客家人

營業中

休息中

今次黎試下地道小炒 “客家人”佢星期一至日都有超值午市套餐，每日都唔同！$46/$60 包埋住家靚湯同熱飲，凍飲或汽水加$3 不錯喔！我今次試左午市套餐$60 包湯加熱飲菠蘿生炒骨大碟得黎好夠鑊氣，生炒骨又熱又脆口，雖然生炒骨好多地方都有得食但係唔係每個地方都夠鑊氣🤟🏻豉椒排骨炒麵$48炒麵底最緊要炸得脆 呢間做到👍🏻一樣都係好大碟，排骨又多，而且啲豉椒汁都好夠味湯住家靚湯不會多加味精，飲完唔會覺得好鹹同口渴

搬咗嚟長沙灣一段時間，好似都未真真正正食過附近嘅餐廳，今日就試咗呢間客家人，食個客家菜先。 秘製三杯鴨（半隻）🦆：半隻鴨份量已經好多，鴨肉肉質比較緊實，鴨肉香而不膩，完全無任何騷味，汁濃味美。 梅菜扣菜：平時喺屋企都好鍾意媽咪煮呢道餸，自從結婚後搬咗出嚟住都無咩機會食，一於叫番呢道餸回味一下先，扣肉皮嫩肉爛，而且唔會太過肥膩，入口即溶，加埋香甜嘅梅菜，送飯真係一流。 蝦醬炒通菜：通菜青綠鮮嫩，好夠爽脆，蝦醬唔會太鹹，非常之惹味。

香港嘅傳統客家菜館，真係買少見少。今日同朋友去咗長沙灣一間中菜館，黎個中式快tea👍🏻 一睇餐牌，最吸我地睛嘅係兩杯特飲- 涼粉紅豆冰、菠蘿紅豆冰👍🏻👍🏻細個嗰時好鍾意飲㗎，不過依家真係買少見少啦，所以我哋一坐低就叫咗🤣 行到超熱有兩杯飲品好正，雖然有紅豆冰，但係唔會太甜，菠蘿好fresh 👍🏻 乾炒牛河一啲都唔油膩，佢炒得好乾爽之餘，啲河粉好爽身，估計師傅係炒之前應該落咗啲功夫😍仲有啲牛肉分量多，又林身，下午茶來講，呢乾炒牛河嘅份量just fit👍🏻我食椒鹽豬扒蛋飯，豬扒好香，望落去都唔油，唯一係因為炸香過，豬扒比較硬。荷包蛋煎得好靚，啲飯一粒粒好香，加埋荷包蛋汁一齊食，即刻加分👍🏻配碟仲有蔬菜紅汁，味道適中唔鹹👍🏻呢一餐下午茶，我哋都覺得好有中學食晏嘅回憶吖😋超贊菠蘿涼粉冰yeah yeah 🤟🏻🤟🏻

今日去左長沙灣行街，順利約咪朋友仔去食晚餐，比我地發現左呢間餐廳，樓面都好大，而且服務員非常熱情既招待好快就坐底左。首先我地叫左個黃酒煮雞湯，份量非常多，而且非常多料，真材實料有保證，有成半隻雞，材料十足，色香味俱全，有一股香濃嘅黃酒味，非常養顏補身。對身體非常好。最岩岩岩生完既女士們。一試便愛上。跟住叫多個脆皮炸大腸，炸到金黃色，賣相非常吸引，睇見都流曬口水，食落重有驚喜，非常香脆可口，點咪啲醬食好野味。世界級值得一試。重有啲菠蘿中和返，真係好有心思。最後叫多個金銀蛋浸娃娃菜，我地平時唔食菜既人都好鐘意，係用上湯黎煮，金銀蛋送飯食真係一流。一定要試試。最後重有糖水送，今日係綠豆沙，唔會好甜，味道岩岩好。真係無介紹錯，正呀。呢道既服務員態度非常熱情，而且招呼周到，真係要黎試試。

今日爸爸揸車黎食飯，皆因中醫話媽咪有d虛寒所以有時會暈，爸爸話要試試傳統秘方，帶媽咪黎食黃油煮雞。好香酒味同藥材味，藥膳黃酒煮雞湯係要連湯飲，一定要襯熱飲先好飲～嘩我第一次飲，有雞湯、藥膳、同酒味，鮮甜得黎好複雜會回甘，雞件煎過保留到雞味又嫩滑。爸爸仲order左以前喺嫲嫲屋企成日食嘅客家炆豬肉，好味呀～同嫲嫲煮嘅唔同，呢度d豬肉有爆香過，而且唔會好肥，切得比較細件，咸酸菜又多，同埋唔會好咸，好好送飯的。仲有上湯豬膶浸菜心，豬膶爽滑，香甜上湯滲入新鮮大條嘅菜心，爽脆又好味～我同媽咪食完呢餐飯覺得好暖好舒服，睇黎進補都唔一定係冬天喎～

平時同朋友出街食野多，今次阿媽收工就帶佢呢位廚神黎左呢間客家菜館食飯。可能因為唔係旺區同埋客家菜唔係咁多人識欣賞，所以晚市人都唔多。一坐底好似黎飲茶，會問你飲咩茶沖壺茶俾你，幾得意🙈同埋人唔多服務員會好快手觀察到你食完，幫你即刻點菜、加水，臨尾仲送左糖水俾我地💕 椒絲腐乳炒通菜 $78通菜新鮮唔老，仲係嫩嗰種，再加上腐乳炒，無得輸👍🏻梅菜扣肉 $108扣肉脂肪同肉比例好靚😍望落好吸引，但好可惜食落口唔係預期中入口即化嘅感覺，而且個汁都好稀，梅菜味都差啲🥺媽媽教路話如果用砂煲一份份煮佢，啲肉先會淋唔係一絲絲，而且梅菜扣肉先夠入味🤭有同餐廳反應過，下次應該會改善啦😉今晚之最🌟🌟秘制三杯鴨(半隻) $168半隻分量都唔少，夠3-4個人食，今晚剩係得我同媽媽兩個人，唔想打包返屋企雪櫃擺，唯有一邊飲茶一邊慢慢食😛三杯即係一杯酒一杯糖一杯醬油。挑剔嘅廚神媽媽一食都係度點頭話唔錯，有酒味，個醬汁整得幾好，鴨肉入味，啲醬撈飯食都好jeng🤤平時唔係咁鍾意食雞鴨鵝呢啲要吐骨食物嘅我都食左至少一半，係咁點醬☺️😋如果三五好友或者家庭聚會黎到，不妨可以叫半隻黎大家share😉食到尾聲餐廳送左糖水俾我地，木瓜雪

唔知大家嘅家鄉又喺邊度呢？今次去試啲道地嘅食物😆客家鹽焗雞（半隻）$138除咗同平時鹽焗雞一樣味道咸咸的，仲經過特別醃製，有少少似沙茶醬既味；再沾一沾沙薑一齊食，增添唔少風味啊客家煎釀豆腐 $108豆腐好滑，即叫即製，好有住家飯嘅感覺💕💕蒜蓉炒白菜 $68即叫即炒 好有鑊氣味 正呀正呀仲再加兩碗白飯 住家的味道平時唔知係唔係有得飲茶嘅呢！茶位 $8/位客家人 (長沙灣)長沙灣青山道193A號永業大廈地下B號舖

今日帶小朋友到長沙灣買嘢，食午餐時小朋友講要食飯，我啲就揀「客家人」餐廳，呢間餐廳午餐套餐便D，一份$60有餸有白飯有例湯，加3蚊有凍飲🥤餐廳舒適乾淨，店員態度都好好。客家鹽焗雞飯：雞塊都唔少，揀雞脾給我啲，顏色微黃，味道鹹香，口感鮮嫩，皮爽肉滑，另有特質沙茶醬，又係另一種味道。福建炒飯：份量十足，材料豐富，有蝦仁、菇、菜心粒、雞粒、叉燒，配上芡汁，香味濃郁，嫩滑多汁，加埋蛋炒飯口感豐富鹹香。例湯飲落有屋企嘅味道，無味精。

《客家人》平時同朋友食飯都係食西餐、日本菜，好耐無食中餐喇，今日就同朋友食吓特色啲嘅客家菜先！.🥢梅菜扣肉 $108平時食嘅梅菜扣肉味道咸中帶甜，但呢度嘅梅菜扣肉有啲不一樣嘅感覺，少咗甜味但多咗一點點嘅咸香味，好奇問吓店員，原來呢個梅菜扣肉嘅調味係用店家秘製嘅醬汁，第二度食唔到㗎😆.🥢客家醃鹹雞 $138/半隻望落越簡單嘅餸越食到廚師嘅功力，鹹雞醃得好入味，就算無點沙薑汁依然夠晒味，而且份量夠晒多，性價比極高👍🏼.🥢豆豉鯪魚油麥菜 $88油麥菜配豆豉鯪魚係一款百吃不厭嘅餸，特別係呢度炒得夠鑊氣又夠大碟，同朋友都好滿意呢個餸👍🏼.唔講唔知原來朋友仔係客家人，呢間餐廳嘅味道得到客家人認證係正宗嘅😆下次可以encore！

今日去長沙灣打羽毛球，運動完當然搵下野食，朋友就介紹一間食客家菜既餐廳比我，於是就去試一試。入到餐廳見到好多餐廳菜式既相，而且令我流晒口水，員工著中式服裝加上環境寬敞坐得舒服。梅菜扣肉：客家菜我就會諗起梅菜扣肉，所以我就叫了黎試試，梅菜酸度剛剛好，扣肉非常淋但又唔會散開肥廋適中，扣肉入好即溶非常好食，這度菜真係餸飯一流冇得頂。菠蘿生炒骨：生炒骨炸得香口加上甜酸汁開胃，三色蕉又炒得唔淋爽口，食完一口又一口～正。

今天和爸爸到深水埗一帶買電腦用品，買完之後去了附近長沙灣食一個家常嘅中式午飯。午市套餐好抵， $60就包左餐湯，餐飲，一款小菜及一碗白飯。我哋叫咗兩個一齊share食。我哋分別叫了鹽焗雞飯同埋生菠蘿生炒骨。今日嘅餐湯係粉葛赤小豆瘦肉湯，一件碗湯咁深色就知道係真材實料，飲落去係屋企嘅味道，沒有味精。菠蘿生炒骨熱辣辣，即叫即炒，生炒骨嘅粉漿沒有太厚，均勻地沾滿了咕嚕醬汁，脆皮仍然是隨脆口的，生炒骨肉質鬆軟，配合甜酸甜酸嘅醬汁送飯一流。鹽焗雞鹽焗雞雖然賣相麻麻，但係味道是OK的。雞肉雖然是雞胸位，但是都不會嚡口。雞肉都好入味，鹹香鹹香的。但係到背脊位，可能肉比較薄，有點太過鹹。另外，喜歡佢哋特製嘅沙薑醬，味道好夠薑。總括來講，依間餐廳嘅出品係好家常嘅味道，啲嘢即叫即炒，熱辣辣，係唔錯嘅平常午餐選擇。

作為爸媽都係客家人既我，對客家菜有種情意結😁今日就帶男友黎客家人試下我既家鄉客家菜✌️我地叫左例牌圍村獅頭鵝，客家菜經典既梅菜扣肉，上湯豬潤浸時蔬(揀左菜心)同埋兩個飯～介紹菜式之前首先要讚下姐姐們服務非常好👍👍好有禮貌同耐性為我哋介紹菜式，又會幫我哋換墊骨頭嘅碟😊呢度既野份量都幾多😅例牌圍村獅頭鵝好大煲，個醬汁有啲似羊腩煲既汁，好香，同鵝肉好夾，枝竹索晒啲汁好入味好好食，送飯一流😋梅菜扣肉肥瘦岩岩好，非常有層次，一夾就散入口即溶😁 又係非常好送飯既菜式👏上湯豬潤菜心既豬潤非常多😂 菜心爽脆無渣～下次可以帶埋媽咪黎試下佢熟悉既家鄉菜😊

今日OT收半晝, 於是就順便係公司附近食埋飯先番屋企! 餐廳環境幾大, 店員態度有禮, 餐廳提供多款午市套餐, 而且價格相宜!🌟紅蘿蔔🥕番茄🍅湯(例湯)材料十足而且無味精!🌟鹽焗雞飯🐔同平時食嘅鹽焗雞飯唔同, 客家咸雞唔止雞皮連雞肉都有種鮮咸味而且果種咸度係岩岩好, 餸飯唔錯!🌟秘製湯飯皇湯底用左豬骨同鮮魚熬製, 味道幾鮮帶微微胡椒味, 小妹揀左鯪魚球, 鮮牛肉同菜芯, 份量相當足, 好多餸, 鯪魚球口感彈牙, 牛肉味道鮮甜而且幾吸湯汁!🌟梅菜扣肉梅菜好香唔會死咸, 扣肉吸哂d汁, 咬落去脂肪有微微溶化, 非常入味, 不過小妹覺得如果再肥d會更正, 底層放左白菜仔吸哂d汁食落幾惹味!

客家人咁啱嚟到長沙灣有啲嘢做喺附近食埋晏先返公司見到呢間名為客家人嘅餐廳諗起自己都好耐冇食過客家菜於是就入咗去試吓佢星期日都有午市套餐供應 十分之抵食同同事兩個叫咗以下午餐分享每個套餐已經包括例湯 白飯 熱飲三杯鴨$60三杯雞就聽得多 三杯鴨都係第一次食原來都有唔同鴨嘅份量都算多面頭個汁甜甜地 幾好送飯鹽焗雞飯$60又係另一個招牌菜雞肉已經醃得好入味唔使額外點醬都可以呢度嘅招呼都好好 已經好有禮貌性價比都幾高

黃酒煮雞湯（半隻）$168呢款係客家人過節/坐月嘅滋補菜餚。酒味比想像中濃郁。黨蔘、黃芪亦令湯水帶點藥材味。雞肉煮嘅時間比較短，保持鮮味嫩滑。湯水仲有補血嘅木耳同埋紅棗。鮮菠蘿生炒骨 $138排骨粒先炸後炒好香口。排骨粒多肉少骨。糖醋汁酸甜惹味，加埋新鮮菠蘿更加開胃。而且仲有紅椒、青椒、洋蔥，色彩繽紛吸引。上湯蒜子浸時蔬 $88食咗咁多肉，梗係要食返個蔬菜。佢哋嘅時菜款式好多，煮法亦都可以任揀。我哋揀咗上湯浸菜心。菜心煮得夠腍，但又保持清甜，而且份量都幾多。上湯調味亦適中，蒜頭先爆香令上湯香味十足。