大興餐廳 (第尾牛扒)

營業中

休息中

睇到其他食評都有話呢間餐廳衛生 態度差 衛生就唔清楚 因當天去只覺好暗 舊式西餐廳 而服務可以話係無服務 叫我地入黎自己搵位 之後睇左陣就叫左2份肉眼鐵板 因睇過食評 好似都係話扒好食 而且自己都好耐無据扒了 短頭髮果位阿姨落單既 只問我地要咩汁 有黑椒同蒜蓉 揀左黑椒 2個白湯就走了 無問我地幾成熟 亦未講飲咩 以為係後叫 白湯係普通茶記既忌廉湯 之後上鐵板吱吱聲好夠熱 扒都好大塊 熟度都ok唔太生似7成 薯條硬硬地 都可以接受 之後口渴又叫了二杯凍檸茶 其中一杯小甜冰 阿姐上都有提點話邊杯係小甜冰 埋單係出去櫃枱埋既 $67x2=$134 凍飲無加錢 亦免加一 其實無收加一 無服務係可以接受 而且扒真係好好食又大塊 牛扒淋身 咁既價錢絕對值得一試

平時行過路過，都一直想試下呢間第尾牛扒，但每次上去都因為比較多人排隊而放棄食呢間，今日早收工，就諗住同女朋友一齊去試下，六點鐘多小小，上到去唔係太多人，入到去探完熱 到我坐底，啲樓面都好似啞左咁，雖然係無乜人，好多位姐，我問多句坐邊都唔答人。坐底見到本mean同張晚餐餐牌，就問下同一個名既西冷牛扒有咩分別，到底係份量多啲定係牛肉靚啲，問左第三次呀姐先好唔耐煩咁答我，結果我叫左mean貴小小但聲稱肉靚啲既西冷牛扒，三成熟跟牛尾湯同雜果賓治。牛尾湯: 無乜特別 都唔算難飲。餐包: 正常。雜果賓治: 正常。西冷牛扒: 三成熟牛扒 都做到三成熟，但太多根同無乜肉味，只有脂肪位置比較有油香味，肉既位置 如果我合埋眼食，會感受到快餐式西冷既味道，黑椒汁第一啖入口唔錯，配上炸定既薯條，佢個黑椒汁比起出面係Ok的，可惜愈食愈咸，可能第一啖肚餓。服務質素:可見員工係度做野係非常之唔開心，又唔係特別多客特別忙，點解個樣可以黑到咁，對每枱客人都係咁差既態度，呢間餐廳唔止要改善食物質素，最主要員工質素都要改善，我剛剛食完 咀都未抹，個呀姐就黎收走佢，仲用我枱面張全新紙巾黎抹枱，唔係咁趕時間掛。

今晚有事慶祝，但又唔想去花X餐廳，知道隔離有一間扒房未食過，價錢又好似平少少於是試一試。其實都唔使等好耐，不過你想坐卡位就要等一等，條隊都算去得快。環境算ok，燈光較黑暗。自已點了鐵板西冷牛扒，朋友就點了鐵板帶子鑊仔牛柳。先來了一個湯和餐包，湯都算足料。其他港式牛扒好興喺你面前淋汁上面，貪佢咋咋聲嗰種視覺享受。呢度你唔同侍應講分上，佢就幫你淋埋先出餐。黑椒汁慢慢滲入牛扒內，經高溫烤後，牛扒會更為焦香，每啖都有濃郁的牛香味，加上薯條香口，難怪那麼人排隊。整體嚟講咁樣嘅價錢畀對返嘅食物，值得再嚟。

今日嚟呢度食午餐,佢嘅鐵板真係平、靚、正,大大件好吸引。鐵板牛仔扒牛扒上枱時黑椒汁會另外上等你自己淋上去,熱辣辣,咋咋聲,仲香噴噴牛扒油脂分佈均勻,肉質鮮嫩伴碟嘅薯條炸得金黃,外脆內軟,拼在一起食真的好美味。

🤢 因為有朋友介紹，所以同男朋友去試吓首先服務態度一開始已經好差，後來睇食評至知原來呢度嘅服務態度一向都好差🤢 侍應攞凍檸水凍檸茶黎嘅時候隻手掂晒落去口杯，係呢個肺炎嘅嚴峻時期，真係見到都唔開胃🤢成間餐廳都好暗，總係覺得好似好污糟咁所以不期然望下個地下點知真係比我見到一隻識行識走嘅小強🤢我即刻叫咗其中一個男侍應嚟，佢幫我踩死左佢，之後就諗住走。我問可唔可以起碼幫我掃走佢，佢就叫咗另一個女侍應嚟，我同個女侍應講話有曱甴幫我掃走佢，個中年女士影仲大大聲串我話: "邊度有曱甴呀！" 之後佢好求其攞咗支地拖掃一掃，推咗隻曱甴入去入面🤢最後我全餐就同隻曱甴一齊食飯，雖然係細細隻，但係都代表左嗰度環境有幾污糟我特登用相機影低左隻曱甴，費時佢哋又話我屈佢🤢牛扒係唔太差嘅，但係我以後都唔會再嚟囉如果你哋想同曱甴一齊食飯就去試吓啦

第3次黎食，以為會有改善，服務態度越來越差，員工非常無禮貌，有一個員工行過黎擺低個扒，問邊位既？我話呢位既，自己聽唔到之後啤住人！望落去，好多員工都係做左好多年，但服務態度依然不變，個個都好似得罪佢地咁！好遺憾，食物質素越來越差，3成熟都好似7成咁飲品又沖定擺係到，黎到啲冰溶晒，淡晒！呼籲勿叫凍檸茶，好難飲！服務質素一次比一次低，不會再黎！

正處於極度負面情緒既環境下，好想出街行吓。一出街就被鏟到上天花板，點好呢🤔😏只有一個藉口， 就係去食飯🤫出街食飯咁鄟戈選擇， 揀咩好呢？又要慳錢，又想浪漫🌹吓⋯⋯中西日韓泰意⋯⋯🙄諗到頭都暈🤯🤨:有得俾你去街都仲要咁煩，唔好咁貪心得唔得呀？😔：唉！咁我哋去鋸扒啦！一人一個餐： 湯既選擇都幾另類：紅湯/牛湯餐包（兒時回憶返晒黎）超巨型既扒： 好大食既我都食唔晒呀😂最正係 - 唔會比啲汁浸到啲薯條淋晒 （🙅🏼‍♀️不一樣🍟）

第尾牛扒係好岀名的舖頭，位置係太子站一岀就到，所以都好方便！👍🏻晚市都要等位，但一行4人等卡位都唔耐。帶子西冷牛扒🐮質素唔錯！份量足，五成熟拿揑得唔錯～焗芝士龍利柳飯🐟超失望。首先明明係焗飯，但又變左碟頭飯的樣上。🤦🏻‍♀️然後以為有炒飯底，點知只係白飯......仲要係唔夠汁！龍利柳本身又冇咩味。結果成個飯都唔好食😩所以餐廳扒的質素應該okay, 不過其他就真係不了。😔總消費：一個餐約$120環境：★ ★ ★ ☆ ☆食物：★ ★ ★ ☆ ☆服務：★ ★ ★ ☆ ☆性價比：★ ★ ★ ☆ ☆

收工自己一個去食，之後因為太夜無乜人，d小強四圍走，無論地下枱面都有以為個次太夜，今次就早少少6:30上去食晚飯，點知依然係咁，突然有隻小強走咗上枱，我同侍應講，侍應用手撥走見到旁邊也有幾隻，即時掉枱🤦‍♀️🤦‍♀️扒係好食既，只係自己好怕小強.一邊驚一邊食，個感覺唔太好，

今日一家四口去左太子食第尾牛扒餐廳！因為牙女話要食! 咁我地叫左兩個餐～因為牙女要食雞扒，牙仔要食豬扒，腸仔，火腿所以我叫左個晚餐H 鐵板什扒係未好鬼大份呢！裡面有牛扒，雞扒，豬扒，火腿，腸仔，煙肉同薯條...咁我老公叫左個 晚餐F 鐵板肉眼牛扒.佢叫左5成熟，勁大份囉！跟餐當然有湯同餐包啦！d湯好好飲牙！咁跟餐叫左兩杯什果賓治，另外叫左兩杯檸檬茶！因為賓治貴d.所以跟餐唔洗加錢，兩杯凍檸茶要30蚊1杯🙈🙈🙈小姐仲話未飲過什果賓治，佢話覺得好好飲..之後仲叫左個白飯！埋單用左295蚊（連加10%服務費）每個餐99蚊，凍檸茶30蚊杯，白飯10蚊個！因為我同老公食左呢間餐廳好多年，覺得都係咁好食！😆😆😆所以都覺得抵食！

聖誕正日, 男朋友都要忙, 無法啦, 是但搵間餐廳快閃個lunch吧由於時間緊迫, 見comment都唔多喊樣, 所以唔多再研究就貢左入去一坐低餐牌都未睇, 侍應就即問我地要白定紅湯, 我地各點一款試試,白湯無咩特別, 無驚喜都無失望紅湯除左有大量蔬菜, 仲有一點點肉絲, 味道酸中帶少少辣, 好開胃男朋友想鋸牛, 所以揀左menu上唯一一款牛扒,落單時, 侍應無問要幾多成熟, 我地都心知不妙...上台時係又厚又大塊既, 於是男朋友切左小小比我試........如果曚住對眼, 憑肉味與肉質, 係完全唔知自己食緊既係牛我自己就叫左焗豬飯扒,個炒飯底係唔錯, 夠乾身香口, 個汁望落似茄汁, 但食落係豉油味越食越咸餐茶叫左咖啡, 不過不失或者始終呢間係港式西餐廳, 所以鬆肉粉, 豉油汁都係特色黎, 以大眾化既價錢, 感受一下懷舊既情懷, 一次就好了

星期六老弟的生日飯揀了這裡吃牛扒；好味是......他是五成鐵板西冷，真的有五成熟，厚肉不肥；我是碟上帶子和五成熟牛柳，帶子彈牙，牛柳軟綿，碟上也不會不夠熱；牛尾湯濃濃的香味，羅宋湯有很多疏菜，雜果賓治和紅豆冰也不會死甜，這生日飯真不錯；人情味......是各位待應先生小姐，有禮、熱情、親切和有耐性，今餐大眾化價錢，開心暢飲一夜

是日 求其搵咗一間餐廳今晚見到第尾牛扒 就入咗去鐵板⚙️肉眼🥩牛排🐂$99（未連加一）要讚🥳下佢塊排🥩叫左5成熟🔥 生熟程度💓啱啱好⭕️好霖✅ 又好有牛味 🐂份量🍽正常 呢個價錢💰可接受☑️餐包🥯餐湯🍵餐茶☕️個d 都正常發揮👨🏾‍🍳我自己會再去🏃🏽‍♂️ 因為真係整得好食我自己覺得呢間好食過某啲出名嘅餐廳加上價錢唔算好好好貴大家都不妨一去 👍🏼👍🏼👍🏼地方就腳 唔會太遠地鐵站👻

平時好少寫食評，但今天真係嬲到爆。今午上去叫個午餐黑椒豬扒飯汁另上，點知個伙計話汁唔可以另上，我問佢點解，佢話廚房攪唔掂，我話宜家都唔係好多人得四五枱客。佢跟住話唔要汁就得，一係你唔好食。有冇攪錯，我就立即起身走，得你一間有飯食咩？又話宜家食肆生意差，D服務仲差。

紅湯味道都濃，而且麵包是暖暖的。煎蝦都幾香口，啲蒜蓉好邪惡，其實食得出食材係普通雪蝦，不過算啦。黎得呢度食，呢個結果係好合理。晚餐牛柳好大件，仲有兩塊，其實食一塊我都飽晒了。牛扒本身不會太熟，唔記得叫左五成定七成，還有少少血色。肉質較鬆，而且其中一塊係有啲筋。薯條可以再脆啲，但通常大部分老派餐廳嘅坑紋薯條都會炸定😂。環境係好舊式的地方，侍應全部都係叔叔嬸嬸，「舊式」都係另一番風味，都可以體驗下。