大師傅粥品 (康威大廈)

營業中

休息中

想起食生滾粥, 立即去北角的 大師傅粥品粥店, 這裡裝修得光猛整齊, 面稹大.有即熟粥, 生滾粥, 油器, 炒麵, 粽, 腸粉及飲品.    經濟實惠,  好多選擇. 熱柜內有香港小食:  油炸鬼,  大煎堆,  好香脆.   我最喜歡的牛利酥, 好像剛賣清, 要等炸起. 座位整齊有梳化卡座, 比一般粥品店坐得舒服.檯上醬汁齊備, 重有脆芝麻,  還有水杯水壺可以自助飲用. 牛利酥剛炸起:    熱辣辣, 香噴噴, 外酥內軟.  軟韌甘香. 一流好食.鹹肉粽 (香港節日小食) :   端午節快到了, 我們點了隻鹹肉粽應節. 好大隻, 糯米煙韌, 蛋黃鹹香, 還有五香豬肉, 食得回味. 炸兩腸, 更特式:  即叫即制,  腸粉入口很軟滑, 包裹著脆脆油條,  自行混醬:   甜醬, 辣醬, 麻醬, 淋上豉油,  再灑上芝麻.  吃得可口. 鼓油王炒麵, 另一個傳統小食  配粥最好.   伴有銀芽, 椰菜絲, 蔥,  不油膩, 調味不錯. 生滾粥:  仿鮑片魚片 + 碎牛 $4-.   好大碗, 粥底綿滑.仿鮑片稔甜有鮑味,  混合 碎牛 和 魚片, 有牛味, 加魚片鮮香, 配搭得非常好.

呢間位於英皇道既粥店好乾淨企理，職員又有禮貌，下次可以再黎🥳北菇仿鮑片滑雞粥+黃沙豬潤粥底煮到好綿，雞肉肉質一啲都吾嚡口👍🏻 雖然係仿鮑片，但食落好清甜😋 豬潤厚到一個點😻 爽脆無異味無血水，鐘意食豬潤既朋友建議要試😋鮮鯇魚腩粥+鮮牛片魚腩啖啖肉好肥美，鯇魚骨較為大條，所以食落都幾方便，吾洗擔心俾幼骨哽親🐟鮮牛大大片份量好多🐮炒麵乾身吾油🥢牛利蘇勁大隻😂 睇到我地嘩嘩聲仲飲左枝豆漿🥤

趁今日天氣涼返少少，即刻去食番碗粥先！😋蝦米炸兩腸 $20蝦米炸兩腸的外皮酥脆，內裡包住鮮美的蝦米和炸兩，如果炸兩再脆啲會好食好多！👀😋鹹肉粽 $20端午節快到，試下個鹹肉粽！入面啲餡料都好足料，香噴噴！😋炒麵 $15炒麵色香味俱全，麵條炒至金黃，我仲灑咗好多芝麻，非常滋味！😋狀元及第粥 $39粥底滑順細膩，加入了新鮮的內臟配料，例如豬肝、豬腰、豬粉腸、豬肉丸等等，每一口都讓人感受到飽足！😇😍😋鮮鯇魚腩粥 $39鮮鯇魚腩鮮嫩🐟，加埋滑順的粥底，非常容易入口！🥰😋豬膶腸 $20豬膶腸色澤誘人，裡面包住粒粒豬膶，肉質鮮嫩，淋上醬油充滿濃郁的風味。

唔知你哋有冇發現，香港早餐嘅選擇其實非常多元化呢？話說前排去咗歐洲旅行一個月，每朝早餐嘅分別只係呢款麵包同嗰款麵包。至於香港嘅早餐，除咗茶記早餐、早茶點心，仲有幸福感十足嘅港式粥店。位於北角嘅大師傅粥品，晨早就提供軟綿鮮甜嘅生滾粥、即熟粥、腸粉同小食，成為我哋嘅暖胃之選。炸兩腸粉油炸鬼係餐廳嘅新鮮自家製，所以非常酥脆，而外面包住嫩滑嘅腸粉，一軟一脆，再配埋貼豉油、花生醬、甜醬同芝麻，口感豐富。叉燒腸粉腸粉非常香滑，叉燒鹹中帶甜，配埋甜豉油，非常滿足！鹹肉糭食粥唔夠飽肚，如果加埋鹹肉糭就啱啱好！糯米帶有淡淡嘅竹葉清香，餡料包括五花腩、鹹蛋黃、綠豆等，非常豐富。狀元及第粥狀元及第粥配料豐富，有豬肉丸、豬潤、粉腸等。豬潤鮮甜無腥味；粉腸爽滑彈牙。而配料經生滾粥煮過，令粥底更鮮甜。北菇滑雞粥生滾嘅北菇滑雞粥，雞肉鮮嫩而粥底帶有雞油嘅香味之外，細味一下仲有淡淡嘅北菇香味，充滿層次感。

聽聞北角大師傅粥品口碑載道，今次叫咗狀元及第粥、豆漿、炒麵、煎堆、檸檬茶、叉燒腸同埋油條，抵食又飽肚！舒適環境，快捷服務 ✨餐廳環境光猛整潔，座位舒適，令人感覺輕鬆自在。手機掃QR Code落單，方便快捷，上菜速度亦都非常快，啱晒香港人嘅快節奏生活。店員服務態度親切友善，令人賓至如歸。粥品推介：綿滑粥底，足料滋味 🥣狀元及第粥嘅粥底綿滑可口，配料豐富，包括豬潤、豬肚、肉丸同粉腸，每一啖都充滿驚喜！豬潤鮮嫩無比，豬肚爽口彈牙，肉丸鮮味十足，粉腸亦處理得非常乾淨，完全沒有苦味。每一啖都令人回味無窮！小食精選：樣樣出色，款款滋味 🥢叉燒腸粉皮薄餡靚，叉燒肥瘦均勻，醬汁香甜可口，令人一試難忘！炒麵鑊氣十足，味道香濃惹味，麵條乾爽彈牙，令人食指大動！煎堆外脆內軟，甜度適中，係飯後嘅完美甜點。油條金黃酥脆，口感一流，令人一試愛上！總結：必食推介！💯總括嚟講，北角大師傅粥品絕對係一間值得推薦嘅粥店！粥品、小食樣樣出色，環境舒適，服務一流，而且價錢親民，絕對係暖胃之選！下次一定會再嚟，繼續探索更多美食！

今日女女有啲唔舒服，佢話想食粥，經過見到呢間粥舖，入去試吓，好抵食，味道又唔錯，叫咗咁多樣嘢買單都係$110.蝦米腸： 足料， 好多蝦米， 腸粉好滑， 即叫即做蒸蘿蔔糕： 大大件又唔會好多粉，入邊都多蘿蔔絲， 個人幾鍾意食蘿蔔糕，冇咁熱氣唔錯炒麵：大大碟，唔會炒到好油，味道又唔會太鹹，送粥一流香滑白粥：大大碗，煲得好綿，有啲白果味，清清地，易入口，小朋友都鍾意牛脷酥： 送粥必叫， 剛剛出爐， 好味豆漿： 重豆味， 唔會好甜.

粥店係香港漸趨息微，有時突然間想要食粥，真係方圓幾百里都找不到一間。今期去北角個頭，見到一間新名字的粥店，決定同老公入去幫襯下支持下。 店內裝修光猛整潔，座位都尚算寬敞，最值得一讚係，侍應姐姐的態度好友善。艇仔粥 – 勁足料，有魷魚、花生、豬皮同肉球，加上粥底，口感和味道十分豐富。生滾鮮鯇腩粥 - 再加碎牛、醎蛋和蠔豉，即使加上很多配料都仲係好抵食，因為每款配料也只是$4-5。生滾粥果然係唔同d，粥底很香很綿滑。鮮鯇腩超厚身，但不腥，食落啖啖肉。 蝦米炸兩腸粉 – 因為唔食蒽，所以叫了蝦米炸兩腸粉，點知原來都係有大量蒽花，下次要記得走青。炸兩炸到卜卜脆，即使用腸粉包住，都絲毫不減香脆口感，配上麻醬 + 甜醬，十分好味。 綠豆沙 – 一如香港人對甜品的評介，就係不太甜，好怕飲左一堆糖落肚，呢碗綠豆沙就甜度剛剛好，但真係好大碗。

朋友喜歡吃粥特別推薦我來這個粥店。今天早上過來發現人不多、冷氣夠，空間又大。看看餐牌發現東西很便宜，我點了狀元及第粥和炒麵。麵來的比較快，粥大概7分鐘後到。果然粥是極品，不單粥底煲得很綿，及第食材很新鮮又味美外，粥的份量也十分足夠。炒麵溫度就有一點冷，相信已經炒出來一段時間，但份量也十足，整個碟子滿滿的，只有成年男人才能吃得完。本店的服務也很不錯，來幫襯的客人也比較斯文。總的來說這個店出品大件、低食兼好食。

Abalone chicken congee with mushroom北菇仿鮑片滑雞粥 $51相對健康有鮮甜嘅北菇鮑魚片滑雞粥裏面有大量滑捋捋嘅雞塊🍗，非常足料，另外加咗有口感嘅清甜粟米🌽、養生嘅冬菇🍄‍🟫，粥嘅底帶淡淡雞汁香氣，份外芬芳撲鼻，飽肚又抵食，值得推介👍🏻Pig organs congee 狀元及第粥 🍚 $42充滿正宗香港特色嘅狀元及第粥裏面主要有豬潤、豬腰片、豬腸、爽口彈牙嘅豬肚🍖，食落去有濃郁嘅豬鹹味，粥底清甜，口感綿綿，加咗半隻皮蛋🍳令裏面嘅配菜更加豐富，配埋免頭嘅蔥花🌿，真係好好食！Fried dough noodle rolls 炸兩 $18 熱辣辣嘅炸兩係個食粥店必叫小食🔥，一碟大概有十幾件滑身嘅腸粉，裏面包住脆卜卜嘅油炸鬼🫓，連埋濃郁芝麻醬、甜醬同埋香噴噴芝麻一齊食，永遠都係最佳組合

街坊都愛連鎖粥店 平價抵食之選呢間連鎖粥店真係街坊都愛，價錢親民！生滾粥$23起，小食$5就有交易，坐得又舒服，難怪成日都咁多人幫襯～今次試咗個北菇滑雞拼黃沙豬膶粥，啲雞肉滑溜溜，豬潤又厚又爽口，粥底煲得好綿滑。個炒米粉都幾有驚喜，料多鑊氣夠，自己落醬，鍾意點食就點食！最正係個炸兩腸粉，腸粉皮薄到透光，包住脆卜卜嘅油炸鬼，一啖咬落去又滑又脆！服務態度好親民，完全冇連鎖店嘅機械感。呢個價錢食到咁嘅質素，真係唔錯！

平時食得熱氣野多，偶然都要食下粥，清下腸胃，健康一下下午放飯時間就約埋同事去食靚粥店內燈火光明，乾淨企理，仲有大量梳化卡位，用餐舒服粥鋪有齊即熟粥及生滾粥，而且價格吸引，就算叫多幾款油器、小食、腸粉都好食食物方面 : 狀元及第粥加豬紅 : 生滾粥粥底綿滑，有齊豬粉腸、豬潤、豬腰、豬肚、豬肉丸勁足料，再加埋豬紅，非常滿足艇仔粥加半隻皮蛋 : 即熟粥粥底綿滑，有齊海蜇、豬皮、土魷、魚片、豬肚、油炸鬼、花生、蔥花及豬肉碎等配料，再加埋我最鐘意食嘅皮蛋，非常豐富蝦米炸兩腸粉 : 粉皮做得夠薄，油炸鬼炸得香脆，大量鹹鮮味嘅蝦米及清香嘅蔥粒，再加埋甜豉油，美味嘅炸兩腸粉韭黃鮮蝦腸粉 : 腸粉皮夠薄夠滑溜，入便包住韭黃及大隻又爽彈嘅鮮蝦，夠曬美味牛脷酥 : 牛脷酥夠曬大隻，外皮微脆，質地結實，最鐘意用來配粥一食嘅油器

天氣和暖後又突然凍返，帶咗阿媽去食碗粥暖暖身，大師傅粥品環境乾淨又光猛，座位坐得舒服，店員招待有禮。手打肉丸粥加豬紅：粥底綿綢香滑，肉丸彈牙爽口，香甜味渗入粥底，加配滑嘟嘟嘅豬紅，足料美味。艇仔粥的主要材料有、牛肉、豬皮、魷魚、瘦肉、花生、蔥花等，上枱熱氣騰騰，芳香撲鼻，啖啖都十分鮮甜。 艇仔粥走牛加豬紅：唔食牛肉又想食艇仔粥，可以叫走牛肉，佢哋會改比瘦肉，喜歡豐富一點可加豬紅，味道一樣美味，口感一樣豐富。韭黃鮮蝦腸：腸粉皮用大米磨漿製作而成， 皮薄彈牙，餡料蝦仁大隻爽口，加甜豉油鮮甜味美。豉油王炒麵炒得既乾身也不油膩，火候足夠，麵條彈牙。炸兩腸粉：腸粉厚薄適中，包住脆口嘅油炸鬼，加些甜醬油、甜醬、麻醬等，香脆可口又惹味！

最近食得多燥熱嘢，今日下午揀粥品作為午餐。行經北角英皇道，見一粥店。同事話呢間粥舖上綱見有數間分店，應該不錯。店內環境好，比起傳統粥店光亮，舒適。價錢亦相當之合理。生菜鮮鯪魚球粥粥底非常杰身，綿綿口感。材料生菜，鯪魚肉絕不吝嗇，足料。鯪魚球散發出魚香，滋味。油條估唔到咁大條，不油不膩，香脆。豉油皇炒麵炒得乾身，不肥膩。感受到香甜嘅醬油味。食客大多數是街坊，跟服務員有說有笑，十分之親民嘅店舖，讃⋯⋯。

今日經過粥品店,見到店鋪幾企理,就入去食晏。用手機掃二維碼落單。🔸狀元及第粥加生菜生滾粥粥底綿滑,而且熱辣辣,豬潤粉嫩滑溜,粉腸煙煙韌韌,豬心爽口,加$4多咗生菜更加豐富健康。🔸黃沙豬潤粥加鹹蛋豬潤份量多又厚身,質地爽口,有少少鹹味。加$4有半隻鹹蛋,令粥的鹹鮮味再突出啲。🔸豉油皇炒麵炒麵都幾大碟,麵的質地軟硬適中,而我最鍾意加芝麻和甜醬拌勻食,味道更正。🔸牛脷酥係手機可以選擇碎上,食的時候就方便好多,牛脷酥外微脆,質地結實,味道甜甜。🔸蝦米炸兩腸粉腸粉皮做得夠薄,蔥花清香,蝦米有鹹鮮味,炸兩脆口。最後飲埋支裝豆漿,豆香微甜。

去北角探住喺老人院嘅姨媽，帶佢出去食午餐，唔話喜歡食粥，咁就去附近嘅大師傅粥品，粥店有多間分店，食物有水準，地方乾淨衛生，姐姐們招呼週到。艇仔粥足料，粥底綿滑充滿米香，用料新鮮又豐富，魷魚、豬皮，碎牛份量都好多，加少許花生和蔥花增添口感。艇仔粥走牛加豬紅：艇仔粥正常係有牛肉，如果唔食牛肉可以叫佢走牛，佢哋會改比豬肉條，加些滑溜的豬紅更豐富。皮蛋瘦肉粥：粥的味道鮮美，口感豐富，既有大米和瘦肉的軟糯，又有皮蛋的咸香。鹹肉粽餡料有五花肉、咸蛋黃和綠豆，食落口感軟糯，有淡淡的竹葉清香。炒麵夠乾身不油膩，主要以豉油皇來作調味，麵條彈牙。炸兩腸：即叫即包，厚薄適中的腸粉皮滑嘟嘟，入面嘅油條脆口，調些甜醬油、甜醬、麻醬等，味道和口感層次感豐富。蝦米腸口感滑溜，加入蝦米和蔥花，增添鮮味和香味。