大安茶冰廳

營業中

休息中

平時成日睇Sam and Victor 嘅YouTube 片都會見到佢地成日會去大安茶冰廳度食野,所以上個星期六趁🈶️時間就同媽咪一齊去試下👅食tea知道大安茶冰廳係由一間懷舊嘅茶餐廳易手轉型為Cafe, 所以係出面見到啲招牌同鋪面都keep住原有嘅樣貌,而且入到去啲格局都仲保留返懷舊嘅裝修風格,所以如果鍾意懷舊老香港茶餐廳文化,我覺得都幾值得黎飲杯野食個tea我地叫左一杯 Iced Matcha Latte (HK$46) 🍵同埋一杯 Hot Latte (HK$38)☕️,杯Matcha Latte唔會話太澀口,而且甜度適中,味道唔錯,而杯Latte就好夠熱而且奶味夠濃我地之後仲叫多左個檸茶曲奇(HK$36) share 黎食 🍋🍪, 檸茶曲奇個口味幾特別,有檸檬乾係入面,好有口感幾得意📍油麻地廣東道830號地下

今日去左位於油麻地嘅大安茶冰室！入到去見到懷舊嘅味道，翻新左嘅質素！係到諗，影相/食野都好岩feel!打開menu , 3點3下午茶，野食價錢偏貴，都想試下！因為係心機餐牌黎叫左菠蘿油芝士蛋 + 青檸蜜糖水 菠蘿油 本身係好吸引 ，皮脆牛油勁香！煎蛋配芝士🧀️呢個組合 根本係冇得輸㗎😀蛋邊又脆卜卜，配上菠蘿油嘅鬆脆，簡直係極品呀！ 中間夾左啲沙律菜，唔會覺得好漏！推介青檸蜜糖水同平時叫嘅有咩唔同呢？就係多左份 青檸香，真係好正，好清新，飲完成個日好fresh , 唔似平時檸檬有苦澀味配上蜜糖，清清甜甜，好開胃🤤

已經去過大安幾次啦，係公司嘅小夥伴介紹的，第一次認識佢哋嘅咖啡，同埋特色蛋撻，就喺PMQ某日的一個咖啡Market。喜歡老闆同佢哋同事對張本地特色茶餐廳文化，融入新式cafe元素。大安裝修有一點懷舊風，都係有好多年青人打卡的好去處🤳🏻值得推介，就係佢哋嘅蛋撻餐，特色蛋撻，配一杯飲品，休閒下午，享受人生，吹吓水，亦可以減壓。另外還喜愛大安播嘅音樂，都係好聽的時代流行曲，座位，空間感非常好，有好多卡位。咖啡師，拉花其實好好，每一次都拉到複雜嘅圖案。如果要講一下可以進步嘅空間，可能係員工服務態度可以親切一點，洗手間洗手嘅水龍頭，按一下，就有自動水流出就比較衛生了。

本身被佢嘅「舊式茶餐廳改裝成Cafe」吸引，的確餐廳環幾靚幾特別，但招呼令人感覺好差... 我地一行三人買完杯外賣咖啡（Iced Americano $36, 凍檸啡 $42, Mint Mocha $48）係收銀隔離等咗一陣，個員工就叫我地出去等… 當時鋪面八成吉位，嫌我地阻埞都可以俾少少禮貌叫我地坐低等掛，又冇寫明外賣係出面等，大佬出面體感成40度，最後仲要等咗十五分鐘... 杯咖啡驚天動地都話算數呀，但味道普通，americano就淡、檸啡就咸、mint mocha就太甜，份量細杯到十啖就飲得完，性價比勁低...本身見佢啲撻同曲奇都幾特別想再嚟試，但我諗就唔會再有下次了

朝早10點行過幫襯一杯外賣熱肥威，見未有客人但就開左舖。有一男係水吧，一女收銀加沖啡，杯咖啡無咩特別，女收銀鞋口鞋面收左$38，野食一件都無供應。見餐牌野食至少$50up既茶點，唔好以為係全統茶餐廳有得食常餐午餐，只係得舊外殼翻新既一間cafe。

朋友係大安茶餐廳對面住過幾年，今日特登同佢翻來油尖旺閒逛下，甘啱見到大安轉左手，轉變成一間fusion茶餐廳，就過來試下。餐廳保留冰室既設計，一磚一瓦都無動搖過。拎左一個檸茶曲奇兩份share,幾有趣既味道。其實佢餐牌上面既食物都好唔傳統，應該餐廳係想行新舊路線，新型既食物，舊式既裝橫。個曲奇係有檸檬粒，再加左啲chia seed? 每一啖都好有咬感，而且大大個，食完都幾飽肚。另外嗌左個主菜bagel,呢個就相對一般般，本身想嗌toast,不過賣哂。最後嗌左杯啡立刻，上面有拉花，咖啡味濃，無俾奶味蓋過，推介。建議大家早少少來，我地12點到都要等陣位先可以就座。

一間成功將舊式茶餐廳保留兼翻新得有型有格嘅小店。由保留裝修，用嘅餐枱、餐具，以至侍應嘅服飾都一一配合到，極力讚賞！奶醬格仔餅配雪糕筒 ($72)• 當日用蛋捲取代咗雪糕筒。• 每塊格仔餅中間都搽咗一層花生醬，四塊疊起再喺上面唧有忌廉同灑花生碎，再喺周圍同雪糕頂摻咗啲五顏六色嘅糖粒，賣相幾有心思。• 可以按自己喜好喺上面倒入煉奶，令格仔餅又咸又甜，極之邪惡。• 格仔餅夠蛋香，不過外層更加香脆啲會更好。有汽檸茶 (閣樓釀造, $52)• 味道清新，檸檬酸幾突出，不過不失，略嫌貴咗啲。

菜式構思既熟悉又帶新穎，會用泡芙替代麵包，蛋撻上碟時灑上焦糖脆脆之外也有加入焦糖醬。創新之餘也不會放棄傳統味道，這是值得欣賞的地方，感謝有心人保留這些老香港的回憶。

突然掛住佢既撻 平日唔太多人 可以慢慢享受➤ 常餐𝔸 - 蜜糖叉燒太陽蛋蔥油撈麵➤ 港式奶茶流心蛋撻- ‼️一定要熱上 焦糖煉奶醬更加流心😋😋😋‼️☕️ Espresso Tonic_📍#foodtify油麻地📍#foodtify九龍📍#foodtify茶記

📍大安茶冰廳滿滿懷舊風的咖啡廳真的很吸引～🙆🏻‍♀️一直放於口袋名單✅ 趁前陣子比較空閒 終於可以去試一試! 餐廳上年轉手後 轉型為精品咖啡廳 沿用懷舊卡座裝修 保留咗香港冰室風貌 同時加入不少創新元素😻 提供多款Fusion輕食 尾比高 檸茶曲奇 杏霜卷蛋 酒香白朱菠蘿包等 由菜式名到配搭都感受到新舊融合嘅創意🌀 蛋撻餐 (套餐均附送$38以下的飲品) 配 肥威大概5點到達餐廳 招牌焦糖蛋撻已經賣晒啦😥我就揀咗鴛鴦蛋撻 蛋撻上枱微暖 撻皮烘得鬆脆 做到三層layer 咖啡味較濃 蛋味不明顯 但食落有少流心效果 而且口感滑溜 比預期做得出色～肥威Flat White 拉花好靚 啡味幾重!❤️🌀檸茶曲奇曲奇口感比較鬆散同硬身 紅茶落得一點也不吝惜 茶香頗重加咗檸檬果乾同果皮 食落甜中帶甘 但完全唔係港式檸茶嘅味道 口味唔算大眾化🌀朱古力瀑布紅豆蛋糕情人節限定打卡蛋糕🙆🏻‍♀️ 面層奶蓋做到瀑布效果 潵上朱古力粉 賣相很不錯😻 奶香濃郁 但蛋糕質感好乾身 同紅豆亦都唔算好夾 下次反而會想叫多個蛋撻🙈

呢間店保留咗舊式冰室嘅裝修，換咗啲新派食物，幾有gimmick。我同朋友主要係想去食甜品，所以主菜冇試。三款入面覺得最驚喜係個菠蘿泡芙，酸酸甜少少脆。杏霜卷蛋冇我哋想像中咁好味，可能因為唔係好夠杏仁味。檸茶曲奇就唔係好食得出係檸茶味😅抹茶latte就正常，奶味比較多

年初三。赤口🧧傳統係唔去拜年。。好多想去嘅ᑕᗩᖴE又未開。。難得可以靜靜地嘅留喺屋企啦👍🏼👍🏼早前就去咗間茶餐廳。。佢係一個傳統嘅裝修。。但經過一班年青人嘅改造。。變咗一間外表係茶餐廳嘅冰室。。入邊就係新潮嘅ᑕᗩᖴE。。佢有好多特別嘅甜點之外。。仲有佢啲例牌茶記嘅嘢食都改造咗。。通常改造咗嘅嘢食大家都驚驚地唔敢試新嘢。。但原來又唔係架喎。。佢啲嘢食樣樣都好好食喎。。我就最鍾意佢啲甜品。。佢啲撻件件都好特別。。仲要好好味😋仲有佢啲茶嘅嘢食。。大大份好有特色👍🏼👍🏼我嗰日兩個人去。。結果食淨左啲。。舖頭太多好味嘅嘢食都試唔晒。。臨走我仲叫咗半打檸茶曲奇攞返屋企食😋😋等外賣嗰陣。。仲俾我見到有個細小小嘅雪櫃仔。。入面放咗我最鍾意食嘅TIᖇᗩᗰISᑌ。。我就最後悔冇叫呢一個😏佢好似呢就係初四開門嘅。。記得今日唔好去啦😏..🍪檸茶曲奇🧁蘿柚泡芙🍰鴛鴦卷蛋🍝公司燴通粉🥚五香肉丁滑蛋花生醬多士🍵ᗰᗩTᑕᕼᗩ ᒪᗩTTE..📍 大安茶冰廳 (油麻地)油麻地廣東道830號地舖.

18-12-2022( Sun)晏晝同老公帶女友人HJJ出旺角整手機,整完就食下午茶,老公話再嚟前一日食過嘅呢間.我哋去到,啱啱有最後一張卡位,今次要咗:3. $28.00嘅椰絲蛋糕拎到嚟睇,面上白雪雪嘅忌廉幾厚,食落,忌廉似有用魚膠粉凝固,口感好滑,下面嘅椰絲蛋糕鬆軟,亦唔太甜.味道:3.5分2. $38.00嘅熱青檸蜜呢個老公飲嘅,味道比普通檸蜜清啲好味啲.味道:5分5. 再嚟$58.00嘅蛋撻餐中飲品,加差價$4.00嘅泡泡樂英文喺Cokeccino,即係用可樂整啦,嚟到睇到,由於密度唔同,所以杯嘢分咗三層,面層係泡沫,中間係咖啡,最底係可樂,店員叫我飲咗半杯至加埋可樂,我飲咗一兩啖,就用茶匙攪勻,點知就瀉咗出嚟,而呢杯咖啡味淡唔係太甘苦,啱我本身怕咖啡苦嘅人.可惜嘅係,我飲唔到咖啡撈可樂嘅味道.味道:4分4. $42.00嘅熱抹茶鮮奶係HJJ飲嘅,佢讚唔太甜,叫我哋試吓,嗯,係唔太甜,抹茶味亦啱啱好.味道:5分6. 今次蛋撻就要鴛鴦味切開睇,好流心,食吓先,流落嚟嘅液體好甜,係鍊奶,而咖啡味係食得出嘅,不過真係好甜,適合飲啖甘嘅茶嚟送.味道:2分1. $72.00嘅西檸雞牛油檸

終於有機會試到呢間人氣懷舊冰廳, 一間由舊冰廳改建成café, 保留咗唔少傳統冰室嘅卡位, 天花吊扇, 招牌, 掛鐘, 蛋糕櫃等裝修♥️▫️COFFEE NOW啡立刻 ($44)呢度Signature既飲品-啡立刻☕️即係咖啡+好立克+ oatmilk意外地好立克咖啡兩樣嘢非常match, 第一啖飲咖啡味比較出, 好香又夠濃, 一路都飲到有好立克味而且仲有d胚芽☺️▫️DIRTY 髒啡 ($40)$40有點細☕️帶果香味, 味道頗濃👍🏻咖啡同奶融合得較快,幼滑順口😋

17-12-2022 ( Sat)晏晝同老公去旺角攞嘢前食個早tea先,我哋揀嚟呢間,入到去重有卡位坐,睇完menu,決定要:3. $58.00嘅蛋撻餐揀咗抹茶紅豆麻糬,size適中,切開睇,係流心嘅,食落味道唔太甜紅豆喺晒底,脆蛋皮係朱古力味,唔錯.味道:4.5分1. $52.00嘅脆炸蛋牛卷一客兩條,一條已經切開,見到雞蛋唔係好多,外脆味道正常.味道:3分4. $58.00嘅蛋撻餐中,補差價$4.00嘅熱肥妹即係熱朱古力,呢個有拉花,味道唔太甜又唔heavy,好好.味道:5分2. $48.00嘅凍薄荷朱啡即係薄荷mocha,簡單一杯嘢賣相都幾靚,飲落,似飲薄荷朱古力,味道溫和.味道:5分5. 後加$48.00嘅聖誕限定版雜莓抹茶戚風蛋糕都等咗幾耐至到,蛋糕鬆軟,感覺輕盈,抹茶味唔太濃,亦都係舒服.味道:5分環境:凳同枱之間嘅距離有少少窄,所以4.5分.抵食係2.5分其他:原來呢嘅嘅撻全部都流心.每張枱都有一本介紹香港地方嘅書.