大灣咖啡廳

一個月前prepaid 買左一折lunch buffet, weekday 六十有找，食茶記都唔得，所以冇咩期望。去食之前睇過食評，知道安排很亂，有點擔心。好在book 到位，去到俾左張卡位，唔駛同其他食客迫，而且又近取食物位置。不過睇到甜品後面的檯，檯同檯之間超級近，勁有壓迫感。原本outdoor的位很chill, 但考慮到盛夏就不了。午餐有麪包蟹，很驚喜，唔乾多膏，很有驚喜。但竟然唔多人攞刺身有灸燒三文魚，對唔食生野既人士照顧周到。octopus 鮮味十足。熱葷正正常常，最特別係有清真野食。Parma ham 很fresh, 超讚！可能附近多韓國人住，有即叫即做韓式蓋飯。不過呢檔的職員態度很差，每次有食客order, 都唔想整咁。雪糕多達10款，大癲！！！做緊斑斕主題，甜品有幾款平時冇既。唔甜啱香港人。To conclude, 正價連加一六百幾，唔抵食！半價就差不多。…查看更多

[ 大灣咖啡廳 ]紅磡「香港嘉里酒店」大灣咖啡廳 由即日起至2025年11月30日推出「大師之味：韓日饗宴巡禮🇰🇷🇯🇵」自助晚餐，由前米芝蓮指南推薦餐廳創辦人暨韓籍女主廚Una Yoo客席主理超過25款正宗韓式料理。✿「大師之味：韓日饗宴巡禮」自助晚餐星期一至四 $738/位、星期五至日及公眾假期 $838/位供應時間：晚上6時至9時30分入座後立即感受到正宗韓式用餐體驗，店員會奉上6款經典韓國小碟前菜，包括新鮮自家製韓式泡菜。韓式料理🇰🇷款式多元化，肉類有烤頂級韓牛👍、韓式烤牛肋骨、韓牛漢堡扒、香濃韓式豬五花腩、韓式炸雞等。仲有自助餐罕見、即點即煮嘅 韓式部隊鍋🍲！由食客任選配料例如拉麵、年糕、午餐肉、香腸、拉絲芝士等製作部隊鍋。最後必食即煮韓式粥，推薦韓式鮑魚粥👍，鮮甜養生。日式料理🇯🇵有蒲燒鰻魚、迷你魚生飯等。刺身有三文魚、油甘魚、八爪魚等，全部都好厚切鮮甜。星期五至日及公眾假期有日式磯煮鮑魚、蟹膏蟹肉壽司。冰鎮海鮮🦀🦐自助區任拎麵包蟹、青口、蜆及大蝦，大蝦大隻厚肉夠鮮甜。星期五至日及公眾假期有龍蝦。其他熟食🥘有即切燒西冷牛扒、 紅酒燒羊髀、印度咖哩、椒鹽軟殼蟹、中式燉湯等熱葷菜式。飲品🍹無限暢飲果汁、咖啡及茶。星期五至日及公眾假期更可無限暢飲韓國米酒、日本清酒、啤酒、汽水。甜品🍰韓日式甜品有韓國紅豆鯛魚燒、韓式脆米餅、雜錦麻糬等。另外有意式手工雪糕、西式甜點，連港式雞蛋仔都有。總結🫦 今次酒店邀請到韓籍女主廚Una Yoo客席主理正宗韓式料理，原來Chef Una大有來頭，除咗係前米芝蓮指南推薦餐廳創辦人，早前更為韓團Seventeen及G-Dragon團隊準備Crew Meal😳。此外，現凡於酒店網上商店購買6張自助晚餐券，即可參與Chef Una親自主理嘅韓式烹飪課程，學習正宗韓式飯卷獨門秘技。@kerryhotelhk✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿大灣咖啡廳 地址：紅磡紅鸞道38號香港嘉里酒店3樓電話：2252 5246✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…查看更多

❀ 香港嘉里酒店大灣咖啡廳 #紅磡 ❀❗前米芝蓮指南推薦餐廳客席主理全新韓國傳統料理自助餐❗——————————————————嘉里酒店全新主題自助餐邀請由前米芝蓮指南推薦餐廳「Kelly's Cape Bop」嘅創辦人Una Yoo，創作超過25款正宗韓式料理，採用百分百韓國食材匠心烹調，重點推薦包括燉人參雞湯、烤韓牛、韓式五花腩、秘製韓式牛肉飯卷、韓式部隊鍋及新鮮自家製韓式泡菜等🤩尤其烤肉真係非常高質，媲美正宗烤肉店！餐枱仲會預先擺上六款韓式前菜，幾有心思🥰星期五至日及公眾假期更特別呈獻日式磯煮鮑魚及拖羅壽司，及無限暢飲指定韓國米酒、日本清酒及啤酒🍻.除咗多款韓式料理，當然亦有冰鎮海鮮，如龍蝦🦞、麵包蟹、青口、蜆及大蝦🍤; 刺身壽司，包括三文魚、油甘魚及八爪魚等；各式冷盤、即切西冷牛扒、印度咖哩及其他多國熱葷菜式亦一應俱全！.如果你係香格里拉會會員經香格里拉精品店購買6張或以上自助晚餐券，仲可免費獲贈成人及兒童烹飪課程名額，由主廚 Una 親自主理！購買兩位或以上自助晚餐券，就可以優惠價（淨價港幣220元及110元）參與，親手製作獨一無二的韓式飯卷😛.✷𝑀𝑒𝓃𝓊✷☞ 「大師之味：韓日饗宴巡禮」自助晚餐
供應日期：2025年10月1日至11月30日
供應時間：晚上6時至9時30分
逢星期一至四：每位HKD 738
逢星期五至日及公眾假期：每位HKD 838——————————————————✨整體味道: 4.1/5 ✨環境裝修: 4/5✨服務態度: 4.5/5✨性價比: 4/5✨再訪興趣: 3.8/5 .💞整體來講好少有以韓國菜為主題嘅自助餐，而且當中嘅烤肉真係媲美韓式烤肉店！喜歡韓國菜嘅不容錯過😝…查看更多

已經多謝回饋Kerry Hotel 大灣咖啡廳自助餐晚餐，今晚冷盤有龍蝦，鮑魚，藍青口，蜆，海蝦及魚生。龍蝦非常Juice及有膏。食沙律時加些橄欖油及黑醋，超級好味😋另外今晚的炭燒豬腩肉超出想像🤩中式牛柳都非常好好味😋而燒牛肉每次都係必吃的yum yum😋😋😋足料燉湯必飲🤭甜品多選擇，雪糕都有八款以上☺️員工服務到位，感覺良好，環境舒適，座位寬敞，沒有壓迫感，下次會再來的👍🏻👍🏻👍🏻…查看更多

今次同家人嚟食自助晚餐，特別點咗醉海鮮主題菜式，如醉蟹，用新鮮瀨尿蝦配特製醉酒醬汁，蝦肉鮮甜彈牙，酒香濃郁入味，啖啖過癮，絕對係亮點！另一個試咗醉蝦，蝦肉飽滿多汁，醉醬酸甜平衡，配埋長腳蟹腿，蒸熟後肉質嫩滑無腥。熱菜區有燒龍蝦，外脆內嫩，蒜蓉汁香氣撲鼻；刺身拼盤如和牛刺身入口即化，鮮美不膩。湯品如燕窩雞湯，滋補暖胃。甜品區分子雪糕滑順解膩，飲品無限暢飲包括紅酒香檳，氣氛一流。整體食物新鮮多樣，醉海鮮風味獨特，食到飽足感強，係自助餐首選。不過，負評係價錢偏貴，成人晚市約$708-808加一，買一送一後$425/位，性價比一般，尤其無優惠時感覺貴過質素。高峰期座位擠迫，雖然環境舒適但人聲鼎沸，影響海景享受。醉海鮮雖創新但選擇變化少，重覆食易悶，蟹有時過醉，肉質略韌。…查看更多