燒烤堂食過幾次，每次感受都係: 一個字「爽」!! 以前食過銅鑼灣嘅燒烤堂，已經忍唔住encore咗次銅鑼灣店 最近去埋尖沙咀分店，原來會有唔同嘅串燒選擇添咖~~例如係燒紅衫魚，燒得好好，啲肉仲好嫩！ 選擇同樣有兩版A4紙咁多 分港﹑日﹑泰﹑川﹑新疆﹑西﹑台﹑韓味風格，仲有燒烤堂自家產品「堂」! 必必必食推介: 「堂」雞皮墨魚滑 $38/串 外香脆﹑內鮮甜彈牙，呢個真係每次嚟燒烤堂都一定要食 仲要一人一串先夠喉!! 「堂」豚肉節瓜波板糖 (附月見) $38/份 豚肉片節瓜片重複疊捲，食落油香爽口，點埋燒肉汁+蛋汁嘅混合體，超滋味呢~~ 「日」福岡味噌松板豬 $28/串 帶甜嘅味噌醃過，真係好夾，口感亦好爽口，本人真係好鍾意! 「西」桂花蜜糖本地蕃茄 $28/份 好驚喜嘅前菜，原來桂花蜜糖同蕃茄咁夾，好fresh好開胃! 「港」黑糖燒菠蘿 $20/串 表面黑糖漿燒得香脆，新鮮菠蘿又甜又juicy! 每次都食到捧住個肚走，勁滿足！

The Sixteenth 裡面嘅4間餐廳一直都係走高質商業聚餐路線🍽️ 平日lunch hour經常性都係fully booked咖! 近期每逢星期日就加設咗kids area + kids menu👧🏻👦🏻 Kid’s menu都係 $148PP💕 包括main course﹑dessert同果汁，好抵食! 而Kids’ area 就係各式各樣玩具，仲有免費Balloon + Face paint service🥳🥳 食物方面，爸爸媽媽都好滿意! 大人brunch menu係 $398PP💕 Appetizer有齊4款for sharing + Main course + Dessert! 飲品就另加單點/free flow🫶🏻 前菜4款都好食，好開心有得食Salumi & Burrata，parma ham好夠咸香﹑連埋burrata cheese一齊食好滋味~~ 另外驚喜嘅係 Charred Bell Peppers，平時唔喜歡食紅椒嘅我欣賞佢呢個煮法，咬落有D jelly feel，仲好香甜!😋 Main course方面，強烈推介Cheese Wheel Al Tartufo! 係La Fav嘅招牌名菜嚟🌟 即席將熟成咗6個月嘅芝士mix落熱辣辣嘅意粉，再加上mozzarella cheese + fresh truffle，pasta煮得剛好，口感al dente，truffle sauce+cheese 好match好濃郁，又唔會過咸，好好食呀!!🤤🤤 最後dessert部分仲有chocolate fondue🍫🫕琛珈勁開心!🤭 有朱古力之餘，仲有士多啤梨﹑香蕉﹑菠蘿﹑棉花糖﹑曲奇同蛋白霜糖，全部都係琛珈favorite!💖 食得開心又玩得高興~! 🥰🥰🥰

知道中環開咗間標榜匠心海鮮湯底嘅麵店🍜 即刻搵晚放工嚟試吓😁 招牌鮮濃蝦湯麵 $88 +$20 升級做套餐，有2款前菜、是日炒菜/炸物、鮮果粒同飲品 蝦湯麵食落都幾鮮甜，蝦亦好爽口 的確係無添加味精嘅感覺，食完唔會覺得口渴 升級做套餐後變得好豐富，有菜又有水果，好均衡飲食 日式咖哩蟹肉撈麵 $88 +$20 升級做套餐，有2款前菜、是日炒菜/炸物、鮮果粒同飲品 蟹肉都算多亦係肉眼見到嘅size💗 咖哩味香口惹味，味道不錯 蒸魚肉燒賣配招牌特濃鮮蝦汁 $28 呢個鮮蝦汁同蝦湯麵個湯底味道好相似，不過再濃郁啲 加埋mayonnaise調和個咸味，係好新穎又好夾嘅食法 喺中環區嚟講性價比都OK👍🏾 打工仔們放lunch/放工後又有多個選擇

銅鑼灣希慎廣場B1前排圍板裝修咗好一段時間，原來依家已經裝修好啦! 仲好大好好行，引入咗好多高質餐廳/小食店 其中我同老公就俾 Sarasei 更紗制菓吸引咗 買咗個仔仔女女肯定鍾意嘅士多啤梨戚風蛋糕之餘 仲忍唔住買埋皇室紅茶卷蛋，大人口味都照顧埋 士多啤梨戚風蛋糕 $230 喺希慎廣場買到嘅原個蛋糕嚟講都真係佛心收費 士多啤梨好甜，兩兄妹勁快清晒…戚風蛋糕亦好有士多啤梨香氣啊 外表都好甜美可人! 好啱一型女仔慶祝打卡 皇室紅茶卷蛋 $88 原條卷蛋同樣$100以下，真心抵!! 我同老公都係忌廉愛好者，呢個卷蛋嘅cream都好滑 唔會好甜又好香茶味，屋企長老們都好滿意~

裝修好有日本居酒屋感覺嘅黑木亭 餐點價錢相宜，品質亦算中上，仲有好可愛嘅熊熊火鍋+飲品! 帶子海膽青瓜卷 入口好清新嘅壽司卷物，帶子有輕微灸燒過，味道更出更鮮! 生蠔 買1送1好抵食，除開都係廿幾蚊隻，性價比堅高 和牛+豚肉豆乳鍋 呢個超可愛!!! 有隻熊熊喺度浸溫泉咁，其實係用豆奶整成嘅熊熊冰，加入高湯煮沸後，就會慢慢融入成為湯底。 和牛紋路靚靚，色水好新鮮，入口亦好有牛香，豚肉都好厚身 紅火龍佛手柑熊茶 / 綠茶鮮奶熊脆脆 一上枱見到隻熊仔真係不禁心心眼咗! 紅火龍佛手柑熊茶推介! 水果香茶香都有~

呢間餐廳都算係我嘅 #愈經常食愈少影相系列 之一 Nara Thai Cuisine未嚟香港之前，去親曼谷旅行都必定會食一餐Nara 到Apinara開業後，成日都同班同事嚟食晚餐，同屋企人/朋友都食過好幾次😋 菠蘿肉鬆雞肉炒飯 配 燒珍寶河蝦 $198 河蝦堅珍寶，好大隻，又好多膏仲要特登燒香咗，刮出嚟撈炒飯食好正!! 菠蘿炒飯都炒得好香口，有新鮮菠蘿﹑雞肉﹑提子乾﹑肉鬆﹑腰果，好足料呢~~ 黃咖哩大蝦 $228 + 印度薄餅 $38 黃咖哩係我食泰國菜必點嘅菜式，因為我鍾意偏甜口味 雖然望落唔係好大堆頭，但絕對夠晒點薄餅食，大蝦都好爽口! 印度薄餅一份兩塊，脆口又煙韌，好食~~ 芒果糯米飯 $98 係，我認我同老公食野真係好冇新意… 食開好食嘅就會係咁encore… 見到個椰皇甜品好吸引…但最後都係叫返芒果糯米飯 椰奶調得好好食!! 夠濃稠，椰香，奶滑，又唔會太甜~~ 糯米飯係偏硬身口感果種，岩晒我唔鍾意食軟飯 Apinara係我嘅信心泰菜之選 只係價錢會比九龍區貴少少，叫埋飲品甜品人均$300-400，但金鐘地段加埋靚環境又值返晒

自肉屋網店開設，就已經經常幫襯兼且毒咗好多朋友幫襯，好有好感~ 實體店開咗一排，終於搵到時間又成功直接喺OpenRice 預約到! 最正嘅係，去到餐廳食同喺屋企食嘅價錢其實差唔多，而去餐廳食，就唔使搞到屋企好大油煙 當日我地揀咗$398特選set同$498特上set，仲送多兩塊極上set嘅極霜降A5薩摩牛 所以好開心可以一次過試晒3款和牛! 個人最推介$398嘅赤身A5薩摩牛，紋路最靚， 但唔怕肥嘅朋友，值得一試極。霜降A5薩摩牛，入口真係極滿足!! 至於中等價位嘅和牛就感覺較普通~ 所以建議一係食最平一係食最貴，又或最平+最貴各一set 不過用餐體驗說實話唔算非常好，唔知點解剛好當日我地果枱未有店員講解介紹各種牛，要我地開口問先知道邊款打邊款 店員幫忙煮第一轉，之後就會話你知點樣煮埋剩餘果D，呢個價位，係可理解嘅 順帶一提，欣賞飲品選擇方面有用心! 夕燒果杯好飲! $38/杯好佛心收費 係可以encore嘅! 掛住sukiyaki/ 癮起時會再去食返餐!

自從同老公喺高雄牛老大食過溫體牛火鍋之後就一直念念不忘 好開心有位香港人同我哋一樣，仲身體力行將台灣溫體牛引進香港，而家嚟旺角三公都食到啦!! 呢件事確係唔簡單，所以好奇嘅我搵三公店主了解過 原來佢哋真係有heart到去咗台灣屏東搵牧場商家傾 每日早上+晚上將台灣屠宰場嘅溫體牛運送到港 所以真係數量有限㗎！ 極品級台灣溫體牛火鍋二人套餐 $288 台灣溫體牛肉我哋今次試咗牛柳邊﹑牛頸脊﹑牛三筋3個部分 我最喜歡牛頸脊，肥瘦均勻; 老公最鍾意牛三筋，嫩滑牛味濃 湯底揀咗古早味牛骨湯，非常清甜，好適合用嚟灼溫體牛，最食到牛肉嘅原汁原味同時提高鮮味!! 追加小食：滷水牛舌、鴨舌 $28@ 滷得非常入味，牛舌好好食，夠淰但又保持牛舌質感 追加甜品：濃乳愛玉芋圓 $25 好好食！芋圓夠晒煙韌，係達到我標準嘅芋圓！ 食完覺得好食，忍唔住了解更多 因為「溫體牛」對我嚟講係一件唔容易嘅事兼一個旅遊回憶 三公用心做一件唔容易嘅事情，好值得分享同支持呢～

有驚喜嘅太古城café! 當晚係平安夜，本身想試熊仔火鍋，但冇book無法入座，行到去logon就見到呢間外觀唔錯又剛好仲有位嘅café 比目魚蛋包飯 – 比目魚煎得好香，魚肉保持油香嫩滑，媽媽同小朋友都食得開心 水果梳打 – 外觀吸引，又好多觧果粒，岩晒我對仔女，勁快KO晒我D水果粒 燒汁牛扒意粉 (唔記得影相><) – 好好食!!! 牛扒夠大塊，煎成6成熟左右，牛香夠又唔會好”un”，意粉都煮得幾al dente，之後lunchtime我都再嚟encore咗呢個意粉，真係好鍾意~ 鮮果雞蛋仔 – 軟雪糕揀咗扭紋，matcha味好香濃，好好食，鮮果粒都好多，又係對仔女至愛，雞蛋仔正常發揮，一家人好快KO晒呢碟甜品! 本身唔係抱好大期望，只係平安夜想食間靚靚地嘅café，食落味道又幾唔錯喎! 滿意到已經encore過一次 哈哈 推介呀!

一直都未有其他刨冰店可以取代到shari shari喺我心目中第一名嘅位置 Strawberry special 係我同老公嘅必點，因為唔算成日食 (氣管差唔可以成日食冰T_T)，每次去到，就算有新口味，都係會心心念念叫返strawberry special! 佢嘅士多啤梨口味，上面係strawberry milk感覺，底部就係strawberry jam feel 最愛shari shari嘅冰真係刨得好棉密，入口即融又唔會吉口，呢種口感食咗咁多年都冇變過 想當年由銅鑼灣一開店就開始幫襯，尖沙咀呢間分店比較人氣冇咁旺盛，當日到訪唔需要排隊 (極感恩!!!!) 質素我覺得同銅鑼灣本店非常相近啊~ 如果有人仲未食過shari shari, 非常推介，畢生點都要試一試!