太平館餐廳

營業中

休息中

環境舒服，冇咩人幫襯，唔洗逼但價錢貴，野食又唔係特別好食食材普通，又唔係住得特別好食好似食緊隔夜餸。不過賣相呃得下人........無特別唔抵食不會再哩 ！！！！

同家人親戚一行八人去咗太平館餐廳慶祝Boxing Day。一踏入餐廳，就有一個去咗第二個國度同穿越時空嘅感覺，餐廳設計由天花到地氈都好懷舊，牆上掛有舊香港嘅相片，真叫人懷緬過去。環境氣氛都一流，座位闊落，坐得好舒適，家人都好鍾意。我哋點咗餐廳大部分嘅經典名菜：瑞士雞翼、干炒牛河、烚鹹牛脷、燒豬髀、焗葡國雞飯、焗梳乎厘，另外仲有捲筒石斑同大蝦多士配沙律。蝦多士：不過不失。炸得好酥脆，但無乜蝦味，亦無乜多士味。瑞士雞翼：瑞士汁一流，甜甜的，好濃郁，好開胃，佢加咗麻油令味道更香口。但我覺得雞翼口感可做得更好，雞皮唔彈牙，肉好淋，但亦係欠彈力同嫩滑。另外，啲雞翼未夠入味，佢只係層皮有瑞士汁味，肉則沒有。但個汁真係出色嘅，食到舔舔脷！干炒牛河：我全晚最欣賞嘅菜式。炒得好香，食落去唔油膩，鹹甜當中帶有淡淡嘅燶味，牛肉好嫩好滑好彈牙，河粉亦炒得剛剛好，晶瑩通透，有彈力。無得彈！烚鹹牛脷：見到碟餸，本身有啲擔心，擔心淨係得鹽水，牛脷會唔會好酥。點知一食有驚喜，牛脷好香，即使係厚切亦唔會硬，煮得好淋好嫩亦彈牙，口感一流，味道唔錯。燒豬髀：，汁好香甜，顏色同味道都好似瑞士汁，肉好薄身好嫩，吸晒啲汁嘅精華，

聖誕大餐🎄今年去老牌餐廳食懷舊🥰氣氛好食物又好食👍🏼.懷舊復刻版聖誕大餐A HKD5501️⃣鵲肉大蝦多士2️⃣燕窩雞茸湯3️⃣古法煙䱽魚4️⃣燒火雞火腿5️⃣傳統燒乳鴿一隻6️⃣聖誕布甸7️⃣咖啡或茶或橙汁太平館瑞士雞翼(8隻) HKD185.味道 ★ ★ ★ ★ ☆聖誕大餐set每道菜都好食😋蝦多士啖啖肉又大塊燕窩雞茸湯都好濃陏好香，有ok多燕窩，好補🤣古法煙䱽魚都好食，味道好特別，魚肉又唔硬燒火雞火腿呢個擺盤幾特別，雞皮雞肉火腿薯蓉，雞肉好食薯蓉都滑傳統燒乳鴿有炭燒味，多肉可惜燒耐左，有d overcooked，整體都ok既聖誕布甸係普通brownies 普通我地仲叫左份招牌瑞士雞翼，呢個真係好食，隻隻都係雞全翼，入哂味👍🏼雞肉都嫩滑，有8隻份量都多.環境 ★ ★ ★ ★ ☆枱凳乾淨，我地有訂枱，有卡座，坐得舒適。因為佢保留住以前以木為主既裝修，好有90年代既感覺，懷舊感覺.服務 ★ ★ ★ ★ ☆老公打去訂枱時，個姨姨都好有禮貌。到正日打黎confirm booking都係每位叔叔都有禮貌，會主動斟水。有個哥仔幫我地合照仲影得好好👍🏼.價錢 ★ ★ ★ ★ ☆CP值高既聖誕大餐，平安夜只收minimum

昨天晚上到太平館餐廳前看過食評，差點兒打退堂鼓，食評提到食物一般，服務差，但由於不想再找別的，姑且給次機會。最終點了海皇湯、招牌乳鴿、煙薰䱽魚、焗豬扒飯及梳乎厘。當中海皇湯印象最深刻，湯底是龍蝦湯，湯料有薄薄的鮑魚片、帶子片、魷魚、蝦球和魚，很足料，很有驚喜，其他的亦不錯。服務方面很窩心，每吃完一款食物就替客人更換一次碟，且還奉上手套給客人吃乳鴿，再送上濕紙巾給客人抹手，絕對服務週到，不像之前看到食評中的那麼差，其中一位服務員(Gray)還告訴我們如果喜歡海皇湯，下次點任何套餐，只要加$30便可轉餐湯為海皇湯，更抵吃。是一次很為客人設想的服務呢！所以下次一定會再來。

午餐包的餐湯, 選了經典羅宋湯，濃郁夠味，蔬菜很多, 飽肚. 餐包好靚, 漲卜卜, 鬆軟可口。主菜是俄國牛柳絲意粉。牛柳絲味道是比較清淡，醬汁特多, 勝在大件抵食。

除了疏乎厘 其餘牛扒餐煙槍魚瑞士雞翼 連普通茶餐廳質素都冇 侍應態度差 以後不會再去 1.牛扒套餐$300 絕對是垃圾 連外面茶餐廳$70質素都冇 0/102.煙槍魚吉列魚柳餐$300煙槍魚是垃圾魚乾 聲稱吉列石斑其實就是吉列魚柳 0.7/103.瑞士雞翼還好 3/104.疏乎厘好食8/10除了疏乎厘 其餘牛扒餐煙槍魚瑞士雞翼 連普通茶餐廳質素都冇 侍應態度差 以後不會再去 1.牛扒套餐$300 絕對是垃圾 連外面茶餐廳$70質素都冇 0/102.煙槍魚吉列魚柳餐$300煙槍魚是垃圾魚乾 聲稱吉列石斑其實就是吉列魚柳 0.7/103.瑞士雞翼還好 3/104.疏乎厘好食8/10

宜家懷舊港式西餐廳真係買小見小 呢到更係有百年歷史相信唔小老一輩既人都聽過佢既大名 一入門口就已經感受到個種老香港既氛圍 有點陳舊既紅地墊 著西裝既叔叔waiter 典型中式menu而呢到最出名既當然係梳乎厘 瑞士汁菜式都係呢到招牌.🎈2人套餐 ($494)碟頭好大 建議女孩子3個人開心些牙都足夠~套餐仲包左兩杯餐飲同甜品 可以選擇jelly或者雪糕👉海龍皇湯海鮮湯兩大碗 入面有小小蝦肉幾有蝦味 味道剛剛好~加埋熱既餐包一齊食最完美！評分: 7/10.👉太平館燒乳鴿2人餐可以選擇瑞士雞翼或乳鴿 一份有一隻 店員貼心一開四仲有手套比你用手食 相當方便！乳鴿無常見既淮鹽 取而代之既係瑞士汁肉質好多油同夠嫩滑 算係做得不錯~評分: 7/10.👉煙肉炒雜菜 雖然都好有味但已經係成餐飯最清淡既一道菜😂份量大就不在話下 而且蔬菜煮得超有煙肉味啊評分: 7/10.👉太平館瑞士汁炒牛河炒牛河都分左兩款 甜既呢一款比較popular小小一開頭食既時候味道不錯 好適合重口味人士但越食到後期就可能會覺得有點油膩了肉既分量同樣非常慷慨 肉質嫩滑唔會咬唔開~評分: 7/10.🎈燒豬脾 ($124)呢個會有點兒顛

好似九十幾蚊加一咁可以揀餐湯或者沙律，配意粉或者飯😂沙律係港式茶餐廳撈好沙律醬嗰種。有人問我係咪特別好食？其實我只係鍾意食佢嘅瑞士雞翼，只可以話佢啲雞翼真係好滑，但係其他嘢就只係一般啦，疏乎厘係適合打卡不過真係甜到有啲食唔落😂呢啲老式嘅餐廳，始終都有佢嘅存在價值，我間唔中都會無啦啦想嚟食嘅雞翼😂😂😂😂某程度上呢間真係我嘅comfort Food咁多分店我食得最多係尖沙咀呢間，雖然侍應感覺好有性格，不過都Nice

呢間餐廳又係另一間由細到大嘅餐廳！屋企人每次去親都係呢幾款食物😂長情都爆！今次同媽咪經過尖沙咀，又上黎幫襯下先📍乾炒牛河炒得上色均勻，調味剛剛好❤️不過就油膩咗少少。炒河粉真係好難控制得好🥲落油唔夠就會黐埋一舊，落得太多油又會好油。。。希望下次再嚟食會好啲佢有另一個招牌菜叫做瑞士汁炒牛河，都好多人叫，口味會比乾炒牛河甜dd📍 乳鴿另一款我哋成日食嘅就係乳鴿，肉質幼嫩，juicy🤤🤤 媽咪食得好開心呀！不過如果你想要服務好好嘅餐廳，佢哋就未必比到你啦。店員有時會好幽默，幽默到你都唔知點答佢好😆😆😆但係黎懷舊一番，就係一個唔錯嘅選擇既~

中式梳乎厘😀梳乎厘很鬆軟，好重蛋白味，份量非常大，但食到最後很飽擠，要很多人share先食得晒。其他餸菜味道一般。整體感覺很懷舊，可以和長輩一起去吃，可以一試。

想當年，剛出來工作，好難得先可以去一次太平館食晚餐，到了搵到少少錢之後，又會覺得太平館老土，到了今天，太平館是一個回憶及享受的一晚！來到太平館，當然要點選復刻版懷舊大餐，再加一份燒豬髀。餐包永遠嘅軟綿綿，熱辣辣，配上雞肉椰菜花忌廉湯，估唔到雞肉加入忌廉湯，非常夾！蟹肉咯嗲的沙律醬多了點，瑞士汁雞翼一樣大大隻，口味沒有變，牛柳應該有啲過熟，最回味是燒豬髀肉，肉質細嫩，醬汁入味，加上配菜，食指大動，最後有雪糕及飲品，十分滿足的一餐！希望懷舊的港式西餐可以繼續經營！一定支持！

港式西餐老店，雖然未達致非常、非常好食，但食物擁有懷舊的味道，值得一試！進食時，可以回憶一些舊式⋯⋯港式西餐獨特的味道，牛油搽多士有家的感覺，忌廉湯有香滑忌廉奶味，瑞士雞翼汁可餸2碗白飯，侍應們擁有獨立、獨特的老伙記性格。值得一讚太平館燒乳鴿、梳乎厘，一個笑聲不絕的晚上，愉快！！！

男朋友生日，一家人4個人一齊食呢間懷舊餐廳食晚餐慶祝，對呢間歷史好耐既餐廳都算有啲期望啦，但想不到大失所望囉。首先我地有Booking枱，已經叫過佢比張好啲既枱，但佢比我地張枱位置唔算好，卡位、係正走廊T字轉角位，不停有人經過，張枱好細，大家想share一齊食，但中間位置最盡只係可放到兩碟野。第二，服務態度好差，侍應同之間呼呼喝喝既聲音好大，不時聽到：我淨係做你一個客咩、咁你唔好嚟呢度食囉，之類說話.....。落單時態度好衰，感覺似去茶仔食野咁，講完想等一等佢寫，但佢態度冷漠咁叫我：繼續丫，咁樣講，落落吓單又同其他同事講野，講左幾廿秒搞到要係到等佢講埋先可繼續講，最衰既係佢幫我地落完單收起本菜單，拎完之後頭也不回咁走，搞到夾係中間張硬膠菜單跌左係枱都唔知，叫著佢都唔回頭囉！好痴線，如果菜單跌係枱度搞到倒瀉啲熱茶點算？第三，上菜非常之急，咁佢張枱好細啦，四個人想Share啲野食，咁自然啲野食會放係中間啦，但中間最多放得兩碟野就無位，咁中間有一碟野已經食完，佢又有新野食要上，但佢竟然想就咁疊係個焗盤上面囉🤣咁我屋企人叫佢收左個焗盤先，佢竟然話：我無手阿，咁囉😂😂咁之後我地都食得好急啦，因為

聽講以前都係有錢人先會去太平館食飯~而佢最出名就係瑞士汁不過...瑞士汁其實同瑞士係無咩關係... 只係 sweet 同 swiss 太似先會有咁既關係...除左裝修懷舊,  太平館既伙記都係老一輩既雖然佢地係著整齊既恤衫西褲, 不過佢地既態度都係充滿霸氣!平時如果一家人黎食就一定會叫佢個疏乎里不過今日就只係點左瑞士汁炒河同瑞士雞翼炒河加上甜甜地既瑞士汁又唔會太油膩牛肉有咬口唔會過淋瑞士雞翼入口重麻油香, 熟既程度岩岩好, 好鬼嫩~~

今日和友人在尖沙咀搵食，搵搵下就選了太平館。我們沒有訂位，7點鐘到餐廳，walk-in仲有位坐。餐廳裝修比較老式，係二三十年前應該算係好有情調同華麗的裝修！餐廳的侍應看上去做了很多年，都頗霸氣的。我們點了晚餐Set C，有海龍皇湯、瑞士雞翼、焗豬扒飯和甜品。海龍皇湯幾好飲，裡面有蝦肉和帶子！ 瑞士雞翼算是這餐廳的招牌，瑞士汁和出面的有少少不同，少少醎、比出面冇了甜味，麻油味很香，偶然會食到少少澀味！試了幾口瑞士汁，都試不出裡面成份 hahahaha焗豬扒飯的豬扒，是吉列豬扒，上面加上茄汁，幾好味，肉質鬆軟！我們兩個人還點了梳乎厘，真係好大個，我們食到好飽都食淨了少少！梳乎厘最上面個皮好好味，而下面係蛋黃打成的，食完真係好飽！