天外天

老友牛一定要選間有質素的食市，為了相就各方好友，尖東的維港薈便是首選，由紅磡站D出口走去最多是5分鐘，交通多元化，乘隧道巴士也可。天外天是在酒店的28樓，先經酒吧才內進，景觀開揚，但比起直接在海旁的酒店遜了一籌。但內部格局寛敞，一片的維港景色是絕對的賣點。小食的琥珀合桃非常誘人，甜度適中脆口，茶點了最傳統的普洱茶，品質也不錯，35元一位啊！先來招牌的推介：义燒和燒腩仔，可惜熱度欠了一點，蔬菜選了欖菜鮮淮山四季豆，清爽健康食品而欖菜帶出味道。主菜是桂花梨黑醋豬柳，友人應為豬柳的粉䊢太厚，但是我覺得這才有質感和脆的口感。我們都是鍾情澱粉質的中國人，义燒流心蛋撈麻辣麫，帶來味覺的衝擊，乾炒安格斯牛肉河粉也是水準之作，首選鮑粒飄香荷葉飯，粒粒分明味道甚佳。👍👍👍甜點叫了蛋白杏仁茶，一般水準，但茘芋燉蛋白是給了我們驚喜完美的句號，香滑少甜、剛好。整頓晚宴吃得飽，加上靚景，享受了兩個多小時談天說地，每位都不用400元，性價比不錯。

今天相約一位從外國回港既友人晚飯，當然要帶佢食中餐，朋友都提議食片皮鴨，我自己都好鍾意食😍所以選擇呢間位於尖東hotel icon酒店28樓既天外天中餐館，我地一早訂左檯6點上去欣賞下靚景，影下相傾下計先😋食住琥珀合桃欣賞下靚景⛅️燒腩仔～肥瘦適中，脆脆既皮五香安格斯脆腩片～表面有陣燒香既味道， 好好味今晚主角港式片皮鴨🦆（兩食）果然好味，皮脆肉嫩，我地叫了半隻份量。鴨崧生菜包🦆🥬～有陣陣香酥的鴨味😋，包生菜食一流柚子西米香芒布甸🍮甜品永遠係女仔第二個胃，幾飽都要食🤣🤣

其實我已經第6次黎呢間餐廳係中菜黎講都算幾高回頭率既餐廳食物質素係唔錯的比天龍軒好，但又未到六公館既級數每次嚟我都一定會點叉燒因為佢肥瘦適中而且肉質都好嫩不過二人份量得四件，四人份量得八件確係比較少第二個我會推介嘅係杏汁白肺湯因為唔算好多地方有得飲因為整呢個湯比較複雜但係我覺得佢都算整得好飲另外有一個鵝肝牛柳粒又係令我好深刻的不過今晚就點左大千爆蝦球佢個蝦好大隻 好肥表層有少少辣 幾惹味另外今次點左蝦頭蟹肉炒飯本人覺得抄得到乾身但係有少少硬而且餐廳冷氣都比較大所以啲餸都好快凍哂會唔好食所以上菜後要立即食唔係都幾影響味道

朋友想在尖沙嘴吃中餐，幸好天外天最好一張２人桌俾我訂到抵達時覺得很特別，因為如果不看餐單，基本上餐廳設計像是西式的因為有個靚靚水吧，燈光亦較昏暗，大多數位置都能望海可能是因為最後一張桌的關係，我和朋友被安排到一張L坐法的桌有點兒逼，活動空間也不多，因為他們的cushion很大個放在背後的話，自己就沒有什麼位置坐了先叫了個花膠杏汁白肺湯，女士必飲，超甜超濃，正再來一個豆豉豆腐，感覺很特別因為豆腐是沒加任何俺料，口味很淡，配上豆豉兩種不同的口感遇上了，回味無窮再叫了一個和牛柳粒，可惜配菜不喜歡食單要牛柳粒就夠我吃了，因為是入口即融的和牛柳粒五粒星爆分！同樣，也叫了白酒，兩個女孩子不能吃太多，惟有對於維港夜色飲幾杯吧

話說以前佢個下午性價比超高的好食兼夾有靚景仲要唔算貴所以對天外天的印象很好屋企人生日食飯費事小朋友嘈親人想揾間有私人包廂的地方打嚟問發覺最低消費也只是六千尖咀而言算低水彤福上次問過都要成皮嘢不過級數又當然唔同一上到嚟個房又真係唔錯空間感十足算大同靚既景同平時外面用餐唔同出面就無敵海景呢邊就望紅隧紅館都幾特別吖Staff都attentive見吉杯即斟茶呢啲係好common 但好多都唔識當然我講埂係有番甘上下卡士嘅中菜食方面不過不失但份量真係太小擺盤更係欠捧但講埂每位八百幾連加一要成千蚊位亦都唔係食啲咩手工菜或海鮮故性價比奇低 同一價錢有更多更好選擇

生日朋友請食飯，到這間餐廳，一進去已經可以看見夜景。食物樣子非常標緻！最好味的是片皮鴨！湯比較咸。我們告訴了經理，他立刻幫我們重新處理。除了片皮鴨，其他菜式沒什麼特色。不過在香港看着這個夜景吃飯，價錢貴是一定的吧。

星期日和家人來到位於Hotel Icon的天外天飲茶，店員安排了窗邊位置，能欣賞美麗的維港景色。就坐後店員先奉上琥珀核桃，入口香脆，讓人想一顆接一顆地吃。先點了數款點心，分別是蝦餃、XO醬煎腸粉、叉燒包、燒賣、芝士蝦角及陳醋蟹肉蛋白餃。個人最喜歡陳醋蟹肉蛋白餃，綠色的外形非常漂亮，陳醋以「珍珠」的方式呈現，相當有新意。XO醬煎腸粉香口惹味，也是另一必吃之選。最後點了雪菜火鴨絲炆鴛鴦米，火鴨絲份量十足，夾雜青紅椒絲能增添口感。

環境優美就唔使多講食物選擇算唔算好多呢？還可以啦不過可能遲咗book位揀唔到海景坐係窗邊不過成個格局同埋裝修都好有情調食下食下唔經唔覺都要三個幾鐘價錢就比想像中平但係應該好少香港人去因為坐側邊嗰啲全部都係外國人同埋大陸人見到啲侍應好俾心機介紹每一道菜都覺得幾有趣嘅扁皮鴨係好食嘅！果然不負眾望呢個都係我一心想黎試吓期間食嗰啲嘢都唔係好記得影相期間開咗支白酒，食中菜飲白酒都幾得意嘅最尾食咗個椰汁燕窩 。呢個真係好好食不過係$500一碗好似成個晚飯就功德圓滿了。

味道極其一般，鹽邊用的炒菜的那種細鹽，讓舌頭變對於酒體更麻木。 「old fashion」裡面用了罐頭的櫻桃🍒讓整杯酒顯得很很廉價。酒店的rooftop bar ，因為夜景才選擇到這裡喝臨睡前到最後一杯，可惜bar的區域只有一個窗邊座位，好在座位很舒適。一貫高品質的酒店服務標準。

預訂左沁度出名片皮鴨，皮夠脆，肥肉適量，鴨肉嫩口，唔會好韌！唯獨包鴨皮唔夠薄，有D厚，同埋唔夠熱。我地嗌埋生菜包，條鴨崧真係好夠味，有埋鴨酥味，一流唔記得哩碟牛係咩名堂，不過就真係一試難忘睇落好似好鞋好厚無乜特別，食落肉質好嫩，仲要配埋脆皮，真係一定要試黑醋豬柳配甜梨，甜梨有?太甜，配埋落本身甜甜酸酸?豬柳有?唔係咁夾，不過豬柳炸得夠晒脆，又唔油膩，可以一試，不過如果嗌左咕嚕肉的話，就可以唔洗嗌哩樣了，因為口感味道好相似對了

昨晚工作比較晚，今早放假，偷得浮生半日閒，沒有吃早餐，訂了 11：30am 吃個 brunch 。輕鬆坐下，叫了明前獅峰龍井，茶每位 $30。點了一個點心套餐，每位 $268，伊麵轉了炒飯。先來炸芝士鮮蝦角，芝士味唔濃。跟著上了個人至愛的瑤柱蟹肉灌湯餃，沒有令人失望，瑤柱上湯味道鮮甜，蟹肉鮮嫩，餃子湯汁濃郁，很滿意。再上蒸點心：蝦餃很好、竹笙餃不錯、燒賣牛肝菌味道不太突出。特別要贊侍應Jia，她笑容可掬，很有禮貌，發現茶壺不夠水，主動跟我們說幫我們加水！小菜紅燒蝦仁豆腐普通啦！再來煙鴨胸炒飯，不油膩，可能已經飽了，沒吃完！甜品比較普通，紫米露味道一般 ！結帳$656 兩位，輕輕鬆鬆一個多小時，很滿意！開心很簡單喔！帶著好心情上班 😄

年廿九食團年飯，同屋企人要食翻餐好嘅。食評只可以上戴12張相，環境照不能盡錄新年黎哩度食飯真係好值得推介嘅預訂左哩度出名嘅片皮鴨，皮夠脆，肥肉適量，鴨肉嫩口，唔會好韌，唯獨包鴨嘅皮唔夠薄，有啲厚，同埋唔夠熱。另外可2味咁整，嗌埋生菜包，條鴨崧真係好夠味，有埋鴨嘅酥味，一流唔記得哩碟牛係咩名堂，不過就真係一試難忘睇落好似好鞋好厚無乜特別，食落肉質好嫩，仲要配埋脆皮，真係一定要試黑醋豬柳配甜梨，甜梨有啲太甜，配埋落本身甜甜酸酸嘅豬柳有啲唔係咁夾，不過豬柳炸得夠晒脆，又唔油膩，可以一試，不過如果嗌左咕嚕肉的話，就可以唔洗嗌哩樣了，因為口感味道好相似對了，就係因為我地有嗌埋咕嚕肉，其實2樣都係有水準菜式，不過一齊嗌就有啲重複，可以留翻 quota 嗌第樣海參豆腐嘅海參炆得幾好，不過覺得可以再淋啲就再入味啲雞嘅肉質幾嫩口，做節必嗌，味道適中，唔太鹹上湯浸豆苗份量唔會太少，中規中矩，幾新鮮豆腐配埋菇，不錯，不過份量可以多少少更佳臘味糯米飯幾有咬口，煙煙韌韌，味道正常，最適合冬天食，暖笠笠最後嗌左哩度嘅龍蝦兩麵王，不過覺得叫煎麵會更貼切，兩麵王本身令人誤會係加醋加糖嗰一種不過哩個加埋波士頓龍蝦喺面頭

去過 2 樓兩三次食自助餐，但中菜廳 Above & Beyond 天外天都係頭一次，被米芝連 2017 評為最舒適餐廳， 期待 ！Hotel Icon 28 樓頂層出電梯，經過吧枱，走進中餐區天外天，通道不寬，沒問題，大家都互相禮讓。臨時琴日先訂位，靠窗邊枱已滿，被引領到卡座坐低，waiter 有禮貌幫我放餐巾，就馬上取走 show plate, 太快，哈哈！只好拍一張隔離枱 (無人入座)。然後禮貌遞上餐牌，有 set dinner 同 à la carte第一次來，我比較喜歡試 set dinner, 有 2 款，因為 2 位起，只好選其中一個，選咗 $628。餐前一小碟合桃，starter 青瓜海蜇頭爽脆、鮑魚雞粒塔原隻小鮑魚放面、雞粒菌菇粒內餡，這配搭，味道有層次，安格斯脆腩片有驚喜，外層小小脆，well done 而肉質鮮嫩, 好滿意！蟹肉羹味道清淡，新鮮蟹肉頗多，唔錯 ！片皮鴨份量好多，麵皮也細心，每層都有紙分隔，有青瓜同京蔥，醬料味道鮮美！唔想食太飽，怕食唔落跟住既蝦球同炒飯，所以各人食咗 2 包，剩低既帶走！蝦球遜色，無蝦味，只係夠爽，配上酸辣汁都無補於事 !炒飯唔油膩

點心各樣都無問題，一去到蛋糕就出晒事。訂左個榴連蛋糕慶祝生日。一上檯已經係碎濕濕。無晒胃口！男侍應仲話呢款蛋糕不嬲都係咁，叫我地自己切下就知！11月29日嘅榴連蛋糕，一個月時間都唔夠=不嬲都係咁？認真搞笑😄？講完又話幫我地取消佢，特登訂個蛋糕黎慶祝，換黎如此嘅對待👍🏻👍🏻👍🏻食完飯再向經理伍小姐反映，態度完全唔同👍🏻起碼感受到有誠意解決問題，叫我地比電郵公司反映，又收走個蛋糕檢查。睇到呢個post，又想訂榴連蛋糕嘅人，要有定心理準備食一堆唔知咩先好訂

今晚同友人食生日飯，一年一次當然要食好啲，揀咗呢間係Hotel Icon嘅中菜餐廳。預先有book枱坐到窗邊嘅位置，可以望住個維港夜景食飯，好賞心悅目，剩係望個景都值回票值，哈哈～叫咗片皮鴨晚市套餐。前菜有：青瓜紅蜇頭。蜇頭好爽青瓜好脆。原隻鮑魚雞粒撻。味道估唔到咁夾，食落好有口感。五香安格斯脆腩片，好惹味，能夠做到外面脆入面肉又軟硬剛好，厲害！港式片皮鴨，店員會先拎未切嘅鴨比我地望，就咁睇都覺得好吸引。片出嚟都幾大塊，薄餅份量剛好可以一塊夾一片鴨/鴨皮，夾埋青瓜京䓤食好滋味呀！食到鴨嘅油香加上爽脆嘅青瓜感覺唔肥膩，唔錯！生拆蟹肉菜苗羹，清清地幾鮮甜，飲落好多蟹肉。乾燒明蝦球，一人兩粒大大粒好彈牙，就咁食會覺得好甜，但連埋個香噴噴嘅櫻花蝦帶子蟹肉炒飯一齊食就啱啱好。芒果熱情果泡芙配白朱古力忌廉，最上面果粒外面Q彈入面係芒果熱情果汁好得意。兩人埋單約1400蚊，有靚景又有美食真係個難忘嘅生日呀！