孖寶車仔麵

營業中

休息中

今日黎食下午茶，孖寶既生菜魚肉翅，生菜爽口，搭配上新鮮嘅魚肉翅，咬落去有種清新感，味道好平衡👍🏻另外要左個三併麵：牛腩、雞中翼、牛肚秘制汁粗麵。呢個組合係我以前食開，牛腩煮得非常入味，軟嫩得嚟仲有濃郁嘅湯汁🤤雞中翼鹵得入味，啖啖肉，唔油膩，真係好正🤩至於牛肚，咬落去有口感，搭配佢哋特製嘅醬汁，味道更上一層樓😎粗麵吸收咗秘制汁，食落特別開胃😙三餸麵送熱飲，叫左杯杏仁霜，滑得嚟又香，甜度適中😍另外，孖寶既辣菜甫都值得推介，辛辣嘅味道好開胃，可以增添整體用餐體驗之餘仲要免費任加😆如果想食車仔麵，呢度絕對值得一試！

今日因為工作關係，需要喺葵廣附近食飯，但冇時間可以掃街，所以我就同同事選擇咗葵廣商場裏面嘅孖寶車仔麵。呢間餐廳非常適合唔多午飯時間嘅人，老闆上菜速度非常快，落單唔夠5分鐘就已經上齊，真係好高效率。車仔麵方面，我選擇咗$54嘅三個餸嘅套餐，仲送一杯熱飲。如果你鍾意凍飲，可以額外加$3。呢間車仔麵店嘅配菜選擇真係非常多，有超過50款俾我揀，只要係你諗到嘅餸呢間餐廳都有，我最後揀咗蘿蔔、雞腎同牛柏葉，味道都好好，特別係牛柏葉，鮮嫩又入味。此外，我仲喺小食方面嗌咗$18嘅水魷魚，呢款水魷魚配上店嘅秘醬汁簡直係一流，味道鮮香可口，仲有$36一碗嘅五香牛雜，份量真係非常多，肉質軟嫩，搭配上香料味道，食落去非常滿足。孖寶車仔麵係個不錯嘅選擇，特別適合忙碌嘅上班族，無論係速度定係味道都令我感到非常滿意，下次如果再有機會喺葵廣附近食飯，肯定會再嚟！

💖黎葵廣覓食絕對唔會錯過嘅一間！除左招牌地道車仔麵，仲有好多抵食小食，例如腸粉、燒賣、雞翼尖、糖水等。1️⃣自選車仔麵🍜 $54💖可以係50幾款餸中自選三餸，要左豬大腸🐷、牛肚🐮同咖哩魷魚🦑，豬大腸外有韌勁內軟糯，牛肚咬落彈牙有嚼勁，咖哩魷魚好香口🤤，咬落爽口、個汁加落麵度都好味。麵底外每次都係要最愛嘅油麵😆，再配腩汁湯底😋。免費🆓送熱飲，要左熱華田。2️⃣腐竹雞蛋糖水🥣 $23💖除左主食小食仲有甜品！要左碗腐竹雞蛋糖水，超級熱辣辣好適合冬天飲，味道香甜，有雞蛋、蓮子等。💖呢間好受歡迎👏🏻，侍應做嘢好快手。

葵涌廣場地下的人氣車仔麵店，除了車仔麵外，還有香港的地道小食和飯類。三餸麵套餐還會送熱飲，很超值。車仔麵內的蘿蔔每塊都很大，而且煮得很腍甜。但魚肉春卷炸得有點太過了，米線也煮得太軟了。不過整體味道不錯，有幾款不同的湯汁可以選擇，而且麵類和配菜類的也有很多不同的款式。

孖寶車仔麵葵芳葵富路7號葵涌廣場地下A15號舖葵芳出名的車仔車仔面，每次嚟都會食，奶茶都好好飲其實除左車仔面，小食都係好正，咖喱魷魚，雞脾，碗仔翅必食推介，價錢非常之抵，同街邊既小食店差不多價錢，仲要有位坐同有好殷勤既姐姐招呼你，無得頂。滷水雞翼，同雞髀都係必食，入味車仔面最抵食就係套餐，$52三個餸包熱飲加左個雞翼，2人前每人$50都唔使咖哩魷魚係必食，魷魚爽口，咖哩醬濃，另外冬菇非常入味，其餘魚肉春卷同鳳爪都係佢地自家製，抵食大份嗌咗個手打麵，似係烏冬，不錯之選葵廣嘅必食車仔麵。

糯米雞包裹住雞肉&香菇等既糯米雞，每一啖都充滿左油潤既糯米香👍🏻糯米雞分量十足，冬天食覺得暖笠笠🫶麻醬腸粉廣東非常經典既傳統小食🙈淋上特製豉油&麻醬，提升左腸粉嘅鮮味🫢牛腩車仔麵碗入面既牛腩肉質軟滑，燉煮得恰到好處，肉味醇厚👍🏻湯頭濃郁，讓人忍不住多喝幾口😘魚肉燒賣飲茶嘅時候，燒賣通常以豬肉為餡，但呢到既魚肉燒外皮金黃透亮，咬落去彈牙，又有口感🥳孖寶車仔麵📍葵芳葵富路7號葵涌廣場地下A15號舖

先唔講啲餸，啲米線碎嘅，夾都夾唔起，又冧俾老人家食絕對冇問題，但係正常人食就會覺得完全冇口感。啲魚蛋有浸餲味，可能浸隔夜，甚至更長時間，啲牛腩碎到不得了，肥膏又多，啲牛筋硬過我條命，完全唔明白點解可以喺葵芳屹立不倒咁多年，可能係我唔識食，葵芳居民唔值得擁有一間咁出色嘅車仔麵，都係快啲結業。食評寫到呢度其實差唔多，不過OpenRice逼人哋200字先可以俾劣評，所以寫多少少，咁服務態度方面，正正常常一間小店咁嘅質素。

今日同朋友去咗葵芳行街買新衫過年，行到去葵涌廣場見到孖寶車仔麵，係間老字號，車仔麵好受歡迎，咁梗係唔好錯過！孖寶招牌麵：多款麵底和醬汁選擇，揀咗幼麵和清湯底，一碗有齊傳統車仔餸，豬皮爽口、豬紅滑溜、豬腸乾淨冇異味、魚蛋彈牙、蘿蔔林甜、雞翼肉嫩，全部都滷得好入味，幼麵亦好彈牙！凍奶茶色澤金黃且入口香濃順滑。魚肉碗仔翅：碗仔翅好足料，濃稠適中，加埋彈牙嘅魚生，豐富咗口感同味道。滷水雞髀：雞髀滷得好入味，皮滑肉嫩，店員話因為雞髀細隻咗，所以加咗隻雞翼比我，佢哋對顧客真係老實，值得一讚！爽滑腸粉：腸粉口感極佳，香滑細膩；醬料口味也很好，份量足，價格實惠。

Cart noodles you ought to try. I picked the house sauce dry mixed egg noodles, with five spice pork necks; braised beef briskets; rolled fish paste (生菜魚肉個種); plus very tender and sweet turnips. Everything tasted authentically Hong Kong, deeply flavourful, and in very tender texture (suitable for all ages including elderly/ kids). My best guess: The house sauce (秘製汁) was a mixture of beef jus, curry, five spice marinates and whatnots. It’s not spicy and complemented the noodles very well. Steame

好有泰國風味嘅一間泰西fusion餐廳😍每一樣都值得一試🇹🇭如果你鍾意泰國菜唔好錯過呢啲美味 😋=====================Food list📌🧋原味泰茶配自家奶茶雪條😍奶茶雪條滑溜溜甜度啱啱好搭配泰茶嘅香氣真係令人回味無窮 ☕️🍦🥭椰香芒果黑糯米 椰香味好濃黑糯米煮得恰恰好 芒果嘅鮮甜同椰奶嘅香滑完美結合食一口就停唔到 🥭🍚🧋泰式泡沫奶茶 奶泡厚厚嘅飲落去好有層次感香濃嘅茶味加上奶香真係一流 🥤😍🐣泰鹹蛋黃金單 就係另一個驚喜鹹蛋黃酥脆香濃咬落去有種滿足感真係好適合當下酒小食 🍳👍外脆內嫩味道好入味加上特製醬汁真係食到唔想停手 🍗🔥🇹🇭阿閒泰幸運炭烤拼盤🥰有多款肉類炭烤味道濃郁肉質鮮嫩伴隨嘅醬料都好有特色食完令我心情大好 🎉🥳

車仔麵 🍜 四個餸 $63（紅腸、蘿蔔、魚肉春卷魚和五香豬頸肉）車仔麵一定要揀油麵，油麵彈牙爽口，蘿蔔鮮甜多汁非常之入味，再配埋我喺最鍾意嘅紅腸簡直一流😋😋。魚肉春卷好香脆，每一嚿都吸晒湯汁，味道濃郁👍🏻。五香豬頸肉肉質鮮嫩，都非常之爽脆入味，再配上埋佢哋嘅秘製汁，簡直絕配足料糯米雞 $24糯米雞非常之足料，巨型龐大😋，餡料非常多，有雞肉冬菇等等爽滑腸粉 $12/4條腸粉超滑溜，軟硬度恰到好處，味道一流

在葵芳這一間車仔麵已經經營超過10年一直深得街坊鄰居的喜歡每天下午同晚上都有好多人過來食飯價格便宜 份量大方 不愧日日都咁好生意撈手工麵+魚肉春捲+雞中翼+蘿蔔+凍奶茶 $55撈麵的醬汁比湯麵更加濃郁 蘿蔔燉得好入味手工麵十分勁道 口感厚實魚肉春捲外脆內嫩 魚肉鮮美一定要食埋自家製菜脯 十分惹味撈埋麵一切食更加相口油麵+雞中翼+蘿蔔+豆卜+熱奶茶 $55雞翼醬油味出眾 雞肉嫰滑豆卜浸滿了沙爹醬汁 很濃郁成碗份量都好大 食完都好飽

話說葵廣入面有間開左好多年既車仔麵，小妹可以講系由細食到大🥰今日做完嘢經過，忍唔住又入左去🩷小妹食左：⬇️⬇️✨滷水雞中翼✨ $25/5隻鮮嫩多汁又大隻既滷水雞翼滷到勁入味，食落咸香帶甜，超級滋味👍🏻✨招牌3餸麵套餐✨$52 送熱飲湯底方面，有清湯、秘製汁、沙嗲汁、腩汁同孖寶辣汁🔥可以揀，款款睇落都好吸引，左諗右諗之後，小妹揀咗腩汁。麵底亦都好齊全，烏冬、米粉、米線、撈麵、油麵、粗麵、幼麵、公仔麵．．等等一應俱全，仲要連手打麵同腸粉都有，見到都幾有驚喜💖至於餸菜方面，選擇都有成50款，大路既豬紅、蘿蔔、豬紅、大腸、各式丸類、腸類、餃類、五香肉丁、咖喱魷魚等等．．全部有齊，最特別嘅係連豬油渣、回鍋肉、鳳爪呢啲唔係度度有嘅，呢度都有👍🏻👍🏻小妹最後揀咗鳳爪、雞腎、牛腩腩汁米粉🤩加左腩汁既湯頭濃而不濁，餸菜嘅份量都算幾多😉鳳爪軟腍唔硬易脫骨，煮既火喉好夠；帶有濃厚五香味既雞腎嫩中帶脆，口感唔錯；牛腩有筋有肉又入味，質感鬆軟唔黐牙🤓整體質素確系🉐️‼️🍜孖寶車仔麵📍葵芳葵富路7-11號葵涌廣場地下A15號舖

由佢得一間舖食到三間舖再變返兩間都一直幫襯緊，食嘅係情懷同味道😝 如果嚟葵芳，諗車仔麵/腸粉燒賣第一間一定係諗起佢🤭車仔麵最好就係想食乜都得，$55/3餸包飲品，再加餸就$11/個，今次要咗豬紅蘿蔔豬頸肉同牛雜，腩汁米線，再加咗沙嗲汁！雖然沙嗲汁要加$3，但值得嘅！如果食到辣嘅可以加孖寶辣汁，撈麵都係一個唔錯選擇🤭 驚辣得滯返唔到轉頭就用辣菜甫，好正🤭 佢嗰湯底係令成件事昇華咗🤭 同埋估唔到豬頸肉係每次嚟都會嗌嘅嘢，大家都可以試下🤭

話說 呢幾年多咗時間喺葵廣掃街食好西其中一間 就係位於葵廣地下嘅車仔麵啦成間舖真係座無虛席 食物種類花多眼亂車仔麵湯底可以揀清湯 秘製醬汁同腩汁加三蚊 仲可以揀沙爹汁同埋孖寶辣汁呢而麵類有撈麵幼麵 粗麵油麵米粉河粉外公仔麵手打麵 加錢可配烏冬同出前一丁亦有腸粉牛雜 魚蛋同燒賣等港式小食唷-三餸麵套餐 ($52) 送熱飲 (凍飲加$3)湯底揀咗腩汁 而三餸就揀牛腩 墨丸同沙爹牛肉呢牛腩炆得夠腍 墨丸口感夠彈牙 沙嗲牛肉係另上嘅沙嗲汁較為稠 有淡淡嘅花生醬味 整體食落好入味麵餅揀咗最愛嘅河粉 嘆埋杯冰凍嘅港式檸檬茶 掂