大興餐廳 (第尾牛扒)

營業中

休息中

第一次去！環境一般，價錢都可以，百零蚊都有好幾款扒選擇！不過以為個牛尾湯係皇牌野，諗住有驚喜！點知好失望，杰撻撻，味道一般！雜果賓治無乜味道！而且所有員工都無乜禮貌！又惡死

大興餐廳 (第尾牛扒)一個人既浪漫升級,一條友走去食鐵板牛扒呢間叫第尾牛扒,個名幾有趣,係金魚街附近係個種應該好舊式既豉油西餐日頭定夜晚有鐵板食,今日食鐵板什扒餐,包麵包,紅湯價錢又唔貴,咪試下佢, $99另收加一 即係$110鐵板有牛扒,豬扒,火腿,煙肉,腸仔,可選燒汁或黑椒汁肉既份量係多既,食落就普通,靠個汁救全家,飯另上,份量係抵食既要講返佢個紅湯,佢個湯夠辣又夠濃,飲完好暖胃,料又足,比起一般既好飲得多平均消費$100評分7/10太子西洋菜南街218-220號1樓

試下太子呢一間第尾牛扒餐廳,到餐廳要等位,咁多人排隊諗住有排等,點知好快就有枱,入到餐廳嘅感覺比我諗起中學時候放lunch要食快餐的感覺🤣一坐低侍應即問我哋吃什麼,剛落了單,好快就拎咗個湯同餐包過嚟👍🏻超快速,講真99蚊set dinner價錢無諗過塊牛扒會特別出眾,點知有驚喜,拎到過嚟牛扒仲大過我塊面🤣係典型嘅中式西餐,真係諗起以前🥲好懷舊~ps 侍應年齡都有番咁上下,非常之專業,值得尊重👍🏻💪🏻

每隔一段日子或每逢出旺角逛街，我和老婆大人總愛來這間牛扒餐廳懷舊一番。記憶中可能有廿年了，想當年，第尾牛扒在旺角有舖架！午餐真係大份夾好食，每次例必叫鐵板牛扒餐。今日來到太子店，三兩個老伙記仍未退休，依然穿著白裇衫打黑煲𧘹，不過近年已加入女侍應了。座位和環境裝修依然懷舊，加了幾分殘舊了。一坐低，侍應即時問你飲咩湯，熟客當然不用問攞餐牌，也不用好奇乜吾使先睇餐牌咩？我也純熟地叫「紅湯」，即係羅宋湯。湯依舊濃郁多料又帶少少辣味。當食客喝完湯，侍應便熟手地收碟，接下來便送上招牌「鐵板牛扒」，午餐不會問你幾成熟的，估計是7-8成熟啦！肉眼扒很嫰少筋，配合薯條雜菜蕃茄。當你細心留意承托鐵板的木盤，殘到不堪，或者「它」引證了20年的歲月啊！通常食評到此為止，但我想分享現在的第尾與10多20年前有乜分別。紅湯和牛扒質素保持，性價比仍高。可惜可能是將價就貨啦！以前午餐鋸扒，餐湯會跟餐包，好新鮮軟熟架！牛扒餐會問你跟飯或意粉或薯菜，依家就只跟薯菜。以前單尾還有雪糕一球或啫喱，最後才上餐飲，依家冇雪糕冇啫喱了。對我這類老街坊熟客來說，整個餐少了餐包和甜品，不單止吃少了，更重要是牛扒餐的全套感情嘛！如果你係

最近經常想食牛扒，高級地方一塊都動輒二三百蚊以上，所以今日黎有名的港式扒房-第尾牛扒。太子店的第尾跟花園很相近，要小心不要去錯。走上樓梯，一樓便是第尾，今日黎到七點左右，店內暫時不用排隊，輕鬆入去。店員姐姐駕輕就熟，很快便安排位置、拿熱水，並在旁走動等我地落單。叫左牛仔扒（黑椒汁） 7成熟、肉眼扒（黑椒汁）7成熟。一紅一白湯。送餐速度好快，除底口罩，整下搓手液，餐包已經到🥢 餐包唔熱、並不鬆軟、形象像磨菇幾可愛、味道無乜特別，唔太驚訝，我鍾意浸湯所以就浸返軟食。🥢羅宋湯好鍾意呢碗羅宋，蕃茄夠酸，食落夠辣，酸辣超開胃，忍唔住清到好乾淨。雜菜都好夠份量。🥢粟米忌廉湯唔算好鹹但係都會飲到忌廉同埋粟米味，粟米份量都唔少，口感唔算好creamy，但未至於稀水。🥢肉眼扒熟嘅程度剛剛好，咬落去都好鬆軟，肥瘦都均等，都有一定厚度，有少少根但唔算多，肉味就一定唔會好濃，被黑椒味搶晒，呢種口感正正就係港式牛扒。🥢牛仔扒友人最鍾意食瘦部位，牛仔扒較薄身，食落較乾身。亦無乜根位。🥢汁純粹係黑椒汁，無加額外配料。青豆粟米蘿蔔粒，相信好多人未必鍾意食，但我就好鍾意，當日嘅粟米烤得過咗火有啲焦，但配埋黑椒汁就好好味

煙霧瀰漫=浪漫？（我唔知係咪）第尾=香港原味道應該沒有錯通常嚟開旺角都係食吓茶記，或者極速掃街，然後繼續shopping但自從去過一次第尾，番唔倒轉頭紅湯（羅宋湯）-表現出甜酸辣 ，喚醒味蕾（有豐富雜菜、牛骨肉、蕃茄、紅蘿蔔、青紅椒..）餐包仔-相信係嘉x牌，細細個軟軟的，bite size多D得嚟又有口感，令人食慾大振。壓軸主角係熱㷫㷫鐵扒牛扒。。。今晚有五成西冷，還有三成肉眼。西冷-焦香牛扒味較濃香，真五成熟，唔韌肉眼-口感豐厚，極啱鍾意大大啖咬落去嘅朋友，油脂感豐富當然，波浪薯條係童年回憶，++++分唔少餐飲叫咗…凍檸Tea & 熱齋啡 ，好味嘅今晚全場滿座，有老朋友，有大朋友，有小朋友，希望呢份回憶嘅味度，可以繼續傳承落去，為香港原味道加油！

職員勤力有禮，環境有氣粉，食物大份好食，會再次光顧，職員勤力有禮，環境有氣粉，食物大份好食，會再次光顧，職員勤力有禮，環境有氣粉，食物大份好食，會再次光顧，職員勤力有禮，環境有氣粉，食物大份好食，會再次光顧，

突然心血來潮好想飲羅宋湯, 第一時間就諗起第尾啦, 之前都嚟過好多次㗎啦 不過都唔係好記得個宋湯咩味了,見佢個午餐-肉眼扒餐$67蚊已經有羅宋湯同埋餐飲, 果然冇令我失望羅宋湯真係超好味好夠濃, 真係想連個碗都飲埋, 凍檸茶啲茶味又好夠茶味好正! 好啦到主角啦- 肉眼扒, 我叫五成上, 真係啱啱好唔會過熟又唔會過生, 啲味道都幾好又夠大份$67蚊又唔加一真係抵到爛。 美中不足係午餐冇個餐包囉如果有埋個餐包就perfect啊最鍾意呢啲懷舊扒房,會有好多細個童年嘅回憶, 食完好開心

同同事講開食過旺角花園餐廳，同事就推介左呢間類似既西餐廳🍽，咁岩又唔知食咩好就收工去試一試佢啦！​​星期五晚去到係樓下望左一望餐牌已經有幾枱人搶先上左去等位，佢所在既呢棟大廈好有懷舊既氣氛🎷，保留住昔日扒房既味道。7點左右到入面已經坐滿晒人，等左幾個字先入座，好彩地比左個卡位我地可以坐得舒服d。​​叫左鐵板西冷牛扒跟蒜茸汁($99)同鐵板雜扒跟黑椒汁($99)，兩款鐵板餐都係冇得揀配菜固定左係跟薯菜既🍟。餐湯試晒紅白兩款，兩款既味道都唔錯。西冷牛扒好大塊，完全冇咬唔開既筋位。雜扒都正常，有時雜扒跟既牛扒質素會差d，但呢到絕對冇呢個問題。​​跟餐叫左凍檸茶🍋，茶味好香唔苦澀，係最近飲過最好飲既凍檸茶。扒餐既份量好足，食完超級飽。​

𓂁 第 尾 牛 扒 𓂁𓋯有天討論起「鋸扒」這個話題屈指一算 原來已經有兩年多沒去過懷舊的扒房了 ~以前有去過第尾 也去過另一間始終覺得第尾比較好一點於是事隔多年終於去安安安可了 : )還是在那大廈一樓 裝潢還是一樣 XD唯一變的可能是人流吧 ...記得以前來 平日六點打後的時間已經滿座了現在我們吃完七點多都還沒滿座𓋪 鐵板西冷牛扒 (七成熟、黑椒汁) x 2𓋪 羅宋湯𓋪 忌廉湯𓎾 凍檸茶𓎾 凍奶茶 (少甜少冰)來這裡的人們應該不是來要求肉質 衛生 跟服務吧 (笑)只是來追求飽肚 性價比 和老香港的味道罷了還是老規矩 光速遞上餐包跟餐湯如果在點餐時一併點餐飲 餐飲也是光速飛來(以前普遍是吃到一半才給點飲料的XD)餐包還是一樣的微溫又軟軟的 ~餐湯還是一樣的在稀和濃稠的中間點 (?)🤣聽到遠方的吱吱作響 就知道鐵板牛扒要來了 ~這邊的牛扒出餐時已經幫你淋好汁了 (另類友善) 😂所以上桌的觀感很壯觀 有煙有聲又有味哈哈缺點就是你不能自由調節醬汁 (會很鹹) kkkk// 友善提醒：黑椒汁還會比較鹹 吃完會很口渴！！牛扒會伴薯菜 如果配飯/意粉要另外加點但女生的話基本一份牛扒都已經很足夠了(甚

認左第二，冇人敢認第一。呢句話的確係要有少少霸氣而又帶有少少謙虛既人才可以配得上。但，當大家在旺角 / 太子街頭的時候，好多人都會留意到一個更霸氣的名稱。這就是一間自稱《第尾牛扒》的港式豉油扒房《大興餐廳》了。有一天，太太另約了朋友，把兒子交給我時，我想起同阿仔去食鐵板牛，就在始創附近的我，立即想起了這兒，同阿仔試下老港式牛扒。《大興餐廳》是一間老式的香港扒房，一入到來，鐵板扒的吱吱聲響同肉汁的香味。單是在門口排隊，已經令我同阿仔非常之期待。雖然要等一會，但很快便安排好座位了。因為大家來這兒的目的都是食鐵板餐，所以當我們坐好次後，就來了兩個大麵包，讓我們配湯飲。傳統的港式湯，就是一紅一白的組合。白湯是一個忌廉粟米雞湯。這湯充滿了奶油的香味，沒有雞肉粒，卻有很多的粟米粒。顯然這是以清雞湯做湯底的忌廉粟米雞湯。紅湯就是羅宋湯，雜菜料不多，但給我的湯卻有大大舊的牛肉。這羅宋湯，香甜，香辣，仲有好香的牛肉味。是一個很出色的傳統港式牛肉湯。大部份的來者都是為了食牛扒而來，我們也不例外。所以我們點我其中一份就是鐵板牛柳。加上蒜蓉汁，一下子就把汁同牛肉的香味 '渣" 一聲地散發出來。食香港式的牛扒，

前一排同兩位朋友去旺角場睇波之前，就去左食呢間去過無數次，連手指腳指加埋都唔夠數既「第尾牛扒」！兩位朋友就第一次食，好彩水準都仲保持得到，色香味都俱全！價錢合理！牛扒都又夠哂大塊！仲有一樣能夠保持既就係職員既服務態度😅每次黎親都係會嫌你慢😂我朋友諗多兩諗都已經聽到阿叔叔從口中發出既「吱吱」聲，我同佢講唔好介意 我比佢地「吱」慣😝P.S. 好彩質素仲保持得到，如果唔係實比我兩個朋友插到飛起 兼 媽聲四起🤣

失望。我本身都覺得老牌扒房，食嘢質素會有保障，但超出預期🙄，侍應安排我坐低後，點了一份西冷牛扒餐，牛扒有好重的雪味，即使用了蒜蓉汁亦不能蓋上，而餐湯是涼涼的，而且員工態度較差。

琴日約你左朋友食午餐，佢介紹呢間大興餐廳，個款係食豉油西餐。12半去到都未坐滿，燈光暗暗，環境ok嘅。朋友叫左午餐，鑊仔牛柳飯，凍檸茶。我叫左西冷牛扒鐵板，凍檸茶，一紅一白湯我碗羅宋湯ok，夠熱，多什菜，辣辣地，酸甜味剛好。鑊仔牛柳飯評唔到，我冇食，朋友亦冇咩發表不過睇樣都合格。但我個鐵板西冷認真麻麻，塊扒食落有啲苦味，牛味欠奉，有啲咬口咁薯條正常，冇咩特別。杯凍檸茶好難飲，個茶膽cheap野同埋佢地上野上得好快，好似趕住咁。

假期上去食下午茶餐，唔需等位，還有多張卡位可任坐，已多次嚟食，但今次上到嚟食，伙記的招呼服務，明顯有改善到，變得有禮貌咗，有耐性咗，唔似以往下下像趕客走，不在呼簡單點了個芝士焗肉醬意粉+紅豆冰 $43, 但未計加一，落單約7分鐘後，已很快送嚟意粉和紅豆冰，可能下午時段不太旺關系，意粉熱辣辣，金黃芝士食落口感香脆滑身，蕃茄和肉汁味都濃郁，焗意粉時間亦剛好，因好怕意粉焗到太燶太乾身，抽乾肉汁，但意粉份量一小碟，看價錢收$43都不過不失了紅豆冰，紅豆不夠起沙，豆較少，應冰多關系，或落奶少，使整體味道不夠甜，帶有些淡，都不打緊，因自己不喜歡食太甜這份下午茶餐，看價錢上已再沒什麼要求了，還有卡位坐很舒服，多空間感