家上海 (形點 I)

營業中

休息中

這日工作關係來此LUNCH，未食過這間，原來有同事早已食過知道好食，一坐低已勁興奮大家七嘴八舌，不經不覺已經叫了很多菜高質東坡肉，肉質鮮嫩，可口惹味，無得輸，好快被清光淨這個蕃茄煎魚，已忘記確實菜色名了，總之好食，酸甜的茄汁和條魚的味道好配合賽螃蟹，一向相當愛吃，這個都很高質，勁好味，好軟滑，食完仲想再食根據維基資料，來自慈禧太后有日想吃螃蟹，但北京離海洋遠，不能即時供應，御廚便以蛋白模仿蟹肉，製作出賽螃蟹，這道菜式傳到上海更發揚光大仲有一道菜係有好多粒蝦肉仔，我們都密密食，蝦肉仔嫩滑又彈牙今餐食了好多海鮮，滿足的一餐

尋晚（11/04/2017）係元朗家上海食飯，慶祝生日，特登係度訂造咗個壽包同八寶鴨（可以睇圖 超靚）呢度環境好好 乾淨，好難係元朗搵到咁既餐館，而且上海野呢間真心正，講真食過咁多間餐廳，要全家人一齊食一定要到呢類大餐廳/酒樓，但酒樓冇呢度環景咁好，感覺呢度個level係高d,全程有waiters/waitresses serve你 ，經理態度好，有問即應，做野速度快，又會笑住咁去幫你落單同好熟野食既詳情，真心一讚女經理，野食價錢合理，性價比高，絕對唔係街邊野食可以比較最後又有個甜品食 真係好驚喜，食得好開心為呢餐生日飯劃上完美既句號，下次有機會一定再再再幫襯

一早book左枱，去到門口人多都正常，無人企門口，等左5分鐘先叫到個人出黎，同佢講book左，講左兩次都無反應，第3次就哦一聲，拎張紙寫低個名就無出聲，轉去叫飛，之後等左5個字先有位，其實我都唔知book黎做咩，入緊去果陣，見到有一家人有4個大人3個小朋友，竟然叫佢地坐4人枱，笑左，我地6個就俾人叫左坐角位，張枱貼柱，坐6個就要加圓凳，重要同人逼住，根本勉強坐，同佢講出面明明有張6個人枱，個女人就話要坐9個既，要轉就等後面張枱走（同出面話9個果張一樣大），果張就我坐多3個字先走人，咁姐係如果轉就要等多最少4個字，前後7個字，重要串到呢個場重要嘈到，我地一家6個要大叫先聽到同枱講野

今日同男朋友一家人去食上海野，由於無訂枱，要等位，我地係第10張枱等左接近一小時先有位，坐低後即刻睇餐牌，決定要食好啲，叫左個侍應阿姐落單，佢原本態度好差，可能因為忙掛，我地好快就點完菜第一道餸係係我地點完菜5分鐘左右就上左，佢啲麻醬又幾好食，好香，份量都ok食左無耐第二道餸就到左，就係蒜泥白肉，幾塊肉下面用粉皮墊住，隔離就係一兜甜豉油，有啲蒜，略嫌豉油太甜之後到個豆，最好食就係個豆全場最難食就係呢個蝦蟹炒飯，118蚊，啲蝦莓嘅，個飯超乾，大碟係大碟，但真係好啃喉搵笨！個上海炒年糕唔錯，幾好食不過不失嘅小籠包無太大驚喜，皮都幾薄最期待係呢個蟹黃湯包用飲管啜，好多湯，啜完食個包，都唔係咁特別，食唔曬一個，超滯個餃子一上枱，我都嚇親因為係巨型餃子，一個有拳頭咁大，一咬，勁多汁，都幾好食4個人食左咁多野，仲食唔曬，好滯，係幾抵食嘅

Food was very delicious. We ordered some steamed eggs, noodles, and dumplings. All were unexpectedly delicious. The sweet soup with pear was also yummy! Worth giving this restaurant a try everyone

一年前搬出元朗，一年之後又搬返入黎。一年以來元朗餐廳大執位，希望有實力嘅會敵得過租金人工繼續做落去。Yoho開咗之後，元朗多咗好多中價食肆，但大部分都係連鎖的，要搵有特色的只有幫襯小店。可惜落雨絲濕的日子揸住架車帶住個囡，除咗去Yoho 唔駛揼雨之外，的確沒有什麼選擇。因為怕等位，我們11點幾已經黎到。有咗小朋友之後，嘢食都係圍繞住佢地食得同鍾意食嘅。蜜汁脆鱔是我同老公的最愛，這個脆鱔唔腥、好香口好脆，但略嫌無乜質感。雖然這裡的不錯，但始終不及寧波的好食，可惜中環大遠，而老公的會員亦過了期。欖菜肉碎四季豆的豆很冧，夠味又不致於太濃。肉絲兩面黃的麵很脆很香口，最好就是不會油𣺉𣺉，最怕食完之後成個碟都係油。這個香脆之餘又乾爽，一讚！鐵板小寵包是頗有特色的，上菜時仲有鐵板的吱吱聲，包底被鐵板燒得很脆，好似生煎包咁，但又保留住小籠包的多汁薄皮，好食！

今天分享本週四老公生日飯；由於之前吃了很多很多頓西餐，這晚一家人的晚餐，又重訪了家附近的 家上海。話說這晚食友拍板在會展中心新滬坊舉辦上海大閘蟹宴，也有心動的，不過地點太遠，帶著兩隻還是留在元朗晚餐，反正 YOHO Mall 這間家上海也好食又好坐～ 早前網友問過 YOHO Mall 中最推介的店子，家上海 絕對是其中一間，環境很美、食物多樣化、取價也合理，是場內到訪次數最多的店子之一。 可以的話，當然大伙人去最好，可以品嚐最多款式的小菜，不過一家四口去也可選點套餐，像這晚點了一份二人晚餐 ($398連加一)，再散點一些菜式及壽包，已經吃得很豐富！ 茗菜每位$10，點的龍井幽香淡雅，物有所值。這是收費小吃的 口水雞，雞件很嫩、並沒太辣，皆在醒一醒胃，打開胃口而已～ 始終是酒鬼，老公又點了一支 黑啤 ($42) 來伴餐；講啤酒這裡選擇不及 Frites 豐富，但其實 Tea Mocktails 不貴又有特色，非酒鬼可以一試。 套餐有兩款前菜，首先是 女兒紅醉雞 (散價$78)，剛吃完半島下午茶（明天記）的我動作慢一點，竟然全份給老公清光，相信很有質素！ 另一份前菜是 蘇式燻魚 (散價

今天晚上妹妹請我老公吃生日飯，選了這家上海菜。我們沿商場行到此店時都經過不少餐廳，人都不多，唯獨這店在七時已經要等位，真的有點想不到。還好只是等一張檯就能入座，而且坐位都非常舒適。一行三人，點了兩個前菜，一份小籠包，兩個主食和一款甜品。雞絲粉皮份量不算太多，可是味道很好，粉片軟硬適中不易斷，醬汁不會很濃味而且非常足夠，如果多一點青瓜絲口感會更好。清然小排骨味道亦好，有點梅所以帶點酸味，肉質頗淋，份量挺多的。酸辣麵辣得有點令人意外，我已經算是能吃辣，但都不能一次吃太多，而且辣味把其他味道都蓋過了。湯底口感算是不錯，不過配料不算太多，真有下次的話我都不會再點這個。肉絲兩面黃份量挺足的，雖然賣相跟照片差距頗大，但是麵底非常香脆，味道亦好。是晚我最喜愛的還是香煎小籠包!!! 上檯時鐵板還在"吱吱"叫，熱辣辣的。放了一會才吃，還是差點被熱湯燙到。這小穩包的皮真是非常薄，湯汁又封得好，所以餡料都非常濕潤好味!!! 讚!!!向來喜歡香口食物的我，真是大愛這道菜!!!最後把叫起的豆沙鍋餅解決掉就完滿了整個生日晚餐~ 這個鍋餅的豆沙不算太甜，不過皮就較厚，而且不夠脆。可是相對高力豆沙，這個甜點還不算太膩

小龍包好味，其他熱食一般，龍井蝦仁有腥味，菜飯極油膩，其他食物好咸，但職員態度極差，口黑面黑，講明食2小時，未夠鐘已催促，只是叫職員幫忙影張全家福，竟然面露極不耐煩樣加"jip"一聲，完全不能接受，不會有下次

Tony曾到上海旅遊, 嘗過當地的名菜, 精緻味美, 回港後都念念不忘. 星期六晚, 與家人到家上海尋回當日的味道. 由於食量不大, 今次主要試一些小點小菜.  當晚7時半, 家上海已經高朋滿座, 大家想節省等侯時間就最好提前訂座或用mYOHO app 取票. 餐廳衛生服務都不錯, 唯獨是環境比較噪吵, 燈光亦有改善空間.麻醬雞絲粉皮香濃麻醬配上彈牙粉皮非常配合, 一道不錯的小食.  份量足適合2-3人分享.蒜泥白肉辣油保留傳統風味偏甜, 五花腩晶瑩剔透. 如配上青瓜, 效果會更好.鍋貼鍋貼底皮香脆, 肉餡材料十足, 充滿肉味湯汁. 美味抵食.脆煎灌湯小籠包用脆煎手法處理小籠包, 創意之作. 外脆內裡充滿湯汁. 鐵板亦有助保溫. 小籠包皮薄但沒有因為脆煎而穿破. 相當考功架. 推介!!鍋塌豆腐看似普通小菜, 但豆腐的嫩滑並沒有在汁煮中破壞. 值得一試.

尋晚又到家上海開餐，其實自己放工後懶得煮飯，加上趁最後機會儲yoho mall電話apps印仔換午餐券，所以一家三口簡單地吃個晚餐一去到就有小食，幾好食(^_-)揚州炒飯（$78）算大份，好好食*^O^*小籠包（$48）不能不叫，始終個人至愛本身打算俾昕昕食嫩雞煨麵（$68），但昕昕本身在嫲嫲屋企已經食咗d飯，所以期待芒果布丁（$28）甜品只可惜因為冇芒果，所以昕昕冇得食佢至愛的甜品，昕昕轉而求其次，就係去飲湯，呢個超愛湯的小朋友連麵的湯都唔放過(￣∇￣)埋單用咗二百四十幾蚊，我地最後換到利小館的午餐券，遲少少可以跟好友品嚐，其實我個人較喜歡食中式食品，始終是中國人，家上海其實係個唔錯的地方，食物係好食，不過有時部份員工未能盡心服務。尋晚有員工掛住打情罵俏，沒有留意我舉手點食物，相反有洗碗的外藉姐姐幫手叫侍應行去聽我點食物，最有心工作反而係較年長的侍應姨姨，一開始幫昕昕整好小朋友坐位，還解釋現在因為洗碗機的關係而停用卡通餐具。其實家上海晚有套餐，感覺幾豐富，不過價錢就比較中產化

元朗形點一期是區内新開大型及新派商場，内設不少中、高檔的食府。今天與朋友往家上海食上海菜午餐。店面大，舒適是朋友飯聚的好去處。招牌小籠包已試過了，水準不錯。今天試生煎包汁多肉嫩，食時小心燙咀。客蘇式熏魚就強差人意，皮脆但炸過火了太乾而魚皮味流失，醬汁味尚可但是未全滲入魚肉内，這味尚有改善的空間。鹽水鵝片，肉質嫩，鹽味適中但稍為太肥了。煲仔菜飯也是一般的水準。

我們一行4人路經元朗，進入這大型商場搵食，我們一致都想吃上海菜，於是到這飯店門口，當時是晚上7:15，可能是晚飯時間所以全店滿座，要等候了20分鐘才安排入座。這是第一間開的分店，其行政總廚來自揚州，必能製作美味的揚州菜。食店裝修以啡色為主，天花的木柱、枱、椅子、牆身都是深啡色，很一致性；門口的木櫃放置了一盤栽裝飾，突顯出優雅的一面；配與鹵素射燈和小巧吊燈，微微昏暗的光線突顯家的感覺。深啡色的茶壺與食店的主色互相輝映，配與藍綠色的茶杯和碟，感覺清新。白色的餐牌印上淺灰色圖案，以紅色字的突出其店舖名稱!看完餐牌後，點選下列菜餚:水晶肴肉($78): 這小食幾乎是上海菜必點的小食，肉質香滑，外皮晶瑩剔透，蘸點鎮江淅醋份外美味。麻香雞絲粉皮($58): 天氣炎熱，吃點冷盤可解暑，粉皮拌勻花生醬，加上之爽甜青瓜和雞絲，格外消暑。乾煸四季豆($78): 炮過油的四季豆表皮金黃色但不覺太油膩，但若味道再辣一點會更可口。金牌小籠飽(6件)($48): 外皮包裹着嫩滑肉碎加上鲜甜湯汁，夠扎實沒有漏湯汁但外皮略為厚。上海粗炒($78): 麵的色澤不夠深所以味道略淡, 椰菜清甜爽, 份量不算小每人有一小碗。

大家下次要考慮book唔book位，還有考慮去唔去食，我book左8:30，但到現在還未入得，同walk in一齊等，9:00先等到，如果係咁洗唔洗比人book位呀！

形點是最近的焦點，樓盤既熱賣且樓價創新高，所以湊湊熱鬧看看食肆水準如何?未夠鍾便等飛所以開5:45分便立即有位，室内環境雅緻，茶具亦頗有特色。點了幾款例牌要吃的，担担麵和酸辣湯麵ok嘅，醉雞唔錯，但酒落重手左。猪肉煎餃夠香口，如果饀内肉汁多點更好。其中推介小籠包，皮薄之餘餡肉鲜味，湯汁夠，快子夾起又唔會漏，一籠六隻食完仲好似唔多夠。但太飽了！好啦，下次再来！