大戶川·小火鍋 (已結業)

呢度主打一人火鍋，而一人餐都有多款選擇，啱晒唔想自己喺屋企洗切煮嘅街坊。成間鋪都好電子化：電話落單、機械人送餐同埋只接受電子付款！新開張飲品仲有7折，$6.7就有罐裝汽水，真係平過便利店。出面有好多醬料可以揀，而且有凍水提供，鋪頭仲要唔收service charge，真係算抵食。今日試咗2個餐：08. 自自然然 & 10. 勤力力勤，都好食，啲牛同海鮮嘅質素都唔錯。再另外加咗幾樣半份嘅火鍋料，可以食到好多款之餘又唔會太飽，good!

初五同朋友團拜，揀咗呢間黃埔新開張既火鍋店，地方濶落坐得好舒服，無限時可以邊食邊傾計; 最重要係一人一鍋形式，每個人都可以揀番自己喜愛既湯底。火鍋套餐一共有10款選擇，每款套餐湯底同配料都唔同，仲包泡菜小食同烏冬一份，價錢由$55至$198不等，非常抵! 我地4個人分別揀咗四川麻辣、薑母鴨湯、大戶豬骨湯同日式壽喜燒湯底。鍾意食牛既可選擇10號勤勤力力套餐，配料有A4黑毛和牛、安格斯肥牛、牛五花、橫牛隔膜同牛舌，全部牛肉都軟滑而且肉味濃郁，推介!如果想再食其他食物，可單點追加肉類、丸類、菇類、蔬菜甚至乎海鮮，單點食物選擇都非常多。我地就追加咗銀鱈魚片、鮮冬菇、鴨血、蝦滑、雲吞、安格斯肥牛、鮁魚等等。4個人就係咁傾吓食吓，愉快又满足咁食咗3小時。

新開火鍋店有日式裝皇feel又有新派火鍋feel😋一人一鍋火鍋套餐，醬料同飯係自取架，好抵食仲食到飽🥰八八掛掛即大戶豬骨湯底，有黑毛豬豬腩片、豬頸肉、滑雞肉、魚片頭、自家制炸腐皮、芋頭，一人一鍋連個鍋都特別靚架，好香豬骨湯味，仲有配料好精緻架用六格木盒由機械卜送出好可愛呀，豬腩片冇咩肥軟淋淋好彈牙添，豬頸肉好爽yummy，雞肉又真係好滑喎😁芋頭好淋💯個湯好好飲架😍😍開開心心即係花膠湯底，有安格斯肥牛、魚片頭、炸魚皮、雲吞、芋頭、粟米，服務員好温馨提示，先先滾起個湯5 至6分鐘左右，就食啲花膠，之後再安排同事加湯俾我哋，d花膠好滑好有骨膠感好正😋安格斯肥牛好爽，所以再encore 多一份Woo真係超好味，雲吞好足料皮又薄“正”睇吓個生菜勁新鮮呀👍飲品有好多選擇架，我地就飲韓樂牛蒡茶同粟米茶仲叫咗可樂添😁仲有甜品可以叫架，可惜太飽啦😅😅😅下次再食過🥰🥰大戶川·小火鍋紅磡黃埔天地聚寶坊(第11期)地下G26號舖

大戶川·小火鍋👻黃埔新開左間打邊爐鋪主打一人一爐嘅套餐配料都幾多款仲要可以揀半份或者一份咁樣可以試多幾款好貼心出面仲有得任拎米線同白飯新開業仲要唔使加一夠哂抵食🤩.🔅勤勤力力-日式壽吉喜燒湯底 HKD 198湯底套餐配特級牛拼盤A5黑毛和牛 橫牛隔膜依兩款牛最有牛味安格斯肥牛 牛五花 牛舌咁多款牛真係滿足晒我如果唔係叫咗咁多真係想加單添😛🔅八八卦卦-大戶豬骨湯 HKD 88唔食牛嘅朋友可以揀八八卦卦豬骨湯底仲有好多唔同部位嘅豬肉個豬頸肉調味調得幾好又爽口佢哋嘅炸腐皮即係響鈴又夠脆🔅黑毛豬梅頭肉(全) HKD 36🔅黑毛豬腩肉(半) HKD 28豬梅頭就唔好豬腩肉咁肥啱晒注重健康嘅朋友但係豬腩肉肥瘦啱啱好有少少肥就更加好食🤣🔅銀鱈魚片(半) HKD 26銀鱈魚幾有驚喜大大件銀鱈魚擺入去其實都好快就食得魚肉夠堅挺又少骨幾推介可以一試🔅蝦滑 HKD 38自己唧既蝦滑都幾彈牙仲加埋啲蟹籽加多啲口感.整體黎講:邊爐套餐 款式夠多😚.🎈 大戶川·小火鍋 (紅磡)紅磡黃埔天地聚寶坊(第11期)地下G26號舖

天寒地凍,又係打邊爐嘅季節。原來呢到開咗間新餐廳，可以一人一鍋。啲餐名幾得意。最後嗌咗結結實實同開開心心四川麻辣湯底湯底油而不膩、麻中帶辣。本人食得辣,如果可以再辣少少就好。配料有時令魚片｜滑牛｜滑豬｜木耳｜蓮職｜牛丸。材料都幾新鮮。花膠湯先食左花膠再加水而套餐配料有安格斯肥牛｜魚片頭｜炸魚皮｜雲香｜芊頭\粟米，呢一個湯底味道比較清淡。每個餐都配一個烏冬，而且出面白飯任裝添。另外再追加咗一啲配料，整體食材都幾足料，而且新鮮。最好嘅係每樣配料都可以揀半份或者一份。

開工大吉！緊係約朋友食餐好嘅🧧👏🏻～朋友介紹試吓呢間一人火鍋店，一人一煲好抵食，到步餐廳幾大座位都闊落好舒服，Menu都好多選擇，可惜是新開張有D餐未有得揀，不過亦由於一人一餐，好方便可以下次再試‼️星期五晚都無限時，火鍋套餐共有10款揀，每款湯底同配料都唔同，自己鐘意食乜可以自己揀，就算一班朋友一齊打邊爐都冇問題，每個餐都有包泡菜小食及烏冬，價錢非常合理，最平$55最貴都唔洗$200，今次就試下四川麻辣/薑母鴨湯/大戶豬骨湯/日式壽喜燒湯底先。我咁愛食牛，新一年亦要勤勤力力，揀10號啱哂！餐跟A4黑毛和牛、安格斯肥牛、牛五花、橫牛隔膜同牛舌，全牛肉質鮮嫩味濃！正🤤薑母鴨亦好正，店員推介要先食完所有鴨肉再慢慢打邊爐，鴨肉相當好味，打邊爐比較小機會有鴨食，係驚喜嘅～個餐唔夠喉，亦可追加其他食物、肉、菇、蔬菜、海鮮等，選擇繁多，其中銀鱈魚片大大塊，價錢相宜，飲品竟然有韓國啤酒同真露，超推介之選！新年飯聚呢間餐廳真係好適合慢慢食慢慢傾計呢👍🏻👍🏻

等得耐夜晚八點order 九點半先上到前菜。成枱得啲煲上左，我地等左一個鐘先問職員，佢話啲牛要溶雪喎，但黎到又係雪到硬掘掘，邊又黑。牛都算，泡菜、烏冬都等一個鐘半先上到。你話餐廳好多人等緊都情有可原，但得四五枱人，好難理解 佢連知會聲 要等耐啲 都冇嘅原因。。。唔抵食佢餐牌套餐個價錢，入到落單app 睇先知原來得 「半份」，要完整「一份」加$30。話個價錢包自助Bar，但自助Bar 得豉油醬料同水。啲飯冇人加，飯煲得幾粒米，完全冇見過佢聲稱話有嘅米線。汽水要冰都要加$1蚊。食得幾片cheap cheap牛，半碗烏，腸仔、菜都冇條，飲罐汽都人均$200蚊。唔抵食都唔係重點平心而論，如果佢餐廳唔夠人手招呼人，不如等ready 好先。

今日嚟到黃埔呢間新開嘅火鍋店食飯，見到餐牌上有非常之多嘅火鍋湯底選擇，而每個人係一小鍋的。 餐廳嘅環境十分闊落，可以同好朋友暢所欲言。另外要推介下呢度嘅食物，火鍋都有一個個套餐供選擇，每個套餐都有配六樣食物，如果自己一個人食的話其實一個套餐已經足夠。份量好足夠而且食物很新鮮。另外餐牌上亦都有好多款可以追加的食物，例如菜、肉、海鮮等等。很多食物的性價比是十分高，而且叫半份嘅份量亦都好充足，推介大家得閒過嚟試吓😃😃

黃埔啱啱新開左呢間小火鍋專門店，佢每個套餐都係一人份嘅小火鍋，可以揀全份或者半份，而且款式選擇好多有成10個餐，豬牛雞海鮮都有，套餐價錢由55蚊至198不等。我哋揀咗八八卦卦（$88)同埋勤勤力力 ($198),每個餐都跟一個湯底同埋泡菜同稻庭烏冬😋😋另外醬料就喺出邊自助吧自取，仲有米線同埋白飯任食添全份嘅牛肉拼盤份量都幾多，我哋兩個share食都夠，肉類品質唔錯，油脂均勻，有埋和牛幾抵食🐮🐮另一個餐有晒豬肉雞肉同埋魚片頭，仲有少少蔬菜感覺幾均衡☺️☺️淨係食呢兩個餐其實都幾飽，但難得嚟試一次，又見到佢啲其他配料有得揀半份或者一份，而且又幾抵，就試多咗幾款配料啦😆😆膏膏鵝腸 ($38)半羊肉片 ($55)炸響鈴 ($15) 半牛柏葉 ($18) 半蜂巢豆腐 ($10) 半生魚片 ($26) 半芝士腸 ($16) 半炸魚皮 ($15) 半佢好多半分嘅配料份量都唔少，我哋兩個人都好夠食，所以就可以試好多款唔同種類啦，我幾鍾意佢呢種定價，又可以試到多款式，又唔會貴😉😉 飲品新張期間7折，唔要飲筒仲減1蚊添，支持環保又抵左 📍 大戶川·小火鍋 (紅磡)紅磡黃埔天地聚寶坊(第11期)地下G26號舖