天府川菜

營業中

休息中

咁岩經過天后清風街 見到一間新開張嘅四川料理 一入到去老闆娘十分熱情地招呼我 裝修亦都十分有心機 我嗌左一份水煮魚同埋回鍋肉 水煮魚麻辣味十足 我都未食就聞到好香嘅麻辣味 回鍋肉亦都好有水準 真係食過返尋味 雖然疫情之下 入座率都有八成 呢間川菜真係我喺香港生活左30年第一次食過咁正宗嘅川菜 令到我十分驚喜 唔問唔知道 原來大廚係四川人 難怪咁正宗 我已經被麻香十足的水煮魚俘虜了 相信其他菜品亦十分有水準 這裏將會成為我的長期飯堂👍

近日天后這食街新開了很多食肆，這家門口貼著試業的四川菜館，午餐就跟一位嗜麻辣的朋友過來一試吧。午市套餐，划算的價錢。主餐牌有其他麵飯及小菜。口水雞 主餐牌上的菜式份量大份多了，口水雞是常見的冷盤食品，花椒油浸滿雞肉，還有蒜粒及墊底的青瓜絲，醬汁香中帶麻。雞皮及雞肉肉質鮮嫩。酸菜魚米線酸菜魚塊不少，魚肉連皮滑溜無骨，湯裡面有酸菜及薑、不算太酸，惟米線煮得有點腍，沒有那彈牙的口感。手撕雞涼麵材料簡單的手撕雞及青瓜絲，味道卻很惹味，麻香辣，真是很開胃。加上這款涼麵的麵條硬身，很適合拌麵。一嚐中式的甜點吧，平日較少機會吃。米酒湯丸   沒想到那麼大碗的份量。與其說是湯丸，可能小丸子更加貼切。甜米酒浸著圓圓的小丸子，是糯米粉糰搓成的，口感軟糯煙韌。米酒的酒精都因烹煮過，熱力都令其蒸發掉了，剩下的就是米粒及酒水，味道甘甜醇香。

今日喺天后覓食，見到呢間新開嘅川菜館，乾乾淨淨光猛企理，睇落幾吸引，咁就入去試吓😊叫咗$78嘅午市套餐「水煮魚」，有飯、米線、紅薯粉可以選擇，我揀咗米線；午市套餐仲包飲品，我要咗熱奶茶。想食蔬菜，咁就加咗$78嘅「清炒萵筍絲」😋「萵筍絲」先上，非常好，先食蔬菜係一個健康嘅安排😊；「萵筍絲」非常大碟，份量好多，顏色翠綠😍；食一啖先，好爽脆，感覺新鮮，簡單好味😋。「水煮魚米線」跟住上，魚肉鮮美，湯底濃郁，我要咗小辣，已經非常惹味😋。熱奶茶幾香幾滑😋呢度食物分量頗大，食得我好飽，好味又抵食，非常滿足嘅一餐😋