大安茶冰廳

大安茶冰廳位於果欄隔離 日頭係茶餐廳 夜晚就由五味雜陳打理 主打港式風味cocktail Cocktail 主要分兩系列 分別係涼茶系列 例如五花茶 咸柑桔 廿四味另外就係港式茶記飲品系列 例如 凍檸賓 凍菜蜜每款都好有香港特色 如果有朋友係外國番來 最岩帶佢地來一試真正既香港味道 👅 ✨五花茶 $130飲落酒味唔算太濃 係用Gin酒作基底 五花茶亦唔會太甜 甘甘地 garnish 係一朵菊花 🌼 所涼茶雞尾酒都係用飯碗來裝 用來打卡一流 📷✨凍菜蜜 凍菜蜜飲落先有青瓜同檸檬既清爽 再加上蜜糖既清甜 甜而不腻 非常易入口 🤍 …查看更多

食物：🔹 西檸雞牛油檸檬汁意粉 $88一上枱嗰下比塊雞扒嚇親🤣無諗過係咁大塊！酸酸地嘅檸檬汁都好開胃係一個好有趣嘅配搭👍🏻🔹 經典焦糖流心蛋撻 $28 依個撻比平時嘅蛋撻大🤤雖然佢只係微暖 唔係熱辣辣新鮮出爐 但佢都有流心嘅焦糖汁蛋味濃郁+有分量(真係好邪惡😈！）環境：牆身、餐枱、凳都係走懷舊路線💡好似番左去以前嘅舊式茶餐廳咁🇭🇰注意：‼️只收現金‼️‼️餐廳有最低消費（每人一杯飲品/一個蛋撻）‼️…查看更多

兩款蛋挞真係睇見都流晒口水！先講抹茶蛋挞：個抹茶餡夠晒濃郁，仲帶住少少甘香，咬落仲有流心芝士同紅豆粒，軟綿綿嘅口感夾埋酥脆嘅朱古力撻底，甜得來又唔會膩，抹茶控一定鍾意！至於焙茶蛋挞：色水雖然深啲，但焙茶個香氣好醇厚，流心部分更creamy，帶住陣陣焙茶嘅焦香，撻底同抹茶款一樣脆口，味道比抹茶更沉穩，鍾意濃郁茶味嘅朋友會愛上～兩款都各有特色，邊個都唔輸蝕，食完真係想再encore！…查看更多

去果欄前喺附近搵間坐得舒服既茶記坐低食啲野，呢間平日好多遊客，今日12:30嚟到，唔洗等直入。叫左個义燒煎蛋蔥油撈麵，味道還可以，不過太油，蔥唔夠香，煎蛋乾脆，唔係流心蛋，幸好义燒夠軟腍有味。鮮奶咖啡唔錯，始終都係佢地既賣點，穩定野。環境乾淨，裝修以懷舊風格設計，呢種冰廳冇幾多間，加上餐單中西合璧，都幾吸引。價錢略高，我本地人都要當自己係遊客先捨得入嚟食义麵。服務態度年青化，醒醒目目的服務員，不打擾食客，不吹速落單。建議價錢略微下調配合一下 《下調中的市道》會更好。…查看更多

🔔大安茶冰廳🔔呢間位於油麻地嘅冰廳，佢係將懷舊同現代化合併而成嘅，懷舊嘅裝修再加上新穎嘅菜式，吸引咗好多人嚟打卡😍，就連旅客都開始越來越多，其實佢已經開咗一段時間，今次都係第一次嚟打卡，我哋就叫咗兩個午餐仲可以配$40以下飲品🍝蜜糖叉燒太陽蛋蔥油撈麵 $90 :喺一度好經典嘅菜式，不過就有啲失望，叉燒太瘦，完全冇乜脂肪😩，變咗食落有啲乾柴，色澤又唔夠靚，完全唔係傳統應有嘅叉燒😩，蔥油撈麵就普普通通，蔥油又唔算好香嗰隻😩🍔芥末手撕雞漢堡配薯條$96 :呢個漢堡都係有啲失望，首先裏面嘅配料相當普通，基本上自己喺屋企整都整到，芥末醬偏小😩，手撕雞並唔係真係出面食開嘅嗰隻，佢係將雞肉切成條狀再配啲青瓜碎就係，完全冇誠意🤷🏻‍♀️🍰焙茶黑糖麻糬蛋撻 $28:最後叫多咗一個蛋撻，套餐加$20就可以食到，係值得一讚嘅，佢將普通茶餐廳嘅蛋撻演變成唔同味道裏面再有夾心嘅麻糬蛋撻🤩，味道都幾濃郁😋，切開層次都好分明，仲有唔同嘅味添，同埋賣晒就冇嫁啦…查看更多