大盛日本料理 (已結業)

比較各日本食鋪, 一致覺得近來還是這間!今次的座位有點迫, 肥少少都坐得很辛苦!與上次有少少不同!今次不叫加州卷, 叫大盛反卷!主要是紫菜不夠脆口, 如不一次食入口,咬一啖後, 所有材料已散, 而且太淡口, 不太好味!三文魚壽司是必食無問題的。上次同食人食櫻花魷魚軍艦壽司, 故大家多多試試,不過, 自己食過又不過很香口, 始終紫菜唔夠脆都係重大問題。帶子壽司也是必食好味的,有人依然食完油甘魚壽司後感好味, 甚至好味過三文魚,我想我下次會試試看。活間八壽司則同食人覺麻麻了,玉子壽子依然大大件, 玉子令人很滿足。今次沒有食其他濃味食物, 於是食這碟烏冬時, 原來是很鹹的,不太好味。什錦天婦羅, 炸完即來, 很脆口, 非常好味!除了平時的外, 很少會有多春魚的, 同食人喜歡吃,食後評好味道。因pizza製作需時, 故最後出場,雖然餅底薄薄, 不過芝士淡淡可口, 而且很煙靱。

差不多一年沒有來光顧, 或者太怕以前這裏等的人多, 菜式水準又開始下降。今次再次來食, 又不錯喎!首先點算壽司:三文魚壽司 ($14/2件), 長長的三文魚仍然是買點, 飯雖少少, 但啖啖三文魚, 很滿足。帶子壽司 ($24/2件), 份量適足, 雖不是珍貴帶子, 但很可口。油甘魚壽司 ($30/2件), 同食的點的, 評價是好味過其他店鋪。厚燒玉子壽司 ($14/2件), 重點是食那厚厚的蛋, 飯只是添口而已。炸軟殼蟹手卷 ($24), 同食人也說很好味, 而且我看都很大卷。熟吞拿魚沙律軍艦壽司 ($14/2件), 近期很喜歡食這款壽司, 相信是無難度的, 只要給足夠的吞拿魚便可。櫻花魷魚 ($20/2件), 同食人說好味, 爽, 有膠質, 都鮮甜的。加州卷 ($20/4件), 不算大件, 沙律醬頗多, 算普通。泡菜餃子鍋 ($34), 非非非非常辣, 同枱的一一食過, 自己最後才吃, 一個不太吃辣即大叫, 另一食得辣的, 雖說好辣, 但非常開心樣, 最後都要另叫一杯熱水溝淡。海鮮烏冬 ($56), 因食了泡菜鍋, 吃這個時, 味覺已有變化, 唔覺醎, 覺香甜。

一個下雨的星期六中午, 與兩老到新蒲崗辦點事, 之後途經大盛. 上次與朋友來此飯聚, 印象不錯. 今次見客人不太多, 於是決定入內開飯!中午時候的大盛, 人客不多, 只有半滿. 店內坐位依舊擠迫, 不過尚可接受. 看過午餐的餐牌後, 決定點三文魚飯, 高湯牛肉鍋, 和鰻魚飯. 餐前小食是中華沙律, 份量少得可憐, 只有一小撮, 不消一兩口已經吃完, 味道與超市售賣的沒兩樣, 不吃也罷!最先來的居然是三文魚飯. 看起來也很對板, 三文魚粒的份量頗多, 看起來也新鮮; 碗內還伴有薑片和大量蔥絲, 令人食欲大增! 味道方面, 三文魚尚算肥美, 當然不是刺身的質素, 但起碼味道鮮甜. 飯粒用的雖然是珍珠米, 但水份太多, 飯身太腍, 差矣!高湯牛肉鍋, 上次與友人飯局時吃過, 覺得質素不俗, 於是安歌! 今次的牛肉份量雖然仍然算很多, 但份量比上次吃已經少了一些, 反而蔬菜的份量增加了不少. 湯底味道帶甜味, 不過應該加了"師傅", 因為吃完後頗口渴! 肥牛帶肥, 味道一般, 沒甚鮮味, 感覺上比吉野家的牛肉還要遜色, 有點失望......自從孔雀石綠事件後, 一直也甚少點鰻魚飯. 今次是老

朋友仔介紹了這間日本食店很多次，今天終於可以和佬哥試下喇因為我們還沒到7點就來到，客人也不算很多，但入坐時待應已經跟我們說明限1.5小時就要離座lu~地方都很整潔，讓人感覺不錯嘻嘻，我們點了特長三文魚sushi，芝士蟹柳sushi，玉子sushi，蟹籽軍艦那三文魚真的很長啊! 應該有爭x的3-4倍咁大舊，而它不只長，也有適當的厚度~是啖啖肉呢~肥美外也很新鮮!!!讚微燒過的半熔芝士+日本蟹棒 (不是普通街市賣個隻蟹柳喲) sushi 也很可口~ 香 + juicy玉子sushi和蟹籽軍艦就冇咩特別lu~因當日的海膽刺身做推廣 (唔記得左價錢=_+)，是我第一次吃呢!!整體感覺是...鯹.....眼看很多人喜歡吃，但我確是不懂欣賞呢.......而且也不是太懂吃，海膽旁邊附上了紫菜，青爪絲和wasabi，多個combination我也試過呢，都是覺得很鯹...如海膽點wasabi和豉油包面紫菜和青瓜絲? 海膽就咁點豉油?海膽就咁包著紫菜?但就是不知道怎樣吃才對...如有好心人的話，歡迎指點一下迷津焗薯皮也冇咩特別，所以就不多說了~最深刻的是love love墨魚汁烏冬♥♥可參考我之前的食

今日和男朋友100日慶祝, 經過新蒲崗, 突然好想食壽司, 記得附近有間大盛, 就來食!!! 好耐冇來食, 味道依然咁好味! 有我至愛帶子壽司, 長長三文魚和鰻魚壽司!! 串燒牛舌! 一個字! 正!!! 三文魚炒飯都OK最正個個係中華冷Noodle ~ 加埋個芝麻汁..好好味...食唔停口!!最後捧住個肚好開心走

裝修後，第一次幫親，來個早早地晚餐，7點，唔洗等位。(我地有用9折卡)三文魚刺身---夠厚身，Keep 到水準燒三文魚卷---一般,不過不失生蠔---大 但after tastes 不足，又幾抵食, 因為都幾鮮芒果蟹子沙律---例牌菜。 西京燒---我至愛點的，熱辣抵食。蠔鍋---唔錯架，味道正常。總結: 埋單都係$248(共3人) ~算抵食得黎有水準~下次都會再去

哈哈.今天放假整理file時發現了有很多食物的圖片於是心血來潮便寫一下食評 在大半年前食的記得當天是晚上7點左右.門外已經有人在等位於是我也急急拿飛等位等位方面ok.等了15分鐘內入到去.於是order食物.我當日點了魚生菴列飯,意料之內,上台時就像旦包飯 但係一整開..就發現用雞蛋包住d好多飯.魚生,有三文魚,吞拿魚粒,仲有d蟹籽係面.辣辣地,幾好味 喜歡食辣既我仲叫佢比7品粉我 仲有order左個唔知咩鐵板牛油帶子,ok.總括食品是一般,不過不失.在新蒲光來說是ok了環境太擠逼,太多人,要跟別人搭枱而且,雖然作為女生的我也認為份量小了點而server 也沒有其他食評般難接受.

好耐都無黎食,上次食都係母親生日,今次就係母親節。不過唔緊要最緊要鐘意食!!6點去到,已經8成full,嘩...心諗.....好彩姐,早小小黎,如果唔係就有排等。問我地有無book 位,我地無book,但都可以即刻入座,雖然坐位置唔算好闊落,但亦唔算迫。睇下睇發現佢本餐牌轉左,加價都在所難免,希望保持質數就可以。三個人一共order 左幾樣野,牛肉鍋、燒鯖魚、刺身雙併、幾款壽司同埋一個卷物。先黎當然係刺身,三文魚夠厚身,不過帶子就有點細又唔厚....因為佢中間夾住檸檬,變左檸檬味仲勁過帶子本身o既味.......有小小奇怪。再上居然係燒鯖魚......本身以為要等好耐,但上桌果陣比想像中細,因為落單果陣問係成條魚,黎到果陣再問,原來係去頭去尾o既成條魚好在仲去埋骨咁都ok 啦,但40蚊貴左小小wow....魚身某d 位真係過份地老,鞋過頭。跟住壽司就黎啦.....一睇發覺.....舊鰻魚縮左水o既!?仲定生乾精........唔係話佢唔抵....不過以前食過有比較後就真係覺得......細份左........三文魚都係咁上下,不過不失。炸蝦壽司反而ok幾脆口,唔會太油!!說時遲那時快,

今日下午同同事去左新蒲崗既中學到整D公司野～整完見肚餓, 見到間日本野, 就決定入去試下食個LUNCH啦~間野係越秀廣場, 都聽過下架之前佢有幾間分店~間野叫大盛日本料理.坐底左就叫野食啦~一開始~就叫左三文魚壽司, 15蚊~成8寸長都有呀..幾抵食, 因為都幾鮮~第2樣我地叫左蔥三文魚碎飯, 都係35蚊~幾新鮮份量又多, 抵到爛~@@佢仲有個肉鬆蟹子沙律跟午市套餐既, 唔錯架都~

平時去親大盛一定排長龍, 見今晚落雨, 諗住搏一搏睇下會唔會 唔洗等位, 非常之 LUCKY, 去到 2 人位真係唔洗等, 可以直接入座三文魚刺身依然 Keep 到水準, 甜蝦亦都好甜炸生蠔好新鮮, 不過就細隻左好多魚鮫就超讚, 外脆內軟, 仲好多汁 仲有佢既招牌雞翼, 真係唔食唔得

食飯時段經過不過見入面好多人廢事等位堂食買左6件三文魚壽司番屋企食$8/2件 外賣要加$1 總共$25賣相幾好 不過味道麻麻-_-求其過下口癮 咁都可以接受既!!!

大盛開左咁多年,差不多晚晚都要等位的,真係唔好講笑,所以見我媽咪生日,特登早d 去霸定位6:30去到唔洗等即入,唔洗5分鐘之後就全場爆滿,出面仲有人等位,真係遲小小都唔掂。講返野食先什錦串燒全晚最差呢碟,雖然30蚊有5串唔同o既串燒,但可以話我食過串燒黎講,佢都算難食,所有都係乾到爆,又硬又無味,仲要切到細細粒,得小小鹽味,送多碟都唔想食。特長三文魚、特長鰻魚和芝士蟹子壽司招牌壽司無得頂,三文魚一樣貨式,鰻魚邊位就有小小骨,芝士蟹子o既芝士味唔夠,但整體以呢個價錢食呢個質數,我覺得唔錯~~燒三文魚"教"呢樣無得衰啦掛,鹽燒夠香燒,唔會太乾,如果串燒好似個魚"教"咁就正啦三文魚刺身雖然都係一般貨式,勝在夠厚,同埋有碎冰放底,美觀好多,又可以keep 住夠凍,衛生問放埋一邊啦.....牛肉鍋全晚最掂呢個,如果唔係呢個鍋我真係唔會比笑面,估唔到一個40蚊o既牛肉鍋有成半磅肥牛係入面,分分鐘仲多過菜,個湯底偏甜,食唔出用咩煲。牛肉幾正,放耐左都唔會咬唔開,但2個人食的話,會覺得牛肉太多xd。最後如果有埋個烏冬一齊就完美啦xd

星期六,出面一直都落住雨屋企人又出晒去唯有自己去食lunch啦突然想食日本野,於是就去左呢間度食了由於今日係星期六,唔洗返工返學所以唔洗等位就入得去平時呢個鐘數係無可能唔洗等位的入到去坐低之後好快就決定左食咩就係蔥三文魚飯啦咁呢個飯其實係一個餐來的跟餐有個小食,有野飲坐多一陣D野就送到黎啦跟餐小食係一小碟中華沙律D中華沙律半口都唔夠...野飲就係普通汽水到主角蔥三文魚飯啦三文魚份量都幾多,而且都新鮮一次過食D蔥+三文魚+適量豉油真係好正,D味道好夾呢個係我最喜歡的食法總括黎講,呢間野都唔算貴,味道都不錯不過服務方面就有進步空間因為好幾個服務生都要叫幾聲先有反應希望下次有改善啦

朋友請食飯, 想去間唔會好貴o既壽司店, 但又有質素o既, 諗來諗去, 還是覺得大盛係首選~~ 今次係第二次o黎食,味道仍舊好味!! 今次 order 咗:三文魚壽司: 8吋長, 真係冇得頂!!! 而且, 只係 $15, 感覺係最抵~~~鰻魚壽司: 鰻魚係長長o既, 不過應該冇8吋, 味道唔錯~ (~我覺得一壽司o既好味啲~)玉子壽司: 玉子形狀好特別, 大大舊, 飯就得少少 (~真係好少~). 我覺得幾好食, 又特別, 但我朋友就話食落好奇怪, 唔鍾意~蠔壽司及軟殼蟹壽司: 味道 ok~三文魚刺身: 又係必叫之選, 因為實在抵食~~ 刺身好厚, 好肥美 (~不過, 比上次薄咗~)!!帆立貝刺身: 都幾新鮮, 但相比較, 還是三文魚刺身抵食~蟹子沙律: 聽朋友話好 fresh, 好好味 (~我唔食沙律~)鮮蝦炒烏冬及海鮮炒飯: 都幾好味, 填肚之選~~大蝦天婦羅: 好好味!! 蝦大大隻, 新鮮熱辣, 都幾鮮, 而且, 一蝶都幾多, 計返都幾抵~~我哋一行9 人, 約$690 (~有用9折卡~)。雖然唔算好飽, 但以壽司店來話, 的確係唔貴又幾好食的一間店~~~

當晚七時，我和友人去大盛食晚飯，按下自動門掣入到門口，在門口處等了約十秒，竟然一個侍應招呼我們都無，但一位黑衫男員工一直企響我們約五步既距離，當佢見到我們，木口木面，一句說話都無講，我們自動自覺話「兩位」，佢先識叫佢既員工帶我們入去坐，佢既員工帶我們到最入既「面壁位」坐，坐了一分鐘，無人俾餐牌我們都算，但對上既冷氣真係好凍，要求調細，唔得要求轉位，唔俾(但出面有四成位是空的)以上都係果位黑衫男員工既決定我們就好失望甘離開，食其他野大盛，我和屋企人幫襯你甘多年，竟然用甘既態度對客，你地有冇搞錯?