻，枱面同地下都有少少痴痴的感覺。員工服務態度都一般，愛理不理。整體食物味道可以，唯一感覺前菜小吃種類都算多，刺身船好有打卡感覺😂壯觀！但加埋一都要$4xx，海鮮又冇特別好新鮮，就覺得貴左少少呢！

第一次聽餐廳不提供熱水，食完刺身想飲熱水，問樓面帶眼鏡扎馬尾姐姐拿熱水，黑面回答沒有！餐廳的服務水準讓我很失望。餐廳的員工態度冷淡,沒有禮貌。到10點後便開始截單，加單后亦比唔足。如order肥牛3碟，只上了2碟。亦沒有任何交代。冇來就算。食物種類尚可，海鮮為主。食物味道尚可,但湯底極咸，建議不要叫花膠湯底。餐桌上的環境卻令人感到不舒服。這裡明顯缺乏管理,缺乏對客人的重視。星期日只坐一半客，生意一般有原因的。

食過咁多次呢類型放題呢間真心賣相相當吸引環境相當舒服又乾淨又闊落無壓迫感員工態度好服務好第一輪小食上檯好多選擇味道都唔錯第二輪刺身賣相吸引鮮味一般般要求唔高都接受啦第三輪雞煲上檯見到啲色好淡唔似平時食開嗰啲咁深色濃郁嘅味道真系入口淡到無味食左幾舊雞就叫人攞走佢快啲打個邊爐先上檯賣相好吸引嗱嗱淋食肥牛先都幾好唔錯成堆海鮮無樣得唯獨是尤魚叫爽口啲其他我系邊食邊掉食到成口沙我以為咬崩左隻牙啲蟹梅嘅啲丸同水餃都系咸嘅成餐飯掉多過食囉最後想飲杯嘢啫見咁多人飲唔會中招啦一啖無下次囉連啲調味醬料都出事真心請我去都唔會再食服到無朋友囉