大盛日本料理 (已結業)

前幾天經過大盛門口，看到外賣日式飯盒$50多元一個，看上去很好吃般。今晚下班後去了買外賣回家吃。我選了日式溏心蛋豬軟骨叉燒丼，贈飲選了可樂，再加配一個布丁。回到家開動，飯上的榨菜微辣很開胃，溏心蛋的蛋黃有少少流心。豬軟骨已炆到入口即溶，配上軟軟的日式叉燒有不同的口感，讓整個飯吃下去不太悶。味道上甜甜辣辣很惹味，我吃光所有飯餸。布丁味道一般，下次不加配了。整體讓人很滿足，這店的熟食比刺身和壽司出色，有機會再吃🙂

1家5口，星期四晚叫此間FoodPanda後，食完有3位(2大人1小朋友)腸胃炎，其餘兩位咁啱沒有食，所以冇事。當然未必跟此有關，但這樣的天氣叫外賣食日本野，都係博不過。

喺新蒲崗想食日本🇯🇵野，真係諗到頭都爆炸🫣我記得呢間細細個嗰陣已經喺度呢排成日落雨但我都唔想出去太遠食飯近近地就嚟咗呢度食飯花之戀 $32/件⭐️⭐️⭐️⭐️蟹子沙律⭐️⭐️⭐️⭐️三文魚壽司⭐️⭐️⭐️⭐️⭐️帶子壽司⭐️⭐️⭐️⭐️蟹肉棒壽司⭐️⭐️⭐️⭐️炸軟殼蟹手卷⭐️⭐️⭐️⭐️煙花蝦炒飯⭐️⭐️⭐️⭐️⭐️燒五花腩⭐️⭐️⭐️⭐️吉列炸蠔⭐️⭐️⭐️⭐️牛乳蟹肉薯餅⭐️⭐️⭐️⭐️蟹子軍艦 ⭐️⭐️⭐️⭐️玉子壽司⭐️⭐️⭐️⭐️整體來講嘢食都好好食👍🏻價錢就貴咗少少🤏落單講Number，講到有啲混亂如果可以落完單復述一次落咗啲咩會好d大盛日本料理 📍地址: 新蒲崗寧遠街越秀廣場G25-27號電話: 23203777 最好打去book咗位先👍🏻如果多人要等好耐㗎

今次又在新蒲崗收工，記得有間日本🇯🇵料理屹立至今仍然營運當中，好多年前經常光顧，今次當重遊舊地。環境無乜太大印象，但記得賣點係抵食而且又夠大大件，不過而家已經無呢個感覺，價錢唔算係平，質素仲只屬一般，有點失望，這個價錢可以食到其他更好🥺———————————————————————————🥢江戶手握壽司🍣拼盤💬感覺算是最出色，壽司🍣同刺身係拿手嘢，款式上盛，不過唔特別新鮮🤔.🥢軟殼蟹手卷、炙燒左口魚裙邊壽司🍣💬無咗大盛嘅感覺，有點普通，唔再驚艷🥺.🥢燒魷魚🦑💬好明顯就係唔新鮮，仲有少少🤏霉嘅口感，唔好食.🥢豚肉炒野菜🥗💬正常份量，賣相不吸引，感覺到廚部製作係比較遜色一點🥺.🥢露荀牛肉卷💬燒物較好，始終食料新鮮都應該會好食😌

今晚見無咩人，2人食手握壽司同三文魚刺身出色刺身新鮮而且我叫左玉子整得岩岩好，唔會老左或者有陣味，三文魚食落口夠油身口感不錯。叉燒拉麵普通過得去鰻魚飯，鰻魚不算厚身但唔感器會好老同皮唔會好韌，好嫩滑😋員工個方面講真無收我服務費算係咁，講野細聲同食物上枱又唔講聲，算數啦街坊壋算係咁。

一直想去呢間餐廳食，講咗都好耐好耐但一直冇機會，今晚終於有機會試到啦同男朋友出完九龍返番嚟，時間都唔早了都成大概八點九了，星期五嘅晚飯時間我地兩個入座果時，餐廳都已經七八成full了我哋點咗個二人餐，因為見都幾抵食咁價錢又唔算貴，食物選擇又多我觀察到，餐廳嘅特色係～啲菜式係一道一道咁上嚟，等你食完之後先上第二第三道餸咁嘅模式依樣好值得一讚因為我覺得咁樣嘅話可以令你用心慢慢欣賞每一道菜嘅特色 唔會上到成枱餸，食唔曬之餘又唔知食邊樣好第一樣係刺身，樣子十分之精美擺得好靚！一共有四款刺身，每款都好大片雖然唔算好厚一片但勝在厚薄十分適中我好鍾意嘅希靈魚同埋三文魚都好肥美尤其是啲白魚刺身，勁香呀，超正！食得出d刺身係夠新鮮嘅，尤其是係啲蝦只係我覺得佢啲蝦刺身有少少細嚿囉～第二樣係，醬燒三文魚腩壽司每一嚿都大細均勻，樣子望落燒得好靚 上面鋪滿咗蟹子同少少蔥花口感豐富食落有一種入口即溶嘅感覺 三文魚腩燒得好香好滑味道十分之好，每人得兩件真係唔夠喉好想食多幾件，哈哈第三樣係壽喜燒，其實比我想像中要大碗 真係超大碗唔係講笑，我仲心諗：死啦，我哋兩個點食得完，不過好彩最後都清晒依碗壽喜燒真係好足料，有菇有

午飯時段，外賣要等半小時，只是買一個丼飯。。。。如需那麼長時間才能取得，請購買時提醒顧客，始終有多於一小時午餐時段的人應該也不是太多人吧。至於個午餐質素真是一般要84元，以話價錢的飯盒可選擇的真的很多。

今天見客出了鑽石山附近，便不如行下新蒲崗呢！大盛日本料理餐廳是我喜歡的餐廳之一， 有心做日本料理而價錢合理，我點了呢個三文魚腩丼，配埋飲料$40 平到笑、而美味可口，下次再來！

下午茶時間，到附近睇吓有咩可以醫下個肚，見到呢間日式餐廳裝潢好特別好日式，於是決定入去試吓，見到下午茶餐牌真係勁平，早食午餐嘅我都諗住嗌個下午茶嘅燒三文魚飯試吓。等候嘅時間都算耐，唔知係咪店員因為落場嘅關係，所以冇乜員工工作，只見有兩個店員坐喺另一張枱傾偈。送餐上枱後見到碗飯外觀都唔錯，有好多醬汁，可惜仔細睇發現只有兩三片燒三文魚，其中仲有啲係全熟，有啲失望，因為我唔算太好蒜蓉所以食落個醬汁有極多蒜蓉嘅時候都大感失望，鍾意蒜蓉嘅朋友應該會好鍾意，但係由於餐牌冇寫名，所以我就食嘅時候先知道。味道來講唔算特別，而且三文魚份量亦都算少，可能因為呢個價錢，本來就唔應該期望太多，希望下次有機會再試吓佢其他嘢，話唔定會有驚喜呢。

到夜上沒有什麼餐廳開門，入到這間日本餐廳也被職員話要last order 了壽喜燒份量多，有粟米、肥牛等不用食主食都好飽了，味道正正常常，價錢都合理見到埋單走的時候職員圍在一起在吃晚餐呢

😜😜😜.上個星期同 friends一齊入咗新蒲崗覓食本來諗住去食窩子但實在太多人排隊😟😟結果去咗隔離呢間大盛日本料理呢度嘅午市套餐超級抵食😋😋😋相入面呢三碗丼飯都只係每碗 💰 $40仲要包嘢飲同免收加一😆.呢間嘅刺身飯十分新鮮👍🏻食唔出有雪藏味！.天婦羅飯炸得相當鬆脆😍配埋醬汁，啱啱好抵消左炸物嘅油膩感.食物又大份又好味～咁抵食嘅餐廳你話去邊度搵～～下次如果咁啱經過新蒲崗記住入嚟試吓！

今日同事帶我黎咗呢間大盛日本料理食lunch，有人話呢間店係藍店但後來又好似澄清咗，Whatsgap同和你eat都冇呢間，所以就跟同事黎試吓啦～🍲 牛肉壽喜燒定食 （$62）推介指數：7.5/10份量超級大，lunch黎講真係男仔都未必食得曬🤪 鍋入面有超多肥牛，仲有豆腐、生菜... 好多嘢食～ 不過就偏醎咗啲，送飯都唔錯嘅！🍛 咖喱豬排定食 （$56）推介指數：7/10豬排同飯嘅份量基本上係1比1咁濟！塊排超級大，而且唔會鞋。不過咖喱嘅味能就爭啲，又冇日本甜咖喱咁香甜，但又唔係辣嘅😗不過以呢度嘅嘢食嘅份量同價錢黎講都值得一試咖～

平時經過新蒲崗都唔會入去呢間餐廳度食，因為門面唔起眼加上有d舊舊地嘅感覺。咁岩有一次見到佢個午餐餐牌都幾吸引，所以就入咗去叫咗個牛脷飯同天婦羅炸蝦飯。首先黎左個牛脷飯，佢個汁好岩伴飯，亦都好惹味，味道十足，辣味適中，牛脷又唔韌，洋蔥都好多，一黎到好快就食晒成碗飯。 跟住黎埋個天婦羅炸蝦飯，即叫即炸，熱辣辣，又唔會油淋淋，個炸粉適中，蝦有兩條，南瓜同蕃薯都好甜！又唔會硬，又唔會太淋。兩個飯值得推薦！下次都會再去

最近由於疫情關係，周圍都少左人出街食飯。經過新蒲崗見呢間日本餐廳門口餐牌寫有輕食餐，諗住最啱食少少野，可以快d食完快d走，不太想久留。入到去見不太多人，所以可以1個人都可以坐喺6人枱，可以保持距離，都不錯。最後點了個芝士炸雞丼，餐還可以配飲品。個飯來到時，第一個反應係，唔係輕食餐嗎？炸雞份量大份到都夠飽了，而且係新鮮炸好，熱辣辣的，而且啖啖肉，加上有芝士醬，送飯一流，究竟係少人幫襯左大贈送，定係平時都是這樣?

去新蒲崗想食日本野，其實選擇不多，Mikiki入面嘅壽司店又好貴，所以就係附近搵到呢間餐廳。雖然當時只是六點，但餐廳都坐滿左八成。打開餐牌，差不多每樣食品都有激安價，感覺都幾抵。叫咗鰻魚飯，燒油甘魚頭，吞拿魚茸海膽丼。鰻魚飯只得生菜粟米作配菜，並沒有一般日本餐廳所提供的蛋絲，醃蘿蔔等，比較簡略。但鰻魚和飯都算合格，份量都好充足。油甘魚頭燒得好好，外皮香脆之餘，魚肉依然嫩滑，仲啖啖肉，非常抵食。而丼飯水準一般，吞拿魚茸太爛，缺乏口感，油香亦不足。上菜時店員說明採用鹽水海膽，所以水分較多，海膽食落帶微微甘香，尚算新鮮，但不算特別鮮甜。