大興餐廳 (第尾牛扒)

營業中

休息中

近幾日突然好想知香港仲有冇啲鋸扒餐廳個餐有沙律同甜品～啫喱……search下，youtube 見到有一間但已是兩年前的東張訪問，不過吾肯定係咪我好耐之前去過的哥登……其實而家都吾知仲有冇呢啲咁完整嘅套餐呢……睇睇下youtube，彈咗星星介紹懷舊餐廳嘅短片(多謝sing sing)，原來仲有好幾間呢啲懷舊餐廳，不過有冇有齊前菜(沙律)，飯後甜品就吾知了....不過，吾睇吾知原來有啲懷舊餐廳都吾識(maybe我吾係愛鋸扒的人嚟)---好似成日經過果頭嘅第尾牛扒(個名好搞笑)……一早plan左今日放下午，心也想今日不如去第尾試下呢度d嘢食(定還是再去哥登)...去吾成nikon服務中心後，還掂嚟到呢區就行去第尾啦，佢就係在花園餐廳隔離...入到去，格局格調也同我以前去過的花園餐廳、紅屋、波士頓相似，枱、SOFA都花了，有懷舊feel....好彩係下午茶時間吾駛等(因為網上講成日要等位),...坐低侍應比左個午餐及下午茶餐餐牌我....我一直以為只可叫呢2張牌內嘅嘢 (咁我又真係冇問)....點知，原來係有人下午茶鋸扒哦....大鄉里的我..不過算啦，我叫左個茶餐----xo醬豬扒炒烏冬+紅

[ 第尾牛扒(大興餐廳) ]接近8點到達餐廳，座無虛席，等咗一陣就入得。進入舖頭時已經聞到舖頭好香嘅鐵板牛扒味，食慾大增😍 餐廳座位舒適， 二人入座都有卡位坐。✿鐵板西冷牛扒 🥩$109✿鐵板肉眼牛扒 🐮$109套餐係包埋餐包&餐湯。餐包細細個配牛油食，唔怕食完無胃口食主菜。餐湯有羅宋湯或者忌廉湯選擇。羅宋湯好足料，有好多菜，最驚喜係有好多大大舊嘅牛肉粒😍鐵板牛扒上菜時非常熱，jar jar聲，噴哂煙🔥大大塊厚切嘅牛扒，鋪滿整塊鐵板。牛扒肉味香濃，唔會有港式扒房太重鬆肉粉味嘅感覺。配上香濃嘅蒜蓉汁或者黑椒汁，脆口嘅波浪薯條，勁滿足呀！總結🫦埋單人均百二蚊，晚餐呢個價錢有牛扒食，價錢非常實惠，加上餐廳環境好有老香港嘅情懷，適合唔同年紀既男女去用餐。同其他港式或西式餐廳對比，第尾牛扒絕對唔係排第尾！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿第尾牛扒(大興餐廳)地址：旺角西洋菜南街218-220號生發大廈1樓電話：23803938 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

嚟呢間食，一定要早排隊，條隊都幾長吓😅不過好彩有朋友一早攞咗位。大蝦沙律係地度港式沙律，全部被沙律醬包圍，罐頭什果加青瓜片，有幾隻大雪藏蝦。我們一行6人都叫咗鐵板牛柳，因為朋友推薦。我叫了黑椒汁7成熟，上枱無失望，肉質較嫩，熟度剛好，份量好足夠。但本人覺得醬汁比較咸，食完都幾 口渴😅餐湯紅、白都有試，真心推薦紅湯。堅有肉而且蔬菜都足，味道剛剛好😗可惜餐包是嘉X d friend,如果是舊式扒房d餐包會更完美。總括而言，性價比高，絕對有下次👍驚喜位：居然有啤酒飲🤣

放假起身，落街行搵間餐廳，見好耐冇食呢間，喺旺角都有好多年歷史平時都食開鐵板牛扒，今次想試吓佢啲焗飯，叫咗芝士肉醬焗號牛扒飯，等咗大概15分鐘，芝士同肉醬都覺得好香，牛扒都淋，而且份量都好足，係個羅宋湯比較淡，有待改善而且侍應態度都唔錯另外仲有其他焗飯同埋焗意粉，下次都可以試埋另外佢可樂都唔使加錢幾啱我🥰🥰同埋未試過佢嘅晚餐下次可以過嚟試吓，佢嘅份量都算大份餐廳裝修雖然有啲舊，但都算有feel

今日又黎左第尾啦一嚟到點左個羅宋湯先，之後梗係揀是日鐵板餐啦今日嘅鐵板係牛仔扒，揀咗配搭黑椒汁，五成熟感覺都係肉眼扒，西冷牛扒好食好多唔知係咪因為今日有啲飽，覺得味道寶寶通通冇之前咁正，另外我女朋友點左肉醬牛朳焗飯試咗幾啖，感覺佢嗰個仲好食過我嗰個不過不過不失啦，可能呢排鋸扒鋸得太多，真係要停返下

今日午餐依舊選擇咗鋸扒第尾牛扒一隻係我好鍾意嘅一間扒房除咗因為我住得近之外依間扒房性價比幾高😍首先地方坐得舒服，地理位置方便，你直頭喺始創中心隔離$67午市是日鐵板午餐（額外一提，佢午市題日鐵板午餐通常都係西冷牛扒或者牛仔扒）好啦，我影返個五成靚樣俾你地睇就可以食到西冷牛扒，肉質口感都唔錯😋絕對好食過x園餐廳唔知幾多倍

今日專誠去到呢間老牌餐廳試咗佢嘅鐵板，羅宋湯係懷舊嘅味道，我order咗鐵板西冷牛扒，七成熟剛剛好有粉紅色少少血，非常好味，平民價錢有咁樣嘅質素，實在令人驚喜回味。

第尾牛扒真係好大塊㗎 ！唔知點解食呢間餐廳總係覺得好懷舊咁樣，今次朋友叫我嚟食就去啦叫咗個牛扒餐價錢係好抵嘅，因為塊扒真係太大，食到我呢！真係唔明白，做生意有時要計成本，又要計燈油火蠟啊咁，都仲可以咁大塊牛扒益街坊，咁呢間餐廳係值得支持嘅！

有朋友做緊生酮飲食，突然話想去食扒，試過第尾話幾唔錯，所以就跟左去試下，基本上係好似茶餐廳咁，晚餐都有焗飯個啲，不過大部分人黎得都係食扒！先講前茶，餐包加湯，有得揀紅/白湯，我揀左白湯，好濃郁，味道唔錯，點埋個包落湯到都好笑👍扒餐我揀左肉眼，三成熟，汁方面有得揀黑椒/蒜蓉，塊扒份量都幾大，而且有返咁上下厚度，味道算可以，不過略嫌比較多根，有啲位切唔到又咬唔到，而且食落明顯有醃過下，不過計埋加一都係一百鬆啲，如果想食平價扒，絕對可以接受👍

難得今日早收工，出咗旺角行吓街，天氣開始凍，老公叫我唔好煮飯廢事我濕手濕腳，行吓行吓行到去第尾，不如直接上去鋸扒，反正好耐無食過老公鍾意食肉眼黑椒汁，我就鍾意食西冷蒜蓉汁，一人叫一份鐵板晚餐，為免食到最後太熟，所以都係order 3成熟好了先上餐包餐湯 一紅一白， 紅湯牛味濃，飲極唔厭到主菜 鐵板滋滋聲香噴噴， 薯菜墊底所以唔會好快熟透，肉眼嫩滑多汁，西冷肉紋清晰有咬口，雖然只係晚餐，但仍然保持到水準，值得回味再嘗， 如果有埋懷舊啫喱仔甜品就好了

今日約左frd去食飯 其中一個frd遲黎 咁我地嗌左先 我中意飲白湯所以嗌左白湯 唔知係幸運定不幸 因為白色起碼易睇到有污穢嘢 飲左幾啖之後 突然見到有隻black object 嗰下真係即時嗌左出黎 食左咁多年嘢 真係第一次見 仲污糟過第三世界 我再睇清楚啲confirm左然後影埋相 即時揾佢地算賬 不過佢地啲人唔係詐傻扮懵就好寸 想到今次獨一無二嘅食飯之旅 我決定寫篇文嚟慰藉下自己

📍 大興餐廳 (第尾牛扒)第尾牛扒，呢個名真係好搞笑😆，不過講起佢嘅扒我覺得佢係no.1🤤，雖然佢嘅格局好似花園餐廳，不過佢好味過花園餐廳同埋乾淨過花園餐廳😚我同男朋友一如既往地嗌嗰個神戶牛柳餐$135/1，包左餐包、餐湯、嘢飲、沙律👍🏻，其實都算幾抵食，我哋嗌左三成🙈牛柳上到枱嘅時候，超級香😍，切開當然仲係粉紅色❤️佢嘅羅宋湯真係數一數二好味😋，仲有好多湯渣勁多紅蘿蔔我最鍾意😋😋😋，除此之外佢嘅薯條都炸得脆卜卜😆勁爆好味🤤佢嘅牛柳非常嫩滑，大家有興趣都可以去試吓😍評分時間❣️ (最多五顆星，如不推薦會打交叉）食物質素⭐️⭐️⭐️⭐️環境⭐️⭐️服務質素⭐️⭐️價錢💸:埋單$297餐廳資料📋: 大興餐廳 (第尾牛扒)🕌地址: 太子西洋菜南街218-220號1樓☎️電話: 23803938 想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

這間餐廳已經之前食過幾次,員工服務平時都ok,但今日可能午餐時間太忙啦！員工有點煩躁，希望下次來唔好咁煩躁啦，今日唔叫鐵板了，每一次都係鐵板上,今日嘗試下唔要鐵板，要碟上因為怕太熟，首先叫羅宋湯同埋牛尾湯,第一次飲這間牛尾湯聽說很出名,飲落去都比較濃郁，幾好飲，可以一試,麵包熱辣辣好軟熟幾好味叫左兩個T骨牛扒餐,份量好多,有一塊大同細牛扒,總共有兩塊,牛扒超大塊都幾淋,對於我黎講好易入口,最後都有一杯餐飲,成個套餐都係百幾蚊

喺旺角行完街，就諗起附近有好多地道啲嘅牛扒屋，見到第尾牛扒個招牌，好想入去試吓。我成日喺論壇見到人哋講呢度係香港嘅平民地道扒房，不過呢間我就未食過。上到去果然好舊，我叫咗個肉眼扒餐、白湯、熱檸水，個餐來得好快，個餐包搽咗牛油都幾好味，粟米忌廉湯都好夠雞粉味，牛扒我叫咗五成熟配燒汁，個汁味道都唔錯，但薯菜得雜菜粒，好彩重有兩粒車厘茄，牛扒同我喺街市買嗰啲急凍平嘢差唔多，只係發大左！埋單$110。雖然對此冇乜期望，不過回想細時食嗰啲牛扒質素，真係比而家果啲好好多，起碼牛扒唔係發過，有牛肉嘅味道。而家以呢個價錢食牛扒只可以回味走嗰陣時見到重有人排隊等位！

第一次係下午茶時段黎第尾牛扒食, 原來都唔少人, 價錢仲比平常餐牌抵食, 咁當然, 唔一定有平時想食既野啦, 但都好吸引既.防疫措施做得好好, 我地入座後, 就接二連三越黎越多人入座.哩度既羅宋湯真係數一數二咁好味, 濃得黎帶少少辣味, 配菜亦索晒所有湯既味道, 所以都會係食晒佢既.但紅荳冰就有少少失望, 仲以為會好似茶餐廳咁, 已經倒走D冰, 不過味道都係淡左少少, 同埋紅荳唔算淋, 無荳蓉既感覺, 所以撈唔埋成杯冰.黎到扒房, 梗係要叫塊扒食下啦, 鐵板午餐係牛仔扒, 每次上枱, 都煙霧彌漫係佢既特色, 牛仔肉入面全熟得黎, 咬落去淋, 再加上蒜蓉汁, 兩種味混和一齊, 真係絕配. 波浪薯條雖然硬左少少, 但仍然出色. 最尾係飽到, 食唔晒D三色豆添.另外係叫左芝士焗吞拿魚天使麵, 比塊扒係遲上枱, 應該係即叫即焗, 因為撈開, 入面真係熱到非常. 個汁好特別, 唔係芝士汁黎, 只係係汁上面舖左層芝士, 勉強解釋, 應該係吞拿魚D汁? 份量好多, 每一啖天使麵都可以食倒吞拿魚同汁, 但最有特色既係, 佢加左青椒入去, 唔知係因為想顏色豐富D, 定係同吞拿魚真係夾呢, 因為食落去,