大灣咖啡廳

營業中

休息中

一家人到Big Bay cafe 來個 Lunch Buffet,食Lunch Buffet ,都幾好，食得飽，可以當兩餐🤣🤣🤣🤣講返間餐廳，大部份都好滿意，服務亦殷勤有禮💯環境舒適，地方寬闊👍🏼👍🏼食物就非常大路，但係就冇我哋自己鍾意食嘅嘢，中式嘅食物都較少：乳豬，片皮鴨，小籠包，灌湯餃，燉湯。。都無🤣🤣🤣其他就係相入面見到🙂🙂入面個韓式石鍋面值得推介甜品大部分都好好味🧇🧁🍦🍰而且亦都唔太甜食幾多都冇問題💯最值得提一提嘅係，佢哋飲品種類好多，重有樽裝汽水，而且紅白酒香檳任飲🍷🥂🍸呢方便就可以加分啦～🤣🤣大家睇相決定去唔去啦～

家族一行24人去食自助餐提早慶祝父親節加端午節聚餐，大家都話食材質素同味道唔得。首先要讚餐廳職員同現場餅師、廚師個個都好有禮貌而且好照顧客人，依樣唯一加分。食物方面：冷盤、沙律、熱盤、海鮮、甜品款式選擇勁少。熱食只有烤牛扒同燒乳豬仔吸引，會再翻拎。其他即場烤物、咖哩都差。熱盤炒過嘅蝦肉已經變霉，咖哩羊肉質炆到硬晒。海鮮完全唔新鮮，龍蝦雖然開邊任食，但無鮮味之餘仲要只勁咸，應該係想用鹽水蓋過唔新鮮？而且東風螺嘅殼勁多碎晒，好易唔覺意𠝹到口。芝士五款選擇但只有一種軟芝士可接受，其他硬芝士咬咗真係吐出嚟，係我唔識欣賞，覺得好似咬一舊無味軟膠咁。麵包4款全部都好硬，又無熱烘機比大家自行翻熱，真係小孩長者都咬唔到。連印度烤餅都可以做到完全唔係嗰種質地同味道。其他個啲無意見，味道真心唔接受，好多都咬咗一口已經唔想食。壽司刺身唔係高質、鮮味野，普通入到口已經算數。甜品櫃睇落好似好多選擇，其實只係重複擺設，豐富視角。讚嘅係飲品好多選擇︰汽水、咖啡、奶茶、檸檬茶自由沖，而且紅白酒各一款任飲，平價酒但味道可接受；水果清盤會轉其他款，而且係另類嘅龍眼、紅毛丹、紅石榴等。總結︰一行24個人好彩有7折，已經覺得

同事升職請食自助餐晚宴！ 自己曾住過嘉里酒店， 但在這裏食自助餐就是初次！先講環境： 一入餐廳， 就覺得裝修具貴氣， 有大落地玻璃， 擁有維港景色， 晚景一流。 如果坐窗邊位， 就更一絕！食物選擇夠多， 香港人最關心既海鮮冷盤， 除左冇生蠔， 其他都齊。 有刺身， 壽司， 蟹腳， 龍蝦， 鮑魚。 最緊要係全部都好味！ 熱既菜式都多完化。 我推薦， 羊架同燒鴨🤣野飲有白酒， 紅酒， 啤酒， 汽水， 果汁， 任飲！ 甜品都係多不勝數想食自助餐， 我絕對推薦呢間🔥

香格里拉酒店集團一向致力推動環保理念同可持續發展，仲推出左「自然天成」全球可持續食材環保計劃 (Rooted in Nature)🍀而最近香港嘉里酒店大灣咖啡廳亦率先推出一系列「自然天成」可持續美食佳餚同活動😙為大家打造「從農場到餐桌」既綠色餐飲體驗，好有意義！🤝一系列自助餐特色菜式係利用香港嘉里酒店自家菜園 —「里」農場種植既有機香草同蔬菜製作、仲有源自當地有機農場既新鮮蔬果同肉類產品、加埋來自本土可持續海鮮品牌OASIS綠洲既時令鮮魚等，完美打造綠色體驗😉🤗大灣咖啡廳仲聯乘本地農業品牌推出「自然天成」可持續美食專區，好似本地著名水耕菜品牌AquaGreen就係餐廳內特設「綠色健康美食專區」；仲有可持續本地農地Hydrogro水糧莊既「水耕番茄專區」，加埋比小朋友玩既「Tomato Catcher」夾番茄機，體驗超得意！夾到既蕃茄仲可以拎走嫁🤗首先一入去就比大大個沙律Corner吸引住，沙律款式多樣之餘，沙律菜亦好翠綠新鮮😝仲有巴馬臣芝士輪即製凱撒沙律，開動！🤤冷盤前菜一樣好吸引，除左爆膏麵包蟹，仲有鮮甜海蝦同鮑魚熱食焦點唔少得蒸龍蝦😚見食客們都好踴躍，而餐廳都不停refill、源源

一家人黎食最鐘意係個芝士每次都有唔同款同埋餅今次黎到聞到榴槤味以為有得食原來係PIZZA 有驚喜都幾好食之後食蟹同熱食水準高加左錢任飲紅白好抵食又好味走個時行去海旁睇埋景

呢間酒店嘅自助餐好耐以前朋友推介，雖然無生蠔雖但係近排嘅食評都唔錯，今年生日嘅自助餐就揀咗呢間。餐廳環境同食物都幾好，食物款式唔算好多，不過味道幾好，由其冷盤開邊龍蝦，係暫時我食過咁多間最好食嘅一間。另外因為生日餐廳仲送咗個拿破崙比我添。冷盤海鮮好新鮮，由其龍蝦，上面嘅膏唔係硬同實，係creamy，龍蝦肉亦比其他龍蝦肉鬆少少，好味。刺身都幾新鮮，壽司就比較普通。小茴香烤羊肶好味，唔肥膩，又香。雞皮餃子好特別，外皮好薄好薄，脆得嚟帶啲啲煙韌嘅口感。豬頸肉一啲都唔油。羊腩煲。蕃茄忌廉湯，好多蕃茄蓉，無忌廉嘅口感。中湯唔錯。甜品做得好用心，好似歌劇院蛋糕，用紅莓醬嘅微酸令到夾層無咁漏。有啤酒，橙汁，西柚汁，咖啡等。

每年生日都會選擇食buffet🥳今年都唔例外😚🎂😚今次揀咗嘉里酒店，呢間大灣咖啡廳🍽🍽🍽唔知食評都話呢度選擇多，而且甜品多係細路哥嘅天堂😜咁我就梗係試吓啦佳因食buffet都係因為小朋友鍾意食🤣🤣🤣酒店位置都算，比較容易搵到好彩我哋去果日人唔係好多食物質素唔錯，尤其是熱食做得好👍👍👍反而啲凍蟹腳就麻麻哋甜品方面都好優質👍👍環境夠大～🍽坐得舒舒服服服務都好好，始終係星級酒店食完先發現原來有outdoor🤣🤣🤣值得一提嘅係outdoor個環境好舒服好靚可以望到海🥰🥰🥰可惜佢哋冇開放

午市自助餐每位$320.1（Kerry Hotel嘅網頁七五折）非常抵食，冷盤有麵包蟹爆膏、凍蝦非常大隻好好味、青口和蜆，鍾意佢嘅燒牛肉好嫩再配菠蘿有不同醬汁提供選擇，尤其是Häagen-Dazs 雪糕係大桶裝有專人service 雪糕俾你,冧酒提子味、芒果雪芭、紅莓、綠茶、檸檬雪葩、比利時、朱古力、士多啤梨、雲呢拿等共有八款味道，有多款沙律、芝士和cold cut, 甜品非常精緻很多款式，放於甜品櫃中非常吸引，熟食味道偏清淡不會很鹹不過不失

<餐廳介紹:大灣咖啡廳>地點:紅磡香港嘉里酒店菜式: 平日自助午餐價錢: 原價平日388 (openrice book 75折，中銀hsbc 信用卡就85折)，另收加一服務費 #中產窮L 作為一個打工仔，難得平日放年假，又未有計劃外遊，咁唯有周圍搵下有無平日抵食又可以食到飽死既自助餐餐廳，今次就選左位於紅磡碼頭旁既香港嘉里酒店，食佢地既平日自助午餐。 餐廳位於嘉里酒店3樓，離黃埔地鐵站C 出口5至10分路程，但離紅磡碼頭只有1分鐘路程，各位如要前往可以考慮搭渡輪。 自助午餐雖然12點開始，但#中產窮L 11點45分去到，前面已經有2，30個人既人龍等候入座，餐廳面積廣闊，座位非常多，目測，有2，3百個座位以上，靠窗既座位更可以望到海景。 平日自助午餐，凍海鮮有提供面包蟹，青口，螺頭，餐廳稱晚市有長腳蟹，但就無面包蟹。海鮮refill 既速度都ok，至於夾唔夾到面包蟹殼就要睇緣份啦。 至於刺身方面，就有八爪魚，三文魚，油甘魚同吞拿魚，味道都好新鮮，排隊等候時間亦唔會太耐。 沙律菜和芝士吧都有幾款選擇，煙肉亦有幾款，味道都易入口，不會太咸。 熟餸方面，有中式點心，幾款咖哩肉

從未去過嘉里酒店，係網上睇到環境唔錯，所以諗住試吓。差唔多6點去到，門口都有啲人排隊，但唔算多。6：00準時開始入座，安排咗一張4人梳化靚景檯比我，好正, 好大，座得好舒服。坐抵見有氣酒free flow$228，對於我呢啲酒鬼，緊係飲啦食物選擇都係一般大路嘢啦，但質素唔錯。由於我唔食肉，所以食物選擇對我嚟講真係唔重要，最重要係坐得舒服同服務夠好。呢度服務就真心覺得正，所有員工都好有禮貌，尤其係大廚哥哥們，去到邊個食物櫃檯，都有廚司哥哥介紹食物，又好笑容又有禮貌。今次戶外有個勁大嘅西班牙炒飯，大廚哥哥都會叫客人出去影吓相。真係好少會遇到大廚哥哥會主動埋嚟同客人傾計，多謝你，昨晚真係好開心，同你傾計真係學到好多嘢食飽飽落樓下行吓，吹吓海風，再去碼頭聽吓人唱歌，睇吓人放狗，真係堅正

我地準時6:00入坐，9:30走🤣超滿足。海鮮新鮮，凍蝦勁大只勁爽彈，鮑魚都爽口彈牙蟹腳夠鮮甜為一就係refill好慢，可以不停食蟹腳三文魚都好好食。限時燉湯，我飲左三盅哈哈。無限時可以慢慢品嘗，仲可以傾下計食，open rice book仲有折，好抵食，座位闊落舒服😌

6月尾嘅星期日朋友仔請我哋食自助午餐，真係好開心又感恩。呢間都食過4，5次，午市晚市都食過，拎食物嘅地方好大，不過款式唔太吸引，海鮮種類較少，午市只係有蝦，青口，貝殼類，沒有蠔。刺身就有三文魚，吞拿魚，劍魚等。沙津是比較多種類，有生菜，青瓜，粟米等普遍蔬菜類，各種沙律醬，也有已經混好的各式沙津，例如泰式沙律，西式沙律，如薯仔沙律，青木瓜沙律。熟食種類也比較多喇，尤其西式種類。有切牛肉，烤各種肉類，魚，青口等，也有即時做的韓式煱麵，其實有幾多人會去自助餐叫碗即食麵㗎⋯⋯呢個款式擺咗係自助餐好多年，佢哋真係考慮下轉其他，或者加入其他元素在其中，例如加入海鮮，人參雞湯，韓式牛肋骨。不過食物沒有什麼亮點⋯⋯也是有中式熟食，點心，炒粉炒麵，自選嘅湯粉麵，味道係幾好嘅。甜品和雪糕就種類最多最豐富啦，甜品好多都係切蛋糕款式，雪糕也有8款可以揀，如果係.鐘意食甜品嘅，呢間自助餐廳幾適合你。餐廳環境都係好，窗外望見維港景色，也可以行出露台影吓相，睇風景。

之前咁啱見到香港嘉里酒店自助餐有65折，平日晚上成人連加一只需491.9，呢個價算非常抵啦！食物分開幾個區域，前菜近入口，一邊係凍海鮮，刺身，日式食品及自選日式火鍋。另一邊前菜有沙律，芝士，火腿及意大利薄餅等。凍海鮮選擇有凍蝦，麵包蟹，螺及青口；刺身都係普通果幾款，而且已經切好。現場沒有供應生蠔，蟹腳等，如果付原價享用，我就會覺得性價比略低。主菜在長走廊的一旁，中西印度東南亞都有幾多選擇。食物質素算係中規中矩，讚既有意大利雲呑，中式燉湯，中式小菜，海鮮熟食，仲有即炒手工意大利粉。另外有個位係甜品區，有個大櫃放滿蛋糕，旁邊仲有雪糕，班戟，不用冷藏的糕點甜品，選擇幾多，味道都唔錯。當晚餐廳唔滿座，座位安排唔會太擠迫，職員幾有禮貌，執碟都快手。望出去個景係碼頭同維港，但唔算特別靚。整體正如開頭所講，以優惠價錢食呢個酒店自助晚餐絕對滿意，但如果以原價成$700，性價比就略低。咖啡廳

今日和老婆,外父和外母往紅磡大灣咖啡廳食自助餐慶祝中秋節, 食物款式甚多凍海鮮有龍蝦和凍蝦, 刺身有三文魚和吞拿魚等, 壽司有火炙三文魚壽司等；燒烤有燒羊架, 蝦,肉眼和大蝦等；熱食有咖喱雞, 西班牙燒乳朱、西班牙海鮮飯和炒菜；甜品有焦糖燉蛋,haagen dazs咖啡, 雲呢拿和朱古力雪糕。凍海鮮凍龍蝦新鮮彈牙和凍蝦肉質鮮甜,食落爽口；三文魚刺身食落鮮甜和吞拿魚刺身爽口適中；壽司火炙三文魚壽司食落有油花,肉質鮮甜,口感十足；燒烤方面燒羊架肉質軟腍,蝦肉質彈牙,燒肉眼肉質鮮嫩, 食落啖啖肉和燒大蝦食落彈牙惹味。熱食咖喱雞雞肉辣度適中, 配上印度薄脆口感美味, 西班牙燒乳朱皮十分香脆, 食落有油花, 口感十足；西班牙海鮮飯份量十足,有青口,魷魚和蝦等, 海鮮新鮮鮮甜,飯粒軟綿；炒菜食落爽口；最後焦糖燉蛋蛋味香滑, 食落軟綿, 最後haagen dazs咖啡味濃, 雲呢拿香滑和朱古力雪糕味香濃。餐廳座位環境舒適, 可以看維港景致,而且侍應細心,廚師可以給客人與西班牙海鮮飯留影,餐廳價錢合理, 食物高質款式多, 家人很滿意安排, 食了一頓高質美味自助餐。

暑假完咗喇☀️ 酒店嘅buffet終於無咁難book😫有老有嫩都係食自助餐比較皆大歡喜一啲👵🏻👨🏻‍🦳👧🏻👩🏻👨🏻👦🏻想嚟#KerryHotel 試好耐喇 而家用#滙豐信用卡 有7折💳 非常抵食 而且環境好靚 餐廳空間非常大👍🏻 一入門口就係好受歡迎嘅#海鮮凍盤 同#刺身 區 🦞🍣雖然無蟹同生蠔 但係佢哋嘅蝦好大隻好甜 🦐vc而刺身款式都好多 師傅好豪爽 件件都厚切 🤩凍盤旁仲有個live cook係整#石鍋公仔麵🥢 雖然食buffet食公仔麵好似好唔合理 但係加吓泡菜同午餐肉仲有邪惡芝士令成件事變得合理咗 非常有諗頭😋熱盤都有好長嘅枱供應 #燒牛肉 嘅質素好抵讚 行到尾仲有酸菜魚 不過唔好期望太高😏最欣賞佢嘅甜品section 好齊全 仲有#榴槤甜品 如果係榴槤粉應該會好開心食完推介去餐廳嘅户外地方行吓打吓卡 因為呢度個景真係一流👍🏻👉🏻午餐每位 $388💰大灣咖啡廳紅磡紅鸞道38號香港嘉里酒店3樓.__________