大盛日本料理 (已結業)

今日得我同老公2個食飯，行去新蒲崗，見到大盛裝修左，返正我地都唔知食乜，咪入去試下。見到有個2人火鍋餐$298,老公鐘意食刺身，我就鐘意熟食，呢個餐啱晒我地。首先黎個蘆薈蟹子沙律，我食左先記得影相，d蟹子成座山咁，而d青瓜同蟹柳都好平均，蘆薈就放係旁邊，好好咪.跟住個鍋到，裡面有菜，豆腐，金菇，粟米，我簡左個木魚湯底，個湯甜甜哋。嘩個肥牛竟然係牛頸脊，好重牛肉味,黑豚豬肉佢地係厚切，食落冇so 味，好香，好有口感重有隻虎蝦，佢地燒得好夠味。又有刺身，壽司，都好新鮮，食到呢度已經好飽，最後有個烏冬都食唔晒，老公叫左啤酒飲，而我就有2罐免費飲品。