天后站清湯腩

營業中

休息中

去將軍澳見完客好肚餓 聽朋友講附近有間清湯腩十分正話時話真係好耐無食了咁一於試試佢吧呢間位 ： 將軍澳唐俊街11號寶盈花園地下S8B號舖，店名「天后站清湯腩」，店子雖不大但勝在冷氣充足而且坐位不窄。食清湯腩嚟講，我個人覺得...... 識食一定係食崩沙腩（纯個人喜好）因為我鐘意食佢條筋膜加少少肥嘅油香一啖食落去吾韌但又有少少咬口呢碗崩沙腩帶少少油花而牛味十足真係正到連湯汁都可以飲哂另外，我叫了碟芥蘭菜，份量都不少烚得剛剛好，最佳配搭咁啱下午茶時段加飲品都只係加$5叫埋碟大大碟油菜，都係$76 真係好經濟抵食聽姐姐講佢哋有三間店，其中位於康城路分店就更新更大間，下次大家去開嗰到，大家不妨去試吓

依排成日大魚大肉間唔中都想唔食得咁heavy落街近近地就去左幫襯依間清湯腩首先試左碗招牌清湯坑腩（自己轉）上海麵（自己轉）因為本人怕肥問左店完佢話坑腩個位比較瘦食落去 唔韌，有牛味而且無咩肥膏個湯亦都唔差 唔算油但同時亦襯托到牛味上海麵就正正常常然後再叫埋 牛肚酸辣粉個粉口感唔錯而且酸辣度適中（本人唔係好食得辣）幾開胃，越食越想食個牛肚亦都幾彈牙可能個酸辣粉實在太開胃結果忍唔住加單叫左碗鮮蝦雲吞d 雲吞皮好薄一咬落去食得出 個浸濃烈嘅蝦味即刻爆出黎十分出色

近排好鍾意嚟將軍澳發掘美食，行經寶盈花園，聞到陣陣牛腩香味，決定入去食碗港式粉麵☺️清湯爽腩幼麵 ($51)- 牛腩作為舖頭嘅招牌菜果然好有質素，爽腩彈牙有嚼勁，牛味濃郁，肉質鮮嫩，一啲都唔會老，味道果然超班；幼麵都好細滑爽口，鹼水味唔會太濃烈，唔會蓋過清甜嘅湯頭☺️鯪魚球河 ($39)- 鯪魚球都好足料，有成五粒，而且內餡仲好特別，加入咗少少陳皮，甘香微甜，有別於一般嘅鯪魚球；河粉份量十足，香軟雪白，好索湯汁😚酒味醉雞髀 ($60)- 醉雞都好有水準，雞肉新鮮嫩滑，而且酒完美滲入雞肉，酒味都幾香醇突出，帶出咗雞髀鮮味嘅精粹，食到舔舔脷😋牛腩整得出色，粉麵質素都唔錯，得閒都會再嚟幫襯下🤩

牛腩幾淋 面底略嫌少硬但係湯頭非常惹味 好香好濃嘅花生味不過唔夠辣 如果有得揀辣度嘅話就最好啦環境方面普通茶餐廳咁上下 鋪面好細 嘢食黎得好快係有人情味嘅街坊小店 唔需要專登入去食

本身今日胃口唔係咁好 想食碗清湯腩河 有d湯會食得有胃口d點知惡夢終於係啦 碗野拎到黎 乜坑腩個樣咁 好瘦乾乾地又唔香 D羅白又冇乜味既 唔甜都算 仲有d煮未透既青味道 河粉一夾就散哂 真係失敗中嘅失敗真心 我係即刻食嫁喇 都可以散哂夾唔起 我要用匙羹嚟食 😤 個師傅會唔會煮得太衰呀！我已經加左六蚊轉坑腩 成碗野埋單$57 你話好貴又唔算 平就一定唔係 但$57係碗粉 出面真係大把 X園我三拼都唔洗呢個價 仲要好好食😋呢間仲話係出名 我好想知係咪出名難食 平時真係好小比負評 今日真係忍唔住喇！

本身都無大期望當食餐粉麵，同老婆叫左一碗雙併，一磅牛坑河。首先碗雙併黎錯，算係服務性錯誤，唔關食物事。之後黎左我碗牛坑河，一放低我眼都突埋，對廚房師傅刀法只有一番敬佩。啲牛坑腩切到散哂，每舊都細過手指尾頭，加埋都唔知有埋一隻湯勺咁多份量。大佬你個牛坑腩仲要額外加錢，係唔係咁做生意。個湯就味精湯，得過鹹字，番屋企要飲多2杯水無乜野。打打下諗起杯凍檸茶，塊檸檬3片又係薄到只可以讚歎水吧佬刀工。呢篇係我第一篇食評，未試過食完一肚氣要番屋仲屋企打篇食評，可惜無影低2幅圖片以作證據。不過有一樣野，公道啲間餐廳環境係乾淨，可能係新開張無耐。

將軍澳牛坑腩分店，我次次外賣都叫’冧‘牛筋，次次都唔‘冧’，冇就出聲，我可以叫第二樣，只係食剩擔擔麵我都得。😤佢地既云吞皮薄好食、但牛筋太鹹、外賣自取15分鐘。

九個字：咖喱燶，湯飯暖，米粉碎。點可以咁差？？！！ 好失望。不過加錢要左個唔知咩腩味道都ok既，但係點解個湯要唔熱呀！！！！！！基本要求都達唔到，真係下次唔會再幫襯囉。

叫左呢間外賣兩次，兩次都包到漏哂湯和汁，滴到大廈走廊污糟哂。牛腩仲要一達達藍藍地色好似瘀哂，冇牛味，加$10墨丸得兩粒又冇味，好hea。以後唔會再幫襯。紅油抄手正常，但冇辣味…我冇咩想再講，如果你試過就知。我好想比個劣評，但要打200字，所以可以不用理會下面的字了。我食完覺得自己食完垃圾，好唔舒服。冇野想再講，只想比評分，比大家參考，唔好中伏。冇野想再講，只想比評分，比大家參考，唔好中伏。冇野想再講，只想比評分，比大家參考，唔好中伏。

別以為天后站清湯腩在天后，香港清湯腩也不在香港，這間天后站香港清湯腩在新界將軍澳寶盈花園。這間店比較細小，感覺有點狹窄。清湯牛腩飯$55，太太要吃飯，我覺得湯腩應該配河粉。清湯牛腩河$45，轉坑腩、爽腩加$6，坑腩有點肥。我們加了油菜，$20。整體上，一般，街坊水準。天后站香港清湯腩將軍澳唐俊街11號寶盈花園地下S8B號舖

今到此店嘗試用作招牌立打的牛腩。先叫1碗牛腩河粉。另再叫1碗剩雲吞。人不多。牛腩河先送到。眼前碗内除河粉外。便是約四件半。切得精巧細小的薄片腩片。伴著幾条臭青味菜心。師傅的刀功真今人讚歎。先試腩片。確如其名。够清。清到無味。以湯会集牛腩精華。但亦今人失望。囝碗粉麵就是淡而無味。跟任上枱的雲吞更是中伏。冇虾雲吞。阿姐話此店的雲吞是無虾的。嘩。四十幾蚊碗剩豬肉雲吞。仲要食到出渣。毫冇肉汁。食到口淡淡。想要鑵汽水。他娘親要10蚊罐。牛腩河45蚊。剩雲吞42蚊。加10蚊汽水駛咗差不多成舊水。其它嘅都係唔駛再去試囉

適逢下午時段恢復堂食，經過將軍澳見到間天后站清湯腩，突然好想食，因以前在天后食過唔錯。叫了碗牛三寶河和菜肉雲吞上海麵。賣相okay但味道就唔多okay。先唔講牛腩牛肚牛筋冇乜味外，個超簡單的上海麵不知怎樣的超難食，唔想浪費食物的我食完果幾粒菜肉雲吞就真係唔想哽埋個麵。感覺中伏

路過這邊, 想來一個下午茶. 看到牛腩專門店, 而下午茶時段送青菜, 所以一試. 平日時段, 店內客人不多, 快快趣點了清湯牛腩河.     清湯牛腩河 嗅覺: 剛入店內, 鼻子就感到久違的牛腩味. 視覺: 高身碗內, 有几條芥蘭, 几片牛腩和幼身河粉, 湯底較清澈.   手感: 就因為碗身較高較深, 湯底有足夠浮力承托食材, 河粉没有被壓成一堆, 可以容易夾出完整的河粉. 口感&味道: 河粉不太煙韌, 而牛腩肉質纖較維短, 口感不算太乾柴.   就因為牛腩味道較濃, 所以湯底味道較清.  不過湯底清得來又頗順喉, 邊食牛腩河邊喝湯底, 最後湯底只剩下小半碗了. 

等待時間： 約6點鬆少少到達，直入唔洗等。室內環境：傳統河粉店，唔好預坐得舒服，預你快食快走。服務質素：無特別，接受到將軍澳宜加愈來愈少呢d傳統河粉鋪頭，難得寶瑩花園有，收左工就過左去試啦。其實我係第二次去，坦白講上次係食普通牛腩河，so far so good, 但今次就叫左崩沙腩湯飯,嘩不得了，自己本身都俾係好半肥瘦，大家䏲圖已經見到表面已有一層脂肪，一啖咬落去，堅好食呢，一食就停唔到手，當食到有點油膩，就可以飲淡湯再來過。☺️

有時我在香港九龍市區準備返回西貢墟的時候，會選擇在坑口「連理街」商場，或者將軍澳「Popcorn」商場，購買一盒「咖喱牛腩飯」，利用濃厚辣味的牛腩作為晚餐裡面的牛肉菜式。但是，如果我當日因為有事，日間沒有機會出九龍，需要留在西貢墟，恰巧晚飯裡面餸菜又沒有牛肉的話，那麼我在晚上就可能需要出外，食碗「牛腩麵」或者「牛腩飯」，解決晚餐非食牛肉不可的需求。因為晚上才遇到需要外出，尋找可以堂食「牛腩」類食品的食店，所以我選擇了乘坐從西貢墟出發，前往將軍澳市中心區的巴士。在將軍澳市中心裡面，尋找還能夠享用到「牛腩」類食品的食店。結果巴士經過「調景嶺」跟「尚德邨」之後，終於來到將軍澳其中一個居屋屋苑，屋苑的名稱叫做「寶盈花園」。驟眼看「寶盈花園」的外型和門戶裝修，我總覺得「寶盈花園」像私人屋苑多一點。但是事實上的「寶盈花園」，偏偏就是將軍澳區內的其中一個政府居屋屋邨。「寶盈花園」雖然沒有大型購物商場，但是樓下還有一些舖位，容許「寶盈花園」有屋苑居民足不出戶還能光顧的食店。例如「寶盈花園」樓下其中一個舖位裡面，就開了一間外表仍然燈火通明，還正在開門營業招呼食客的潮州粉麵店，粉麵店的名稱卻跟「將軍澳」沒