大師兄銷魂麵舖

營業中

休息中

銷魂麵舖終於開左嚟香港啦！招牌銷魂麵非常Q彈，配埋銷魂辣油，辣而不嗆，辛麻辣都平衡得好好，鍾意食辣嘅人真係唔好錯過！每個面都可以配一份麻辣牛肉湯或者係清燉牛肉湯，麻辣大滿足有齊晒牛五花、牛筋、牛腱、鴨血、滷豆腐同滷豆皮，可以一次過試晒咁多款配料！清燉牛肉湯都非常之重牛骨味，絕對不比麻辣湯遜色😍 唔食得辣都有選擇！牛腱好淋身，同埋滷豆皮幾好食又吸汁☺️而且餐廳仲有銷魂麵舖嘅麵可以買，食完再即刻買包都得☺️

心心念念的台灣麵店終於來到香港了主打湯麵乾濕分離吃法Q彈的手工麵條配上清燉/麻辣牛肉湯底帶來正宗台灣味道 留意湯底是可免費續加的喜歡喝湯的我們也續加了一碗 ⍢清燉三寶+銷魂麵 $118招牌銷魂麵麵身相當Q彈帶點微辣不太吃辣的點這個也能吃到清燉牛肉湯底重牛大骨味如麵太乾 建議加點湯去拌開而三寶則包括牛五花 牛筋 牛腱牛腱肉半筋半肉 腍滑同時有嚼勁麻辣大滿足 $128麻辣大滿足猶如其名配料豐富得令人非常滿足包括牛五花 牛筋 牛腱 鴨血 滷豆腐 滷豆皮有選擇困難症的可選這款XD而湯底相當濃郁 有牛大骨味之餘更帶有淡淡中藥及麻辣香氣喜歡吃辣的必點！！另外每個套餐+$28可享小食及飲品值得一提的是招牌老油條炸得卜卜脆蘸上麻辣湯底份外惹味⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡/5⧐大師兄銷魂麵舖📍太古太古城道18號太古城中心1樓148號舖

舊年去台北時有去過中山店品嚐，久久都忘記唔到那個銷魂嘅麵同清湯!终於... 香港開店啦! 雖然太古城有啲遠，但都好值得去一趟 因為剛剛前幾日先開張，星期日午餐時段都要排隊，大約排咗３０分鐘，都唔算好耐～雖然心郁郁想試一下麻辣湯， 但因為真係忘不了清湯嘅美味，所以都係點咗清燉三寶+銷魂麵。我真係唔明白點解睇落無咩特別嘅麵同湯，食起來嚟真係好好味呀！清湯有濃濃嘅牛肉味，會飲上癮的 （呢間舖好好，有得免費加湯)，牛腱同牛筋都好入味口感軟腍，牛五花沾上特調沾肉醬口感清爽， 因為沾肉醬係帶酸， 應該係有落醋，肉食起上嚟唔會好油膩。銷魂麵同台灣店一樣，好Ｑ彈有嚼勁，撈勻辣油，嗰個微微嘅香辣，就係我一直掛住嘅味道，因為好鍾意佢個辣味，所以叫咗麵加辣，辣油係另上一小碟，咁其他肉又可以點個辣油，好味！另外加咗份招牌老油條，台式油條係偏硬同脆，食法係要浸起湯吸入湯汁，浸到少少軟先食～好正！銷魂麵舖嚟到香港都有台灣嘅水準，讚！

必食招牌微辣「銷魂麵」套餐 ($98-128)，一個套餐就已經包括「銷魂麵」、麻辣/清燉牛肉湯及套餐配菜，唔夠喉仲可以加配台式小食同飲品1️⃣杯。我哋就叫左2個套餐，分別係麻辣大滿足 和 清燉三寶。麻辣大滿足 有齊哂牛五花、牛筋、牛腱、鴨血、滷豆腐、滷豆皮，一次過滿足晒對牛肉🥩和麻辣🌶️的需求，配上「銷魂麵」真係冇得頂👍🏻。唔夠辣仲可以加辣🤭。清燉三寶 同樣有齊哂牛五花、牛筋、牛腱和「銷魂麵」，清燉牛肉湯底，岩哂怕辣或者小朋友食。

✨大師兄銷魂麵嚟到太古城中心啦‼️係我去親台北必食嘅麵店，仲試過一個trip encore兩次🤭依家終於唔使飛到台灣都食到!!🥹🥹🥹🥹🥹經典麵餐分麻辣/清燉兩種湯底🐮另配一個微辣香口嘅拌麵(超愛!!)牛肉配料有牛五花/牛筋/牛腱，跟餐仲有配菜麻辣滷豆皮/豆腐/鴨血😋仲可以+$28升級加配小食同飲品🙌🏻唔食肉嘅朋友仔可以選擇無肉菜單~~❤️麻辣口味辣嘅程度大概係8小辣，因為我自己唔算食得好辣但都飲到啖湯🤍清燉口味係小朋友最愛~~ 超香濃又唔會油膩! 唔食得辣嘅都好推介嚟大師兄食清燩~!

上網見到有新店開業，今晚就嚟試。等咗十五分鐘先入坐，限食一小時。因為本身唔食得太辣，揀咗清湯三寶。拌麵定咗微辣，食時唔覺辣，麵算彈牙。三寶有牛肉片、牛筋及牛𦟌，每樣有兩件，牛肉比較淡，要點汁吃。跟餐小吃揀咗鴨血，雖然話麻辣，不過唔辣，味道正常。反為加$28嘅小吃就好一般。個麻辣魚蛋好辣，得四粒，比較普通。另飯友叫嘅小吃老油條就好老，有D硬。另加錢還有杯飲品，揀咗凍冬瓜茶，第一次飲，覺得偏甜，可能要幫助解辣。服務幾好，首日營運算唔錯。

成日經過太古城，知道銷魂麵舖嚟香港開果陣已經勁期待！之前去台灣太多人排隊試唔到，今次嚟到香港開第一日就即刻去試！午餐時間大約等咗10分鐘就入得，店員都細心介紹，上餐時都有講解食法。招牌「銷魂麵」預設微辣，辣中帶麻，幾過癮，麵條彈牙好食！本身自己唔食得太辣所以揀咗清燉三寶，友人揀咗麻辣三寶。一啖湯一啖麵，湯料有牛𦟌、牛五花、牛筋，店員教湯料點附餐的肉醬汁食，汁帶少少酸，點肉食幾開胃，跟餐仲可以揀小食，我哋揀咗豆腐同鴨血，成份餐份量好夠大，仲可以續加湯，滿足！舖頭仲有即食包裝麵賣，口味都幾多款