大堂酒廊

營業中

休息中

最近減肥 每次食野落肚都要三思 唔想浪費quota朝早做完運動之後 element到會合屋企人就黎食個下午茶由於已經去過cafe 103幾次 想轉下環境所以今次選擇去佢樓下既lounge and bar坐電梯直上103/F然後坐返條短既扶手電梯落一層職員比左落地玻璃台位我地個景真係無敵 望住維港感嘆～其實香港真係好靚starter黎到我自己design左個arrangement當日有d曬 影完相就調左位第一層係鹹點 第二三層係甜點鹹點好味 但缺乏精緻感造型好可愛既蛋糕朱古力味甜品還好 其他味道甜點整得太甜 勝在外型可愛反而係scone比到驚喜我奶油味好重 我好鍾意總括黎講 食物中上 環境無敵價錢適中 服務態度非常好下次等我想望海既時候會再黎幫襯

嚟過好多次最鍾意呢度嘅salad buffet lunch! 二百幾蚊嘅價錢淨係環境都已經抵晒，仲要有咁新鮮嘅食材，好味又健康，如果可以日日都想過海嚟。佢哋嘅蘑菇湯好濃郁，好新鮮，配埋麵包同牛油，我飲咗兩大碗。其實有湯，麵包，沙律，熱食，甜品，水果，係唔使驚會唔夠飽，如果驚唔夠飽仲可以加個main course，性價比非常高。Salad bar有好多材料俾你自己揀，揀完之後會有人幫你mix。因為我係牛油果怪所以其實我好希望佢哋以後會加入牛油果。熱食方面每次都會唔同今次係risotto，味道都好好。雖然而家加咗價但係我都仲係覺得好抵，會keep住去！

全香港最高嘅大廈，位於尖沙咀ICC頂層嘅麗斯卡爾頓酒店，今日揀咗去佢嘅大堂酒廊度食下午茶，黎都ICC當然醉翁之意不在酒，今日係去睇景嘅不過可惜今日天氣欠佳有少少雨粉，影相去麻麻地！我哋兩個人嗌咗Tea set for one同一份公司三文治，份量都幾多，三文治仲跟埋薯條。公司三文治入邊加咗牛油果，幾中意呢個配撘，薯條份量夠多 如果再粗身少少更好食！下午茶方面，如果鹹點比例高少少會更好，但佢嘅甜點大部分都好食，唔會過甜！加上餐廳望到咁靚嘅海景乜都值回票價啦

依度啲裝修唔係好靚懶貴氣嘅裝飾燈有啲賭場feel感覺不舒服個景唯一賣點係夠高但係窗邊位啲位安排得唔好有柱位阻住個景個柱又要係鏡子來的🧐有人想望住自己的樣食飯嗎😖所以我轉左去後面啲梳化位，貪佢冇乜人但係個感覺唔係幾乾淨服務普通啦，好似去咗樓下間茶樓咁唔會覺得warm啲嘢食OK的帶咗Apple pie同埋blue chai latte 唔會想再黎

今天跟好友慶祝生日，朋友選擇了這間餐廳。這晚餐廳人很少，只有四至五台客人。我們坐在窗邊，由6:30pm坐到10pm, 欣賞着窗外的美景，實在很寫意。食物方面，我們沒有點dinner set, 從主餐牌裏點了Buffalo wings，和牛漢堡，和chicken breast pasta。黃和牛漢堡加上姜一起吃味道不錯。可能我怕辣，Buffalo wings對我來說實在太辣了。Pasta味道則太淡。最有驚喜的是甜品，我預先跟餐廳安排了一個生日牌，從餐牌裏點了一件蛋糕。想不到餐廳竟然多送我們幾件甜品，賣相也很吸引。總括而言，這裏的食物一般，但勝在環境一流，服務又好，確實是聊天的好地方。

平日唔食早餐嘅我，有朋自遠方來住Ritz carlton,仲要酒店包咗早餐，佢咁有誠意約埋我陪佢去食，我仲有咩藉口唔出現？🤣早上8:00，可惜當日太大霧，窗外一片白濛濛看不到任何風景🤷🏻‍♀️幸好有豐富美食搭夠！呢度嘅早餐真係非常豐富，有各國美食😍尤其西式嘅包點，款款都好精美又吸引，而且選擇超多影唔晒！還有節錄一啲我食過嘅同大家分享一下😏我最愛嘅水果酥😍見到上面嘅水果真係非常新鮮👍🏻鬆餅同麵包都有咁多款，真係不得了👍🏻估計係因為呢度比較多外國人入住吧！芝士都有咁多款選擇🤩有各種唔同嘅火腿同埋煙三文魚最特別係個新鮮蜂蜜，真係成個蜂巢箱喺你面前滴出嚟既！勁呀！👍🏻叫即製嘅新鮮奄列，配料都非常豐富好味👍🏻仲有幾款港式招牌中點心👍🏻就係咁享受咗個好豐富又美味嘅早餐💕

做完Spa都成10點，就落樓下食啲嘢，望住個海景食嘢都幾開心。餐包種類好多，唯一記得嘅係提子包好甜好好食。嗌咗杯特飲係侍應推介，有西柚，個人認為有啲苦。凱撒沙律配好多餸嘅煙三文魚，其實份量真係好多，沙律菜尚算新鮮，略嫌啲魚有啲熟，不過整體都唔錯。最尾，叫咗個藍莓芝士蛋糕配熱情果雪糕，雪糕酸酸甜甜都幾好味，但係蛋糕真係好膩，下次叫返啲冇咁heavy嘅甜品先。食唔晒個沙律都係要打包，但個環境真係好好，又夠晒靜，下次會再嚟。

來到Ritz Carlton 就是想居高臨下欣賞海景一邊享受afternoon tea，小妹1個月前已經預約好窗邊位置，如果預約不到只能排在候補門口已經有超巨型的水晶吊燈，盡顯氣勢！座位也很寬敞，很有私人空間感在窗邊的風景當然一流，可惜當日天氣不佳白濛濛沒有拍到很好的照片，感覺浪費了難得的窗邊位置「三層架下午茶」份量也滿多的，頂層是鹹點三文治，中層是甜點整體太甜，缺乏精緻感底層是英式鬆餅原味和提子乾味，全部也是不過不失，沒有太深刻的印象整體也是風景一流，但afternoon tea的水準就是平平，抱著欣賞美景的心情去就不會太過失望

It is so chill to chat and relax here with the stunning view. Since this week is Valentine’s Day, the menu changed!! There is a huge section of tea for the set and we finally chose Paris-Singapore tea and Choco-mint Truffle tea🤤It was a bit sad that the food and drinks arrived 45 minutes after ordering. If we had to return the table in two hours, it was a bit rush. The savory tasted very nice and my favorite dessert was the raspberry pave breton👇🏼The taste are rich enough with multiple different

位於ICC 102/F，Ritz Carlton酒店既其中一間餐廳，景色一定係其中一樣selling point!!!趁住老公生日，預約左窗口位，望住香港既夜景，睇埋幻彩詠香江，真係好好氣氛！一坐低就俾餐包，有2個款，配埋法國牛油俾你。不過講真，個餐包冇咩特別，仲有粉粉硬。龍蝦🦞湯，用料好足，飲落充滿龍蝦味，值得一試！waiter仲好細心幫我地分左2份，而且每份都好大碗！前菜—和牛漢堡。呢個超超超推薦！和牛上夾左酸薑，咬落既效果出奇地咁夾！酸酸地中和左和牛既油膩，令到整個漢堡食落既充滿牛肉既香氣、和牛既軟腍，卻又不會油膩！👍🏻👍🏻👍🏻👍🏻👍🏻主菜牛扒，配上rosemary薯條及烤菇。牛扒都係腍身重牛味！烤菇好juicy!中式地叫左鮑粒蝦仁炒飯，飯底炒得乾身，食落飯粒分明，係一個好既炒飯底，但配料未覺特出、唔覺特別鮮味。甜品可以幫你寫上祝福字句，望住香港🇭🇰切蛋糕的確好正！可惜朱古力蛋糕太膩，即使3個人食，都真係食約啖就唔想再食。或者唔叫朱古力蛋糕會比較好！

只談風景，不要談食物·嚟得呢度都係被佢個無敵海景吸引，之前食過103/F 嘅自助餐都覺得有水準，但估唔到102/F 食物嘅質素差距那麼大🙁·Carbonara 好淡，冇乜味，本身也不是食開重口味, 個賣相非常唔吸引，好似上菜前俾人撈過咁，完全唔似出自六星級酒店，普通一間cafe 的carbonara 整得仲出色，truffle mash photo 還可以，杯cafe latte 求其左少,連拉花都冇呢？😥 另外個橙酒朱古力蛋糕隔離個啲mixed berries 醬唔知想點，而個朱古力蛋糕也沒有太大的驚喜，味道算是正常，支蠟燭非常old school, 似係普通餅店用的呢？😕呢度嘅食物同價格完全不成正比，最失望就是連服務質素也未能達標，侍應只供下午茶餐牌，也不緊要，我們便叫侍應提供 ala carte menu , 但他/她只給我們食物menu ,飲品menu 又沒有提供，問了多次提供暖水也忘記了，這是六星級酒店的服務嗎？只可以講浪費左個景⋯ 😪

每次慶祝節日都搵間有景睇既餐廳，所以就去左呢間餐廳。102樓望落去既維港的確好靚，加上訂了8點鐘，有幻彩詠香江陪伴我地。近窗邊既檯會有一張L型既梳化，所以坐得好舒服。 我地叫左牛扒同三文治，可能因為我地掛住影相，三文治都凍左，而牛叫左3成，但其實煮出黎係5成，但味道很好，而且份量都幾大。唯一可以改善既係餐包如果是熱的比較好，有3款餐包，2款非常硬，1款偏軟但係凍的。 如果是下次再黎，我會選擇飲野傾計，因為佢地既cocktail同白酒好多選擇，同味道唔錯。

今日係我同老公嘅結婚2周年，特登嚟呢度試吓牛扒，果然冇令我地失望，我哋叫咗海鮮意粉同黑椒肉眼，呢度裝修好靚，環境亦都好有氣氛，我book 枱時講明要坐窗口位，所以一入到去就已經安排我哋坐窗口位，海景好靚如果日頭嚟應該會更加值回票價，我地夜晚7點到，睇到兩個鐘頭海景之後就因為大霧冇咗,但視覺上有海景食嘢都特別好味，同埋值得一讚呢度嘅服務非常之好，經理好主動問我地既需要，仲特登幫我地去打卡位影相👍🏻

Ritz Carlton酒店出名就係人都知，102樓嘅大堂酒廊，聽過人講環境同嘢食都好好，所以襯特別日子，同愛人一齊去撐檯腳。夜晚去環境好浪漫好舒服，記住一定要request坐窗口位，咁先可以望到維港美景嘆野食。我揀左T骨嘅steak set，另外仲有7款嘅配菜可以任refill，有蕃茄仔、薯蓉、薯條、茄子、沙律、芝士通心粉等，唔洗驚唔夠飽，塊扒好大塊好抵食，味道係掂嫁。同埋服務都好好，啲侍應好貼心。埋單$1000有找，真係性價比高！冇得輸！

女朋友生日，梗係要揀一間靚靚嘅餐廳比佢一個難忘嘅晚上。睇左好多地方最後我就決定揀Ritz Carlton呢個大堂酒廊，睇人Comment環境同嘢食都好好。可能係閒日嘅關係，上到去冇乜人，同包場冇分別。環境好舒適優雅，坐窗口位仲可以超靚角度望到維港景色，侍應都好好俾我哋揀位。我哋叫咗一個steak set, 叫左塊T骨，其他有幾兜仔配菜可以任refill。塊扒都夠大，兩個人都夠食有突。略嫌熟左少少，但味道係唔錯嘅。嗰幾兜仔配菜有薯條、沙律、芝士通心粉等等，細細兜可以喺佢凍哂之前就食完再去refill，都唔錯最後叫咗個甜品同女友吹蠟燭，但係生日牌寫漏左字，最後個經理為表歉意，free左個蛋糕，呢個係我估唔到嘅兩個人，咁嘅景色，好好嘅服務，唔錯嘅食物，埋單都唔算好貴，甚至可以話幾抵，可以再戰