好到底水餃雲吞麵

營業中

休息中

元朗安寧路好到底水餃雲吞麵，已經傳承到第四代，新鋪裝修光猛，設有卡位，坐得舒服。雲吞麵：雲吞皮薄而且好滑，蝦肉既鮮香和肉餡既香味互相融合，每一口都食到太嫲既用心製作；粗麵質地有咬口，沒有鹼水味，帶蛋香和麵香。牛腩米粉：牛腩份量十足，炆得好入味，肥瘦均勻，肉質軟腍，米粉索湯力強，吸收晒腩汁既精華。淨水餃：水餃大大隻，餡料除左爽彈既蝦肉，仲有鮮甜既豬肉，加埋爽脆既木耳絲，層次感非常豐富。炸鯪魚球：大大粒，即叫即炸，新鮮彈牙，配上帶咸香口感既蜆芥醬，簡直係絕配。蝦子蘿蔔：蝦子為平平無奇既蘿蔔，增添左整體香氣。生菜鯪魚肉：鯪魚肉人手打做，食到鮮魚味，完全唔腥，調教既味道恰到好處。紅棗豆漿：豆味香濃，甜度適中。總結，食物保持一貫水準，係我入元朗必吃店首選。