天然豚骨拉麵專門店一蘭

營業中

休息中

一蘭啱啱係香港開果排曾經成日食但已經幾年無食因為對上一次食留意到水準下降左而近幾年都睇到好多review話難食左呢兩日突然諗起返一蘭於是決定再去食 睇下有無改善今日再去 店外人龍不在但其實入面好多人平日五點幾入去都坐到8/9成滿好多中國遊客😂😂講返拉麵 我揀左濃味湯 硬麵 5倍辣醬麵係一如以往既質感 掛湯幼麵個湯好掂 而家個味道似返開業初期!我食完麵忍唔住飲埋個湯 見到碗底!個辣醬絕對係畫龍點睛其實無辣個湯都好飲但加辣之後層次更豐富 好香食得辣既朋友可以5/6倍辣醬我覺得呢個辣度係啱啱好辣得黎唔會搶左原本個湯既香味因為印象中之前叫過7倍辣醬係會蓋過左原有既香味唯一要彈就係額外點既半熟蛋係要自己剝殼我覺得有d麻煩 同怕唔衛生如果半熟蛋係好似普通拉麵鋪咁剝埋比你就好價錢係偏貴 我食左一碗拉麵 加一個麵底同蛋連加一 $149隔一排食一次無乜所謂成日食就應該唔會

好耐未有食過Cwb分店既一蘭拉麵🍜記得一開始過江龍嚟香港🇭🇰第一間分店當時企係門口排隊等位👀印象中足足等左3小時事隔多年 同閨蜜嚟食Cwb分店一蘭風味依然😌今次只係係門口等左大概幾分鐘 就有位店員首先會俾落單紙我地可以睇定想食既麵軟硬度、口味濃淡、油膩度、蒜泥、蔥、叉燒、赤紅秘製醬汁etc咁我就點選左一碗 天然豚肉拉麵 $98再加一蘭精選配料組合 $68當中包括半熟鹽味蛋、叉燒四片、紫菜兩片、黑木耳非常豐富😋濃郁嘅湯底，係碗麵嘅精華所在😍加上軟硬適中既麵口感好夾 令人回味鹽味半熟蛋比原味更好食咸咸地幾特別而叉燒一共有6片 肥瘦適中唔會特別多肥肥加上加多配料組合 變上有6片叉燒以女性一般食量計算 成份食晒😳已經好飽😆非常足夠 大滿足記得即場嘟QR Code登記成為會員 仲會有額外積分可以換半熟鹽味蛋添啊

對上一次食一蘭拉麵已經係幾年前的事了😂剛巧今天因為在附近睇show完結時已經係10點幾所以食一蘭拉麵就係最好既選擇😂是晚是平日的晚上10點幾所以完全不用排隊已經可以進去了😄一坐低店員就用日文歡迎我們然後給餐單我們寫低想吃的拉麵款式除了基本的拉麵外,還加了一隻半熟蛋當拉麵來到的時候,味道跟幾年前吃的完全一樣濃郁的湯底,再加上軟硬適中的拉麵跟所有配料吃起來完全沒有違和感建議將半熟蛋先放在湯底一段時間再享用令半熟蛋先吸收湯底的精華,更加充滿味道😋下次有機會一定會再黎食的😋

第一次去一蘭，有少少大鄉里，原來只有一款拉麵選擇，其實做得精又唔怕都好唔使選擇困難。湯頭濃度、鹹度、麵條硬度，蔥蒜數量等等...都可以個人化自由選擇，單人隔間式座位，都幾自在。口味配料揀晒基本，赤紅秘製醬揀咗小辣，據聞佢個赤色醬係由好多隻香料調配出嚟，撈勻咗落湯度又唔會好辣反而令到個湯冇咁單調，不錯。拉麵我選擇咗普通硬度，mmm...下次我會要硬啲，好似一丁咁都係硬啲好食🍜 當日四點零鐘去啱啱有位，唔需要排隊，但食完出返嚟已經有一條小人龍，暗爽~

真係10萬個好想去日本只不過短時間內未有假期可以去🥲咁就唯有食住一蘭拉麵當自己去咗轉日本先啦🥺其實我覺得佢堂平時嘅拉麵差別不是太大，只不過湯底可以揀自己鍾意嘅口味同埋湯底真係好啱自己嘅味道所以就幾鍾意去食🥰

呢一間咁出名嘅拉麵，我諗大家都食過！今日夜晚時段同咗朋友過嚟食！😃👍🏻👍🏻 排隊時間大概用咗15分鐘，估唔到都幾多人！我通常所有嘢都係揀中間嗰個！今日朋友就叫我試吓硬度選擇最硬，佢話會比較有咬口！揀好晒之後撳個service bell就可以比職員！😊碗麵大概用10分鐘到就到，由於係即叫即煮嘅關係，一嚟到熱辣辣出晒煙！我一路都好鍾意食佢嘅叉燒，做到半肥瘦嘅感覺，配埋個麵食一流！佢嘅面質非常爽口彈牙，亦都做到掛湯嘅口感！豬骨湯一路都係佢最出名嘅招牌菜！調味亦都唔會好鹹，一路食一路飲湯，差唔多飲晒成碗！🤞🏻唔使介紹太多，有機會一定返嚟幫襯🤞🏻

一個人叫了一set $98 加 $60幾 全餐，加底，付款時共$204，算好吃，但少少貴。肉片都好吃。可選麵的硬度，湯的濃度，湯也算好味。大食的人可能不夠飽。當去了日本也不錯。

超鍾意一蘭拉麵，服務質素又好，帶小朋友一齊去食，小朋友會有一碗免費拉麵，我覺得呢樣嘢做得好好，而佢嘅味道質素好高質，食過一蘭之後，其他拉麵店我覺得好似麻麻哋咁🤣

冇得去日本呢三年，錯過咗嘗試好多日本唔同地方既拉麵，所以，呢幾年都係喺香港食「港式風味」嘅日本拉麵。坦白講，香港有好多拉麵店都係好麻麻，但亦有唔少嘅拉麵店，有日本當地拉麵嘅水準。就係一個風雨交加後夜晚，晌銅記行到好攰我，就行咗去一蘭食拉麵。香港嘅一蘭，依舊要排隊，依舊只能食佢嗰種獨沽一味嘅湯底。$98 一碗（未計加一，一碗default setting ge ramen其實埋單要$108）冇乜配料既拉麵其實係有啲貴，但一蘭嘅湯底，嗰個簡單而富有層次嘅味道，正正就係一蘭拉麵嘅招牌。你可以話，呢$98係買一碗QC做得非常之好嘅拉麵，而久別重逢香港既一蘭拉麵，都有 keep住日本一蘭拉麵嘅味道，能夠做到呢點已經好好啦。佢呢一個獨特嘅辣汁喺第二間拉麵店食唔到嘅，本人就唔鍾意啲味道太過濃郁嘅拉麵，一蘭介乎於味濃同味淡之間，而控制呢一個濃淡度口感既竅門，就係取決於呢一個辣汁，呢個我相信亦係一欄最成功嘅地方，能夠做到不同口味嘅人都中意食一蘭煮既麵。我相信呢一個就係一蘭拉麵喺第二間拉麵店食唔到嘅重要原因。

一蘭拉麵唔使多介紹去過日本嘅一蘭拉麵， 香港嘅第一次去。店外要排一陣，入到店內又要排一陣，但都算快有位。店內裝修跟日本相同，每個客人有自己獨立食麵位置， 前面放一個竹簾，所有服務除收錢之外，都係通過竹簾進行。麵底可以選擇軟硬度， 豬骨湯底夠濃郁。 但份量太少喇，兩塊叉燒薄到可以被風吹起。而家帶埋小朋友身高 140cm以下，download app 做會員，可以免費一碗小童份量拉麵。當然份量少，正常小朋友都要加麵。

這家拉麵店的環境非常有日式風格，讓人感到溫馨和舒適。每個座位都是獨立的，提供足夠的私人空間，讓客人可以放鬆享受美食。整個送餐過程非常迅速，店員也非常熱情地歡迎客人進店。在一蘭麵店客人可以選擇普通口味的濃淡、油膩度、蒜泥和麵條硬度，他們的湯底是經過長時間的熬煮提煉而成的，湯汁非常濃郁，令人回味無窮。麵條也非常柔軟有嚼勁，與湯汁完美融合並加入正常的赤紅秘制醬汁和叉燒，秘制辣汁非常濃郁。份量略少，但店家提供了加麵底的選項，加半個麵底 是一個不錯的選擇。

嗱！老實講一句啦。一蘭拉麵以豚骨湯底和細麵條為主打，聽聞一蘭拉麵嘅湯底採用長時間熬煮提煉，湯汁超級濃郁，麵條口感柔軟，回味無窮。我地tick咗普通嘅口味濃淡、普通嘅油膩度、普通嘅蒜泥、普通嘅麵條硬度、正常嘅赤紅秘制醬汁、加叉燒！湯汁濃郁、鮮美，麵條則柔軟有嚼勁，兩者完美融合。我地都為佢嘅美味而驚豔！一蘭就好似係拉麵界嘅一個準則，拎佢黎做標準，我相信拉麵愛好者心中自有分界。

日本雖然開了關，但銅鑼灣店依然有好多人光顧。用了自助機，但又要加一，香港店比日本貴好多，食過拉麵都要加一。麵量少了，肉也細了薄了，唔抵食，而且豬肉有少少雪味，有少少唔新鮮，唯一不同的是湯底和秘制辣汁依然出色。

一蘭無論在香港跟日本都是我最愛拉麵首位，雖然不論在日本或香港都要排隊，但我認為絕對值得嘅。湯底好食而不膩，只是男士可能會覺得不夠飽，但可以加麵底的，我會加半個麵底和紫菜

喺東京食完一蘭返嚟 忽然有啲掛住 今日嚟到呢間咁出名嘅拉麵店食下午茶 竟然冇乜人排隊 一嚟到，好快就可以入去 等咗大概5分鐘 就有位一如以往，大家喺點餐之前可以揀選自己嘅口味，例如口味濃淡，油膩度，面嘅硬度，甚至要唔要蒜同蒜。我就鍾意比較淡嘅口味，就配咗硬既面，再加多隻雞蛋撳個掣之後就落單，個面好快都有得食先飲一啖湯，有好濃郁嘅豬骨湯底味，正！由於我唔食蔥嘅關係，配料只有兩塊薄身嘅叉燒 叉燒味道都唔錯，識落唔會有好油膩嘅感覺 拉麵亦都一如以往咁好食，配埋豬骨湯，簡直一流