天后站清湯腩

營業中

休息中

已經有一段時間冇食牛雜牛腩魚蛋粉，今次終於有機會試下天后清湯腩。 環境裝修簡約明亮的設計，感覺舒適。今次order咗魚蛋河粉+紫菜、清湯牛三寶蕃薯粉、蠔油生菜同埋豆漿。😍魚蛋粉嘅魚蛋超彈牙，魚片都好新鮮好有魚嘅鮮味，紫菜分量亦都有好多，鍾意食紫菜嘅朋友一定唔可以錯過。呢個河粉亦都條條分明唔會黐埋，最緊要個湯底好fresh好有海鮮嘅味道。清湯牛三寶番薯粉就有牛肚、牛腩同埋牛筋，每一樣都炆得好入味而且個湯底夾埋牛腩嘅味道絕對食到停唔到，番薯粉就爽口彈牙值得推介。配埋個蠔油生菜，依餐食到好滿足，最後嘅豆漿少少甜啱曬香港人口味。下次我一定會再嚟天后清湯腩。

今日突然好想食牛所以再次幫襯呢間清湯腩，認真每次食都可以保持到水準，非常出色!清湯腩飯呢個清湯腩其實不論配飯或湯粉都一樣咁好食，主要係個湯清得嚟又有牛骨個種香味，牛腩真係做到入口即溶既口感，一D都唔痴牙食落牛味十足!牛三寶湯河呢個真係招牌咁滯而且加多少少錢又可以食到牛肚同埋牛筋，計落性價比好高! 牛肚爽口而且夠彈牙，索哂清湯既味! 牛筋好淋但都仲有煙韌既口感，整體真係非常出色!另外值得一提係凍奶茶沖得幾好飲，奶同茶既比例岩岩好!

#日出康城 #LohasPark 商場#天后站清湯腩之前喺天后都食過清湯腩對於佢哋嘅藥材湯底念念不忘估唔到而家喺日出康城都有得食唔使走到咁遠梗係叫咗佢哋嘅招牌清湯腩河粉湯底有藥材味 加咗$6叫爽腩半肥胖瘦 正呀 食落勁有牛香另外都試左新嘢 咖喱牛筋河粉咖喱味幾香 配埋藥材湯底味蕾兩重衝擊 可以一試總括嚟講 價錢50幾蚊唔太貴湯底幾正另外都叫咗個上海排骨飯正正常常不過即叫即炸非常之酥脆 另外佢哋都會俾咗牛骨湯可以用來撈飯 非常下飯

將軍澳日出康城的全新大型商場「The LOHAS」開咗接近半年，一直未有時間過去行下，見今日天氣唔錯，一於嚟個 short trip，順便喺商場搵食。嘩！原來個商場都幾有規模，除了有餐廳、小食店、戲院、數碼遊樂專區，另外仲有好多以期間限定形式登場嘅本地人氣小店，感覺好似去咗一個大型市集一樣。見地方咁大，提議不如先去吃飯，然後再慢慢逛。喺商場 4 樓見到呢間門面十分光鮮的「天后站清湯腩」，記得之前睇過雜誌介紹，話店主曾於本港著名的清湯腩店任職大廚 10 多年，而康城呢間新店已經係品牌喺香港嘅第三間店舖，足見實力，一於試下。我哋點咗清湯牛腩飯 ($59)、五香牛展擔擔麵 ($53)，另外再加咗碟炸魚皮 ($25)。先嚟嘅清湯牛腩，香味十足，離遠已聞到一陣濃香牛腩味。湯底有鮮明香料味道，滋味有層次。牛腩燜得非常入味，口感爽中帶腍滑，肉質有彈性。蘿蔔亦清甜好吃，加上吸收了牛腩精華，啖啖甘香，軟腍度亦適中。至於另一客五香牛展擔擔麵，味道不錯，送上來時香氣撲鼻。麵條細滑爽彈，入口有好濃郁的麻醬同花生醬香味，辣度溫和，而且就算放了一會兒才吃亦沒有變糊，十分抵讚。面頭的牛展食味亦不俗， 筋軟肉嫩，入口

趁周末入康城行個圈經過呢間天后站清湯腩就決定入黎試試食物選擇都幾多除左招牌清湯腩仲有醉雞呀豬扒呀啱晒咀叼既淘小姐同淘先生我地叫左三樣：清湯牛腩河粉$49大名鼎鼎既清湯牛腩點會唔試？牛腩肥瘦均勻食落口感軟腍河粉份量都多加埋辣椒油一齊食就最正招牌牛肉羹飯$59由於從來未食過牛肉羹所以就好好奇牛肉羹既味道內裡呈嫩紅色口感比平時食到既牛肉球實在同嫩滑炸上海排骨$37最後點左一份炸上海排骨淨食即叫即炸口感鬆軟

呢個商場真係好新 第一次踏足呢度 好耐冇食過清湯腩 所以就嚟咗呢一間最鍾意佢嘅湯係冇味精 同小朋友嚟食都好放心 好健康個裝修簡約時尚 坐得好舒服 今次食咗一個主食同埋一啲小食清湯牛三寶 幼麵$61 推介有牛腩 牛肚 牛筋呢度嘅清湯係我食過嘅清湯牛腩中質素算係高水準的 係新鮮嘅牛骨加上紅棗甘草果皮等材料製成 冇味精 可以放心飲每一樣牛都非常之OK金錢肚 夠彈牙 亦都容易咬開入口 牛筋 超重嘅骨膠原 食完感覺皮膚靚咗 牛腩 又林又入味 肉質嘅紋理好影響整個嘅口感 刀工係個關鍵 呢度做得幾好呢碗麵 絕對可以攞滿分 食完好滿足腩汁蘿蔔 $19 推介入口即溶嘅口感 超級鮮甜好味 每一舊蘿蔔都吸滿咗湯汁嚟到呢度唔叫呢個菜就走寶了 超級誠意推介炸魚皮 $25 推介好大份一碟 食完一塊之後又一塊 但係都食唔完每一塊趣卜卜 味道唔太鹹 好似薯片咁 又薄又脆 就咁食又得 或者浸少少湯食又得 炸雞中翼 $37有四隻雞中翼 炸得夠趣 味道就比較平凡 嘢飲就叫咗一杯凍檸茶 $8 (跟餐價)呢度可以再嚟食過😋 佢另外仲有下午茶 包埋嘢飲添！

近日新商場陸陸續續開了新餐廳，聽過幾次這家分店。其實也不知為什麼與天后有關，反正這裡離那邊很遠，就進去吃個午飯吧。既然在這裏吃飯，那沒理由不點清湯腩吧。清湯牛腩拼牛肚飯先嚐一口清湯腩的湯汁，胡椒味重，很暖胃。牛腩肉嫩口，帶點軟糯的肥肉部份，另雙拼加了份牛肚，格格分明有致，口感爽彈，而吸了腩汁的白蘿蔔入味，加上甘甘甜甜，特別下飯解膩。不得不提這碗白飯，喜歡這質感的米飯，粒粒乾身，有口感。淨水餃（韮菜）水餃方面，有椰菜、粟米及韮菜，可配麵條或淨餃。最後就點了韮菜淨水餃吧。水餃不算大粒，但十隻份量剛好，這款皮偏厚，餡料蠻平均，韮菜香味突出，黏著豬肉，提升肉鮮味。湯底雖然是純清湯，但加點蔥花已經夠了。

今日去日出康城到探朋友，我地去左佢屋企樓下商場既餐廳到食lunch，呢間新開既餐廳望落唔錯，夠哂地道。打開餐牌，見到呢度有好多充滿港式味道既菜式。我地點左清湯牛三寶飯，黎呢間餐廳當然要試下佢既招牌清湯腩啦，呢個牛三寶飯就可以一次過食哂牛筋、牛腩同埋牛肚！牛筋炆到好腍，入口即溶。牛腩亦都好嫩滑同埋入味，送飯一流！另外亦都點左上海排骨飯，排骨煎到好香脆，份量亦都好大，食落去好惹味！飲品方面，我地點左凍奶茶同埋熱菜蜜。

今日去左將軍澳康城，原來康城個商場甘大。我地係度食個lunch 再行街街，就揀左呢間'天后站清湯腩"。呢度既清湯腩，用左餐廳自研既藥材淆制，不但去除左牛騷味，令鮮味突出，同時亦令到湯底更甘香。餐廳既牛腩可以加$6 升級揀沙腩，坑腩或者爽腩，我叫左餐廳既招牌沙腩擔擔面再升級揀左沙腩，舊沙腩膠質豐富，中間牛肉腍，爽軟不硬，口感豐富。朋友叫左雲吞酸辣粉，雲吞大大粒，饀料足，不過我都係鐘意我自己碗麵，而家都仲回味緊啲沙腩。

趁6點前仲有得堂食就周圍睇食咩好，行過被佢既牛腩香吸引咗，真係幾出色!清湯牛三寶河有牛筋、牛腩同埋牛肚，牛清湯好香而且鮮甜有牛既香味又唔會好油，飲一啖湯再加河粉食已經好有味同埋爽滑，第一次係食湯河唔想加辣油，驚會破壞左呢個清湯既鮮甜味!牛腱擔擔麵+菜肉雲吞老婆唔食辣而呢到係可以走辣既，擔擔麵好香麻醬同埋花生醬味，食落好惹味又唔會太咸，麵質好彈牙而又可以掛到湯汁。牛腱食落好淋又唔會散哂。另外再加兩粒菜肉雲吞餡料足又新鮮，整體非常唔錯!

同事搬入康城新居，趁著聖誕假期去house warming🍾️🎅🏻 大鄉里入城🙈入到康城，梗係要行下新商場，我地早左到，順便係度食個lunch. 可能商場仲好新，好多鋪頭都未開門，大部分都係快餐為主，見到呢間港式雲吞麵店好似幾多人幫襯😜 .▪️咖喱牛腩湯伊麵$49+2 平時出面食伊麵要加起碼$5up, 呢度+2就有得食😏算抵食，講返個咖哩腩先，份量有大約4大舊，果然係食牛腩既餐廳，牛腩炆得入味同香濃咖哩味！另外加左油菜+8 係擺埋落碗麵裡面既。.▪️淨鮮蝦雲吞$437大粒鮮蝦雲吞，蝦仁分明，雲吞皮薄包著蝦加豬肉，大地魚味湯底都好濃味。.▪️淨魚蛋墨魚丸$41 4粒魚蛋3粒墨魚丸😍大愛墨魚丸，有粒粒墨魚係裡面，又彈牙又好食。魚蛋不過不失，都算ok。.叫都加野食，跟餐凍飲+$8。康城呢個沙漠黎講有間粉麵店實在太好了🙈😣

天后站清湯腩，分店開在康城站新商場內，6點後冇堂食的關係，外賣返家慢慢嘆。店內推介外賣好足料呀，咖哩牛腩飯（$59）同清湯牛三寶飯（$71）大大碗絕不欺場。咖哩牛腩入口帶有辣勁，所以一定要配飯。咖哩汁撈飯，薯仔亦索晒咖哩味，好入味。清湯牛三寶，牛筋、牛腩、牛肚，清湯清甜滋味，我將三寶放在白飯上面，倍添滋味。牛肚炆得入味，清湯牛腩VS咖哩牛腩，一濃一淡，兩隻都好適合送飯。腩汁蘿蔔（$19）蘿蔔清甜無渣，可以一試！