大山日本料理

營業中

休息中

今日好開心同我屋企人去咗旺角嘅一間餐廳食飯，呢一間餐廳第一次去，真係好高質素，食咗一次，一定要介紹俾朋友食啊，首先呢一間餐廳位置與旺角站一行兩至3分鐘，西洋菜街附近就會搵到，非常方便，好啱一家大細，或者朋友嚟聚會，一間餐廳食物嘅選擇好多，質素好過，我哋叫咗一個鰻魚炒飯，有鑊氣，好新鮮，全部即嘅即整，而且佢哋嘅壽司都係頂呱呱，我哋仲叫咗個牛油果軟殼蟹壽司，仲有鰻魚壽司，三文魚壽司，全部都好好食呀，我仲有佢哋個壽喜燒，全部啲牛都好靚，仲有個豆腐沙律，好新鮮，每碟都好多，仲有佢哋嘅價錢都好堅姐實惠，可以叫好大碟，好好食呀，而且佢哋嘅全部師傅都好好笑容，全部都會好主動服務客人，好體貼，所以呢度有賓至如歸的感覺，如果住旺角附近嘅朋友，一定要嚟啊

今日同朋友出街，途經旺角時，抬起頭見到大山日本料理招牌，當然仲有米線舖，仲有冰室，咁由於呢排米線食得唔少，就想簡簡單單食個日本嘢吧。搭𨋢上到二樓，就見到間餐廳好熱鬧，真係好多人，剩返一兩個位咋，好似特登為我哋準備㗎，咁就唔使客氣啦。本來想點赤貝刺身嘅，可惜已賣晒，退而求之點咗個58蚊嘅 “甜蝦刺身” ，都非常之唔錯，D蝦比想像中大隻，有4隻，好鮮甜，性價比極高；想食海膽，於是點咗兩件“海膽軍艦” ，44蚊，新鮮唔腥，抵食。話咗簡簡單單食個日本餐，於是嗌呢個78蚊嘅“三文魚飯” ，D三文魚唔同平時食嘅係薄切，有D不起眼，但食落係feel到佢嘅新鮮，呢個有湯跟嘅，唔同平時啲麵豉湯，只有簡單材料，呢個係三文魚嘅麵豉湯，有好多三文魚喺湯裡面，極之豐富有驚喜；搞到“蒲燒鰻魚飯” 上檯時問個待應呢個有冇湯跟🤣🤣雖然答案係冇，但係鰻魚豐富嘅油脂同埋鬆化，都令到我哋食得好開心😋😋

🌟🌟今日喺西洋菜街行街，行到有啲肚餓，就去咗朋友介紹有居酒屋佈置的大山日本料理。🌟🌟而家潮流興用QR code📲落單，呢度都唔例外，食物超級多種類，上菜速度亦非常之快，而值得一讚係侍應殷勤招呼客人，會推介下店的招牌菜。🌟🌟特盛海鮮丼，用料新鮮，魚生厚切🌟🌟雞扒烏冬，雞扒皮燒得香，皮脆肉嫩滑，烏冬彈牙煙靭，仲有一隻溫泉蛋，平時其他食店只有半隻。🌟🌟蟹籽軍艦、熟蝦壽司，用料不錯👍🏻🌟🌟巨峰乳酸梳打、凍宇治抹茶鮮奶巨峰乳酸梳打甜度適中，入口清新。宇治抹茶鮮奶，抹茶味夠濃郁。🌟🌟這裏的食物、環境和招呼真不錯，環境闊落，交通又方便，播放柔和的日本歌，絕對係同朋友聚會的好地方。

這間日本居酒屋，都幾受歡迎。我是平日夜晚7點15分去到餐廳，已經得返兩張枱。我哋一坐低就叫咗一個海鮮沙律。沙律裏面除咗菜，就有好多唔同品種嘅魚生。個人認為沙律醬同個沙律唔係太襯，所以不太推薦這道菜。另外，亦都叫左三文魚刺身10件，佢做緊優惠，味道就同一般食到嘅差不多。壽司方面，有好多選擇。我哋唔知揀乜好，所以叫咗一個牛油果軟殼蟹卷。牛油果好滑，好襯軟殼蟹！最值得推介的就係牛肉壽喜燒同炸雞。壽喜燒好抵食，只係$58。份量合理，除了牛肉之外，配料有豆腐、娃娃菜、冬菇同小棠菜，壽喜燒個湯底仲好好飲，我忍唔住飲咗好多啖。炸雞好脆，裏面亦保留左肉汁！

嚟到旺角行街突然好想食日本嘢見依間日本餐廳裝修幾特別 好有日本風🇯🇵就揀咗佢啦😆一坐低 店員已經比左兩杯綠茶我地👍🏻兩個人叫咗四款野食⭐️三文魚刺身 $48厚度十足食落好有口感👍🏻肉同油脂分佈鮮明平均😁嘩嚇死⭐️蟹籽海膽炒飯 $128唔係誇張d飯粒粒分明每粒飯都沾到醬油仲有炒飯該有既鑊氣👏🏻海膽味夠出蟹籽同海膽味道好夾😙⭐️豚肉生薑燒 $58薑汁足料夠薑味仲有d 薑絲豚肉可口🤤沙律菜有驚喜 難得地係翠綠同爽口夠新鮮😍⭐️香草燒雞翼 $32燒得香之餘又保留到肉汁仲要香草味特出😉食下串燒過下口癮係正😊⭐️整體黎講食物質素唔錯餐廳店員都好好🤩唔會趕人走好啱同朋友黎happy dinner😙慢慢吹水

價廉物美的大山日本料理，日式裝橫，午市或晚市時間都有精選小食優惠，單點主食也非常抵食，叫了魚生角切飯同日式咖喱豬扒飯均送味增湯，味增湯內有二大塊魚塊，有骨但入味。二款主食質素對得上價錢。不得不讚下圓筒魷魚，大條厚身有燒烤味，仲要有好大條的魷魚蘇🦑，岩哂我這個喜歡有咬口的魷魚蘇人☺️連鎖餐廳的價錢，日系的環境氣氛，可以休閒聊天的場所，值得考慮。

大家有冇試過喺旺角揾一間性價比極高嘅日本料理？唔使再四處搵啦，今次就為大家介紹一間位於旺角樓上舖嘅大山日本料理三文魚海膽飯呢度既魚生飯嘅賣點就係師傅嘅刀功平整無缺口，令到口感更為細緻海膽鮮味濃郁，同三文魚完美咁結合而佢哋嘅米飯亦煮得恰到好處，夠彈性，一啖飯一啖魚生，簡直係絕配三式魚生飯包括三文魚、油甘魚同吞拿魚同樣地各款魚生每一片都口感非常滑嫩三款魚生各有特色，三文魚肉質緊實、油甘魚口感豐滿、吞拿魚則鮮嫩多汁三款魚生搭配得非常和諧，味道絕對令人滿意照燒魷魚筒呢道菜令人驚喜嘅係佢嘅芝麻同燒汁味道。魷魚筒燒得非常入味，表面金黃香脆，而且帶有濃郁嘅燒汁同芝麻味照燒汁同芝麻完美地融合喺一起，令呢道菜嘅味道更加豐富大山日本料理喺旺角樓上舖真係一間性價比極高嘅日本料理餐廳無論係魚生飯嘅絕佳刀功，定係照燒魷魚筒濃郁嘅味道，都係絕對係同區搵唔到下次喺旺角揾食嘅時候，記得要去試試呢間餐廳啊！

生蠔全部臭，刺身又唔靚～唔知係咪咁，我地一班人食完餐飯全部人個肚都唔舒服🫠黎既所有野都係有睇頭，一落口就伏！OMG一定無下次！食左頭幾樣野之後都廢事影應該係得串燒叫做食得下人比較安全掛D蠔真係食完即吐，全部野都係得個樣去食放題好過食呢度既刺身同壽司d海膽手機像素好先影得食物叫好睇呃到人，海膽係最cheap個d級別熱食叫做食得過呢個d菜個酸既連一個普通嘅麵豉湯度咁難飲無下次，一定唔會再去！！埋單幾千蚊真係唔知食咗乜嘢，食飽都係因為飲啤酒而飽😂

成日經過旺角呢間居酒屋🏮系正西洋菜南街，位置方便到冇得挑剔啦～自己本身好中意去居酒屋🏮可以食盡曬日式吾同菜式，同埋重點呢間野食吾貴👍🏼CP值好高！磯煮鮑魚吾系間間居酒屋有，呢度難得有一定要試試。廚房事先已經幫我地將鮑魚切片，易咬好多，日式醬汁沾滿整隻鮑魚，味道香甜入味。好多人叫和風炸雞🍗我又試吓先🤤炸雞上系滿滿沙律醬，邪惡度爆燈😈炸雞香脆可口得黎吾油膩，雞肉嫩滑。鹽燒牛舌🐮相信有吾少人中意食，鹽燒味明顯，牛舌厚薄度偏薄，同時做到有嚼勁。蒲燒鰻魚串鰻魚汁好甜，同鰻魚好夾，鰻魚軟稔😋好中意食鯖魚🐟如果居酒屋有多數都會叫，呢度鯖魚吾算多骨，鯖魚燒得好香，配埋檸檬汁🍋更錦上添花🌸另一半話去完日本好掛住蕎麥麵，喺呢度都吾不忘叫一份試試。蕎麥冷麵配日本醬油，蕎麥麵夠凍，蕎麥麵好健康，加埋日本醬油成個感覺好fresh👍🏼角切魚生飯有玉子、三文魚同埋吞拿魚，三文魚吞拿魚件件新鮮，撈埋wasabi有啲部味好滋味💚本身壽司飯有醋，酸酸哋開胃。另一款系三文魚海膽飯，三文魚切成薄片，厚薄度剛好。海膽就還好，玉子清甜，成個組合都吾錯。

小編今次同朋友嚟到呢一間位於旺角市中心嘅日式居酒屋，因為見到價錢喺日本菜嚟講相當抵食。小編今次order咗各種唔同種類嘅日本嘢食，有鮑魚、蟹籽壽司、和風炸雞、燒牛舌、上都值得推薦嘅燒油甘魚鮫、蕎麥冷麵配日本醬油、三文魚海膽飯，同埋角切魚生飯。整體嘢食質素相當高，小編特別推薦燒油甘魚鮫，三文魚海膽飯，其他小食亦都烹調得相當美味，再加上店員招呼得相當好及價錢相當抵食，令到小編及朋友相當滿足，所以推薦俾大家。

今日同朋友嚟咗呢一間旺角嘅大山日本料理，餐廳牆上亦都有好多唔同嘅相、燈籠等等，環境營造到好有日本居酒屋氣氛🏮🏮餐廳上菜速度都幾快，落咗單10分鐘內啲嘢食已經到齊又熱辣辣😋抵讚！角切魚生飯 $78魚生丼份量大份又足料，好多魚生粒🤤魚生食落幾新鮮冇腥味👍🏻抵食昆布湯烏冬 $58昆布湯好香鰹魚味，飲落去好舒服，烏冬亦都好彈牙！整體嚟講幾好食😛三文魚壽司 2件🍣 $20三文魚壽司份量適中，一口可以放曬入口好滿足🤪🤘🏻炸雞軟骨粒 $48餐廳即叫即整，食落熱辣辣好脆口，加啲檸檬汁令味道層次提升左唔少👍🏻仲可以點沙律醬，好食推介😍鰻魚卷 $68鰻魚卷件件都好大份🥰鰻魚味道濃郁之餘，仲配搭咗蟹柳同青瓜增加口感，性價比極高！整體來講，餐廳裝修同環境都幾適合同朋友/情侶一齊嚟，嘢食性價比幾高，質素都唔錯，值得推介💛💛

餐廳嘅地理位置非常方便，喺正兆萬中心嘅對面，所以間唔中同朋友行街行都肚餓都會嚟食下日本嘢😋😋。而且呢間嘅性價比都幾高，服務都唔錯！一共嗌咗四樣嘢食，食到好飽好飽，買單都只係大約$300🍱三文魚海膽飯 三文魚同海膽食落都非常新鮮和鮮甜，海膽都完全冇腥味！最驚喜嘅係飯底，用嘅應該係日本珍珠米，飯粒非常之飽滿，有口感。雖然成碗飯烹調方法好簡單，但係因為食材新鮮，所以好好味😙😙🐟鰻魚卷 鰻魚卷上面嘅鰻魚肉調味啱啱好，切得比較薄身，醬汁上面嘅芝麻咬落非常香口。鰻魚卷入面有蟹柳、玉子同青瓜，幾者口感味道幾合襯，口感豐富😌🥗黑松露三文魚沙律 三文魚沙律可能就食得多，但係黑松露同三文魚嘅配搭就比較少見啦。黑松露醬緊緊包裹著三文魚刺身粒，黑松露香濃嘅氣味同三文魚鮮甜嘅味道意外地和諧，係幾唔錯嘅創意料理。🍲牛肉壽喜鍋 牛肉鍋嘅份量好大，肉嘅份量都好充足。湯底飲落雖然味道偏淡，但係都算鮮甜。牛肉建議食咗先，因為係熱湯入面浸內阻會變得韌。鍋入面仲有一隻生雞蛋，可以同牛肉一齊食，增加風味！如果隻蛋可以分開上就更好啦🙋🏻‍♀️🙋🏻‍♀️餐廳因為喺2樓所以環境清幽，而且卡位有布簾遮住，私隱度高，適合同朋友聚會👯‍♀️

-大山日本料理-@旺角.好耐無行旺角，今日去完兆萬，見到對面間日本料理餐廳的Menu牌都好多選擇而且幾抵，所以決定一試。.晚餐時間好多食客，等左10分鐘左右有位。.今晚主要係點壽司，先點幾款特價$9的。火炙黑松露帶子壽司 ($9)火炙海膽醬赤蝦壽司 ($9).雖然係特價，但質素一點也不差。帶子好新鮮，肉質夠柔軟，好味到我地足足echo左3次火炙黑松露帶子壽司。.油甘魚腩壽司 ($20)油甘魚壽司 ($16)油甘魚係每次每點的，哩度的油甘魚都好香。魚腩都只係貴$4，下次直接點油甘魚腩好了。.火炙厚切三文魚腩 ($22)厚切三文魚腩壽司 ($20)哩個火炙三文魚加左點醬汁，有點蓋過本身三文魚的香味，無左個醬會更得我心。.醬油七味燒左口魚邊壽司 ($18)一般左口魚邊都比較少調味，這裡加卑醬油同少許七味粉，味道加埋左口魚邊的油香又好夾喎。.鵝肝壽司 ($40)寶寶點左一件鵝肝壽司，食完要再echo。鵝肝好香，一點都會老唔會苦，咬落油香很濃。.磯煮鮑魚壽司 ($44)大大粒原隻鮑魚，好易咬開。.海膽軍艦 ($44)一點都唔腥唔苦，夠晒鮮味。.鹽燒厚切牛舌串 ($38)牛舌本身加左少少鹽黎燒已經

路經旺角，想食日本野，抬頭就望到呢間日式居酒屋，相當顯眼🤣當日紅日夜晚7點到達餐廳，等左一張枱就到我地，仲被安排坐靠窗卡位😎座位好闊落，坐得好舒適！🌟三文魚刺身10片 $68餐廳有張menus有特價菜式，價錢相當實惠！三文魚刺身10片先$68🤣🤣雖然唔算好大片，但刺身都新鮮，好食，價錢又實惠！值得encore!!!!😝除此之外，餐廳有晚市大割引！每星期每日都有唔同特價產品，今次我就試左逢星期三😋🌟珍寶牛肉壽喜燒$68超級抵食啊真係！細細煲，但就十分足料！兩個人食係食唔曬架！牛肉都多，好鮮味，配埋壽喜燒，簡直係鮮甜🥹！仲有我最愛嘅金菇！🌟將王燒皇帝蟹棒壽司$18🌟火炙黑松露帶子壽司$18🌟花之戀$40 壽司就試左3款，都係普通壽司，好好食！壽司飯唔會好淋好濕，係新鮮嘅米飯！帶子同三文魚依舊新鮮好食😋🌟炸雞軟骨 $48普通雞軟骨🫣🫣略嫌太油！🌟章魚小丸子小丸子真係唔值得試…好粉…章魚好細細細細細粒….唔咬出來望，差啲以為無章魚🥶🥶

一句話：原來label咗係日式拉麵就可以賣60蚊以上。除咗面底，湯無湯味，溏心蛋又唔溏心，如果唔係附近無日式拉麵店，我寧願選擇味千拉麵。如果店主有心想要經營好，麻煩認真研究日式拉麵再賣過！