天后站清湯腩

營業中

休息中

唔知大家有冇試過叫一碗爽腩河可以完全不帶一絲腩肉，全碗皮！同樓面反映佢夠膽死答你：正宗爽腩係食皮嘅，你冇食過爽腩咩？嬲到登時上OpenRice搵佢網上圖片，問多次樓面及師傅點解呢張圖都有肉嘅？唔識回應之餘都冇打算換過，唯有當跌錢即時一啖都冇食過埋單走人！可能將軍澳沿線都冇一間像樣嘅清湯腩，呢間開喺將軍澳站但叫自己做天后清湯腩嘅舖頭，先有本事喺同區開到分店，咁嘅出品同服務，認真長知識了🙄

諗住求其係將軍澳食啲嘢，見天后牛腩個名都幾出名就打算試下，入左去已經覺得唔對路，冷氣凍到黐線，好似雪房咁，但明明出面已經17-18度，坐低見到啲桌又污糟。真係諗住起身走，但都決定畀個機會佢。叫左個招牌牛腩河，一來心諗出事，勁樣衰啲牛腩，唔食都知勁乾，好似曬左幾個月太陽咁，乾到黐線。再咬落去已經唔想食⋯⋯真係勁鞋勁乾，好似食緊紙咁。唯一好食嘅係佢啲河粉⋯⋯啲牛腩真係可以唔洗食。畀左$50來食個河粉，真係冇下次。

今日想食牛腩河粉，路經見到有一間天后清湯牛腩，見到鋪裏面完全無客，心裏都打咗個凸，以為只是下午關係啫，都入去試吓，從來未曾幫襯過，於是抱住即管試吓嘅心態。因為無客可以隨便坐，眼見坐位都係得十零個位左右。坐低樓面比個餐牌我,招牌是清湯牛腩，於是叫碗牛腩河，原來下午有送飲品，不過只有紙包飲品和罐裝汽水，不過無所謂，只係想食牛腩河粉。約等候5分鐘左右，牛腩河送上。先試吓湯頭，係正常嘅，不咸不淡有牛味，再食舊牛腩，咦舊牛腩凍嘅，於是向樓面反映牛腩凍喎，諗住師傅只係攪錯未熱嗰件啫。負責煮嘅師傅話：你用d湯浸熱d牛腩啦。我反映點會有牛腩送上時巳凍嘅，點浸得熱㗎，師傅話老細比d有限嘅設備佢係唔關佢事。吓，做生意點解可以咁㗎。食物唔熱都已經有問題，完全唔理品質，牛腩係柴硬凍，味道更加唔得，完全無味，收得人客錢就比番d良心做，不如執咗佢啦，唔好浪費資源。唉唔怪得之無人幫襯。

尋日去完海旁諗住睇下附近有咩好食之前都有見過呢間 天后站清湯腩 以為好好食嘅點知尋日睇錯野 無為宜有無米線口快快講左要酸辣湯牛肚米線 跟著有個侍應就無禮貌就話：（你肯定你睇左 我地公司無米線個喎）都算了幫我諗住攞外賣嘅時候個侍應黑口黑面遞過嚟😂😂

同老公睇完戲，見有啲肚餓，諗住隨便搵個地方食啲野，行到寶盈花園附近見到一間粉麵店，聽講都幾出名，咁就試下喇！ 店舖地方唔大、較細，座位狹窄，衞生情況一般，水要自己出去酙，但食物味道唔差。墨魚丸河粉粒粒墨魚係裡面，口感爽彈，屬正常水平，未算有太大驚喜。炸魚皮炸魚皮亦非常之正，不但份量足，好大份，而且炸得十分酥脆，食完一塊又一塊，咬落脆卜卜，夠乾身又唔油膩，味道亦唔算鹹，好似薯片咁又薄又脆，無論就咁食定係浸湯食都一流。清湯沙腩米粉第一時間就飲一啖湯，飲落幾香嘅牛骨湯，湯底以新鮮牛腩+牛骨以及其他配料制成。然後又夾咗一舊沙腩，肉味濃郁，肥瘦均勻，入口鬆化，油香味濃，脂肪同肉質分佈好平均，牛肉上下夾住層脂肪，口感亦比一般牛腩多層次，整體上唔錯，份量就同一般嘅牛腩麵差唔多，有機會一定會再嚟試。

外賣叫左一個牛筋咖哩飯同一個雞翼擔擔麵D咖哩同牛筋都勁鹹 雞翼又係鹹到食一啖都唔想食第二啖既情度免強只可食到個麵唔係普通鹹少少咁簡單 係鹹到全部野都食唔到冇下次根本係好有問題 唔係個別事件之後睇返原來之前都有人有咁既情況

中午才去買, 所以想要的也沒有. 服務員不知道還有甚麼賣, 反而要廚子提點.本想要全家福 (崩沙腩, 坑腩, 牛筋及金錢肚子), 少了一款, 只好叫牛三寶 (牛腩, 牛肚及牛筋)...舖子很細但有2個服務員, 轉個彎都不成...舖位比較偏, 不容易察覺, 不過這是一間相當出名的牛腩店之一, 相信已街知巷聞.和大商場離開了少少, 近於街市那邊. 離開了主流, 別樹一格.如果翻新一下店子和擴充一下就更理想.

Not many late night food options in the Hang Hau neighbourhood. Everything was delivered hot and the flavours were great. The brisket was tender, the chicken wings are large and crispy, and the beef balls have a great chew and texture. Will order again

離晒譜用穿窿嘅外賣碗裝食物比客. 我叫咗個雲吞米粉… 啲湯倒落去個碗到不斷漏湯，搞到成褲濕晒好咗啲湯唔熱咁大個窿唔係睇唔到下化係屋企轉左個碗先食平心而論⋯ 湯好味精，菜肉雲吞麻麻哋⋯⋯唉⋯⋯

清湯牛腩河加$8轉崩沙腩，再拼牛丸$10，盛惠$64，工作關係路過，午市去食，人唔算太多，可能地方比較細，所以要等位，小店式服務唔好太高要求，可能煮嘢位置係開放式，比較熱，可能天氣又熱，冷氣唔夠，店內比較焗，崩沙腩系好食有嚼口，牛丸ok ,不過唔夠爽彈，兩者都重牛味，唔靭喎～河粉就麻麻哋啦，可能本身唔喜歡太淋嘅河粉啦，本身都冇諗住抱很大期望入去食，估唔到又真係幾好食，下次想試吓坑腩同豬手，因為見到幾個外賣都係食呢2款

嗌咗外賣兩碗麵（牛肚河同埋牛筋麵），滿心歡喜等到終於可以開餐，點知兩碗嘅料都鹹到飛起，尤其係啲牛肚同埋牛筋。佢唔係普通調味重手咁簡單，係鹹到你吞唔到、令你超想嘔嗰隻鹹！食完一舊已經要飲一大杯水去沖走嗰陣鹹味，其餘剩低嘅係完全食唔到落肚。湯底鹹你都仲可以搵水溝淡佢，但佢啲牛筋牛肚鹹真係完全冇得補救，只能齋食麵塞飽自己就算。超級失望，好好哋一個週末晚餐就咁被破壞咗，完全blacklist。唔會有下次。

星期日晏晝想去將軍澳海濱長廊行吓，係寶盈花園見到呢間小店唸住食個午餐。最後點咗個牛腩粗$47+鮮蝦雲吞$10，承惠$57！🐮牛腩炆到好腍好滑好入味，粗麵爽滑彈牙，湯底有濃郁牛骨味，雲吞裡面有大大隻鮮蝦🦐，份量夠👩🏻女仔食，好正！👍🏻下次想試下牛坑腩、牛三寶！😋

today late lunch again!!! So that I decided to lunch here for beef rice (坑有腩飯）to make sure I am full enough to work late too but the price is a bit expensive $69. the good side is the rice is separately served but not mixed witht he beef soup. the beef is soft and a lots. this is my first time I cant finsih all. I try to calculate there has 20 pieces of beef. although the price is expensive but the quantity is worth to cover it. BIG bowl of rice!

天后站清湯腩 今日咁岩下午係將軍澳做野所以提早小小出門食個lunch先想清清地食粉麵咁岩見到依間有食牛腩食我地叫左一個清湯腩+一個牛三寶擔擔面由於天氣太熱所以叫左凍豆漿同夏枯草個清湯牛腩河真係好清好好味D河粉好彈牙，好爽口牛三寶擔擔面都好正我鍾意佢個牛筋超淋🥰真係好好味好高質呀！正正正！牛腩同埋牛肚都好好味牛肚好彈牙，好爽口，個味道唔會太濃，個擔擔麵有湯都幾得意，我見佢仲有酸辣粉，下次試下先重點價錢抵食好開心咁岩經過將軍澳都食到高質牛腩同牛筋😍推介！！

這天因為工作的關係，到達了將軍澳，將軍澳不算是一個熟悉的地方，還好我的同事教了我在哪裏找東西吃，這天和同事一同吃飯，同事就推薦了這家老字號的 餐廳，我們一同進餐 ，餐廳主打的就是清湯腩，我選擇的食物就是 牛三寶撈麵 ，三寶就是指牛肚，牛腩與及牛筋 ，這是一份性價比極高的撈麵，份量十足， 清湯腩的味道故之然不錯，最重要 入口完全不黐牙， 選料認真， 但我在這裏 更發現了 他的辣椒 油 ，更是世界級水平， 絕對是超水準，香辣可口， 配搭撈麵絕對是 佳品。