大山日本料理

營業中

休息中

平日GE假期約吾到人自己一個人係旺角四圍逛街行到有D累又有D餓見月頭出左糧所以心諗搵間日本野食下最後選擇左旺角勇者塔對面呢間大山日本野裝修得好有特色好多日系燈籠同埋旗＊窒津生蠔口感爽身，淡淡GE海水味又鮮甜，蠔味比較重比想像中大隻好多＊德島雞皮餃子吾係好多地方有雞皮餃子，而個人好鍾意食雞皮串燒，被吸引下來雞皮好薄炸到好脆，咬落去好多汁，入面包住豬肉同蘆筍（估計）＊原條海鰻壽司原條海鰻有成8寸長鰻魚汁味道突出似食刺身多過係壽司＊三文魚海膽飯三文魚紋路清晰入口即溶海膽似馬糞海膽入口軟滑即溶，鮮甜又有少少啖啖海水味，不腥仲有個味增湯送以為平平無奇同出面一樣點知個味增湯入面有三文魚骨所以比出面多左份鮮味下次可以再約朋友試佢個壽喜燒

話説朋友生日想食鰻魚飯預早一星期預約了呢間”好評”較多的日本餐廳當晚準時到達時已滿座，而其中一位男店員說”好快有位”，但我們等了十多分鐘都無位，原來有些book了枱的客人都因為店員並無”reserved”而給那些預早walk-in的客人先入座，咁所以book枱的意義是？？！！最離譜是店員的態度，本人明天做服務行業不容易，但顧客只是想有合理的處理手法，如果當晚係太多人，其實可以講: 唔好意思，今晚比較多人，可能要等一等(幾張枱)！ 並不是説好快！下一張就到，怎料下一張枱又給了前一輪book了枱的客人..🤷🏻‍♂️ 其中有枱食客説他們book了位卻等了30分鐘才入座！也大誇張了！反正店員就是理直氣壯的態度:你鐘意就等，我哋好忙㗎！(其實份份工都忙㗎😅)Book枱就是為了不用等啊！如果是怕客人放飛機，可以説明只會留位10分鐘吧！最後，這間餐廳也算是中等價錢，但食物質素卻跟爭鮮一個level 鰻魚壽司的鰻魚薄過紙。。真的食元氣好過！本人第一次的食評就給這家餐廳破戒了(之前就算幾難吃，幾好吃都未寫過 哈)因為真希望他們有改進空間！！以免有顧客再受罪了！

好耐冇食過日本菜，今日同朋友行完街喺附近搵左呢間大山日本料理食晚餐。呢間日本餐廳裝修都唔錯，掛左一排排燈籠，好有和風style，最啱用黎打卡。鐵板牛油帶子，帶子好大隻，用牛油煎超級香，加少少檸檬汁帶出鮮味。豚肉泡菜鍋，泡菜好醒胃，豚肉爽嫩，最正係泡菜湯，飲左幾碗😆d湯嗦哂肉汁鮮味，小小辣，唔食得辣嘅我都食到！蒲燒鰻魚飯，鰻魚醬汁調味啱啱好，唔會太甜、太重口味遮左鰻魚鮮味，鰻魚幾肥美，油脂比例均衡，唔會太油膩。極上北海道帶子丼，呢個魚生飯超級正，有帶子、甜蝦、三文魚同三文魚子。帶子大大粒，好鮮甜；蝦刺身夠新鮮；仲有我最鍾意食嘅三文魚子，入口一咬即爆，用黎撈飯最正😋最後食埋件北海道芝士蛋糕非常滿足，蛋糕幾香滑，口感輕盈唔膩，做飯後甜品最啱！幾高質嘅日本餐廳，食材新鮮，價錢唔貴，值得推介！

 I recently had the pleasure of trying two of their signature dishes, and I must say, they left a lasting impression.Unagi Fried Rice:The Unagi Fried Rice at Da Shan is a delectable combination of flavors and textures. The perfectly grilled eel, known as unagi, is generously portioned and served on a bed of fragrant, fluffy rice. The eel is succulent and tender, with a slightly smoky and caramelized taste that adds depth to the dish. The rice is expertly fried, creating a delightful contrast of

以前出旺角一定係食放題但人大咗都想搵返啲靜靜地坐得舒服的餐廳喺兆萬對面就見到呢間大山居酒屋上到去比我預期中寬敞而且環境唔會十分嘈吵 好滿意唔係好肚餓嘅關係，主要叫咗卷物同爐端燒小食 同朋友傾吓計黑松露三文魚沙律作為開胃小食一流黑松露味好香 但仍然冇蓋過三文魚鮮味牛油果軟殼蟹卷 上菜時軟殼蟹仍然好脆 仲熱辣辣加埋卷物上面嘅牛油果 中和油膩感鰻魚卷卷物上面大大塊鰻魚 非常足料大推呢個牛舌串燒 好肯定係即叫即燒 外面燒到焦脆小小油脂感 咬入去仍然香嫩多汁鹽燒三文魚頭同樣燒到表面非常香脆 而且啖啖肉

價錢親民☺️好食😋 女朋友好中意食日本料理，喺open rice搵到呢間，跟住去夜晚去試。原本以為睇落高尚嘅居酒屋好貴，入到去其實唔係。 坐底叫咗希靈魚&三文魚刺身(4件)，珍寶牛肉壽喜燒，雞泡魚乾，鵝肝壽司。 員工好好，因為叫完野，啱啱落到枱嗰下之後，先發現個餐牌寫三文刺身 消費滿$200 就可以 +$68 點個10片 三文魚刺身，好食，又抵。 好似300定幾多 就無限加購。 另外個珍寶牛肉壽喜燒冇我失望👍👍👍 因為星期三做折，抵又好食😋個湯嘅味道剛剛好，唔太重。 值得推介一下如果想食刺身，又平靚正，呢間可以👍👍👍

同朋友去左旺角食日本野，呢間叫大山日本料理都吾錯，地方好方便，係上樓嘅又吾會好嘈，望住街景都幾舒服。我地2個女仔食左個豆腐沙律，夏天食真係好適合，食落很涼快，感覺清新又健康。之後點左鰻魚飯，帶子魚生飯同軟殼蟹手捲，先講鰻魚飯，鰻魚大大舊好肥美，而且又好味嘅醬汁，甜甜地好好味。帶子魚生飯，記得價錢吾貴，不過魚生超級新鮮，好鮮甜，都好大碗，食完會飽嘅。至於個軟殼蟹手捲，是即叫即整的，軟殼蟹熱辣辣即炸，很香脆又啖啖肉，仲食到蟹膏，好正啊，包住脆卜卜嘅紫菜，真係即上碟就要即食啊。最後食了日式芝士蛋糕，好味，芝士味濃郁 ，口感滑溜，一食歎忘，美好嘅一餐。

今晚約咗朋友我去旺角食嘢，之後我哋就去咗家樂坊附近一間叫大山上樓嘅日本料理度食。上到去裝修環境好有日本特色，環境佈置靚之餘，服務亦都好好！坐低又有大玻璃望到西洋菜街旺角嘅景觀，餐牌都多野食，點左個海膽手卷，嗰度嘅海膽手卷又新鮮，包得又紮實，好靚！另外又食咗個豆腐沙律，豆腐沙律配搭得好好，好似有啲中西合璧咁，容易入口，好適合夏天食。另外又叫咗一個泡菜豚肉鍋！啲豚肉好軟熟，個湯底都好好味！主食就點左魚生飯，個魚生飯係三色，有吞拿魚，比目魚，三文魚。每種魚生都好新鮮！厚切，魚嘅脂肪肥美，入囗即溶，口感十分之好！飯亦都配搭，值得一試！價錢仲超值。最後叫埋個芝士蛋糕，依個芝士蛋糕真係好有日本嘅味道，同一般出面食嘅芝士蛋糕唔同，佢好重日本那種香濃嘅牛奶味，好似日本食嘅感覺，仲好香滑軟身，全部野食都好好食！

去旺角如果有人問我食邊間日本野，我一定會介紹大山日本料理。呢間大生日本料理，地方又大又舒服，地理位置又方便，油麻地同旺角之間嘅西洋菜街，最緊要就係價錢合理，而且食物款式好多，裝修又靚， 就算食野同打卡，服務都一流架。我點咗個鰻魚飯，三色魚魚生飯，鐵板牛油帶子，豚肉泡菜鍋，同2杯飲品，乳酸梳打同凍檸檬可樂。先上的是鐵板帶子，超好食啊，吾會太乾因為佢加了少少菇做配菜仲有少少菇汁，好香好味啊。之後豚肉泡菜鍋都好正，辣度岩岩好，非常惹味，份量都好多，4人分享都可以，熱辣辣好正啊。之後三色魚生飯，份量都多，食到好飽，而且刺身鮮甜美味，記得最正係價錢又吾貴，才幾十元，仲要跟湯同飲品，真係超值。鰻魚飯上碟已非常吸引，鰻魚勁大條，已經醬汁都調得好好味，飯不只白飯，仲配上蛋絲，增加口感，鰻魚又肥美，好好味啊，記得都係好平，不用100元。整體都非常滿意，店員服務都好好，真係平靚正嘅日本料理餐廳，少有啊。

食過兩次，第一次4月尾去食過晚餐，座位闊落，兩個人叫左一盤刺身，雞軟骨，卷物，幾款壽司。第二次試午餐，兩個人一人一個丼，帶子＆海鮮丼，有味噌湯，沙律同一個泡芙。個湯有驚喜，有三文魚煲架😱又唔會死咸，好足料！呢間食肆用料新鮮，價錢又唔貴，又坐得舒服，重點係唔會趕你走😂👍

樓上鋪一般較難揾, 走在行人路上好容易會MISS入口, 這家餐館入口在紅豆冰室的旁邊, 升降機直上二樓, 要注意升降機空間細, 僅容6人左右, 人多可能要分開兩轉。餐廰每天有一款食品做特惠推廣,  千萬不要錯過, 我們當天特價是鯛魚及三文魚刺身, 肉質鮮嫰, 口感極佳。火炙壽司每件只是$8, 也有多款選擇, 我們點了十多件, 極之抵食。一客炸蝦天婦羅共有四件, 蝦夠新鮮彈牙, 天婦羅粉漿比例適中, 炸後夠鬆脆。 另外, 我們每個人再點了一客自己食用的飯面作飽肚用, 我點了鰻魚炒飯, 但味道令我失望。首先, 炒飯首要條件是要炒得夠乾身, 珍珠米飯本身較濕身軟腍, 如何把它炒乾身是廚師功力。鰻魚的份量太少, 切得又薄, 整碟炒飯只吃到鼓油味。 

約左fd 喺附近行街，諗住是但搵間餐廳食飯，但fd又想食日本野，唯有網上睇下附近有咩日本餐廳，咁岩樓上就有一間就入左去。食完我地都覺得呢餐都幾好食，有驚喜！環境幾有日本風，最緊要係乾淨企理，仲要店員服務態度非常好，介紹我地有乜好食。因為唔係好餓，我地散叫小食為主，炸雞好嫩滑香脆，加埋多蔥沙律醬，正！鰻魚炒飯唔會太咸，有大舊鰻魚粒。啲珍珠飯粒粒分明。海鮮沙律都唔錯，想食吓魚生，又想食吓蔬菜之選。呢個月見雞肉串係店員推介，好好食！同我喺日本食一樣味。將雞蛋同醬油先打散，再將雞肉串點呢個雞蛋汁，堅正！日本旅行回憶返哂黎。今次我地兩個都唔係好肚餓就冇叫好多野，隔離枱叫左鐵板牛排，睇落好正，下次會想試下

與朋友晚餐，想食日本茶又唔想太heavy，見好評幾多，就黎呢度試試平日差唔多7點到，餐廳唔算太多人，餐廳地方闊落，坐位都坐得舒適，侍應都好有禮貌，主動推介有啲咩菜式啱我哋，感覺幾好，都見到有幾枱人數多既客，相信人多聚會都適合👍整體來講，食物質素都唔錯，主要係食左熱食，冷盤同壽司睇隔籬枱都好似幾好食，上菜好快，唔使點等。兩個女仔唔太餓，只係叫左幾款食物，沙律同串燒都ok, 份量岩岩好唔怕浪費食物。下次有機會可以試埋店員推介既牛柳粒😆

大山日本料理 旺角西洋菜南街2W-2X號2樓一入去餐廳 一定會聽到用日文同你講歡迎光臨旺角鬧市中既一間富有和風味道 餐廳簡潔、清淡和天然味道，講究調味的平衡和色彩的搭配，營造出一種優雅食慾體驗地方夠大 迎合唔同需要 長枱長吧任君選擇加州卷口感豐富，色彩繽紛 沙律醬必不可少 卷物當中最老少咸宜和風蟹籽海膽炒飯口感鮮美，風味獨特 因為 廚師想凸顯出海膽鮮味，所以味道會淡少少按個人喜好加入適量的鹽和胡椒調味照燒雞扒在烤盤上烤至金黃色，再淋上照燒醬，裝飾一些芝麻雞扒雖是主角 但照燒醬既甜味才是精華所在

放工約朋友撐枱腳，揀左兆萬對面嘅日本料理。餐廳從裝潢到味道都不馬虎，掛滿燈籠、旗幟同風鈴，就有如身在日本🇯🇵菜單選項很多，壽司刺身、丼飯、燒物任君選擇～刺身拼盤（松）💰248拼盤包括赤蝦（2隻）、吞拿魚（3片）、三文魚腩（3片）、油甘魚（3片）、海膽（半板）。刺身新鮮沒有魚腥味，加上入口即化～ 海膽相當鮮甜😋😋 果然無嗌錯hehe和風炸雞💰58呢個我好中意🤣 岩岩炸起熱辣辣，皮脆又唔油膩，肉質好嫩滑！有埋沙律醬更加好味🤤雜錦天婦羅💰68外面只用了薄薄一層麵衣，所以唔會好油。沾上天婦羅醬汁另一種層次。月見免治雞肉棒串💰38食落口感豐富，雞肉軟綿又可以食到粒粒雞軟骨。點埋日本生蛋黃更加順滑🫢A5和牛串燒💰58和牛燒到好靚好香，肉質嫩滑有彈性，入口十分juicy。蟹籽海膽炒飯💰128將蟹籽同海膽平均撈勻，令每一啖都食到2者嘅鮮味，炒飯粒粒分明，好惹味好滿足🤤另外值得一提嘅係店員好友善，會推介菜式比我地😆