大戶屋

營業中

休息中

呢到一向都係食定食為主而且價錢都比較高，所以食物質素一定要好先吸引到客人平日食飯時間都要等位架仲要都等左幾耐下入坐就已經好肚餓喇叫完野食同飲品傾下計好快就有野食lu飲品叫左杯蘋果汁同巨峰梳打順帶一提店員好細心 留意到我家姐有bb一開頭比杯熱茶我但比暖水佢👍🏻👍🏻👍🏻蘋果汁要求走冰都有做到👍🏻👍🏻👍🏻👍🏻👍🏻家姐點左牛拼豬嘅定食牛係牛小排 燒得好香口 肉質都好滑唔會鞋豬係豬腩肉 燒得好之餘 肉味好濃豬比牛更出色呀😋😋😋話明定食就除左白飯仲有伴菜同湯湯係麵豉湯 夠熱味道不會過咸沙律無咩汁比較淡有個小蒸蛋夠滑夠香最好食係個薯仔沙律 一小球已經令我好滿足唔知點解加落d飯到特別好食😁😁😁因為好想食銀雪魚嘅關係 單點左一客舊魚雖然細左d仲有骨位不過燒得剛剛好 好滑又夠香魚肉嘅油香好甜👍🏻我叫嘅吉列雞扒拼蕎麥麵咁多年都咁好食😍燒汁加吉列雞一齊食好感動炸得香脆又唔會過火炸粉適中唔會好厚蕎麥麵係凍嘅 可以選有湯嘅冷麵都好正不過呢個定食好飽架雞扒下面有椰菜c同白飯 好飽好飽聽講白飯唔夠可以再添 免費😁😁😁不過我無可能食咁多😝

黎過呢度食好幾次，次次都等得幾甘下，特別係因為呢區家庭客超多，好多人都推埋BB車過黎，非常熱鬧，通常都要等最少半粒鐘先有位，不過因為佢個五花腩定食，令我無論等幾耐都仍然願意等。每次坐低都會例牌翻下個餐牌，不過最後始終都係order五花腩定食，因為實在太太太滋味~今次再order時侍應好有心提醒：「會有d肥」，哈哈，我就係鐘意佢肥肥d酒脂四溢，入口超鬆化，而有兜好細嘅醬，侍應會同你講係用黎點沙律的，但每次我都會改為點五花腩，覺得好夾又好好味，食食下唔覺唔覺碗飯就KO咗，好開心呢度有免費添飯服務，啱晒我呢亭大食王，個定食仲有埋前菜、沙律、麵豉湯同燉蛋，滿足到暈！同行朋友叫左個麵豉吉列豬扒定食，我試過佢個汁，好濃好惹味，見佢又添飯，就知道有幾Yummy~佢話d豬扒好香脆，越食越開胃！

第一次黎食叫左個牛豬拼set，同埋叫左個自家制豆腐，豆腐我覺得唔好食，好「鞋」，無豆香，口感好差，牛豬拼個豬好好食，肥瘦適中，味道亦好好，蒸蛋好滑，牛過熟，少「鞋」，牛味一般，但整體來説呢個價錢我覺得好抵，會再去。

太古既日本餐廳唔算特別多，但呢間食物質素真心唔錯，價格亦好合理，有幾款菜色推介一下：蕃茄沙律賣相不錯，加上木魚片後更靚。微微酸甜既醬汁加上蕃茄非常開胃，另外還有大量洋蔥粒，令洋蔥味都很強烈。吉列豬扒玉子鍋吉列炸豬排放在有蛋、洋蔥絲、濃湯汁既鍋入面，食落感覺唔會覺得乾身同熱氣，湯汁唔會太鹹，加上蛋花及洋蔥非常入味，餸飯一流。燒鹽麴五花腩每次來都一定會點呢個菜，五花腩一般有好油，但呢個就食落都唔會好膩口，表面燒得少少脆，肉汁豐富，旁邊有沙律和薯蓉，一齊食用更加會完全不覺油膩。燒秋刀魚呢個係餐廳新推出，所以就點左一份試試。開頭以為秋刀會有好大陣腥味，但食落不會太腥又帶有少少鮮味，混合豉油和蘿蔔蓉一齊享用，效果更佳。唯一不足係燒得唔夠乾身。冷烏冬冷烏冬都係每次必點的菜式，烏冬面質爽滑彈牙， 醬汁可以再加入蔥絲和薑絲調味，我自己有時會加芥末或蘿蔔蓉，純粹個人喜好，可以令味道更香。

在公司附近有很多的食店，今次就去商場中的「大戶屋」。去到的時候未到六時，還有很多的空置的位。店是L形狀，好像分了內外兩室一樣，位的空間感不太多，不過都是一般在香港食店的現象，而我們就選了一張路邊的位置坐下了。餐牌看來都有很多的選擇，每一種的主食都可以選定食或是單食，定食就會有飯、醃菜和麵豉湯附上，價錢都是加上$20，看來很多的食物都是炸物會主，其他的都是一些的燒物，喜歡香口食物的人一定喜歡這食店。當然還有一些的小食和沙律的蔬菜類食物增加選擇。今次進餐選了香菇涼拌菠菜、豆腐木魚花沙律、味噌醬煮吉烈熟成豬扒定食和大戶屋招牌定食。香菇涼拌菠菜($17) 小食的一種，一邊是凍食的冬菇絲和菠菜，另一邊是一些木魚花，融和了兩種東西來食味道有微微的甜味，清新的感覺。豆腐木魚花沙律($46) 這店的招牌食物之一，豆腐是每天製造的，十分之新鮮，食落豆腐的質地十分之滑身，豆味也十分之充足，木魚花的香味濃郁，拌著沙律菜來食令這食物的健康感加上味道都一流。味噌醬煮吉烈熟成豬扒定食($113) 用上了麵豉醬做煲底放上了炸香了的吉烈熟成豬扒在上面，賣相上和咖哩豬扒的樣子很相似，但味道上當然完全不

差不多每星期日都和家人泥食既必選飯堂！今次就同大家介紹返，我每次都點這個菜的賣點！［炸豬扒套餐］講真，炸豬扒好多樹地方都有！有些比較好食的要成$400以上！但講到好食，講真這裡的豬扒水準一定不比貴的差，而重點係價錢非常合理！所以，我每次泥都係食呢個炸豬扒餐！先講醬汁就已經有四款！一款係俾配菜，另外三款都係俾豬扒的！有酸，介未，花生味！絕對可以滿足不同人的需要！而我就比較喜歡用酸汁加介未點綴那塊豬扒！配上珍珠白飯同酸酸咸咸的配菜！開胃得泥，口感又豐富！說到豬扒，炸得剛好，非常趣口，肉汁完全被鎖住了！當中還有小許肥膏！實在太好味！［麵豉湯］比起出面的麵豉湯，味道較為特別！飲得出是自己新鮮煲出來，而不是沖出來的！配料也比較特別！是用白蘿蔔和紅蘿蔔！重點，飲完不會覺口渴！總結來說，以呢個價錢，呢個質素，真的是不錯！

呢間野開左都有一段時間太古其實冇乜好食既野中餐又貴又唔好食pizzahut or pepper lunch 又唔係好好味呢間就好好多還記得以前銅鑼灣有分店 依家冇了我叫左炸豬排以前可以自己磨芝麻 灑落醬裡面依家雖然沒有了 但豬肉依然香脆阿媽叫左個魚超級豐富有魚 有蘿蔔蓉 有鹹菜 有水蛋最重要係呢度可以免費添飯係日本米黎架食量大既朋友唔使驚唔夠食

今次同媽媽去左吉之島既大戶屋度食晚餐，都幾多人去食，所以都等左陣先入到，媽媽好快揀到野食，佢揀翻平時食開既五花腩定食，雖然有啲肥，但肉質係幾好，我就揀左好奈決定試佢既新產品鹽麴油甘魚餃定食，初初驚好腥，但結果唔算，不過個人對鹽麴唔太大興趣，都無幾點點到，但油甘魚煎到好香，連媽媽唔食魚既都忍唔住食左少少！

大户屋由日本進駐香港都已經好多年，好彩食物嘅水準依然維持喺高水平，而且越出越多唔同嘅定食，不過我最鐘意食嘅始終都係炸豬扒飯仲有炸雞扒飯拼冷烏冬定食。炸豬扒出面嗰層麵包糠炸到十分鬆脆，入面包住鬆軟juicy嘅豬扒，無與倫比，而冷烏冬非常有咬口，浸落去加入左葱花、わさび同紫菜絲嘅汁入面，一大享受，依個價錢，絕對抵食！

大戶屋係一間賣日式家庭料理既餐廳，這類餐廳係日本好常見，但係我係香港好少見到，就算有，大多比大戶屋昂貴很多。大戶屋的料理老少咸宜，今日我地一家四口同婆婆一齊黎。我同婆婆都叫左燒花魚定食，花魚既size好大，唔驚唔夠食，魚肉亦好肥美。花魚燒得恰到好處，連住皮燒既做法亦好好，魚肉一啲都唔乾，亦都唔會逼晒啲油出黎。魚肉完全無腥味，好少骨，亦唔會太咸，送飯食岩岩好，連不嬲唔太鐘意日式料理既婆婆都覺得好好食。

同男朋友係太古行完街街，到晚飯時間黎到經常大排長龍既大户屋，六點前就到lo，所以唔使等位就入得，yeah!我叫左份牛肉拼五花腩套餐($125)燒牛肉燒完後仍然係非常juicy，有濃郁既牛肉味，而且醃得幾好味，帶有少少咸香，唯一不足係份量比較少，得三塊，而且每片都係薄薄地。五花腩d油份出哂黎，非常甘香，肉質又夠結實，而且調味啱啱好，送飯食一流！講起飯，原來叫左定食套餐可以免費添飯一碗喔(男友就添左一碗lol)餐入面有一碗仔既沙律菜，幾新鮮，不過可惜入面無汁。茶碗蒸好好食！蛋蒸得啱啱好，入口非常滑，讚！至於男友就叫個泡菜豬肉鍋，入面有隻窩蛋，撈係飯度食唔錯喔！不過個泡菜湯底唔夠濃，而且唔夠香辣。

是日行完山，去大戶屋食個早既晚餐補充能量 五點半黎到完全唔使等位。點咗份鹽麴牛舌飯，等咗約十五分鐘上菜 套餐包括茶碗蒸、味噌湯同漬物。先食茶碗蒸，蛋蒸得非常水嫩！仲有好大舊雞肉添。冬菇亦好香！開始食定食！（本人唔食漬物…無法評語 ）一共有七、八塊薄牛舌，非常爽口又唔「酥」 　配埋汁送飯一流！聽聞鹽麴係非常健康既東西，食多D都唔怕！唯一美中不足係沙律擺埋上飯面，又凍又熱咁，而且生菜上既醋會流落飯面，食落有點奇怪… 如果沙律可以分開上，咁就完美啦～另外味噌湯係一貫正常味道，配料只得蔥，如果加埋海帶就好喇。呢餐有菜有肉有鹽麴，非常健康呀

大戶屋是一家地道的日本家庭料理餐廳，為顧客提供健康美味的菜式。燒魚外層香脆可口，而肉質軟滑，富有香濃的魚香味，配上柚子醋，蘿蔔蓉，海帶，正好中和膩度呢。黑醋雞肉定食是大戶屋的招牌菜，酸酸甜甜，味道有點像咕嚕肉，非常開胃，而且不太漏。雞蛋布丁賣相吸引，帶有濃濃的蛋香，配上黑蜜，不會過甜，恰到好處。推介！大戶屋保持一貫水準，每道菜都充滿了地道的日本風，值得推介呢！

叫左一個滑旦吉列豬排定食, 同埋一個味噌吉列豬排定食。前菜有醃青瓜同豆角, 都几開胃, 主菜用的豬排係較厚身, 邊位亦補留左少少油脂, 令豬排唔會太"鞋"口。滑旦同其他店差唔多, 冇咩特別。味噌味道較濃, 甜甜地, 撈飯食好正, 可以食几碗 點白飯用的米都几好食,但個湯就冇咩特別, 都係普普通通。

朋友暑假番香港梗係要聚一聚啦;^)食完正餐想黎d甜食，仲要係日式果隻行黎行去都揀唔定睇過menu，嗯……賣相同價錢都可以接受既……一於就試下呢間啦！:^)抹茶啫喱芭菲抹茶雪糕味道清甜，富有茶香，感覺唔似係馬虎平貨紅豆蓉亦不簡單，睇到係粒粒起沙狀，非完全磨碎，香甜可口抹茶奶凍十分幼滑，茶香甚為濃郁，感覺算爽口，唔會太黏威化餅冇俾濕氣浸軟，仲保持到酥脆感覺與其他食材既軟滑感形成對比，同時令膩感降低都係果句，我唔係太中意佢d cream今次既忌廉有少少膩感，好似破壞左清新既感覺/___，都係各花入各眼既紅豆湯丸糯米丸子彈牙軟糯，咀嚼時有淡淡糯米粉香及微甜滲出:^)下面墊左紅豆蓉，仲有少少豆乳整體甜度主要來自雪糕，但其實都係普通，唔會話太甜膩另外呢道既感覺都係清新路線，cream又唔多，撈埋食都唔heavy