大盛日本料理 (已結業)

平時都唔會寫食評, 不過今次真係谷氣第一次入去黎間食, 見佢下午茶都唔貴就去試下, 入到去見到都冇聲招呼, 咁就求其搵個位坐叫左個滑蛋吉列豬扒飯, 等左成半個鐘都未到, 仲見到遲黎既先有得食, 仲要同一個餐食落又唔係特別好食, 一般OK質素但係食食下發現粒飯痴住一隻蟲, 翻轉粒米都唔跌(應該係煲飯個陣已經係入面), 仲見到有隻腳同個侍應講, 佢又叫個經理過黎, 但係個經理竟然攞埋隻碟(幾粒飯+蟲放左係碟上面)入去話比個廚師睇吓? 係咪蟲都睇唔出, 仲要入去比個廚師睇先知? 個廚師係咪煮開蟲所以得佢先睇得出?出到黎比返我睇, 得返一舊黑色炭, 連D飯都唔見埋, 同我講唔係蟲, 冇事既(???)痴左邊條線?? 當我傻架??? 你係入面毀屍滅跡真係以為我唔知???係我蠢左比你攞入去掉包冇晒證據同你理論餐廳有蟲仔好正常, 平時我見到都係夾走去照食講返句SORRY都好, 我趕時間唔會要你再整過, 但係咁樣比人當傻仔真係谷住道氣唔順

假日同假日前夕都見好多人排隊,樓面細,坐位迫雖然星期日大約9點可即入免排隊!會員優惠制,會員門檻不詳.....食左刺身,美人魚壽司,鰻魚壽司,火灸三文魚壽司,火灸三文魚壽司!鍋燒烏冬壽司飯細, 魚超長,超大而且新鮮,大滿足!三文魚腩壽司,個三文魚腩超厚,極邪惡!鍋燒烏冬,唔太推介,個烏冬質感好林!唔彈牙!但味道不錯!

趕完工發現已經到左下午茶時間，就同同事一齊去大盛食番個下午茶。平時午餐時間經過成日見佢排哂隊，今日可能比較晏，店面非常冷清。下午茶時間當然點最抵食嘅下午茶餐，我地分別點左天婦羅丼加迷你魚生飯。天婦羅丼比想像中份量大，有茄子、青椒、南瓜、蕃薯加大蝦。味道唔錯，材料夠新鮮，雖然有少少油膩但炸得香脆亦唔會全部都係脆漿。而且飯好香軟，加埋燒汁就咁食都已經唔錯。至於迷你魚生飯真係好迷你，我諗只有天婦羅丼嘅一半份量，而且雖然叫魚生飯，但事實上只有吞拿魚碎加少少海膽，食唔太出魚嘅味道......以呢個價錢黎計，食物味道算可以，想平平地食日本料理可以考慮。

有次係潮福食完蒸氣火鍋，見到對面大盛竟然有夜宵火鍋，價錢睇落好合利，所以約左朋友一齊試下，睇下有無驚喜。見到佢地有個$168海鮮併盤，加$38有埋豬骨湯底，一於試下。豬骨湯裹面有好多材料，有4嚿骨，又有粟米，雞腳，蘿蔔。湯味好濃，未開始打邊爐已飲晒個湯，唯有叫姐姐幫我加水，點知姐姐竟然加湯，我地唔敢再飲，驚飲完個湯已經飽跟住黎個海鮮併盤，睇個樣好新鮮，已經急不及待將啲海鮮放入鍋。之後黎個安格斯肥牛，好重嘅牛肉味再試墨魚丸同牛丸，都係好好味叫埋嘢飲，都唔使$400，真係好低食，值得推介

差不多把附近的餐廳都吃過一遍了，這間雖然很就腳，但由於之前吃過一次午餐，發覺貴夾唔好食，所以算來也差不多半年沒有幫襯過，今晚就比一次機會，睇下會唔會不同以前。 一行入去，坐低，馬上聞到空氣中有淡淡既三文魚香味，令人覺得肚餓。揀左一陣後，就揀左一碗三文魚帶子丼，同埋我自己揀左一個明太子炒飯。侍應做野唔算快手，好耐都冇比茶我地，亦都等左十五分鐘以上，先有晚餐送到.魚生飯感覺比以前遜色，因為以前既三文魚真係好大塊，而家細塊左唔少，好彩三文魚同帶子都夠鮮甜。尤其是我最愛既帶子，佢分左一塊比我食，令我食到個種好正既帶子甜味，感覺滿足。而明太子炒飯，反而有驚喜。就近睇。可以見到一粒粒明太子在炒飯中間，還有蔥，粟米等等配料。明太子本身帶點辣，但這個並不太感覺到，但明太子本身的鮮味和咸香則很突出，加上炒飯炒得粒粒分明，份量也很足，所以香口之餘亦好飽肚，算係意外之喜。埋單之後，仲會送埋兩粒雪米糍作為甜品，對於鍾意食雪米糍既我，感覺十分貼心。

大盛，有次中午食到唔知食啲咩好，就去左食大盛。依間野幾神奇，因為佢之前開張的時候，客似雲來，多到晚晚見到一排人在間外木凳等候，心想，是否真的甘好食? 之前都食過一次，食左清酒煮蜆etc。感覺尚可，價錢亦合理，不過計埋排隊time cost就不是最優選。今次食番，都係睇冇乜人排隊而去食。食左個地獄拉麵。感覺好差，一，湯底其實不辣。二，有超大量蒜蓉，味道極重，但又唔好食。拉麵就正常。但總的來說，湯底不行，基本判了我對依碗麵的死刑。

大盛一向都是平價之選，午餐時段雖然選擇不多，但勝在平上加平。今次食雞肉壽喜燒，個湯完全無味，雞肉又得冰鮮味，唯一入得口就是菜，好在本身喜歡食菜，都未至於浪費整鍋，不過建議大家可以點其他午餐，壽喜燒不特別。

今日得我同老公2個食飯，行去新蒲崗，見到大盛裝修左，返正我地都唔知食乜，咪入去試下。見到有個2人火鍋餐$298,老公鐘意食刺身，我就鐘意熟食，呢個餐啱晒我地。首先黎個蘆薈蟹子沙律，我食左先記得影相，d蟹子成座山咁，而d青瓜同蟹柳都好平均，蘆薈就放係旁邊，好好咪.跟住個鍋到，裡面有菜，豆腐，金菇，粟米，我簡左個木魚湯底，個湯甜甜哋。嘩個肥牛竟然係牛頸脊，好重牛肉味,黑豚豬肉佢地係厚切，食落冇so 味，好香，好有口感重有隻虎蝦，佢地燒得好夠味。又有刺身，壽司，都好新鮮，食到呢度已經好飽，最後有個烏冬都食唔晒，老公叫左啤酒飲，而我就有2罐免費飲品。

材料非常新鮮,冇雪氣,仲帶有食物本身的鮮甜味,真係抵讚先黎什錦刺生:三文魚,北寄貝,劍魚,甜蝦,吞拿魚 鮮甜好味火灸燒三文魚腩入口即溶 帶子肥大肉厚 瀨尿蝦同鰻魚壽司要baby補充啦牛肉火鍋,好味到唔知點講,好想加個烏冬落去食囉香蕉牛肉,配搭攪笑,又咸又甜,條蕉好好味鹽燒三文魚骨,大c最愛食d有骨嘢,可惜冇魚鮫見三文魚咁好食再order多一碟刺生雪糕糯米糍,唔知好唔好食,見大c 眼甘甘,叫佢食埋我果份

拍拖一年來，熊大常常被指接送失敗，有次他來機場接我，怎料去了送機大堂。。。星期六，天下著毛毛細雨，卻無擋我過海接熊大放工的決心。這次我要做得比他好，準時出現（皆因我例遲）！看見他撐著傘在十字路口等著，兔兔也就向他跑去，抱緊他，讚揚熊大辛勞工作「養家」，然後就由他帶路，去找我選的日本餐廳。這次走路到新蒲崗的大盛日本料理。午餐牌有$50-80 不等的午餐定食。走到小店門口經理很熱情的介紹，雖然沒有舒適的卡位，但也安排了坐近窗口。熊大的汁燒鯛魚飯先上了。聞到香氣滿溢的醬油與色彩繽紛的擺盤，就覺得此飯相當味美了！熊大說這一帶的日本料理做這款定食都十分好吃，因為醬汁做法相當簡單（日本醬油+味醂）鯛魚肉質偏軟，配上醬汁和珍珠飯是一層香脆一層咸香一層魚皮香又數層珍珠飯粒的滋味！冷冷雨天我們也選了溫熱的麺豉湯，豆卜，海帶，白蘿蔔，這是個足料的湯呢！然後兔兔點了壽司定食。午餐每天均有三件指定款式，再配五件自選。擺盤甚為雅致，不過指定款式雞肉芝麻卷似乎已經放置了良久，飯很硬，跟材料分離，熊大說：根本吃不出來是什麽味道。。另外鰻魚一大一小，肉質偏鞋，味道可以，帶子有一件是穿了兩個洞的，雖然味道不怎麼鮮美，但

小編呢幾日都非常忙，日日食嘅都係一啲好簡單嘅嘢，但係襯前幾日屋企人同自己都得閒少少，所以就去左新蒲崗嘅呢間日本餐廳食晚餐。其實呢一間餐廳我地屋企都成日會去光顧，因為一直都覺得好抵食。喺新蒲崗附近嘅巴士站落車，行去餐廳，其實時間唔耐，5分鐘一定行到過去，都算方便嘅。到達間餐廳嘅時候其實都唔洗點等位，已經好快就有得入座。小編食過咁多次，其實等位個方面真係唔需要擔心，最遲都係10分鐘就有位，如果好似小編呢啲極度討厭等待嘅人其實都幾好。餐廳入面嘅環境唔會好光，暗暗地，成個感覺唔差，唯獨是有可能會同人搭台。好彩嘅係我地今次有6個人，唔洗同人搭台！嗌嘅都係一啲平時會食到嘅嘢，當中小編覺得豚肉炒野菜係最好食嘅！呢道菜其實有2個選擇，豚肉或牛肉，但其實經過小編食過咁多次嘅經驗，豚肉係好食啲嘅。其實總體來說，呢一間餐廳好食，價錢雖然冇放題咁抵，但食物質素好！值得大家一試。

元朗可說是藏著不少寶藏的地方丫，慢慢發掘出讓人驚喜的美食之地，不少夜冷、糖水、中西日式美食應有盡有，前陣子我逛街後正在回西鐵途中經過這家大盛屋，我是被店門外的餐牌吸引的，原因是兒童餐實在太可愛了！坐下來後先點了些前菜和飲料，這個是海葡萄魚生沙律，海葡萄平常很少吃到，味道咸咸的，一串串很有趣，口感像串起來的魚子。

嗌左一個豚肉拉麵同血池魔女拉麵，二個麵都唔夠味 太淡。另外嗌左三文魚壽司，抵讚係三文魚好大塊 都幾新鮮。仲嗌左鐵板安格斯牛扒，肉質麻麻，個汁都好似就咁倒出黎比你點咁。總括麻麻。環境都算迫，可能太多人。

是日又要上興趣班, 呵呵, 公司在附近的老豆來接放學, 被接放學的感覺真好! 之後就一齊去食飯, 見到平時排長龍的大盛比平時少人, 可能時間還早吧! 去搏一搏, 雖然要搭檯, 不過等5MINS就有位了! 就同老豆撐檯腳啦^_^店內裝潢都OK, 只是位有點窄呢...睇之前的食評話服務麻麻, 但我又覺得不太差, 原來收銀後面有LOCKER, 店員好主動問是否需要幫忙收起袋仔, 又會推介時令食物等等...黑板上的就是MENU入面無的推介~三文魚腩刺身 HK$72, 有8塊, 算幾肥美, 但切法就有點四方...之後就有6款手握壽司, 二十到四十蚊不等...有甜蝦, 甜蝦海膽, 三文魚腩, 鮮帶子, 蟹棒及三文魚...甜蝦每件有兩隻蝦連頭, 算幾抵, 蝦頭又鮮味! 甜蝦海膽只是OK...至於三文魚腩, 看來三文魚腩是會切到這形狀的~~鮮帶子都幾甜而且SIZE都OK! 蟹棒及三文魚正正常常, 三文魚的特色是長長的~~SO FAR 壽司都算是不錯, 唯一挑剔就是壽司飯的溫度及結實度有點出入...不太一致!長長的鰻魚壽司獨立上, 好似廿蚊一件, 本小姐本身不算很喜歡鰻魚, 但確實這鰻魚做得很不錯, 醬

 因為今天是公眾假期, 頗多人, 遲了少少來, 又有人訂枱, 便要等了一小時。壽司都是平時那些。今次叫了鰻魚炒飯。鰻魚切粒, 混在飯裏, 對不太喜歡吃鰻魚的人都可接受的,燒汁醬不錯, 唔醎!另外, 點了雞肉pizza, 不過頗燶, 如下次點一定要第一次落order點,因為要需時, 吹單的話, 可能就要快速製成, 以致又燶, 又少了芝士。