太元樓

營業中

休息中

幫襯新開既太元樓，叫左3人份既外賣自取，同事拎完外賣返到黎，已經大叫，外賣盒好貴。我起初都唔為意，一夾錢睇一睇，真係嚇親本來個餐有個主菜附送餐湯，點知就要收2個外賣盒錢，仲要收2蚊個喎叫左幾個外賣收左我18蚊既盒錢，收完外賣盒仲要收埋外賣袋錢，超級唔合理囉！！我地返工成日都行唔開，基本日日都叫外賣食，佢附近既餐廳都唔會咁收費啦，簡直離譜，食物幾好食都無用啦！

🥰 爆唒場嘅上海菜為左等好友放工 九點先食飯🙈以為會少點人 點知都要等 好爆場呀！裝修唔錯 寬躺舒適👌🏻一坐低已有青瓜作前菜 啱唒我了 (餓到飛起😂🔸 五星雞絲拌麵 $68喜歡吃拌麵的不要錯過‼️麵條一團團整成星星甘 中間係雞絲雞絲同醬汁已經混合好 醬汁好惹味亦偏辣入口非常過癮 辣但好好味🥰🔸 小籠包 $38小籠包大大隻 湯汁好多✨皮夠薄 不錯的🔸 紅抽炒手 $58這個中規中矩 同岀面的無差🔸 鎮江骨 $88算大碟 不過鎮冮醋味道不夠濃🙈🔸 紅棗心太軟 $48原粒紅棗中間釀了年糕口感煙韌🥰🍽 太元樓🔎 北角電氣道233號城市花園1，2及3座部分平台地下 24-49號A及C號舖

話說最近去北角探啊姨既時候發現又有新餐廳,決定同老公去食一食😋有睇開我食評既朋友都知道我中意食西餐,日本餐比較多,中餐真係比較少,所以今次呢間真係值得推介👇🏻餐廳位於北角電器道,非常易搵👇🏻餐廳闊落,坐得舒服,對於要帶小朋友出門非常方便👇🏻冷盤先來一個黃金熏蛋,$12,蛋黃流心,超有煙燻味,好抵食👇🏻酸辣湯,$38,例牌,同老公食一個例牌就夠啦,超多餸,酸度辣度岩岩好,而且唔會一層辣椒油係上面👍👇🏻小籠包,四隻,$38,真係皮薄餡靚,入面好juicy👍👇🏻招牌松子魚,$188,酸酸甜甜,好開胃,魚肉炸到脆卜卜,小朋友非常中意食👇🏻鎮江骨,$88,排骨肉夠霖,好食,配飯一流👇🏻高力豆沙,$13,熱辣辣,好軟熟👇🏻豆沙窩餅,$62,即叫即炸,紅豆餡好多,見唔見到圖爆瀉

好耐好耐未食過上海菜，好掛住我最愛既小籠包，朋友仔知道就即刻帶我去試間新野﹗講緊既係北角既太元樓，北角雖然對我黎講都幾遠，但有好野食梗係唔怕去啦，仲要係上海菜七點半鐘黎到都幾多人，好在地方夠大，都唔算等好耐，兩個人安排佐個都幾靜既位俾我地。黎到即刻有個前菜拍黃瓜︳都幾入味。望望餐牌，港島區黎講真係一D都唔貴，我地兩個人點佐成五樣野再加個菜飯，真係食到捧住個肚走先黎第一個就係我最鐘意既小籠包，38蚊4隻，一D都唔貴熱辣辣，一咬開個頂，D 汁直頭湧出黎，個皮又夠薄，好正﹗肉汁鮮甜﹗好耐未食過咁好食既小籠包，個刻我得一個諗法，早知乜都唔叫，今日食小籠包食飽佢再黎就係一碟好有上海特式既菜，叫百葉小棠菜78用高湯去整豆皮同小棠菜，小棠菜好新鮮翠綠，豆皮唔似一般食開個種質感，好滑好淋，直頭好似食豆腐咁，好香豆味﹗唔知係咪自家整既，或者真係用佐長時間去做，唔錯再黎係個炒鱔糊108呢個鱔糊係用九王去炒，落佐超多鱔，仲要舊舊都好肥美，好香好入味，餸飯真係一流，同場我地點佐一個菜飯SHARE (因為仲點佐個排骨面)媽媽鹹肉菜飯13  (個名都幾得意)菜飯一碗上，無想像中咁多菜咁多料，但都好香口，飯身唔會好

今晚同屋企人去北角食上海菜，太元楼在城市花園附近，新開業，裝修很優雅，座位舒適。我地四人叫左幾款地道上海菜。菜館名菜太元燒雞配南乳醬汁，好配搭。黃金好好味，可惜太少！跟着水晶肴肉，買相好又好食，還有牛展拉麵，沒太特别，紙是合格，再來一碟上海排骨炒飯，較為差，炒飯不夠金香。總括這裏晚飯都不錯，較新派上海菜館。

同老人家吃飯最好不過選中菜，因為一定最適合佢地口味，今日食嘅呢一間京菜食店非常不錯，大人細路都好啱吃，而且還做緊$28隻乳鴿推廣。$28隻乳鴿，點可以唔吃，所以我地點了二隻，唔知係咪妙齡既原因，乳鴿好嫩肉。這糖醋排骨非常好味，完全索曬糖同醋既調味，不會過甜、過酸，調味剛剛好，而且個糖醋骨還炆到淋淋的，炆到肉同骨都快要分開，所以好入味，好開胃，個個都大讚這個糖醋骨煮得好，真的沒想到這麼好味道👍🏻，而且份量亦不少，真抵吃！還有，這個肉絲兩面黃都不錯，麵炸得又香又脆，不但不油，還很乾身，配上那個白汁，又是一道難以抗拒的美味菜式。

來到一間在北角砲台山站附近開了不是很久的京菜館，之前經過時看到沒有什麼套餐，午餐應該也要散叫，所以人不多。今天經過突然見到有午市套餐，決定入去一試，午市套餐也是收取50多元，在這個地區算是挺便宜。主菜我選擇了食京蔥牛肉，另外他可以選擇要豆漿或是酸辣湯或是粟米羹。由於本人不是太喜歡吃酸辣，所以選擇了粟米羹，另外加25蚊可以有一個小食，今天比較肚餓，我選擇了吃一個雞絲粉皮。雞絲粉皮份量算是可以，雞絲份量亦足夠，粉皮彈身，而且麻醬也挺好味，是一個挺好的開始。粟米羹就什麼特別，喝下去有粟米味，而且有加蛋，對比平常經常吃到的罐頭粟米羹好，由於是跟餐也沒有什麼期望。最後是京蔥牛肉，京蔥牛肉份量挺大，牛肉亦有7，8片左右，再配上大量的京蔥，京蔥好像廷新鮮，就算只有一個餸也可以把飯完成。牛肉沒有炒得太老，吃下去還有一點紅，但是不會看得出血水。醬汁方便就略為咸了一點，如果送飯也是可以的。

北 角 又 開 了 一 間 新 的 京 川 滬菜 館👍是 咁 的。。。昨 天 見 完 客 經 過見 到 的 😅 正 好 是 晚 飯 時 間，就 同 同 事 一 起 試 試 吧～簡 簡 單 單，鍾 意 食 咩 就 劃 咩😁京 川 滬 茶 式，一 般 都 齊 備看 看 四 周，裝 飾 都 很 雅 致🤗最 喜 歡 這 幅 金 魚 畫，畫 得 栩 栩 如 生🤩兩 個 大 男 人， 都 係 鍾 意 飲 下湯，但 係 又 想 食 肉 喎，於 是 乎梗 係 要 雲 吞 雞 啦 😍叫 個 例 牌，有 原 隻 雞 腿，先 試 啖 湯，清 甜 😋雞 腿 嫩 滑，一 煲 內，有 菜 有肉，美 味👍雲 吞 皮 薄 餡 靚，一 人 叫 個 靚 仔 白 飯，食 得 滋 味😅韮黃鱔糊，大大碟，份量十足~其 貌 不 揚 、 材 料 簡 單 的 炒 鱔 糊 ， 上 枱 時 香 噴 噴 ， 一 陣 濃 香 誘 人 食 欲 。沾 滿 醬 汁 的 鱔 魚 入 口 爽 滑 軟 腍 ， 香 濃 惹 味 ， 足 以 令 我 們再 添 碗 飯 😅高 力 豆 沙 亦 是 必 食 呢 😬原 來 不 止 是 豆 沙，還 有 香 蕉 蓉 呢

探完友人，到附近晚餐。看見這間新開張都咁多人，於是便在這間晚飯。這裡都頗大，有些卡位、有些圓枱，可自成一角。我們算是早食晚餐的，但內裡已有很多人進食 餐牌得兩頁，但種類頗多。我們點了「小籠包」、「素蒸餃」、「野菌炒牛肉」、「回鍋肉」，當然唔少得「妙齡乳鴿」。首先奉上小食，辣青瓜，爽脆開胃！妙齡乳鴿，熱辣辣，皮脆肉嫩，很香口 小籠包，睇到皮內多汁，要小心吃，不然就會漏晒D汁。素蒸餃，饀料都頗多，清清地，味道不錯！野菌炒牛肉，牛肉肉質嫩滑，再配野菌及醬汁，很惹味，配飯一流 回鍋肉，不太多油，也不太辣，配飯

係朋友屋企玩完BB, 一齊去食晚飯，朋友話想試下屋企留下新開既上海菜， 所以一早就book左門口放左個乳鴿牌，限量供應$28一隻，但可惜我地去到既時候乳鴿已售罄了餐廳好光猛，而且坐無虛席，好在有book枱，唔洗等位我地被安排左佢地講既風水位，係餐廳既角位可以望到街景，雖然係角位，但會好難叫侍應，眼見人手都好多，重不時會經過睇下需唔需要幫手同傳統既上海菜一樣，會有辣青瓜豬展小食，一邊食一邊點食物，辣辣地幾開胃！小籠包$38上海野，一定要小籠包試下佢地係咪正宗上海野第一樣上枱就係小籠包，皮薄，但夾起唔會穿晒水，蒸既時間剛剛好，肉湯汁好多好濃！而且肉質好淋身，自從深水埗萬家上海菜執左之後，好耐無食過真正好味既小籠包了炒膳糊$108韭黃炒膳糊，餐紙無寫係用咩炒，重以為剩炒膳糊，多汁膳肉肥美，韭黃都炒得好爽口，送飯一流，而且黃膳都好多，味精唔算太重，食完唔會勁飲水媽媽鹹肉菜飯$13個菜飯名好特別，而且唔係平時既剩菜飯，重加左鹹肉粒，有菜有肉營養價值一流再加埋膳糊既汁，成碗飲一粒飯都無剩餐廳除左媽媽炒飯，重有個奶奶芽菜肉未炒飯，菜名真係幾攪笑

星期日心血來潮， 想試下新野，12點才打電話訂一點食，去到都見到全店爆滿，訂了位都要等5-10分鐘才安排到座位。妙齡乳鴿 $28 - 認真抵食，皮炸得香脆，但肉又唔乾。上海湯粗麵 $68 - 份量頗足，味道偏清淡 不油膩，配豆瓣醬同食，可以增添味道。賽螃蟹卷 $36 - 春捲炸得香脆， 裏面係賽螃蟹，即炸蛋白，冇其他餡料 所以 主要係炸食春捲皮。上湯水餃 $58 - 味道一般般，豬肉餡料，水餃皮厚但容易穿。小龍包 $38 四件 - 這個是我的推介，皮薄餡靚，又沒有漏汁。椒鹽小黃魚 $38 一條 - 外皮連骨都炸得酥脆，肉 卻不乾，而且魚身都幾足稱大條。酒釀丸子 $36 - 原本想食 拔絲香蕉，但原來午市不做，唯有轉了酒釀丸子，味道還是不錯，不會太甜，丸仔有嚼勁，茶錢每位 $8

公司附近新開的上海食肆，元旦食過一次可惜食材供應緣故，廚房賣到乜都無，體驗唔多好。近日中午再試已回復正常，小籠飽、粗炒屬合格之作，最估唔到連中午都有特價乳鴿食，$28/只價錢吸引，質素卻比許多賣$58的酒樓好上百倍，香口不油膩，且肉質鬆軟又juicy，size不大不小剛剛好，並沒有將貨就價，就是將來改番正價，也是值得一食的推介。而環境也值一讚，空間算闊落，卡位相當軟熟舒服，果然值得畀多一次機會。稍為不滿是幾位侍應姐姐不夠醒目，未夠主動招呼食客。

妙齡乳鴿$28 1隻28 蚊1隻乳鴿好平呀😍見到每一枱都有叫。個皮燒到好脆 肉又唔會乾 好香好好食 😍肉絲兩面黃$88個汁分開比你自己倒 等D麵唔會淋 兩面黃面頭的麵炸得脆脆的 👍肉絲份量又多 😇鍋貼四隻$40煎到金黃色的鍋貼😆皮個厚度適中 煎得香脆 入面的豬肉鮮甜唔會好肥 😙太原招牌海鮮炒飯$108好多海鮮料呀！上面仲有蟹子 ❤️ 個飯炒得好惹味 未食已經聞到好香海鮮味 😙香軟小米糕$42非常清香的配搭 似係用糯米整成的馬拉糕 香糯煙軔 無馬拉糕咁甜 比較清D😆

朋友住喺砲台山附近，話畀我聽有間食上海菜嘅 ，於是上openrice睇下啦，開咗冇幾耐就有咁多好評，於是就應承同朋友去試下啦🤩果然係新開張燈火通明，好新淨👍座位仲好寬敞舒適 ，我去嘅時間比較早，所以都仲有一兩張枱一吉出嚟😅我坐落冇幾耐就已經坐滿曬，真係坐無虛席🤑松子魚因魚肉狀如松子，故而命名，其特點是外形美觀，酥脆甘香，微酸微甜，醒胃😋😋😋魚肉切開起骨，其間又不能切斷魚皮，相當考功夫🤩然後把麵粉灑面炸香，最後淋上糖醋汁，酸甜香脆，口感脆嫩😍上海小籠包，當然係必食啦～皮薄，夾嘅時候要小心吾好整穿噃😬當真是皮薄餡靚👍肉嫩汁多，正😋 紫心番薯浸莧菜，好特別嘅菜色👍利用紫心番薯嘅甜味來浸莧菜，帶出菜的鮮味😋高力豆沙，亦是必食嘅甜品不單止有豆沙，還有香蕉蓉，豆沙同香蕉嘅份量參半，沒有搶各種的甜味，既香且甜😋😋😋今日同朋友傾傾講講，細說當年事，這裡環境氣氛清靜，真的很寫意😍

好朋友住城市花園，附近嘅中菜選擇唔算多難得新開咗間上海菜當然要試下！呢度裝修好靚好骨子，價錢好抵食新開張仲有八折添呀 😆前菜小食係【酸辣拍青瓜】，調味唔錯好開胃青瓜非常爽脆～優惠價 $28 一隻嘅【乳鴿】，好搶手㗎 🤣啲皮好香口，質素幾好！我覺得乳鴿嘅 size 都 OK，都多肉【黃金熏蛋】賣相對辦，有金黃嘅色澤而且蛋黃嘅流心效果唔錯【黃金蝦】係另一款嘅「黃金」菜式每隻蝦都俾鹹蛋黃均勻咁包住晒，充滿鹹香炸得好香脆，唔太油膩 👍🏻最緊要係睇見都覺得好意頭，哈哈！【酥香大排骨】超好食，外脆內軟大大塊！炸衣好脆，豬扒夠哂厚肉，肉質細嫩 😋最後係 classic 嘅【炒鱔糊】韮黃同鱔絲都爽滑，醬汁惹味～