好到底水餃雲吞麵

營業中

休息中

好到底水餃雲吞麵今次要介紹一間喺元朗安寧路有一間麵店叫「好到底水餃雲吞麵」，我知道阜財街都有一間「好到底」，呢間新店大少少，坐得好舒服，呢間係佢哋家族第三代老闆開設，承傳爺爺年代配方，味道不變，一樣有自己嘅工場製麵，用心經營，繼續承傳！呢間麵店門口係有一級，輪椅人士要入去食嘅話，就要自備斜板，入到去左右兩邊係卡位，中間有幾張拼埋一齊嘅長枱，店員完全唔介意我輪椅大部，仲話我坐到就得啦，所以係非常歡迎輪椅人士入去食！1.牛腩麵（河粉）$47+凍奶茶$10（10/10）呢碗牛腩河粉入面有2大條牛腩同2大條牛筋，牛腩咬落非常軟淋，牛筋食落好似入口即溶咁淋，勁多骨膠原，河粉好滑，份量又多。只要叫任何一碗麵加$10就可以飲到餐牌上嘅飲品，我揀咗凍奶茶，凍奶茶非常香滑！2.雲吞麵（幼麵）$38+凍鴛鴦$10（9.5/10）呢配雲吞麵個麵底揀咗幼麵，幼麵無鹼水味，雲吞一共有5粒，每粒雲吞都好似乒乓波咁大，入面有好爽口嘅蝦仁同滿滿嘅豬肉，雲吞外皮超滑，真係超正。只要叫任何一碗麵加$10就可以飲到餐牌上嘅飲品，我揀咗凍鴛鴦，呢杯凍鴛鴦比較偏酸少少！3.炸鯪魚球（4粒）$44（9.5/10）呢碟炸鯪魚球一共

元朗「好到底」一向出名，反覆試過元朗阜財街店同呢間位於安寧路”好到底水餃雲吞麵”，可以肯定安寧路新店比較好，真心覺得無論麵底、雲吞，尤其湯底，都好食好多✨新店由好到底家族第三代老闆開設，承傳爺爺年代配方，承傳不變老味道，一樣有自己嘅工場製麵。而家要食到好味嘅雲吞麵真係唔易，非物質文化係要保留💪🏻地方乾淨企理，設有卡位，員工勤快招呼有禮☄️蝦子撈麵蝦子份量大方不吝嗇，鹹鹹香香，撈麵食真係好夾😋撈麵麵份量比雲吞麵稍多☄️水餃麵幼麵咬落去彈牙有嚼勁，無任何梘水味，幫襯幾次都keep到水準👏🏻個湯底係精粹，清澈見底，食完唔會覺得口渴，平時食麵唔飲湯嘅我都飲晒碗湯，因為真係好鮮甜😋水餃用燕皮，同一般嘅水餃皮唔同，口感滑中帶脆，好食，必叫🔥☄️淨雲吞如果一碗麵唔夠食，可以叫多碗淨雲吞或水餃。雲吞同水餃一樣都好足料，雲吞皮薄而滑溜，蝦肉爽彈，豬肉鮮甜，蝦同肉嘅比例啱啱好☄️炸雲吞脆口，內餡飽滿，炸物但無滴油👍🏻☄️炸鯪魚球外皮香脆，魚肉新鮮而且super彈牙，無腥味，大粒到好似乒乓波咁，配蜆蚧醬鹹香味出哂嚟正！💥蝦子蘿蔔蘿蔔清甜無渣，好多蝦子😍✴️餐牌

元朗老字號好到底開左新店，近朗屏西鐵站，地店幾方便，店內設有卡座，比舊店好坐喎。餐牌主打三款野～雲吞、水餃同牛腩，同朋友都揀左雙併，一次試多幾樣嘛。⭐水餃牛腩麵自己揀左湯麵，湯頭幾鮮甜，麵爽口無鹼水味，正喎🤤水餃有豬肉、木耳絲同鮮蝦等，鮮味爽甜。牛腩炆得軟腍，入口無渣。好味喎，成碗食晒湯都飲埋。⭐雲吞水餃撈麵朋友就揀左撈麵，雲吞皮勁滑，蝦肉彈牙，正。個人覺得雲吞同水餃都好好食，難分勝負😎⭐蠔油生菜翠綠清爽，點下蠔油都不知幾正。⭐炸雲吞拼炸鯪魚球寫係黑板的炸物小食，自己都無留意，係朋友見到話想試，又怕食唔晒就要雙併，兩樣都試下嘛。炸雲吞同湯雲吞味道一樣，但炸起上嚟皮更香脆。炸鯪魚球非常彈牙，放耐左都無回縮，大大球正呀，仲有鹹鮮嘅蜆芥醬，無得彈🤤⭐凍奶茶 & ⭐凍檸茶新店有水吧，叫返杯奶茶同檸茶先，走甜版～味道正，食完無口渴，真材實料嘅好店👍

元朗有唔少麵鋪，但係要搵到一間好食嘅真係好難。最近朋友介紹咗依間位於安寧路嘅好到底水餃雲吞麵，入口旁就係小廚房可以睇到師父煮麵。牛腩雲吞麵，牛腩煮得非常軟腍，好香口，而雲吞每粒都脹卜卜，咬落去已經見到大大粒嘅鮮蝦。而啲麵好有韌道，唔會太硬又唔會太軟，原來係佢地自己整架，完全冇鹼水味。水餃雲吞撈麵，水餃入面係鮮蝦同木耳，而撈麵一啲都唔乾，配上蠔油後更加惹味，而且仲好貼心咁送上一碗湯，清甜美味。炸鯪魚球，估唔到咁大粒，外皮炸得焦脆，魚肉鮮甜，居然仲有配上蜆蚧醬添，鹹香十足。炸雲吞，金金黃黃，就算係炸雲吞入面嘅餡料都冇偷雞，一樣係用到鮮蝦，好紮實。叫咗凍檸茶同檸樂，可樂係玻璃樽裝而唔係罐裝，爽呀。生麵、生雲吞水餃可以買走，最後買咗一打生雲吞，$45，打算係屋企打邊爐/煮麵食。餐廳侍應非常友善好客，而且用料用心，睇得出店舖係用個心黎為客人提供愉快嘅用餐經驗，值得再去！

整體味道同服務, 都覺得好過舊舖希望 越做越好希望 keep 住香港飲食文化特色✡️蝦子撈麵蝦子 好...多, 多過某連鎖舊店 xx, 食得出有鹹香味, 唔會有腥味.🍜撈麵 口感軟硬度適中, 唔會淋啤啤又唔會過硬, 而且完全冇鹼水味. 老闆話個麵係自家廠整🧑🏻‍🍳附送的一碗湯, 味道有啲似住家湯,「一啖湯一啖麵」，食麵時更滋味✡️牛腩蘿蔔牛腩4-5舊, 筋膜同肉質都軟淋, 但唔會乾柴, 調味剛剛好, 唔會好鹹, 唔會只得重醬油味, 係會食到牛腩嘅滋味. 而蘿蔔清甜, 唔會有苦澀味, 冇揸冇根.✡️炸鯪魚球一上枱我已心心眼, 鯪魚球好大粒, 仲大過匙羹, 新鮮炸起, 職員好細心溫馨提示: 裏面好熱！小心！蜆介睇落都好正, 大大粒脹卜卜, 食落好鹹香😊呢度啲份量好人性化, 叫咗個細嘅所以有2粒鯪魚球, 大嘅有4粒.隔離枱 加叫淨雲吞, 聽到職員溫馨提示有分大同細 各有幾多粒✡️傳統雲吞皮糖水職員話將會新推出糖水有幸能食到✌🏻希望唔好失傳飲落清甜, 雲吞皮口感滑滑, 一d 都冇鹼水味同冇粉味, 一啲都唔覺得係食緊 平時嘅雲吞皮, 似食緊腐竹糖水嗰啲腐竹咁, 不過呢個 size 比較大d, 口感 好

元朗不嬲有間「好到底麵家」好出名，原來有間新分店叫「好到底雲吞水餃麵」，聽聞係承傳左爺爺的配方由第三代經營，麵都係繼續工場自家出品，咁即係質素有保證啦！而且新店好乾淨企理，又大間d，幾好座。✨牛腩麵份量俾我想像中多，碗細細但勁多牛腩，份量十足，一夾起就感覺到炆得好軟淋，一咬就斷，牛腩走清爽路線，食多幾舊都唔膩。幼麵唔重鹼水味，本人少少怕好勁鹼水味果一種，所以好鍾意食呢間店的麵。湯底都夠晒清爽，用牛骨熬出的湯味，鍾意重口味的可以要求加腩汁。✨炸雲吞 炸鯪魚球口痕叫左d炸物食下，應該係新鮮即炸的，等左一陣先上菜，熱辣辣香噴噴。炸鯪魚球超大粒，裡面好足料厚實，第一次食鯪魚球附蜆芥醬，點一點試下又幾有趣，似點腐乳醬咁鹹，不過又有少少芥辣味，不妨一試，記得一次唔好點咁多😆 其實唔點任何醬都已經好好味。炸雲吞個樣靚到開晒花咁，而且炸得好乾身，食落唔好油淋淋，好香好脆，每粒都包左大粒蝦和豬肉，兩個字：好味！點少少泰色甜辣醬更加惹味，轉眼間就食晒！下次試下湯雲吞先☺️最後有少少驚喜係杯凍奶茶幾好飲茶味濃得來又跟奶幾平衡幾香滑叫左少甜就真係少甜，唔會多左或無左。

元朗安寧路開左”好到底水餃雲吞麵”，安寧路新店座位更闊更舒服，麵底、雲吞，尤其湯底，都更好食~餐牌主打雲吞、水餃同牛腩牛腩麵有5-6件牛腩，筋膜同肉質大件厚身但夠淋，調味剛剛好帶鹹香，而蘿蔔清甜冇根，可以放心食。雲吞牛腩麵食呢D中式麵一定要有湯，湯頭幾鮮甜，麵爽口而且無鹼水味。雲吞皮勁滑，雲吞有豬肉同鮮蝦等，鮮味爽甜。牛腩炆得軟腍，入口無渣。好味喎，成碗食晒湯都飲埋。炸鯪魚球非常彈牙，勁大粒一人兩粒剛剛好，外皮炸得焦脆配上蜆蚧醬，咸咸香香，魚香十足。

街坊們聽住！安寧路呢間同名分店先係真正嘅「隱世大佬」，唔單止味道高幾班，連份量都抵食到嚇親人！話明「貴精不貴多」，門口睇落普普通通似街坊麵檔，但一啖牛腩落口即刻想舉牌「米芝蓮漏網之魚」！記得係安寧路依間，唔好去錯另一間同名餐廳！✨鎮店三寶必點✨1️⃣【淨牛腩 $55】唔係講笑！腩肉淋得啱啱好，易咬得黎入口竟然仲keep到D彈牙感！秘製牛腩汁完全滲入肉紋，我直頭想打包啲汁返屋企撈飯！忍唔住叫多兩碗淨食！-【牛腩麵 47】湯底竟然唔會鹹到口渴，仲加左8蚊可以轉做伊面，又估唔到都幾夾咼！2️⃣【水餃麵 $50】四大隻水餃霸氣到差啲遮晒個碗！水餃皮包住爆餡蝦肉，咬落「嗦」一聲，仲有冬菇絲同其他料增加口感，連平時唔太鍾意食水餃麵嘅我都想encore！3️⃣【自家製紅棗豆漿】紅棗味唔會假甜，反而有淡淡既紅棗香，同豆香完美融合，飲完成個人暖笠笠～🌟其他驚喜位🌟【生菜鯪魚肉 $35】魚肉彈牙到可以打乒乓球！鯪魚味濃得嚟完全無腥氣！食得出好新鮮！【淨雲呑 $38 】真係要單獨開名讚呢碗「隱世雲呑」！一上枱望落平平無奇，點知一啖咬落即刻瞳孔地震——雲呑皮薄到似阿婆塊嫁紗，透光望到裏面粉嫩豬肉同橙紅蝦仔，豬肉打得好似蝦

淨水餃的味道非常美味。鮮蝦的鮮甜與木耳的脆嫩相結合，口感層次豐富。餃子皮薄透，輕輕包裹著餡料，咬下去時，鮮蝦的鮮味瞬間釋放，木耳則增添了一絲獨特的香氣和口感，滋味清新，帶有淡淡的鹹香，讓人回味無窮，健康又美味，湯底用上大地魚鮮魚等熬製，湯底味道鮮甜，入口清香，正正宗宗傳統味道。蝦子撈麵的味道鮮美而豐富。表面灑上滿滿的蝦子，入口濃郁的海鮮鮮味，麵條彈牙，令人垂涎。撈麵蝦子混合，麵條滑順，口感極佳，入口增添了層次感和香氣，鮮香四溢，讓人回味無窮，又有麵條的韌性，是一碗令人滿足的美味。炸雲吞的味道外脆內嫩，口感非常誘人，外層金黃酥脆，咬下去時發出清脆的聲音，由鮮蝦和豬肉做餡料，肉質鮮嫩，味道層次豐富。每一口都能感受到餡料的鮮美與炸皮的酥脆，回味無窮。蜆蚧鯪魚球的味道鮮美獨特，鯪魚球外表金黃酥脆，內裡卻是柔嫩滑順，帶有豐富的魚肉香氣。蜆蚧帶來了淡淡的海味，增添了鮮甜的層次感，口感豐富且不油膩，好好味。

放假瞓到夠想食雲吞麵，一於嚟安寧路呢間好到底蝦子撈麵勁高質，蝦子份量十足，調味一流，粗麵好有咬口，湯清得嚟夠濃味雲吞水餃皮薄餡靚，雲吞大大粒彈牙鮮蝦，水餃餡料滿滿，口感豐富，湯底清甜炸嘢同樣出色，鯪魚球厚實彈牙，炸雲吞外皮脆卜卜好香口蝦子蘿蔔好好食，蘿蔔完全冇根，蝦子調味好特別好出色，生菜新鮮爽口，大大碟好底食奶茶檸茶一睇就知茶底夠晒濃，兩杯飲品同樣醒神店面乾淨光猛，唔算逼幾好坐，食物選擇唔好，做到傳統經典味道，抵食又好食

今日係元朗見到間好傳統既麵檔，心諗好耐無食過，就拉埋老婆去試下入面裝修格局完全係以前細個係麵檔個啲佈局，好懷念老婆叫左淨雲吞，每一粒雲吞都有原隻蝦係入面，唔係肉碎，好鮮味牛腩餃子撈麵，牛腩煲左好耐勁淋，好香濃肉味，腩汁撈埋落啲麵到勁香口，如果再多少少鹼水味就100分啦餃子亦好出色，同樣有蝦係入面，仲有木耳絲好爽口，大大隻一流炸雲吞呢啲每次我都必叫，即叫即炸熱辣辣脆卜卜，配上辣醬無得輸。蝦子蘿蔔，蘿蔔本身都煲左好耐，一黎勁淋唔洗點咬都食到，二黎已經索晒啲湯汁，一放入口勁多水好鮮甜，面頭加既蝦子再添上一層風味。炸鯪魚球，中間好實肉，咬落啖啖肉好滿足見到呢到仲有特色紅棗豆漿，話可以補身，即刻叫返杯比老婆飲，估唔到都幾夾！

大家好今日到了元朗安寧路既好到底水餃雲吞麵. 呢間店係自己做麵全店有好多款麵首先試左雲吞牛腩撈麵 麵係淺啡色唔係太黃果一隻同埋無乜硯水味麵質比較有咬勁雲吞就係有婆婆新鮮包饀料有蝦同埋豬肉牛腩就係柱侯牛腩既顏色不過唔係好濃既醬料味係偏清淡既牛味甘我就食左佢既水餃牛腩伊麵水餃比雲吞大隻少少除了蝦同豬肉 仲有D木耳做饀我覺得呢種既水餃同雲吞都係整得幾有心機伊麵就要加$8 都幾好味更好地吸收湯底既牛味跟仲點了蠔油生菜 都幾大碟同埋生菜都好新鮮仲有就係即炸雲吞 外皮好香脆同埋 蝦子蘿蔔 有好多味濃既蝦子配己有上湯底味既蘿蔔蘿蔔我都幾鐘意因為完全無渣飲品點了凍鴛鴦同埋另一款凍紅棗豆漿都可以飲到有淡淡紅棗味比較有益

元朗安寧路好到底水餃雲吞麵，已經傳承到第四代，新鋪裝修光猛，設有卡位，坐得舒服。雲吞麵：雲吞皮薄而且好滑，蝦肉既鮮香和肉餡既香味互相融合，每一口都食到太嫲既用心製作；粗麵質地有咬口，沒有鹼水味，帶蛋香和麵香。牛腩米粉：牛腩份量十足，炆得好入味，肥瘦均勻，肉質軟腍，米粉索湯力強，吸收晒腩汁既精華。淨水餃：水餃大大隻，餡料除左爽彈既蝦肉，仲有鮮甜既豬肉，加埋爽脆既木耳絲，層次感非常豐富。炸鯪魚球：大大粒，即叫即炸，新鮮彈牙，配上帶咸香口感既蜆芥醬，簡直係絕配。蝦子蘿蔔：蝦子為平平無奇既蘿蔔，增添左整體香氣。生菜鯪魚肉：鯪魚肉人手打做，食到鮮魚味，完全唔腥，調教既味道恰到好處。紅棗豆漿：豆味香濃，甜度適中。總結，食物保持一貫水準，係我入元朗必吃店首選。

-水餃麵 $50水餃有足足四粒！粒粒都皮薄餡靚👍🏼仲見到大大粒蝦肉，麵底爽口，食完一啖會想繼續食，咁多年都仲keep到水準，出面真係食唔到呢種麵底嘅口感🥹-炸雲吞 $22新鮮即炸👍🏼肉同皮份量均勻，即使只有一口肉，都有一大粒蝦肉係入面🤩熱辣辣點埋甜酸醬真係食過返尋味！-炸鯪魚球 $24又係新鮮即炸，一咬落去係實心🤩成粒都係魚肉，口感滿滿，每啖都好滿足！仲有佢啲汽水仲係支裝👍🏼係童年回憶～細細個已經有食，估唔到到大個再去食，仲食得返以前細個食嘅味道🥹呢啲老字號麵店真係愈黎愈少了，其實到依家一到下午或者收工時間都仲有好多人去食，大家有興趣都記得去幫襯👍🏼

今日晚餐去左安寧路呢間好到底水餃雲吞麵到食，佢呢到有自家廠房，D面係自製，仲可以買番屋企食! 炸醬撈面 (細)炸醬味道甜甜辣辣，好開胃。幼麵完全冇鹼水味，食落爽口彈牙。豬柳絲份量好多，面再撈埋炸醬，完全掛曬汁，啖啖滿足。蝦子撈面蝦子味道甘香濃郁，食落鹹香鮮甜。叫左撈面都會有碗湯，一飲就有好濃郁既大地魚味，好甘鮮。淨雲吞份量足，皮薄且口感嫩滑。雲吞有蝦肉同豬肉，食落好足料。炸雲吞口感酥脆，好好食!炸鯪魚球十分爽彈 ，而且呢到竟然係配蜆蚧醬，好正宗既食法。蜆蚧醬咸鮮既味道，將鯪魚球既味更上一層樓!整體環境企理，食物抵食，可以再encore!