家上海 (形點 I)

即晚食完即刻要寫評語。今晚收工遲咗，成個商場其他餐廳都已經last order，唯有搵其喺餐廳，最後入咗該餐廳食飯，職員表示距離last order仲有半個鐘，啱啱坐低啲侍應好似趕收工咁催落單。我同男朋友叫咗一籠小籠包、一碗酸辣湯、一碟韭黃鱔糊、一碟淋子雞、一碟桂花拉糕。小籠包算正常，起碼上枱係熱。韭黃鱔糊，鱔好瘦，但點解要加生蒜同蔥喺表面？第一次食韭黃鱔糊會係咁，個人覺得古怪嘅味道。酸辣湯飲咗，係凍嘅，上另一道菜嘅時候我哋即刻同個男侍應講，佢嘅回應話一鍋同一碗嘅分別，原來係喺其中一鍋”不”出嚟嘅鍋度分一碗出嚟，所以難免會係凍，仲話我哋唔即刻反映，廚房可以整翻熱。當時好唔理解每一檯落單嘅客人叫嘅中式菜送上枱唔係應該係熱的嗎？哪怕我哋只係叫一碗湯。以上已經未足夠失望，後續就係淋子雞，食到一半發現其中一件淋子雞喺雞皮位置跌咗一條蟲出嚟😱立刻叫侍應過嚟睇，女侍應話叫經理過嚟處理。最後該餐廳經理嘅解決方法係免咗淋子雞同桂花糕喺張單度，但見狀已經唔會再食桂花拉糕🤮啦啦聲埋單走！返到屋企我哋已經要爭廁所用。…查看更多

今天为了慶祝重要人物生日，特別選了元朗最高級的商場內進餐，由於其一人下班比較晩，需要9點才到，所以選了一家精品上海菜館，晩10點半才完用餐時間，一切十分美好，食品好，服務好，價錢略高一點，也可接受！4人用餐整一千元消費🙏誰知10點食飽了，去洗手間解手，竟然商埸管理員將洗手間鎖上，我還說了句，我單還未埋，就不能用洗手間。。。。😶😶😶難怪港人北上消費，無可口非。我以後盡量也不會來這高級商場消費，實在令在下十分失望😭…查看更多

There is so many Chinese style restaurants in hong kong, often choice one is not easy, choice good one is difficult. Yoho mall I nice mall many choice but my favourite is “shangai modern”. What beautiful entrance!! You can watch the chef prepare the siulombao and other food: amazing!! I do believe they make the best soup in hk. I was there for dinner and as usually u need to line up to get the table. After waiting we got the table. The menu is huge but I go easy for “half” the”braised chicken & pork dumpling in chicken consommé and fried siulombao (forgive the wrote).The soup: its not easy describe since is absolutely fantastic. The perfect fusion of all ingredients dumpling chicken vegetables is fantastic. U cant stop to drink smooth taste and the incredible perfect cooke time of dumpling and vegetables with touch of ham and obviously chicken. In this soup u can find vegetables chicken and soup almost the complete meal. What impressed me more the consistency of this soup: every-time is the same wonderful taste. Suggestion to avoid waste for 3 person its enough half portion since its already huge. Fried siulombao: normally i use to eat steam but after i try one time fried i cant stop to ear it. Its so good serve in small fried pawn and well cooked and prepared as u can watch in main entrance.The staff despite they are always busy are super gentle and manager is so good person.Congrats and for sure will back again.…查看更多

parents’ default shanghainese spot when ‘we dk where to go’. decent food, not the cheapest, but cozy seats and the same order every time lol通常唔知食咩嘅時候都會來呢度，OK好食啦but其實唔算平，不過坐得舒服。我哋每次都叫呢幾樣哈哈🍝shanghainese stir-fried noodles 上海粗炒🍲wontons in supreme chicken broth 砂鍋雲吞雞🥟pan fried pork dumplings 鮮肉鍋貼🥖steamed silver thread bun 精銀絲卷🥢xiaolongbao 招牌小籠包🥣black sesame tofu pudding 黑芝麻豆腐花price: $200-300 pp rating: 7.5/10revisit? yesss…查看更多

我們於4/7（五）約下午兩點十五分左右到達餐廳🕝，人流適中，但比較嘈，背景音樂就隱約聽到啲。叫了2個下午茶set套餐$78/ 1位，可配一款主食及一款開味前菜或 一款巧手點心①主食❶薺菜肉絲炒年糕：應該唔係薺菜，因為冇乜薺菜味，反而應該係紫菜碎，有少少肉絲，但不多，好清淡❷滬式醬油新牛鬆炒飯：味道比較濃，新牛鬆第一次食，又有蛋絲，蔥粒等，幾豐富，唔錯❷②巧手點心❶金牌小籠包：有4粒，因為已經擺了一些時間，所以已經放涼了，但味夠薄，包掛汁❷蘿蔔絲酥餅：酥餅不夠酥，但勝在夠大隻，內餡有蘿蔔絲，仲有少少香菜不過我們區的女侍應就唔算「幫得手」/醒目，沒有比洗碗的膠碗，我們要主動問，之後佢就不了了之，要問另一位女侍應。之後見到其他客人（不止一枱客）一樣要問佢拎膠碗，不過佢似乎不太明白/比較呆，要客人形容🤫埋單要加一…查看更多

預左會多人慶祝母親節，所以都知會等得比較耐，但無諗過由6點等到8點半先入得去。8:25我問門口姐姐仲有幾耐，會唔會到時入到去又話截單，佢竟然答我，唔肯定你入唔入到去食，不過依家門口唔係太多人，應該得嘅。下？咩話？我地等左2個半鐘唔敢行開，你話唔肯定我有無得食？隔左5分鐘終於入得去，嗱嗱聲叫嘢食啦，食到咁上下，我地叫多碟壽包，阿姐話做乜叫叫兩碟呀？好啦！我地就加多碟，等左大約十幾分鐘，嚟左一碟壽包，諗住另一碟轉頭就有啦！點知，轉頭係個阿姐嚟收錢埋單！咁另一碟壽包呢？？？問佢啦！佢好嘢呀！答我地“係呀…講講下嘢，無落到呀！”咁即係點呀？你知到自己無落到，連對唔住/唔好意思都無句？埋單俾我果幾張優惠券，我即刻撕爛佢，嬲爆！…查看更多

新年過後，打回原形！ 接待處阿姐咁既態度，趕客咩！唔怪得寧願北上食冇咁嬲。 咁晦氣，就唔好做服務性行業。 請檢討下！ 野食麻麻，小籠包最好食。 果碟蜜脆膳，完全叫黎晒氣。 唔似膳，似食脆炸物咁，熏魚好食好多。 其他野都偏油，已叫少油。 木椅子唔舒服，又掛唔倒手袋，放背後有個大咕窿即刻跌咗落地！咁嘅設計，都唔係以客為先。小籠包叫兩籠，淨係比一碟醋，成枱六個人，好似啲醋好矜貴咁。真心唔明！另外去咗洗手間先去，尤其是老人家，因為都要行大概100米嘅距離。…查看更多

叫咗小籠包、生煎包、牛肉餅、糯米燒賣、十寶炒飯。冇樣野特別好食。小籠包：正常發揮，但係冇特別🆗生煎包同牛肉餅：冇肉汁、味道唔夠，出面好食啲，唔會再試😔糯米燒賣：見呢個菜式幾得意新奇就叫咗，可惜識落冇乜糯米飯嘅香味，唔會再試😔十寶炒飯：餐牌話係招牌，但係見唔到有咩十寶，最多係火腿同蔥，得好少叉燒同雞粒，都唔會再試😔總括：冇第二次🥲 現場見到都有幾多人食，甚至要攞飛等半個鐘。無可否認個環境係裝修得幾靚，適合聚會，但係食物質素就差啲😅…查看更多

📍家上海@元朗Yoho Mall每次夜晚經過都好多人排隊，由其是星期六日，今日下晝下午茶時間經過，門口大約有五至六個人等位，望吓門口嘅餐牌，下午茶套餐每款$78，免茶芥但收另收+1上海粗炒配雞絲粉皮雞絲粉皮，份量比較少，有青瓜絲及雞絲上海粗炒，份量亦較少，味道略嫌較甜⭐️⭐️⭐️（3/5⭐️）上海擔擔麵配小籠包小籠包有四粒，皮薄餡靚上海擔擔麵份量夠，味道一般⭐️⭐️⭐️（3/5⭐️）另加$48海派回鍋肉一份味道濃郁，幾好味👍🏻⭐️⭐️⭐️⭐️（4/5⭐️）…查看更多

今天31/12, 不是假期, 有贈卷卻不許用, 员工推是公司政策。開心來, 晦氣走, 又少幾個客, 何必呢？ 何必送贈卷。無心俾人用, 何必送贈卷。豈有此理！豈有此理！豈有此理！…查看更多

小籠包皮薄餡多，咬一口湯汁四溢，鮮美無比。上海粗炒雖然稍微油膩，但味道濃郁，麵條彈牙，配料豐富，每一口都充滿了香氣。豆沙鍋餅更是不可錯過，外皮酥脆👍🏻，內餡細膩香甜，讓人一試成主顧。 難怪經常大排長龍！…查看更多

星期日和家人一同午膳，叫了五道餸，麻香雞絲粉皮、松鼠桂魚、金牌小籠包（六件）、乾煸四季豆、滬式醬油新牛鬆炒飯及生煎包。幸好午市沒人排隊，平日見好多人排隊，不過今次食，覺得食物比過去難食.松鼠桂魚好腥連炸魚及濃尾醬汁都未能蓋過腥味，可想而知條魚新鮮極有限😟金牌小籠包（六件) 好食的麻香雞絲粉皮比較細碟，味道可以滬式醬油新牛鬆炒飯太油，味道太重乾煸四季豆不過不失.最後叫了一份生煎包，沒有拍照。底部好燶，但包卻未熟透，只食了肉饀便不要了。.樓底雖高，但有很多射燈，實在太熱了🥵.整體評價其實每次食完後喉嚨都會感到乾癟，除非家人想食，平日都不會去食，但這次的食物質素中下，實在不想再幫襯呢….…查看更多

今次帶大家黎試下元朗yoho排隊上海菜家上海每次行過都會有人排隊，今次終於有機會入去試試佢咩料眼闊肚窄既我嗌左女多野！有烤麩，酸辣湯，蔥油淋子雞，小籠包，螞蟻上樹！烤麩好入味好香，好好食酸辣湯調味剛剛好，酸辣都好適中正呀蔥油淋子雞略嫌不夠味，比較清淡，但係雞肉煮得幾嫩滑，唔差小籠包又係好出色，外皮煙韌，肉同湯汁好正，唔會死鹹，肉都新鮮，冇雪藏味最後講講個螞蟻上樹，粉絲色澤好靚，味道都好食，但略嫌材料比較單調，唔夠多:)…查看更多

今日星期五收工咗之後同屋企人慶祝生日，一直都諗唔到食咩 原本諗住食老掌櫃。但係去到之後發現好full又冇片皮鴨食因為冇預訂，所以就去咗呢間家上海 發現都幾多人排隊 我六點去到發現七點先有得食 入到去加上佢原本諗住嗌片皮鴨，但係原來佢都冇買不過唔緊要我就嗌咗佢最新推出嘅蟹粉小籠包同埋原味小籠包一個上海粗炒同埋炒年糕同埋一個燴豆腐嘅豆腐做得好出色外皮雖然唔脆，但係好入味啲豆腐又好滑 然後嗌咗一個水晶肉 個水晶肉做得幾好食，喺出邊好少地方有得食，然後最後叫咗個甜品係山水豆腐花，雖然要$68一桶，但係都算係OK嘅不過唔稱得上物有所值我自己就唔會再嗌，因為有啲貴 。 講返佢啲食物佢嘅蟹粉小籠包真係有啲蟹肉喺度 但我比較鍾意佢嘅粗炒同炒年糕 佢嘅炒年糕一啲都唔油 下次嚟嘅時候可以再嗌下佢嘅牛肉麵可以啊…查看更多

今日喺YOHO食飯周圍都好多人，我見到家上海永遠都咁多人，我就去咗攞張飛先諗住同屋企人一齊食。終於等咗一個半鐘之後就有得入去食，首先當然叫咗佢最招牌嘅小籠包！見住啲師傅即刻整都覺得好新鮮一送到嚟嘅時候熱辣辣一咬入去啲汁爆曬出嚟真係好好味！然之後仲嗌咗一個紅油抄手炒飯齋菜炒年糕擔擔面紅水晶肉。要讚一讚佢所有食物都好熱，同埋嗰個水晶肉唔係周圍都有得賣，通常以前我永遠都會喺鼎泰豐度食，但之後鼎泰豐都冇咗，竟然俾我搵得返香港仲有地方買呢啲水晶肉！再講佢個炒年糕唔算太油膩，我一個人都食得晒半碟😍係一個位有少少失望佢啲冷氣唔係好夠凍同埋有限時，下次希望唔使等位等咁耐嘅話我都有機會再嚟食試吓佢嘅甜品都好😁…查看更多