天然豚骨拉麵專門店一蘭

營業中

休息中

雖然香港越嚟越多拉麵店，但不時就會掛住一蘭，鍾意佢可以自己揀口味，食落又唔會好膩。今次夜晚8點半先去食，竟然要排隊，但期待咗一陣，唯有照排啦。今次揀嘅係：口味濃味、油膩度清淡、蒜泥1份、有蔥、有叉燒、赤紅秘製醬汁普通、硬度軟。另外仲要加紫菜，吸晒啲湯汁咁食先正😋先飲一啖豚骨湯，仍然保持到水準，香而不膩👍🏻再撈匀啲辣汁，佢嘅官方介紹話用咗好多種香料，老實講就唔係太食得出有咩特別嘢，但都好食，惹味得嚟唔會太搶。不過份量好似少咗咁，幾啖就食晒，要加多半份替玉先勉強夠飽。佢做緊8周年推廣，做會員就免費送半份，唔知係咪咁所以減少咗原裝嗰碗🤨貪得意加多個特濃抹茶布甸，唔澀，但未至於好出色，不過不失啦，呢個價錢就冇乜興趣再食。

近排冇得去日本，冇得去旅行，但真是好掛住日本野，一蘭就是其中一個。果日放工經過見冇咩人排，即刻去回味下。佢既水準仍然keep 到，食完係有一種幸福感覺，真心好懷念以前去日本既感覺。可惜佢得兩間分店，如果開多d 就好

一蘭嘅豚骨拉麵曾經有一段時間係我嘅comfort food。豚骨湯好香濃，面嘅硬度都啱啱好（我揀咗普通）。唯一要批評嘅，可能係叉燒嘅份量有啲少。但係整體來講都好好食，特別係有一蘭嘅秘製辣粉調味，惹味之餘又飽肚。

對上一之食一蘭其實好耐之前 已經唔係好記得個味 約咗人係銅鑼灣 就提議下食拉麵 所以就去食下。印象無乜妙別 都係點菜紙有幾個選擇 有得揀「湯濃度」「油膩度」「香蒜」「蔥」「叉燒」「秘製醬汁」「麵的硬度」圈出要既口味就得。可能太耐無食 都唔得上次好唔好食 但今次食覺得正正常常 唔錯既。

其實一蘭在港開咗已一段時間，不過疫情已超過500日，幾時可以再飛仍是未知之數，所以的起心肝去幫襯。個人認為不要太存厚望，不能與日本相比較，除咗服務同隻蛋。义燒太薄，太乾。😑湯底飲完勁口渴。在中洲川端總店飲晒都唔會口渴哦。不過諗住頂吓瘾就一試無妨。

今日嚟咗銅鑼灣呢間一蘭拉麵，真係好掛住日本，正所謂食咗當去咗，我都好耐冇嚟過食，今次選擇係星期六下午去，大概兩點幾，需要排隊但唔算排好耐，好快就已經有得食，大概等咗15分鐘到。❤️今次我同朋友兩個人嚟食，我就叫咗碗拉麵$95，加咗$16嘅半熟鹽蛋 。呢隻蛋真係好值得食，係流心蛋，好好味呀❤️而朋友就除咗叫咗$95碗拉麵，仲加咗$65嘅配料，啱晒男仔嘅份量食。⭐️⭐️⭐️⭐️⭐️整體來講咁耐冇食，但係水準都仲係keep得好好👍🏻

🌟曾經瘋魔一時嘅一蘭拉麵其實好耐之前食過一蘭，不過已經唔記得咗好唔好味，琴日突然好想食拉麵，所以就再食多次～▫️湯底揀咗濃味、超濃厚，湯底味道真係幾好飲，啱晒重口味人士。而豚肉方面，同喺拉麵附上的豚肉相比，套餐嘅豚肉會比較好味，外皮更爽滑。拉麵底叫左超硬，但係其實食起上嚟嘅口感都係似一般麵條一樣，唔係特別硬。溏心蛋感覺都有少許熟，未算好流心。▫️🌟推薦食法：可以建議叫多一碗越光米，然後再等拉麵食完之後剩返嘅湯汁來製作湯飯，白飯會朔晒啲湯汁😍味道不錯呢 ▫️整體份量望落唔算話好多，不過其實食完再計飲埋湯都好飽。聽講日本嘅一蘭好好味，之前去日本都冇試過😣如果遲啲有機會去旅行都會想試吓🥺▫️地址：銅鑼灣謝斐道440號駱克大廈A座地下F-I舖。尖沙咀棉登徑8號。▫️為食指數:7（10分為最多)抵食指數: 6.5

記得第一次嚟食一蘭係要排成個鐘但食完果下都好滿足因為其實都幾好食佢嘅拉麵夠晒辛辣，啲面都好軟熟糖心蛋雖然要加錢但係勁好仲可以加飯撈湯嚟食 個感覺幾特別幾正㗎而且價錢都唔算貴

好掛住日本，到底幾時先可以飛✈️✈️✈️已經有兩年冇飛過啦掛住沖繩，東京，大阪有得出國我要去北海道🇯🇵🇯🇵🇯🇵🇯🇵掛住拖羅，拉麵，壽司,omakase 日本水果......... 仲有好多好多好多嘅日本美食呀今日食住拉麵先啦，係成行成市嘅日本拉麵一蘭呀🍜🍜🍜🍜🍜🍜🍜🍜🍜🍜香港都食到日本風味嘅拉麵呀係而家疫情影響佢淨係收電子消費一蘭拉麵點解咁好食😋天然豚骨拉麵 $95有得揀味道要濃啲定淡啲，面要軟定硬要蔥唔要蔥，要叉燒唔要叉燒貪心的我加咗精選配料組合 +$65糖心蛋一隻，叉燒四塊，紫菜兩塊，木耳一堆食完之後表示超級飽，但喺度食拉麵真係好有日本風味因為佢嘅自閉位真係好正，最緊要食完去一去廁所，日本嘅感覺都返晒

見到門面已經覺得好有親切感，好似去緊日本旅行咁。我同朋友放工時間過去，又唔洗等位就入到座。職員安排左我地坐左邊個區，後來先知就係早D關門個邊，右邊就可以坐夜D。不過其實本身都無預坐好耐，都無咩所謂。入到去，嘩~左一聲。見到久違了既自閉位特別有親切感🤣由裝修設計到所有物件擺位都同日本一模一樣。價錢方面當然知道會貴過日本，不過以一碗拉麵價錢黎講，我覺得都係偏貴。不過我最鐘意一蘭既位就係，所有配料份量、麵質、口味都可以自己選擇。我個人偏好口味揀濃味，麵質揀硬身，其他就跟佢推薦。🍜就咁睇一碗份量唔算好多。第一啖試個湯，好香濃😍😍我覺得口味有調到符合香港市場多D。因為上次日本我去左一蘭原產地福岡試佢既拉麵，同樣我揀左濃味 (口感選擇同今次一模一樣)，湯底口感係比較厚身，都偏鹹D，油膩感亦都相對重D。但今次香港試既依碗麵，湯底香濃得黎，口感唔會過厚過油膩，調味剛剛好。就算飲多咗湯都唔會覺得太口渴。麵質正常，同日本既分別唔大。麵份量唔算多，但夠飽。叉燒我覺得偏薄，爭咗少少口感，味道都唔突出，比濃湯蓋過咗。🍺至於飲品，依杯抹茶生啤酒比到驚喜我。第一啖已飲到有打發左嘅抹茶味道，但依個抹茶味唔會過濃，好自

一蘭😍都係一間過江龍嘅拉麵店☺️☺️-雖然有人話過，日本嘅一蘭好食過香港嘅一蘭🤣🤣但係我自己就覺得唔算太大分別🤣-次次嚟都一定要加面底，又唔捨得飲晒個湯🤣🤣仲一定會揀係要濃厚湯底，有葱，同埋多嘅油膩感🤣🤣肥？食完先算啦🤪🤪-佢嘅糖心蛋都係我每一次一定會追加嘅配料🤣😋雖然要自己剝殼，但係佢真係做到好糖心嘅感覺😍😍-最推介其實係佢嘅辣粉，每次我都一定會嗌到盡，10倍辣！因為佢真係辣得來好好食😋

行開銅鑼灣諗唔到食咩好，通常都會選擇一蘭😍 雖然成間餐廳獨沽一味，只有一款拉麵🍜 但佢湯底濃淡度，麵質軟硬度都可以選擇😋 所以適合各人對拉麵既喜好❣️而且疫情期間，店家都非常貼心，即使座位有隔板都再會隔開一個位～ 亦有口罩信封提供😷🌟 一蘭天然豚骨湯拉麵 ($95)🌟 加半熟鹽味蛋 (+$16)佢個湯底真係無得輸😭 今次仲揀左1/2份蒜🧄 配埋蔥花一啖飲落去真係令人上癮🥺 濃淡度對小編黎講剛剛好😚 則一如既往地煙韌彈牙🍜 所以絕對係會無限recall既拉麵！半熟鹽味蛋係小編既私心🥚 店家有提供酒精濕紙巾比客人消毒雙手剝蛋殼，非常細心。半熟蛋流心既蛋黃配拉麵是常識吧🤤*另收加一服務費推薦指數：🌕🌕🌕🌕🌗

天然豚骨拉麵+ 半熟鹽味蛋 $111上次黎銅鑼灣分店食拉麵已經係四年，大家都知呢間分店冇屋台只有counter位，冇諗過初三去食竟然等左廿分鐘左右就有位，仲要一蘭新會員可以免費送4塊紫菜，外加一包捲麵。今次照舊油湯都簡左最濃厚，超硬麵，4倍辣粉。都係果句，記住趁熱食，唔係既話好快啲油就鯨曬面。一蘭既麵同湯都冇咩退步，仍然係好出色，好濃既豚骨味。叉燒有三塊，雖然唔算得上大塊，但至少都係鎖得住肉汁既。辣粉既話雖然係免費，但個人覺得如果5倍以上會蓋過湯底味道。唯一好失望既就係隻蛋，可能係轉左供應商變左連殼上，要客人自己搣蛋殼真係有啲奇怪，同埋亦都冇以往既半熟蛋咁好食。

🍜天然豚骨拉麵($𝟿𝟻)白飯(+𝟸𝟻) 我✅了：口味濃淡：普通（建議✅濃味） 油 膩 度：普通 (足夠） 蒜 泥 ：𝟷/𝟸 (多啲好😛） 秘製辣汁：普通（食得辣最好再加多啲） 麵的硬度：普通 (但係慢慢食所以好快林，可以揀硬啲） 最後最後，好建議加個白飯架🍚食完拉麵嘅湯再送個白飯好正啊😛

It has been a couple years since I came here, so I decided to come back even though I don’t have strong memories of how the food wasThe hours are a little shortened now. Also there was a line up until the very end, so it seems like it’s still really popular. I got the regular set with the +$65 add on which includes more pork and seaweed and the egg. Honestly, the food was fine, somewhat forgettable. For $200, it could have been a little better. The ability to customize your ramen is an interesti