家嫂

營業中

休息中

第二次光顧但服務有天地之差 1. 服務敷衍不專業 刺身數量不足, 向侍應表示有不足, 但侍應表示不是每款每人一件的, 是司傅比幾多件就有幾多件, 友人已多次光顧, 所以表示每次黎都是每人一件的, 但侍應堅持不是一定每人一件, 我地因不想破壞好友相聚, 所以並沒有繼續追究, 但到埋單時多口問另外一件侍應, 佢表示係一定每人一件的, 佢重話可以補返比我地, 我地表示不用了, 只係想得個明白! 該位侍應整體態度都係敷衍和不太親切友善! 2. 火煱有曱甴到打邊爐時發現煱中有曱甴, 該位待應還意圖說服我地話不是曱甴, 但有圖有真相, 佢不能否認後和其他侍應一起幫我地換過另一個煱和其他餐具! 結論:本身第一次光顧後的經驗很好, 所以很欣賞侍應的親切和專業態度, 但第二次的經驗已令我同友人沒有再想光顧的想法了!

朋友聚會，個個意見多多！又想食雞煲又想打邊爐，食家嫂就岩晒啦！有前菜，刺身，雞煲， 火鍋，任飲任食😁😁。首先會上前菜，有蜜汁雞翼、炸茄子🍆、螺頭、 腐竹木耳，蝦多士🍤，全部人頭計，唔使搶🤣前菜好食，有誠意，食完仲可以再加！ 醬料係調味區，自取！雪櫃除咗唔同種類嘅汽水🍹🥛☕🥤，仲有檬薏米水、竹蔗茅根、 紅棗龍眼水等等，全部自家制。食完前菜，齊人上刺身，好似食放題咁擺到靚一靚上😋😋😋再上埋雞煲，辣度可以揀，雞煲係任食，所以未食夠仲可以加。雞煲店🍲通常食完雞煲會直接加湯，呢間會換湯底，之後上海鮮🦀🦐、肥牛🐮、蔬菜🥬🥦🌽～飽到捧住肚走😋😋😋個個都好滿意，話下次要再食🤣

餐廳嘅位置喺旺角，主要係食放題雞煲刺身😀 今日約埋班朋友去試吓，餐廳首先會送上一大盤刺身，三文魚非常厚切，食落去非常肥美😃 帶子來講都非常新鮮，吃得出鮮甜的感覺😁 之後會送上雞煲，雞煲我哋叫咗小辣，雞件每一件都非常鮮嫩，再配埋辣汁，非常不錯喔😗😗 再加埋豬皮爽口彈牙☺️ 食完雞煲就會有海鮮火鍋，海鮮種類非常多，我最鍾意食嘅係鮑魚珊瑚蚌，珊瑚蚌出邊食都唔平，呢度竟然有任食！我哋食咗兩三轉！鮑魚都非常新鮮，每一隻都仲識得郁！最後我哋仲飲咗白酒🤞🏻 非常滿足

本身係朋友講起先至知道呢一間火鍋店係性價比好高，朋友半個月前訂座，成功訂到位一大班人慶祝生日！一到達餐廳，七人同行嘅預約，得兩個人早到，於是兩個人就先食前菜，前菜有子薑皮蛋、蝦多士、齋菜、炸、炒蜆，仲有嘢飲櫃可以拎嘢飲。好驚喜嘅係，餐廳好有心思有手搖嘢飲選擇，分別有竹蔗茅根、西瓜汁、百香果茶、檸檬薏米水等等。注意返前菜同嘢飲都係任拎而前菜嘅蝦多士真係好好食，前後加推咗10幾個！基本上唔需要攞咗條老命係咁食，因為套餐之後仲有魚生刺身、雞煲同火鍋你點都要留肚！到到人齊，就可以上刺身船。侍應姐姐係好好人，先提點對岸嘅一位朋友要拎走枱上面嘅嘢飲，呢個時候大家都好好奇，點解上菜要拎去碗筷前面嘅嘢飲呢？原來刺身算係鬼火咁大隻，直頭可以裝得起幾個人啊刺身方面有大約八樣，我都數唔哂啦！簡而精，刺身蝦超大隻超新鮮，本人係玻璃肚，如果食咗唔新鮮嘅魚生第二日一定會肚痾！仲有大大隻嘅帶子刺身、超厚身熟咗嘅鮑魚、肥美三文魚、濃郁，香甜蟹膏嘅熟麵包蟹、青瓜孩子三文魚沙律、新鮮大大隻嘅生蠔！去到呢個時候其實已經食到飽咁滯，已經唔得閒問佢係咪可以追加不過奉勸大家都係珍惜食物留肚食主菜——邊爐輕輕帶過一題，雞煲可以選擇

一班朋友好耐冇見，有人提議去食這間火鍋店，於是打去Book位，不過要先付$500訂金，真係第一次大家一坐低就馬上去拎飲品，我揀了自家製嘅果茶、竹蓆茅根水等；雖然唔同名，但味道都係一樣，同水無分別。其間會有侍應行過問要唔要紅白酒，不用額外收費，可惜我地有揸車，所以冇飲。前菜有6款，可無限追加，其中松露蝦多士和了能皮蛋我最Like小食後就有2位侍應拿著一隻大船過嚟，原來係刺身，打卡一流吃完刺身就到雞煲出場，雞肉唔太老，而雞煲係任食，不過沒有追加，之後再換特搜湯底，開始食火鍋，我們後加了鮑魚、珊瑚蚌、蠔、貴妃蚌、手打三式丸和安格斯牛肉等；可惜我們幾個大男人食得唔多，大部份都沒有追加，我個人覺得這裡地方環境都ok, 食物質素還可以，但價錢略貴

由於要晚上有工作，剛巧見網上訂枱有1700，就訂了，如果訂咗枱先知原來只有兩小時...這次是第3次幫襯了，食物種類是多的，但1700-1900時段真的好趕，1800 轉火鍋，1830 已cut last order，二小時真的好像倒落肚...另外之前二次食，海鮮火鍋拼盤是有鮑魚及蠔的，今次就冇，然後聽到兩位店員在傾偈時說到是有的，我要加單先比二隻鮑魚我，咁點解拼盤上嘅時候唔俾埋呢？

book枱 就book 十幾廿个人最後三張圓枱仲要分10个，5个，3个。。。🙄都唔係問題個海鮮三張枱都唔同份量噉正常嘅,但係內容唔同就唔係好接受到囉,見到唔同跟住問佢 靚女點解咁多嘢呢張枱都冇嘅？ 跟住就同我哋講 我哋五個人以上先至有鮑魚呢啲ga （os:比較貴嘅海鮮）跟住就行咗出去...心諗噉我唔使book咁多位啦 我出去開兩張枱咪得囉，唔好話內容一樣 但係至少啦！！係做服務行業 你唔識講嘢就收聲啦 仲要嗌人哋阿姐 本身都冇諗住寫上嚟，但係呢一句令我感覺好唔尊重所以嘥時間我都要寫上嚟可能大家覺得冇乜嘢好小事但係個個人感覺都唔同

呢間嘢要一個禮拜前預約 打電話嘅時候，姐姐都好快收線 以為去到態度一定好差 但係有喜出望外我哋嗰日四個人大概7:00去到 等咗陣就入到我哋張枱 唔會話出現等太耐嘅情況 入到去會第一輪擺上幾款唔同嘅小食 味道不過不失 如果下次再去嘅話我會直接叫佢哋唔好上 因為有啲味道真係麻麻 因為主要都係炸物火鍋最好食係安格斯牛肉，海鮮就不過不失，其他食物質素都只係一般，唔係話有同出面好大嘅分別雞煲只係得一份，味道都唔錯，不過好快食晒嘢飲係任飲，我哋就瘋狂喺度飲白酒正如果大家都想一次過試多幾樣嘢嘅 都不妨試吓 價錢都唔係太貴

朋友食過話好食，好難book位，今次預早打電話黎book左7:00pm。侍應話11:00關門，以任食嚟講，是非常有誠意嘅餐廳，起碼唔會限你兩小時就趕你走👍🏽一坐低就馬上拎咗自家製嘅竹蓆茅根水，淡而無味，同水無分別👎🏽。梳打特飲系統就要侍應人手落單，叫左杯巨峰提子菠蘿梳打，正常。最尾試多杯鹹檸七梳打，最好飲👍🏽其間會有侍應行過問要唔要紅白酒，不用另收費。前菜有五款，可無限refill，其中蝦多士、螺頭沙律，好食。由於我們四人，刺身拼盤是細的，見到隔離枱五人以上有超大個刺身船，刺身新鮮。任食雞煲，個雞煲汁調得好好👍🏽，我地refill多兩次。之後再換湯底，book枱時落order留咗家嫂花膠湯底，竟然可以話無哂🙄，唯有轉椰子🥥湯，都唔錯嘅。仲有海鮮拼盤（朋友話可能上次早叫有鮑魚，今次無），不過已經飽到有冇都無所謂。肥牛一般，無乜牛味。

刺身+雞煲+打邊爐，飲品任飲，多元化係吸引。冇食雞煲直接打邊爐。食客係冇得自己落單，服務員態度麻麻，一來就執一set小食比你，唔理你岩唔岩食，冇得㨂。職員又要忙執枱上菜，落單就唔耐煩唔想解釋有咩食咁。牛肉豬肉一般，海鮮ok, 鮑魚花甲沙白新鮮，仲有蠔鱔魷魚蝦蟹，丸類餃子一般。菜類比得份量少，指定咩菜仲剪碎菜比客，冇嚮鈴蘿蔔，得枝竹，養生飲品煲太耐帶苦味。總括黎講唔限時，但職員唔想落單，菜量少，根本不會滿足火鍋迷。服務差過一般酒樓，只此一次，絕對冇下次。聽聞以前質素好，但係服務態度咁樣，真係趕客。

⭐️家嫂放題火鍋⭐️，唔講嘢食講吓佢哋嘅服務態度，真係唔知好嬲定好笑，佢哋嗰啲姐姐問東又答西，又話唔知，本身諗住放題一係就寫字，一係就電子落單，佢同我哋講乜都冇，跟住我哋問佢咁有啲咩食，跟住佢話:米又係嗰啲囉😵😵其實佢哋啲態度又唔係差，只不過好似真係發自內心嗰隻講出嚟🤔🤔之後上菜嘅速度都快，佢哋呢度嘅形式係火鍋放題，但唯獨刺身盛宴🍣，環遊海鮮船海鮮三寶🦐🐚🐙，同埋家嫂惹味雞煲🐔只係得一份，嘢飲方面都係喺出邊任拎，佢哋係自家製涼茶同花茶🍵為主，另外白酒🥂都係任飲刺身方面都幾新鮮，賣相都唔錯，另外海鮮船佢哋有啲貴價海鮮，鮑魚，聖子都有，而雞煲唔食得辣嘅關係，雖然冇咁惹味，但味道都叫唔錯佢哋嘅火鍋配料都唔少，我哋嗌最多次嘅有松露蝦多士🦐，海帶苗🥬，阿古豬🐷同安格斯牛肉🐮，蝦多士外脆內軟，即叫即炸，海帶苗唔係度度有，幾新鮮同埋冇臭青味，另外豬肉同牛肉都係薄片，烚下烚下就食得，質素都可以😌😌

之前見到d相 好豐富 諗住約埋朋友試吓本身book左7位話比圓枱我臨時有一位朋友黎唔到 轉6位去到死都唔肯比圓枱我地又話咩6位唔可以坐圓枱😒心諗 你一早預咗張圓枱比我 仲收咗$500訂點會話6位就冇左張圓枱？咁預訂黎做乜？最後要我地坐長枱 又迫又唔舒服 比我感覺好差！小食正常有個刺身拼盤船for打卡 係吸睛,不過每樣每人得果1件 之後雞煲味道普通火鍋湯底 唔夠濃d肉亦麻麻 有多款海鮮可refill 不過都係麻麻飲品亦一般For影相係ok嘅…你見我d相 好似幾好食但實際味道一般，而且整體服務好差 又漏單 又迫又唔舒服 d食物質素亦比想像中差 依個價位 有好多更好選擇真係一次就夠

每2個月幫襯1次，之前要預早幾日訂枱，宜家喺1月1號walk in都有枱。原因：-服務態度差咗，唔係差，係無之前咁好。-自家飲料淡如水，飲返汽水/酒好過-雞煲再無任加，本身雞煲都唔係出色，宜家連任加都無埋-花膠老火湯底衰過史雲生2023年已經完成咗最後一次幫襯

旺角家嫂這店我認為最大的優點是用餐時間是下午5-11時。不限時，可以慢慢食，同朋友傾下計。可惜……我們一行幾人都不是大胃口的人，很早把火鍋的電磁爐關細了，沒有再吃火鍋。打算吃些小食或者甜品傾偈，大約8:45左右，店員便拿賬單給我們結帳，我們以為方便她工作而且是劃一價錢任食，就先付了。付了款之後，我們問今天有什麼糖水，店員指指出面雪條櫃。因為之前都去過兩次家嫂都是有甜品的，所以我再問另一個店員，也說沒有，叫我拎雪條。然後跟不同的店員嘗試下單餐前小食，幾個女店員細聲討論後決定告訴我們廚房已經收工。眼見廚房一直有出小吃，和甜品給其他枱。就是用不同藉口不給我們。大家付的價錢是一樣（連加一$437.8一位）為什麼我們不能吃呢？我已經猜測到是因為埋了單的關係，他的電腦不能入單。問題是，我們沒有要求埋單！！！如果我們是西客，你把單子拿上來的時候，我便粗魯一句說我沒有叫埋單，我們就是沒有所謂，反而受不公平對待。後來我們跟一個看上去比較醒目的男職員反映，他說不好意思因為埋錯了單，已沒有我們的枱不能下單。後來皇恩浩蕩的給我們上了一碟皮蛋三粒蝦多士，和幾碗番薯糖水。四百幾任食海鮮打邊爐，不限時，本來抵。食物

Blacklisted……所謂既放題唔似放題，特價時段食兩個鐘包刺食+雞煲+打邊爐，食得慢又要夾硬收野，仲要冇問過人仲食唔食，仲有半碟雞煲無端端收左！！！一路上菜d侍應態度又差，臨半個鐘問last order加完兩碟肉，最後因為唔夠時間食淨左好多海鮮，問侍應攞個盒打包，竟然答：「你地加左單唔可以打包！」我問：「咁即係唔加單就可以打包？」佢答：「係呀！」What?!?!?! 點解加單前唔講清楚先呀？知道既話咪睇下仲有幾多野食先再加嘛！之後都冇人答我就走左！簡直係主張浪費食物既餐廳～～～岩岩三歲既小朋友都要計成人價，依間餐廳食水太深了吧⋯⋯