天后站清湯腩

營業中

休息中

幾個月前經過附近，知道開了這間「天后站清湯腩」，一直想找機會試試。趁着今個星期日冇約朋友或屋企人食飯，近近地就在這裏開餐食晏。鋪位面積很細，撇除了一個非常細小、類似茶餐廳水吧的廚房之外，餘下的空間就僅僅足夠擺放五至六張四人小餐枱；空間還要非常擠迫，餐枱之間只勉強容許一個人側身穿過。雖然小店聲稱主打清湯牛腩，但餐牌上還有牛肚、牛筋，甚至炸雞翼、炸排骨、菜肉雲吞其他選擇。如果只要求普通牛腩河粉，只要 $41；指明要崩沙腩、坑腩或者爽腩，就要加 $6，再轉伊麵就要加多$2。結果，清湯爽腩伊麵（$49）就要 $49 了。見到牛骨牛腩清湯的顔色，已經覺得唔會好飲。試一啖，果然入口肥膩，最大問題是冇牛味、很清淡；同之前食過的多間清湯牛腩店比較，最差就是今次。牛爽腩並非最多筋膜位置，軟膏軟膜比例偏少，但就多了一層薄薄的軟牛腩肉，都算好食；但湯底實在太差，完全忽略了清湯牛腩的重點。台灣紅燒牛肉湯底的牛三寶麵就經常食，港式清湯牛三寶河粉（$55）就未見過。牛筋本身冇味；牛肚是內臟，本身還有些少臊味。所以，兩種食材一般配搭濃郁調味烹調，例如：台式紅燒或潮式滷水；清湯是第一次食。牛筋夠腍滑，牛肚亦爽口、綿靭

夠膽講將軍澳呢間「天后站清湯腩」好食過間好串既九記多多聲。大利，華姐，都唔夠呢間好食。食左好多次，同老闆傾過幾句，原來老闆同班底黎自華姐，係華姐既開國功臣，冇再合作之後自立門戶，創立呢間店。老闆話堅持選用100%鮮腩，而坊間好多為左慳成本，而退而求其次，選用雪腩，味道冇得呃人，大家咁識食，試過就知。湯底鮮甜有牛味不在話下，我每次都飲晒，牛腩呢個主角，對鍾意食牛嘅朋友，亦絕對唔會令你失望。呢度有齊坑腩，沙腩同爽腩任揀，我每次都食坑腩，係試過一次佢賣晒坑腩，我食普通腩，其實都好食！我試過一星期連食5日。完。

上完堂回家，已經差不多晚上十一點，將軍澳的深夜可以選擇的餐廳唔多，由於太夜都唔想食太重口味，所以行左一個圈後便決定了天后清湯腩(自以爲的無咁肥🙈)因為太夜想早點回家，便選擇了外賣雲呑瘦腩米粉 ($50)雲呑是菜肉雲呑，不是一般牛腩麵舖的鮮蝦雲吞，老實說有點失望，因為餐牌上雲呑只寫著雲呑，並沒有標示是菜肉雲呑😰本人以為時一般雲呑麵舖的鮮蝦雲吞才點，雖然此雲呑的確是雲呑，沒有遺反商品說明條例，但如果可以再詳細例明會較好，也可以避免有不吃菜肉雲呑客人的誤會。（因為是外賣，回家才發現是菜肉雲呑，所以沒有拍到餐牌🙏🏻）因為怕肥和吃不習慣太多肥肉的牛腩所以叫了瘦腩，牛腩肥瘦適中可以接受。 因為是清湯腩所以牛腩不算重口，比較清淡。湯底顏色看上濃郁，但其實只有淡淡甜味，屬於清淡的湯頭。整體來說是清湯腩的清淡，對於比較重口的人可能會覺得唔太岩口味。雲呑是失望的點，而且雙拼只有兩粒，就一碗$50的麵來説是比較貴和失望的。推介指數:

支持小店系列 清湯腩系列冇得輸！難得有齊咁多款腩位，連東大街利安或者九記都冇咁齊全！個人最鍾意爽腩，有d人覺得冇咩肉，但我就喜歡連d筋膜位夠滑夠咬口夠香湯頭肉質都高水準！牛筋一樣出色！將軍澳終於唔洗淨得連鎖店粉麵了！酸辣粉就普普通通啦⋯⋯仲未試擔擔麵⋯⋯炸魚皮都係普普通通，但勁大碟！仲有：油菜出乎意料之外地好食，好有心機處理，每條芥蘭都斜切菜頭，食落更嫩滑！仲有飯食架，不過我係粉麵精，未試過飯類所以冇得包膠！

今次經過寶盈花園，看到有一間新的湯麵店，發覺價錢不算貴，便試一試這裏的外賣。這間店舖不算大，已有五六台，很以便坐滿人。今次買了兩個面， $100有找，晚餐來說算很便宜。今次是一時菜肉雲吞上海麵，外賣乾濕分離，而且值得一題的是這間店舖很環保，用了紙製的碗裝湯和上海麵，加分加分。上海麵處理得不錯，拿到回家不會變成一餅餅，倒上湯之後建議滴幾滴辣椒油，因為清湯味道比較淡，菜肉雲吞啖啖肉，而且很大粒，味道不錯，整體算中上水平， 70分。

琴日經過見到有間「天后清湯腩」入左去試試店面細細，店員都熱情招呼係以前順豐個個位入去叫左牛坑腩河粉以前食過天后個個大利清湯腩湯底我覺得完全唔同天后個湯底係清到見到湯底咁滯味道偏清甜而將軍澳呢間應該有加腩汁湯底係濃味一d 同牛味重好多二者比較我比較buy呢間👍🏻坑腩質素真係優質厚切格紋，肉質軟綿，脂肪同肉的比例好似牛小扒咁👌🏻我朋友叫左三寶牛河（冇影到相）牛腩質素就係比下去又乾又韌真係要加錢轉坑腩！金錢肚中規中矩牛肪偏硬，再煮冧d會大大加分🥰下次再發掘下將軍澳美食以下menuCiao~

一開張就即刻黎試食唔知係咪因為裝修未搞掂而地板出現滲水問題員工走曬去鋪紙皮令外賣客同堂食客都等左一段時間好在好快就停左滲水 影響唔太大環境黎講坐得有啲迫 不過都算係咁啦(掛住食唔記得左影相 下次有機會補番)食物方面 我地叫左牛腩擔擔面同牛肚清湯米粉最招牌嘅牛腩反而有啲令人失望肉質太冧 應該煮左好耐擔擔面落左太多花生醬 而麵質介乎煙un同冧之間 整體味道麻麻唔推介擔擔面牛肚反而幾好食 唔難嚼 好易入口清湯唔得 充滿味精 整體黎講不過不失總而言之 我認為呢間店價錢唔算好對得住佢嘅質素不過如果你住附近經過 而又極之肚餓 都可以試下呢間 填下肚