天府川菜

營業中

休息中

今日口痕，想食重口味D嘅，爬了一下午的open rice , 終於揀中呢間！1-環境中挺，算企理乾淨，可能新開張的缘故，2-食物： 辣子雞炒得夠干身，夠麻，過關； 農家小炒肉，不会不失 干煸四季豆就唔得， 好湿，3- 服務就算热情嘅，不过人手明顯唔够夠！2个人買單$389， 馬馬虎虎嘅一歺吧。

這間天府川菜地方不大，座位不多，但勝在乾淨企理，光猛舒服。主打傳統川菜，有酸菜魚，水煮系列，毛血旺，辣子雞等，價錢合理。今日星期六都有午市套餐，點了一客酸菜魚，可配米線/紅薯粉/飯/麵，我選了米線，要微辣，份量都頗多，湯頭清澈不油膩，魚片數量都頗多，滑嫩的魚肉吸收湯汁的精華，還有新鮮酸菜，令湯頭酸酸辣辣帶點鮮，非常開胃。午市套餐附送餐飲一杯，我還加了$15 點了杯特飲。水煮魚，水煮牛食得多，水煮花甲是第一次。一樣都是一大碗紅卜卜，舖滿紅油，乾辣椒、花椒、辣椒粉，辣度可自由選擇，微辣對我剛好，花甲都頗大隻，份量頗多，沒有沙，還有紅薯粉及芽菜在內，十分惹味。

這天因為工作的需要到達了北角， 到了午飯的時候，吃飯的人真的太多了，我也有點接應不下，所以在朋友和同事的推薦之下，我決定尋找美味的川菜。餐廳位於清風街，其實最方便的方法，我選擇了電車，全因為方便我的路途。 餐廳主打的食物就是四川菜，而我這天點算的也就是口水雞還有酥炸魷魚。 味道方面，真的不錯，無需要擔心會不會因為迎合香港人的口味， 而令他失去了川菜的特色， 辣度剛剛好， 餐廳還會精心挑選雞肉，吃起來十分嫩滑， 另外，酥炸魷魚，外皮香脆，最重要入口完全不油膩， 這樣已經做得很不錯。

天后不嬲多野食，最近新開左間川菜餐廳，午餐套餐由62蚊起，免加一仲配熱飲，想一嘗川辣味道都係一個幾相宜既價錢☺((另外加左3蚊凍飲仲可以揀珍珠奶茶，超大杯好抵🤣⭐酸菜魚紅薯粉 $78揀左少辣既酸菜魚湯底味道酸辣鮮味，裏面加有大量酸菜同嫩滑魚片😙紅薯粉亦粗身彈牙⭐紅燒牛肉紅薯粉 $68份量勁多🤣有成6舊牛腩，而且炆得好軟腍；湯底味道麻香仲可以揀午市推介既小食，可以以平啲既價錢試埋佢地既麻辣同涼拌前菜，今次就揀左夫妻肺片($28)、口水雞($28)、涼拌皮蛋($22)、麻辣牛($28)、涼拌木耳($18)!夫妻肺片麻辣爽脆；口水雞份量幾多，而且辣得過癮；涼拌皮蛋以黃金皮蛋製作，外層透亮金黃，內層溏心入口即化👍👍麻辣牛麻辣惹味，口感爽脆～⭐紅糖糍粑 $68食完辣野當然唔少得食甜品啦，揀左好有特色既紅糖糍粑！一份有六件，糍粑炸到外脆內煙韌，外層灑上黃豆粉，配搭甘蔗糖漿，味道清甜

呢條街真係好多食肆，曾經有一段時間經常同朋友係呢條街食嘢，之前同成班運動朋友日日做運動keep fit，真係日日食都無有怕，而家無得一齊做運動，有D變成keep fat😂😂從來未超過105磅的我，而家今非昔比⋯⋯為咗要keep fit，一於食多D辣嘢，食辣野對於我嚟講，係越辣越減得多，一直以嚟我都係食辣野keep fit，原因點解，你食得幾辣，試吓就知點解？👍😋😂🥰———————-呢間以前無見過，原來係新開，裝修雅緻入面全部卡位，坐位舒適、衛生乾淨、入座時職員又有禮貌👍👍👍👍👍————————🟫小食：麻辣牛𦟌：麻得夠麻、辣得夠椒🌶️————————-🟥酸菜肥腸：咸酸菜配大腸頭，正到暈，你食得有幾辣，落單時話比職員知道就ok👌大腸又係我最愛吃。煮得又有咬口又夠腍與煙靭之間的口感👍咸酸菜不會太酸，帶點甜度又係我最愛的味道⋯⋯————————-🟨開胃黃骨魚🐟：魚🐟又是我的至愛，為食貓🐱的我，又怎會不吃🐟魚😂😂😂，原條黃骨魚，炇得入味又夠滑溜，貓🐱見到魚又怎能不吃，用火🔥熱住上，辣得更出色👍😋————————🟩乾鍋花椰菜🥦：一上枱就香噴嘖的惹味香氣，點解咁香，原來有小片片的🐷豬肉、芹菜、芫茜、青

一入到去職員們就已經好親切，坐底睇餐牌時仲拎水俾我哋，買左幾個月外賣都未試過而且d野都好好食，好夠辣，好過癮，但又唔會有種辣到食死唔到個種，反而係愈食愈想食！ 會再食的！

川菜喺香港越嚟越流行，今日做野經開天后見到呢間好新裝修既川菜館，就入左黎食Lunch。.餐廳裝修好新淨，老闆娘話原來開張左只係一個月，座位主要以大枱為主，可坐6-8人。今日我同同事4人就坐一張大枱再加中間有防疫板😏，餐牌都係正宗川菜名菜，午餐時間免加一又有套餐可以擇。.▪️酸菜魚配紅薯粉 $78(午餐）呢度嘅酸菜魚用上雲南老埕酸菜、四川酸菜同廣東鹹酸菜炮製，魚肉方面我相信係用鱸魚，夠肉質嫩滑又無骨，可選辣同唔辣，我就擇左小辣，麻大過辣，加埋個紅薯粉好彈牙好食。.▪️紅燒肥腸配米線 $62(午餐)紅燒肥腸叫左中大辣，遠遠已經聞到個種麻辣香味，肥腸份量都唔少，個人覺得加返兩條菜會仲正🤣 米線煮得較淋身有咬勁。.▪️乾煸四季豆$62(午餐)叫左中辣既四季豆配白飯，獲氣十足，加上辣椒辣勁好強，麻麻香香好鬼正。.▪️牙籤羊肉串$128 (主餐牌)羊肉用牙籤逐粒串好，加上勁多辣椒鋪滿成個鍋，辣味好出。仲可以擇辣度，但小辣已經好勁！.▪️紅油抄手 $30皮比較厚身既紅油抄手，但唔影響內涵既豬肉餡料夠濃味，加上紅油夠辣，襯托到個抄手既味道👍🏻. 午餐包冷熱飲品，仲可以擇凍檸七😋，價錢合理得黎夠正宗，鍾意食辣嘅正

看看你越紅越美多自信中島今次去左挑戰川菜雖然唔食得好辣但又好中意食辣矛盾共同體是我🙋🏻‍♀️—————————————————以前舊公司都成日同同事食湘菜唔多唔少都提升左食辣嘅程度雖然係咁但都唔想食得咁辛苦所以全部菜式都係BB辣😊每次見到滿佈紅油或者辣椒都好驚不過所有嘢都要試過先知嘅一直都好想試夫妻肺片今次終於有機會食啦成日以為係牛肺之類原來係牛肚同豬脷爽口牛肚搭配軟腍豬脷加上香辣調味👍🏻水煮牛肉見到成碗深紅色湯加上大量辣椒花椒已經嚇死寶寶了好彩係叫BB辣所以冇問題牛肉吸收左湯汁而且熟度啱啱好😋配菜仲有水晶粉同大豆芽送飯一流鐵板一上就聞到好香既海鮮味魷魚彈牙又唔韌有鮮味得黎又有小小辣味加上大量青椒洋蔥做配菜所以成碟都惹味得黎又健康土匪雞翼就食得多土匪豬膶食過未？好有鑊氣嘅一碟小炒 大大碟豬膶粉嫩爽脆冇腥味中島最怕食到啲好粉又有筋嘅豬膶呢度完全無呢個問題如果唔係開始飽絕對可以清曬因為成枱都係辣味嘅菜式所以叫番碟唔辣嘅茄子豆角中島最愛所以點整都好食🤣🤣—————————————————♳ 夫妻肺片米線 $72♴ 水煮牛肉飯 $68♵ 鐵板魷魚鬚 $118♶ 土匪豬膶 $88♷ 茄子豆角 $6

Sichuan Spicy🌶🌶🌶 Do You Love It❓..天后一處靜中帶旺既地方，有冇諗過都有川菜吃嗎❓地方乾淨企理，口味不知道正不正宗，但卻岩我口味👻，而且價錢相宜又大眾化，lunch🥢 套餐不設加一，已經有小菜+白飯+餐飲，不錯喔。.✨酸菜魚 $78 ✨夫妻肺片$72✨乾煸四季豆 $62✨口水雞 $68✨手撕包心菜 $68.點左數款小菜，感覺都不錯❤️。但如果你是四川口味偏重的話，建議可以大辣呢，因為我點的都是小至中辣🌶，下飯不錯，滿滿一碗飯吃光光。酸菜魚🐟 不是很酸但卻用上桂花魚，口味很滑；四季豆🌿 經油炸後很香口惹味；口水雞🐥，肉質嫩滑；包心菜🥬 夠鑊氣又很清甜喔。米線亦很滑。..川菜🥢 很少地方裝修那麼雅致，雖然小小一間店，但店員們💁🏻‍♀️💁🏻‍♀️💁🏻‍♀️ 都很熱情友善，滿有人情味，卡位亦坐得很舒服呢。下次經過可以再一戰喔。..×××××ש天后清風街12號地舖..

唔知點解最近愛上左食辣野，而且嗰啲涼麵就最啱我胃口！呢間餐廳應該開咗一個月都冇，環境好舒服而且好光猛，服務都好好！餐牌嘅選擇超級多，而且每一碟小菜嘅份量都唔少！雖然等得耐啲，但係因為佢即點即整，所以每一道小菜或者麵，食落去都會食到佢嗰種鑊氣。我自己就嗌左一碗雞絲涼麵，同埋一碟麻辣牛肉，我嗌左BB辣，個辣度都幾容易入口，而且啲牛肉肥瘦分明，食落去又唔會覺得好滯。雞絲涼麵有我最鍾意嘅青瓜同芫荽，而且啲面我覺得最好係佢好彈牙，汁又唔會好鹹好辣。最後我仲嗌左一壺檸檬黑糖薑茶，如果飲晒之後仲可以叫佢再沖水，飲落口又唔會好辣。

疫情關係太耐冇過海食野了，今次因為拎野比人，順便過來呢維園果頭睇下有咩好食， 比我見到開左間四川菜，岩哂凍冰冰最想食辣野。謙謙見我鍾意食辣野，佢又話可以入去啦，呢到有酸菜魚岩我食，就係咁我地直入店內座企食了。依家周圍食野大家一定會留意多左店內的衛生消毒情況如何，我見佢地做得好足，所以都安心同謙謙座係到食。我同謙謙叫左以下兩個午餐加其他美食：⚛ 酸菜魚配紅薯粉（午餐） ～ 大大片滑溜溜無骨魚片，謙謙叫左bb 辣， 湯底酸得來唔太辣岩謙謙食。⚛ 水煮牛配飯 （午餐）～ 我可獨自享受緊係叫小辣啦！食落又香又麻爽到暈，最重要係d 牛大件得來唔韌，嫩滑的，仲要底下有我最愛的配菜大豆芽。⚛ 牙籤羊肉串 ～ 超惹味之選，激正， 我叫左bb 辣去就謙謙，羊肉走過油， 再用大量辣椒孜然粉去爆炒絕對無羊嘅騷味，反而惹味到令人會一支一支追住食。⚛ 紅糖糍粑 ～ 叫咁多辣野，緊係要叫返個甜品中和返一下味蕾嘅， 咁紅糖糍粑點一點黑糖漿食煙韌的口感，夠哂滋味。🍹 凍檸七 ～ 食辣野要順一順喉，涼返一下。🍹 珍珠奶茶 ～ 謙謙話有dd 辣，所以要叫珍珠奶茶平衡返喎， 其實係佢想食珍珠就真，不過又唔怪得佢

天后一向多美食，精采秘店更加係多不勝數。早排去清風街食越南菜，見到對面新開咗間川菜館，看過門外餐牌，原來午市有套餐供應，定價十分相宜，所以趁今日假期，專登過嚟幫襯下。餐廳地方不大，屬小店格局，店面呈長方形，光潔明亮，座位以梳化卡座為主，兩個人坐著不覺逼狹。餐廳午市有套餐供應，另外亦可以散點，有精美涼菜、營養主食、招牌推薦、經典小炒、健康時蔬、汽水及特飲系列。我哋點咗兩個午餐，另外再加咗鐵板魷魚鬚同一客甜品。先嚟嘅手撕雞涼麵  ($68)  份量看似不大，但原來麵量不少，而且麵質很不錯，食落爽口彈牙，甚有嚼勁。醬汁香氣十足、麻中帶辣，撈埋嫩滑嘅雞絲、口感清新嘅青瓜一齊食，惹味非常，令人胃口大開。酸菜魚 ($78)  點咗少辣，客人可以自選配飯、米線或紅薯粉。先試一口湯頭，湯身清澈，入口一點也不油膩，辣味同酸味都好溫和。魚肉新鮮滑溜，每片都好大件，入口細骨不多，外滑內爽。酸菜味道亦唔錯，大塊而完整，既爽脆又酸醒，用嚟送飯一流！另外個鐵板魷魚鬚 ($118)  亦做得很有水準，魷魚鬚大件又厚肉，食落鮮味十足。而且最正就係用熱辣辣嘅鐵板上，送上來時還吱吱作響，咬下煙煙韌韌，爽口有肉汁，夾埋啲配

好味又正宗川菜 價格係香港嘅川菜來講 非常之合理又足夠量 餐廳唔係好大 喺出面望落去 已經係叫做 乾淨企利 行入去四正 明亮 間隔好好 坐落唔會逼窄 已經去食過兩次 麻香味好難忘 仲有佢哋自己自製㗎 涼粉 糍粑 同埋 魔芋 泡菜 好食到一食難忘 以後我都會再去幫襯 佢嗰度啲服務 非常好 入到去一杯熱茶 畀人感覺好溫暖 水吧製作啲嘢都好有特色 好似依家咁凍嘅天 一壺薑茶 飲落真係好舒服 我朋友就揀佢㗎 百果茶 大大杯我都試左一啖 果香十足 真係要讚 連我嗰位挑剔嘅朋友 都話好好味

天后這個區旺中帶靜，曾經在這裏住了一段時間，甚少有川菜出現，不過最近在網絡上發覺有間新開的四川菜，便來試試。燒椒雞$68，看到這個名字，真的不知道是什麼材料做的雞，後來才知以青椒和花椒為主，辣度適中帶點麻的香氣，這個在川菜比較少出現的。萵筍炒臘肉$138，四川的臘肉和廣東的臘肉有很大分別，四川臘肉帶點鹹香和煙燻的味道，加上萵筍和辣椒的味道，絕對稱得上是四川菜的表表者。午餐：口水雞飯$68、水煮魚紅薯粉$78，包一杯冷熱飲品。口水雞飯，雞肉鮮嫩，辣汁的味道層次感豐富，令到雞件的味道更佳。水煮魚紅薯粉，魚肉採用生魚切成的薄魚片，肉質嫩滑，湯頭的味道鮮甜，加上水煮汁的香辣和紅薯粉的爽口彈牙，又是另一道值得推介的菜式。凍咖啡，咖啡味道十足。凍檸茶的茶味香濃，酸甜適中。

星期六去銅鑼灣行完街之後就過嚟天后呢邊食晚飯 由於而家六點之後就冇飯食 所以我哋4:30就到左～～～行到天后見到呢一間之前未食過嘅川菜舖頭 看著幾新淨就入咗黎試下 一坐低店主就為我哋送上一杯熱辣辣嘅水 非常窩心 因為而家嘅天氣真係好凍🥶～～～佢哋個午市套餐亦非常之抵食 晏晝11：30-下晝5：00都可以叫 所以我哋就叫咗一個水煮魚同埋一個酸菜魚嘅套餐 之後再散嗌少少其他嘢食（午市套餐可以揀飯米線或者紅薯粉 而且仲可以免費跟一杯凍或者熱嘅飲品 係抵嘅）～～～雖然係午市套餐但係水煮魚同酸菜魚薯粉嘅份量都唔算好少 整體幾抵食 魚係靚魚 好滑好鮮 整體調味不錯 建議可以加多d配料 例如花生肉碎等等 成個層次會更豐富～～～散叫方面我哋就叫咗口水雞 干扁四季豆（五點前唔需要額外+1 服務費）口水雞份量幾多 肉好嫩 BB辣又香又唔會太辣喎 而四季豆就炒得好香脆好爽口 而且唔油膩 鑊氣十足～～～值得一提嘅係 雖然係小店 但服務態度好好 呢點好加分推薦度：🔥🔥🔥🔥🔥🔥🔥🔥🔥