天后站清湯腩

營業中

休息中

今日去左將軍澳康城，原來康城個商場甘大。我地係度食個lunch 再行街街，就揀左呢間'天后站清湯腩"。呢度既清湯腩，用左餐廳自研既藥材淆制，不但去除左牛騷味，令鮮味突出，同時亦令到湯底更甘香。餐廳既牛腩可以加$6 升級揀沙腩，坑腩或者爽腩，我叫左餐廳既招牌沙腩擔擔面再升級揀左沙腩，舊沙腩膠質豐富，中間牛肉腍，爽軟不硬，口感豐富。朋友叫左雲吞酸辣粉，雲吞大大粒，饀料足，不過我都係鐘意我自己碗麵，而家都仲回味緊啲沙腩。