大盛日本料理 (已結業)

去新蒲崗想食日本野，其實選擇不多，Mikiki入面嘅壽司店又好貴，所以就係附近搵到呢間餐廳。雖然當時只是六點，但餐廳都坐滿左八成。打開餐牌，差不多每樣食品都有激安價，感覺都幾抵。叫咗鰻魚飯，燒油甘魚頭，吞拿魚茸海膽丼。鰻魚飯只得生菜粟米作配菜，並沒有一般日本餐廳所提供的蛋絲，醃蘿蔔等，比較簡略。但鰻魚和飯都算合格，份量都好充足。油甘魚頭燒得好好，外皮香脆之餘，魚肉依然嫩滑，仲啖啖肉，非常抵食。而丼飯水準一般，吞拿魚茸太爛，缺乏口感，油香亦不足。上菜時店員說明採用鹽水海膽，所以水分較多，海膽食落帶微微甘香，尚算新鮮，但不算特別鮮甜。