大戶屋

營業中

休息中

實在太耐冇同呢位小同見面諗諗下太古比較方便大家於是決定去太古大戶屋朋友6:30到拎飛已經要等40幾張檯😨朋友話銅鑼灣即使星期五晚都唔會咁多人..可能係太古選擇唔太多....即使要等但都冇減人流最後我地等到8點幾先有得入入到去張檯仲有條菜仔..好彩有濕紙巾提供朋友叫左吉列熟成豬扒玉子鍋定食我就要味噌醬煮吉列熟成豬扒定食等左咁耐飲番啖麥茶先。好香麥味帶微微甜味其實我好想再添麥茶..但當日真係太旺場..都唔好意思阻住店員們等左陣終於有野食啦😭兩煲野黎到都出哂煙，夠哂熱！定食包括前菜，漬物，味噌湯。白飯粒粒分明味噌醬非常好送飯。豬扒唔會太鞋或韌最後幾啖飯係傾左一輪之後再食味噌凍左之後味道變偏甜味，但又幾好食喎其實我同朋友都幾鐘意大戶屋。但下次再食應該會揀平日或者去銅鑼灣個間試試

行行下Aeon,成日都見到呢間好多人排隊咁今次就試吓佢啦我大概八點幾排啦都要排一個鐘啊到九點幾先可以入到去見好多人推介五花腩set，咁我朋友就食牛舌set定食黎講佢都算唔錯㗎啦個五花腩肥瘦適中，又夠味牛舌就有啲咬口，冇五花腩咁驚喜不過燉蛋我就鍾意食元氣壽司喇佢啲飯係珍珠米黎整體來說都不錯~

每次黎到都忍唔住食佢既豬腩肉定食😁😁雖然佢好肥。。。每次食都忍唔住成夠連肥膏連皮成舊肉食晒 (為體重著想我覺得可以一半成舊食，一半只食肉，都好滿足) 佢個set係多爺食既，有飯有飲品有蒸蛋有沙律，百幾蚊係okay的，唔係平，但唔算貴啦。不過佢冇得bk位，要即時等位，lunch都要等十幾二十分鐘. 唯有早d出去啦佢地d staff service都okay, 我隔離位枱客不斷有request,佢地都有求必應。

星期日中午去康怡Aeon地下果間大戶屋午餐，呢間曰式料理多數菜式係做定食套餐，食材的好豐富，叫咗一個崗山蠔泡菜碢定食，已經有前菜，味噌湯，茶碗蒸（鷄旦，冬菰，鷄肉）、白飯一碗，而且可以添加、主菜係熱辣辣蠔煲，D蠔唔係好大隻，但鮮甜嫰滑，好有蠔味，果D湯底十分鮮甜，白飯係標榜用新㵼米，又係軟滑有飯味，食完一碗再免費添加多一碗，一個字、正！再食埋果碗茶碗蒸，又係滑滑滋味！順便一提，中午食餐人好多，要攞飛排隊，一般要三十至四十五分鐘時間，大家趕時間就要早少少㩒飛仔等位啦！

同事今日話要帶我哋去太古城試吓間日本餐廳🍙 呵呵 原來係 大戶屋 Ootoya HK 👀 日本版嘅 #大戶屋 我就幫襯得多，香港版嘅食物唔知有咩唔同呢👀？！餐牌嘅設計似乎同日本嘅一模一樣，不過價錢就貴咗三至四成🥴 不過唔緊要，最緊要就係好味道🍽 #小秘書 勁為食，隨咗點咗份 #豬扒玉子鍋定食 🐷 仲叫多四件 #吉列廣島蠔 做小食🤪 可惜我啲 #飯腳 都唔欣賞，唯有等我同 #靚媽媽 K.O 咗佢哋啦😬 #小秘書 就好滿意呢一餐喇🤤 雖然上菜就慢咗啲，不過我叫嗰個 #豬扒玉子鍋定食 真係唔錯👍🏻 溫泉蛋+一層薄薄嘅蛋漿鋪喺豬扒上面，調味較得啱啱好🤩 不過餐廳個侍應就奇怪咗啲，行埋嚟望住我哋張枱... 我估佢想收碟掛🤔 但係佢又唔聲唔氣，直至我哋遞個食物盤俾佢先伸對手出嚟🥴 佢如果唔想彎低條腰，可以等我哋走咗先清枱㗎嘛！古怪🧟‍♂️

當天叫了烤五花腩定食，定食如圖，包括了 雜菜沙律，薯仔沙律，茶碗蒸， 麵豉湯。 除咗五花腩烤得香脆可口，其他配菜都非常好食我特別喜歡2款沙律，因可以中和五花腩嘅肥膩感。價錢相宜，難怪我下午1730去都己經大排長龍

今天是星期日，去飲茶又怕等位人多，於是去咗康怡Aeon地下果間日式料理大戶屋食個午餐定食算了！十一點零去到，等咗一張枱就輪到了，安排入座就看餐牌點咗個燒甜辣醬汁豚肉盒子飯！係套餐嚟，有味噌湯，漬物，同一個用四方形似個盒咁嘅盛器，戴住D珍珠米飯，上面蓋住五件豚肉！隻溫泉蛋好靚，半熟流黃，好好食，果幾塊豚肉份量都唔少，淋咗D甜辣醬汁上面，食落並唔覺得辣，肉質軟滑鮮甜好吃，珍珠米做飯，好有口感，原來這𥚃叫套餐是可以另一個白飯，不另收費的，啱哂D大食仔！同時發覺這𥚃服務員招呼幾好，時常主動同我添加茶水，值得一讚！

日本人有吃早飯習慣，聽說這是長壽養生秘訣。早上11點多了，大戶屋沒太多人，等候5分鐘左右就可進內。想來想去，吃早飯並不容易，胃子還沒開，怎能吃太多⋯最後選了單點：迷你黑醋雞野菜，另配白飯。我的早飯送來了。單看賣相已非常吸引，食材及顏色配搭得宜，蓮藕片；紅蘿蔔；甜豆；洋蔥；薯仔；還有用心切的生菜絲在底下，感覺相當有營養哩～雞不會有炸粉，卻吃到脆口；而醬汁是經調味的黑醋，非常惹味，胃口即開了，配上白飯一碗剛好！最後，申請作為會員可儲積分，下次消費可兌換食物哩～

已是大戶屋多年fans~~大戶屋真係一位難求午市晚市都排長龍，想食就要避開peak hour喇！今次晚上8點幾去拎飛，當時要等28張枱，於是去行Aeon，行到9點3返來先有得入座可惜今次所有sashimi don都停～我叫左「鴨肉湯配冷蕎麥麵」，仲有超滑茶碗蒸鴨肉湯熱辣辣，入面仲有大蔥，4-6片薄薄的鴨肉～湯就咁飲好咸的，所以有旁邊紅色果壺淡味鰹魚湯，食到最尾倒落鴨肉湯飲，又熱返，又淡返，perfect友人叫左個「滑多吉列豬扒定食」，上到黎仲滾緊架吉列豬好香，肉質不錯～個汁都幾咸，所以配白飯食正

其實吉之島大戶屋已經成為我每個星期都會去的指定飯堂！因為食物味道真係好好味，品質又有保證。你問我推介食乜嘢，我一定會同你講「五花腩定食」，當然最理想的是食埋個飯後甜品，因為佢個綠茶甜品真係好好味！每次食完都好滿足！我會建議唔好坐得咁近廚房因為啲油煙味都幾勁！

今天午餐在康怡那家大戶屋日式料理，人很多，輪飛仔，要等十七張枱，半小時左右終於安排入座，點了一個定食：豬腩片泡菜配白飯。泡菜豬腩肉片用瓦碢上，超熱，有泡菜，豬腩肉，一間肥一間瘦，好稔，味鮮甜，另豆付好滑，好有豆味，醬汁撈日本珍珠米的白飯十分和味，等位入座也是值得！服務員招呼也很好，不用示意也會主動添茶水，扺讃！

雖然唔知咩係正宗日式料理, 但直覺大戶屋係！ 經常來幫襯, 雖然成個set 餐百元有多, 但值e個價,真係好回味！滑蛋吉列豬扒、黑醋雞同燒五花腩食左n次！食材新鮮、配搭同味道一流！

長期要排隊的大户屋因為吃過燒鹽麴熟成五花腩後覺得不錯 每次都會再點這套餐燒鹽麴熟成五花腩定食 加入鹽米糟燒熟 五花腩味道比較入味肉質柔軟 白飯份量比以前還多五花腩配上白飯很滋味😋因點的是套餐 所以有薯仔什果沙律感覺吃了沙律沒有這麼熱氣推介指數: 🌕🌕🌕🌕/5 .豚肉生姜燒定食 生姜味重 對我預期好吃有點燒汁配飯一流 不會太乾推介指數: 🌕🌕🌕🌗/5

星期六下午5點幾喺太古睇完戲，另一半話食大戶屋，我話5點幾咋喎？！佢話排得嚟差不多。果然⋯⋯⋯⋯已經有一班人排緊。我哋兩位要等10張檯。等左差不多大半個鐘有多終於有位，仲安排我哋坐最入面只有兩張檯嘅位👍🏻坐低冇耐就點餐了，我叫一份燒牛舌定食，另一半叫燒豬腩肉定食。雖然店員說要等20分鐘，我哋等左差不多十分鐘便上菜了。我點呢個牛舌有六片，配面豉醬食，咬落去有少少靭，要𡁻耐啲，牛舌味唔算好重，勝在都幾大片。另一半嘅燒豬腩肉定食，咬落去肉味好香又嫩！定食入面嘅蒸蛋俾其他餐廳食到嘅多陣鮮味而不是雞湯味，應該是放了木魚高湯二人埋單平均$125，呢個質素已經很不錯👍🏻👍🏻

呢個泡菜熟成豬肉定食好岩我口味，所以我本身去親都食呢個餐。泡菜我本身好鐘意食，但其實唔係間間餐廳嘅泡菜都好味，就算韓國餐廳嘅泡菜有時都會「那那地」，好似未醃製成熟咁，但大戶屋嘅泡菜唔會，而且好爽口帶小小辣（但我會再加小小七味粉，再調少少味出黎）好好食，好鐘意！！而豬肉其實係類似細豬扒咁（係比較厚身嘅豬肉）食落好有口感，不過今次食，豬肉比較多肥膏，我覺得瘦d會好味d茶碗蒸蛋非常非常滑，好好味，但比較唔鐘意蛋入面隻冬菇，我覺得唔好味，而且冬菇味同蛋唔夾.......哈哈，因為我大食，而且個飯太好味，所以我一落單，通常即刻叫多半碗飯。咁當個泡菜豬肉飯一上，就可以馬上撈埋一齊食～～～大滿足！！！