客家人

營業中

休息中

只怪冇做功課打開餐牌，見到價錢偏貴咁都算，上菜之後我同朋友都呆咗椒鹽魷魚 $168個份量少得可憐，味道仲要普通客家釀豆腐 $108 得幾嚿豆腐加少少肉碎賣相衰過屋企整其他已經嬲到冇影相好失望 性價比太低長沙灣好食既小菜 大把選擇

🪿「家鄉碌獅頭鵝」必叫！師傅先用滾油淥脆層皮再燒，所以鵝皮勁煙韌彈牙，鎖住肉汁之餘，肉質嫩滑香噴噴👍🏻 用嘅係大鵝，半隻份量已經好多。工序繁複，記住要早一日預訂！BTW 鵝皮fatfat 超！正！要揻皮嘅人不如留返俾識食嘅人啦... 唔好浪費食物🥹🙏🏻🐥「黄酒煮雞湯」必叫！平時成日飲雞湯，用客家黃酒煮真係第一次，有股甜酒香但唔會醉🤣🤣 雞係煎過再煲湯，香濃但keep到嫩滑。湯雞冇油浮面唔膩，相信師傅隔咗，好細心🫶🏻💕 偷飲咗少少客家黃酒，好似rum，有提子乾甜味嘻嘻🍇 唔怪得湯咁香！餐廳有水缸，我就知個天叫我嗌海鮮！！果然冇令我失望，「酥炸美國桶蠔」肥嘟嘟卜卜脆，一咬有聲＋爆汁🤯💥「椒鹽鮮魷」，都真係近年我食過最好味嘅版本，新鮮魷魚咬落係爽口有膠質，粉漿好薄但又超脆，唔知點做到 （求教）💯🐷「冰鎮咕嚕肉 」係半肥瘦架！！！師傅真係識啲野！！！建議上菜後分開啲肉等佢每粒都被冰包圍，再放佢幾分鐘先食，個甜酸皮會再脆啲，去到呢到我已經X唔住好飽... 但都清碟唉點解？點解要咁好味？🚬🚬🚬「金銀蒜粉絲蒸勝瓜 」& 「客家煎釀豆腐」 正好清一清今晚嘅超濃味蕾，唔錯。

間中會同屋企人黎食野鍾意佢d野食真材實料，d湯好飲，我特別鍾意個黃酒雞湯呢次叫左：勝瓜：好甜好好味龍蝦：係新鮮既，唔係d靠d上湯比番d味佢豬肺湯好好飲可能因為認得我地，老闆娘同侍應都好有禮貌。

秘製三杯鴨(半隻) $188味道及煮法與台式的三杯雞不同，客家菜主要用麵豉醬但擺脫了以前「多油多鹽」的傳統煮法，味道較濃但不會太鹹，廚師刀章不錯，半隻鴨上碟時盤在一起，賣相吸引，鴨件大小適宜不會黐刀，夾起來較方便，值得推介。鬼馬焗魚腸 $128現時較少食店會推出這款手工菜式，份量適中，蛋面焗至微黃，魚腸採用鯇魚腸，應該有用燒酒或生粉洗過，很乾淨及完全無鯹味，就算不加胡椒粉亦不會食到鯹味，食落滿滿童年回憶，價錢亦合理，屬大眾化路線。豉汁蒸大鱔 $168上次食唔到好味嘅大鱔，心有不甘，於是再次出擊，又選這款蒸大鱔作比較，最怕貨比貨，這家蒸大鱔調味恰到好處，改良了多油多鹽的傳統煮法，鱔件份量足，且新鮮，終於可以大飽朵頤，值得推介。上湯豬潤浸時菜 $108由於以上菜式均較油膩，於是點選一個菜蔬作平衡，但只有數片豬潤及幾粒杞子，以這個價錢屬於偏貴，是否揀選則見仁見智。

即興諗住一家人出去食餐飯，上OpenRice睇到呢間客家菜，味度就唔差既，但價錢唔算平。但最大問題係經OpenRice訂座話有正價八五折，但係埋單嘅時候就話正價小菜先有八五折，海鮮又無折，問返佢轉頭:唔係預訂海鮮先無折咩？佢話所有海鮮都無…都唔知邊個真邊個假…

早前聽友人講好耐冇食~【客家菜】透過網上平台見到此家位於青山道既餐館，於是即book即試，一行數人比訂枱時間早到，餐廳環境一境目測應該設有二樓，因為見到有客人從樓梯上落，相信二樓是房。侍應遞上餐牌後，輪流的在枱邊徘徊忽發靈光明白了~新年梗喺要派【利事】啦透過平台推介~點左黃酒煮雞/煎蠔餅/豉油蝦/炸大腸/煎釀豆腐酒鬼的友人當然有叫埋酒飲啦。整體味道如下黃酒煮雞~黃酒味不算太濃，小許偏甜，味道尚可煎蠔餅~值得推介炸大腸~煎釀豆腐~嫩滑豉油蝦~正常味道其實最常試是碌鵝~原來是要一天前預訂的唯有等~友人們再次想來時，先訂吧

新年團拜晚餐🎆大致上都係好評蠔餅🦪炸得好出色唔會係好多炸粉，炸粉同蠔平均分布超正，蠔餅有一定厚度唔會好似坊間紙一樣咁三杯鴨🦆超入味，鴨好嫩肉超多肉汁。同枱嘅朋友超愛佢嘅三杯鴨汁不停用黎送飯辣子雞🐥 炸得好乾身一啲都唔油，真係大愛可惜無叫大辣，如果唔係超正超推介啫啫介蘭煲🍲上緊枱時已經爆香每個人都期待，一打開香到兩三張枱都聞到剁魚頭🐠 魚質嫩滑，無魚腥味只係辣椒🌶️唔夠辣(感覺似蕃茄砇碎). 另外一讚係服務態度超好值得推介

食物味道ok,但價錢貴，份量少冇乜服務😕黃酒雞半隻好似等1/4隻都要$188，鱔$168得10件😫。三杯鴨最差，得骨冇肉$188🤪介菜魚雲湯仲離譜貴不特止，仲要個魚雲細到爆。冇下次🥺🥺🥺啤酒又貴，中伏😩😩😫😩服務員嚴重不足，但又收茶價，得一碟10粒嘅花生都要收$9😝上菜又超慢，如果唔係電視台有介紹真係唔會嚟😏中伏－次，如果這個價錢食客家菜，不如去醉瓊樓食都冇咁嬲🤪🤪🤪🤪🤪🤪

呢間之前經過都吳覺得顯眼🙈入到環境幾大😯原來重有得奬餸😲農家炆燉扣肉入到去第一時叫呢個結果 第二叫既餸都上完都要等多陣先上都應該燉時間耐聞就已經有發烤/酒味扣肉好琳入到滷水味扣肉下一層就梅菜之後菜心都係琳身幾好送飯🤨小炒王幾有鑊氣👍🏻樣樣都香口當中有 大蝦乾蝦仁，豬肉條，臘腸條啫啫雞煲一黎到香噴噴🤨雞應該有炒過/爆味過雞肉好滑😲👍🏻其他配菜都炒到好香結: 推薦 啫啫雞煲👍🏻雞肉滑，味濃👍🏻#農家炆燉扣肉#小炒王#啫啫雞煲

自從冇咗泉章居之後，一直好想搵到好食嘅客家菜，今日經開青山道，見到呢間客家人上網搵過食評見到好多好評，當時大概6:00所以唔需要等位，坐低咗就點咗佢哋嘅招牌菜黃酒炆雞同埋想知道客家菜做得好唔好就必定要點嘅梅菜扣肉。黃酒炆雞甜甜地雞肉都好滑，梅菜扣肉賣相唔錯但係超鹹，食完飯打算埋單，然後服務阿姐話有糖水送，咁就等一陣，打算食埋糖水先埋單，等咗大概10分鐘問佢哋係咪有糖水？佢話係呀轉頭俾你，如是者再等多另外接近10分鐘，終於忍無可忍唔等啦，其實當時情況，枱都未滿，樓面有兩位阿姐加一個年青人，但係感覺佢哋已經冧晒檔… 兩個人叫咗兩樣餸一個白飯買單$333，收費唔算平，分量都係一般，所以唔會有下次

傳統客家菜，黃酒雞好濃好多雞, 朋友飲完話醉醉地。椒鹽鮮魷炸得好脆，也很新鮮爽口，啲粉唔厚。招牌鴨真係好好味，叫半隻都夠，真係好大隻，個味幾特別。麻辣雞竟然煲做得出色。梅菜扣肉用嚟送飯一流，冰鎮咕嚕肉也好味。反而蠔餅有點失望，同平時食開既打冷店有好大出入，可以不點。朋友食豬雜煲，不太合我胃口，不是的杯茶。呀姐服務熱情，食完仲有糖水送tim。用openrice訂座方便，而且有85折優惠，當晚人均唔洗200元，十分抵食。今天星期五，可惜食客不多。sosad.

平時食開中午，蒸魚已經好出色今日特意試晚餐，無令我失望叫了小炒王，腰果我好鐘意食，佢炒得好香而且唔燶，佢仲加入 醃蘿蔔同埋大量嘅蝦米仔，食落理好有咬口。第二樣叫左炆豬肉，一上台 噴曬煙好香入面都有好多配料雲耳鹹菜同芹菜。 意想不到嘅係佢入面嘅鹹菜竟然係唔鹹嘅，好易入口，豬肉更加唔洗講好入味仲好淋身，唔洗點咬😋最後就係焗魚腸，入面放滿曬材料但又唔太重味，不過就要等耐d最後店員送左兩碗糖水比我地，好潤👍又唔太甜整體嚟講適合啲唔鍾意太濃味嘅朋友仔去食

客家人（Cheung Sha Wan)小編可以話甚少食客家菜 早排見呢間舖頭夜晚都幾多人幫襯 一於試吓佢😉⌖ 客家小炒王🌿💰$128小炒王配料豐富😌 有韭菜花、大量蝦乾🦐、腰果、帶子、魷魚🦑等 可惜唔係幾夠鑊氣 識落唔算好香口😗😗 ⌖ 客家炆豬肉🍄🐷💰$128呢款炆豬肉有得揀中鹹菜、冬菇或芹菜黎炆 小編就揀咗冬菇🍄 豬肉肥瘦適中 南乳味超香👃 收汁嘅程度啱好 配料完全掛到汁🤤 推薦！👍⌖ 胡椒客家鹹菜豬肚湯🐖💰$138👄暖胃之選！豬肚湯味道適中 應該幾啱香港人口味😎 胡椒唔會太辣☺️ 豬肚夠腍身 唔會好似橡筋咁 鹹菜嘅味道入晒係湯度😗😗 所以就咁食唔會鹹～⌖ 附送：粉葛豬骨湯🐷💰$0因為小炒王韭菜花唔夠 所以店家送咗個湯補翻 都算有誠意👌🏼 豬骨湯正常發揮 都算幾足料 粉葛大大件 不過就未必會主動嗌呢款湯🤔🤔☻ 回頭指數：7 / 10 #Fatshit_ami #Dinnertime #長沙灣美食 #港式美食 #香港美食 #食好西 #客家菜 #客家美食 #客家小炒王 #客家炆豬肉 #胡椒豬肚湯 #客家美食推介

收工同屋企人過來食飯，好少會食客家菜，抱住試吓既心態同埋覺得選擇比較多就過來試下，結果係好驚喜，每一道菜味道都好足，又新鮮，服務又好，唯一美中不足就係唔可以食太夜，如果唔係辣子雞可以送好多隻啤酒，沒飲夠

過年之後我一家人去到客家人上一次訂嘅新年盆菜已經非常好食用料又非常祝所以諗住去餐廳試吓，我哋叫咗鹽焗雞，黃酒雞湯，幾個小炒菜同埋叫咗條魚。份量都非常大份，味道非常濃味非常似客家人的味道。尤其是個黃酒雞湯非常入味暖肚。梅菜扣肉嘅肉質都非常好，唔會太肥。因為我哋一家人都鍾意食鹽焗雞所以叫咗一隻。雞都非常有雞味不似急凍雞。雖然價錢有啲貴。服務也一流，因為叫得太多餸菜所以都有好多要打包回家侍應們都不厭其煩幫我哋逐個打包起來。希望疫情過去之後可以帶多啲朋友嚟再幫襯