大堂咖啡廳

營業中

休息中

早排睇YouTube見人介紹呢間，心思思想去食，適逢放假，就去試試佢個lunch去到嗰陣職員好快幫我哋安排好座位，坐低咗之後都好詳盡同好有禮貌介紹餐廳唔同嘅區域，同埋有啲咩包，有啲咩要喺Menu叫前菜種類有多，除咗沙律之外，仲有cold cut, 三文魚，壽司，點心…煙三文魚質素好好，唔會太鹹，肉質好好，唔會好似一般超市買嗰啲咁嚡口萵筍沙律同Cold cut 味道正常柚子醬醃三文魚好好味，刺身嘅三文魚配上柚子醬，好開胃，同時食到三文魚嘅油香湯有兩款，一中一西，自己就試咗蘑菇湯，好香蘑菇味，鍾意飲蘑菇嘅人一定會啱點心都唔錯，蝦餃皮薄，啲蝦好彈牙，我食到小朋友都食左5粒，馬拉糕好鬆軟主菜叫咗㗎魚同埋牛扒，魚個皮煎得好脆，入面好Juicy牛扒肉味好濃，上面嘅香草Butter都好香甜品雖然種類唔算多，但每樣嘢ge味道都好好，尤其係糖不甩同椰汁紅豆糕，糖不甩好軟糯椰汁紅豆糕個balance做得好好，食到紅豆味同椰汁味，唔會互相蓋過茶同咖啡係無限添飲，茶有twinings同陸羽呢間雖然食物種類唔算多，但每樣嘢都好精緻，職員嘅服務態度都好好，每個人都好主動，下次再嚟試吓佢夜晚

【灣仔合和酒店】大堂咖啡廳初春限定💁🏻‍♀️Semi Buffet半自助餐限時85折優惠💥🦀歎冰鎮海鮮 x ☕即磨咖啡 x 🍨Movenpick雪糕📍 地址：香港灣仔堅尼地道15號合和酒店19樓⏰ 推廣期：即日起至2025年4月30日（復活節假期4月18-21日除外）💡 優惠：惠顧任何自助餐或單點菜式即享85折______________________________初春味覺盛宴🌸港幣$318/位歎Semi Buffet半自助餐😋春風送爽，最啱同閨蜜、屋企人去合和酒店大堂咖啡廳👉🏻歎個高CP值半自助餐🔥頭盤至甜品超過50款中西美食任君選擇，冰鎮海鮮、沙律吧、點心、Movenpick雪糕全部無限任食👄而家仲有85折優惠，平均每位$270就食到酒店級盛宴，仲唔快啲book位🤩🤩______________________________🍽️ 推介必食：超豐富自助區逐樣睇🦐 冰鎮海鮮控至愛新鮮甘甜鱈花蟹腳、爽甜大蝦、肥美青口同海螺，仲有獨家醃製蝦花生，海鮮迷一定唔會失望！🥗 沙律吧升級！超過15款新鮮食材多達十款沙律菜，包括紅菜頭、鷹嘴豆、紅羽衣甘藍、綠沙湖生菜、羅馬生菜等，配以蜂蜜柚子醬/凱

早前試過最新開業的合和酒店中菜廳，今次同太太及相熟朋友又去了 Lobby Cafe。Lobby Cafe 並沒有正式的自助餐，晚上反而提供了半自助餐。晚上的Semi-Buffet CP值相當高，基本用餐只不過每位$318，就帶大家睇睇陣容吧！沙律吧DIY沙律有紅葉菜、九芽菜、 甘筍絲、羽衣甘藍、紅羽衣甘藍、車厘茄、綠珊瑚生菜、燒蘑菇及雜菜，仲有不同的醬料供大家自行調配自己的口味。蟹肉沙律是最受歡迎的菜色之一，蟹肉甜美而蔬菜新鮮，口感清新。另一道雞絲柚子沙律就好啱我口味，因為有柚子的芳香及微酸，真的好開胃。另外仲有泰式燒牛肉沙律及泰式鳳爪。頭盤自家醃製的紅菜頭醃三文魚及柚子三文魚配青蘋果香醋汁，油香滿滿，粉嫩的質感，倒也吃了不少。大路一點的有巴馬火腿、莎樂美腸以及雜錦芝士。雜錦壽司如果不想加錢點主菜，放心，一樣有澱粉質，壽司有八爪魚、熟蝦、三文魚及鰻魚等。另一邊有醃製蝦花生、漬車厘茄、燒彩椒及意大利青瓜，個人覺得漬車厘茄酸酸甜甜又多汁，加上早已褪皮，凍凍地食，又係醒胃菜。餐湯就算係湯都有中湯冬瓜薏米湯同南瓜忌廉湯。冬瓜湯好有家常湯感覺，而南瓜湯質感好滑溜，不錯，灑點胡椒粉仲正。中式點心畢

上個星期六難得有早收即同朋友一齊去食半自助晚餐！通常半自助餐都冇咩嘢食，估唔到又幾多選擇質素仲好唔錯㖭。我哋就係去咗合和酒店嘅大堂咖啡廳，呢間酒店今年先開我都係第一次嚟！原來地方都好大下而且啲位隔得幾開好闊落，喺度食飯真係幾舒服㗎。一行入去就有個自助飲品區！入面有熱水、冰茶同埋咖啡機鍾意飲咩自己搞掂，再行入啲係前菜頭盤區，入面擺咗好多唔同嘅沙律菜同配料，頭盤、壽司、熱食、餐包同埋餐湯。另一邊仲有個好乾淨企理開放式廚房！如果叫主菜嘅話廚師就會喺度即刻煮俾你食。呢邊可以話係海鮮區先有呢個麻醬蝦做前菜，然後就係四款嘅凍海鮮淨係見到雪花蟹腳已經覺得夠超值。鍾意食點心嘅呢度都有得俾你揀，有大大粒燒賣、生煎包同埋馬拉糕都好正喎。甜品區選擇唔係勁多但係質素係好唔錯㗎！另外一樣有任食雪糕仲要係大家都好鍾意嘅牌子，五款口味無限任食睇你有幾多power。同朋友夾手夾腳攞到一枱都係嘢食開心到爆！大家先開開心心一齊食自助區嘅美食。為食嘅我哋梗係要叫埋主菜嚟試啦！鍾意食牛嘅我加咗$150叫咗燒澳洲牛柳，點咗五成熟嚟到熟咗啲啲不過都仲係好粉嫩，食落去都好夠牛肉香味唔錯喎，配埋啲新鮮烤菜同埋薯蓉食得好鬼精緻。老婆大

早前介紹過兩間五星級酒店自助餐，今次稍為轉一轉主題，講半自助，相信會更適合胃口細但又想過自助餐癮的朋友。想講既係開業才數月的合和酒店，佢個半自助餐真心抵食，先同大家走一圈睇睇。各式冷盤Cold Cut、八爪魚薄片、柚子三文魚、紅菜頭醃漬三文魚及芝士等一應俱全，每樣吃一些作熱身就好。西式沙律，與及中式的涼菜如木耳海蜇等都幾清新，個人特別喜歡蟹肉沙律。冰鎮海鮮有凍蝦、蟹腳、海螺及青口四款，全部都好新鮮，其中的海螺最有驚喜，肉爽而不韌，味道鮮甜，本身不太好此品既我都覺得值得一嚐。也有數款壽司滿足香港人既慾望。熱食既有炸春卷、叉燒炒豆角、蜜糖雞翼及紅咖喱鴨等，另外仲有中西湯品供應，當中我較喜歡中式的栗子烏雞湯。估唔到晚上都食到點心，燒賣大大粒又飽滿，又有生煎包同埋馬拉糕，家陣年紀漸長，也愈來愈愛吃點心。當然仲有一系列的甜品，稍後介紹。如果你係細食既話，相信剛才所介紹、在自助吧枱上的食物，加埋甜品，已經可令你滿足。這樣的話，$318已經有交易。若然你想豐富啲吃埋主食既話，都只係需要加$100 至$200 (有八款可以選擇，視乎揀咩主食)。我既慢烤春雞卷只需加$100，份量很足，味道都合格以上。香

已經有些年紀的我食力確實不及年青時勇，所以近年已經比較少吃自助餐！不過近來吃了一頓非常超值的Semi Buffet很值得跟大家分享。餐廳正是今年才開幕Hopewell Hotel合和酒店內的Lobby Café，開幕時已經來過一次留下不錯的印象，這天就跟一班好友來品嚐半自助餐。甫踏進餐廳便是自助飲品區！設置了熱水、川寧茶包、冰茶、檸檬及自動咖啡機，全部也可以無限暢飲爽啊。自助餐任吃雪糕供應的是Mövenpick，而且還有五款口味是回本之選。甜品區竟然有我勁喜歡吃的糖不甩好開心喔！另外還有朱古力蛋糕、茉莉花茶白桃蛋白餅、椰汁紅豆糕、雜錦曲奇、牛油麵包布甸、山水豆腐花及新鮮切件水果。來到自助沙律吧選擇亦十分多！包括有蘿蔔、甘筍絲、紅菜頭、秋葵、車厘茄、鷹嘴豆、什錦甜椒、粟米及紅腰豆，另外還有大量不固款的新鮮沙律菜及汁醬，可以沙律自由炮製獨家個人大碟。冷盤前菜區則有柚子三文魚、紅菜頭醃漬三文魚、八爪魚薄片、巴馬火腿、莎樂美腸、巴馬臣芝士、瑞士艾曼托芝士、海蜇木耳沙律、三文魚沙律、蟹肉沙律及雞肉萵筍沙律。香口炸物則有素菜春卷及蜜糖雞翼，而亞洲風味熱葷則有叉燒炒豆角及紅咖喱鴨。接力還有多款精選餐

幾個月前見到網上有人介紹呢度，開場白係香港飲食業真係好大鑊，呢度完全冇人！佢去嗰時呢間酒店啱啱開，又無乜宣傳，佢食lunch，冇人其實都唔奇。星期六晚終於試咗。Semi buffet。睇你主菜食乜，$300~600都有。匯豐卡有85折。都係冇乜人！真係慘烈。但我就當然開心，因為唔嘈，啲嘢又可以放去隔離張櫈😂座位真係幾舒服，啲檯都闊落，同其他檯嘅距離都OK.自助餐部分算少嘢食。有壽司，冇刺身，冇凍海鮮。Salad bar 幾多選擇，最重要係都撈得好食嘅。甜品得西式得5款。中式得紅豆沙，但比較水。最失望係冇雪糕。不過啲生果好味！咖啡正。主菜就個牛扒就普通，個人覺得汁太多，如放一邊會好啲。韓式牛勒條原來唔係好多醬嗰隻，但啲醬做到幾好味，少辣同配飯，但啲牛比較肥，所以其實唔多肉食。總結：嘢食選擇唔多但質素Ok. 但坐得舒服兼冇乜人！我哋坐到差唔多九點九先走，冇人黎趕我哋。

今日帶左屋企人嚟合和新酒店到試lunch buffet佢地星期一至六個buffet同sun係唔同1-6有semi lunch buffet揀，價錢平d我地今次揀星期日brunch buffet，係任食的成人$688，長者/小朋友就$588酒店有做買3送1 or 揀85折唔同優惠唔清楚打電話去問就好d。呢到環境幾靚，空間感大，唔會好嘈座位坐得好舒服熱食都算多選擇，亦有湯粉揀中式有燒味，點心，蒸龍躉紅肉有齊牛扒同羊架，金沙骨，牛仔骨東南亞菜大路款都有，仲有烤薄餅食凍食海鮮刺身都正常沙律都有好幾款意粉類少，但有意大利飯甜品類西式cheese cake都有10款左右中式糖水印象好似係紅沙豆食到咁上下就落埋野飲了。呢餐食得好飽雖然款式冇好特別既主打菜但暫時呢到坐得好舒服，本地客人居多

昨天和家人慶祝元宵節，試咗這間新開張的酒店。過往去過好多酒店的自助餐，地方都會比較狹窄。而合和酒店就十分寬敞，環境唔錯，坐得好舒服。半自助餐來說，食物的花款唔算很多，一般沙律，前菜等都有供應。主菜選擇有很多款式，我們點了牛柳及羊架。廚房做的主菜就相當出色，食物質素好，生熟控制準確，煮得好食，是有心機的👍侍應服務亦都好好，唯一可惜就係甜品不是自助形式，在食完主菜後送上，但整得好好食，但係有啲吊癮。整體來說，十分開心的一頓晚餐，感到很滿意。

今天兩位老闆同我提早慶祝生日，揀了合和酒店內的大堂cafe,試吓它提供salad buffet($218/人），新張有85折，另外可加錢吃主食；我們只是點了3個salad buffet,但食品種類方面有些失望、選擇不多、壽司款式又少，有中西湯，味道非常一般，甜品是配給的，咖啡或茶則自己沖，但只得一個咖啡機，所以都要排隊；環境普通，服務尚算良好，試過就算吧！

新合和開咗，合和酒店🏨開埋，新合和商場🏬三樓有𨋢直達酒店🏨19樓大堂就係咖啡☕️廳，本身想星期四walk-in，點知full咗，book食星期一，都9成滿，menu可揀salad bar（$218） +/- 半份/一份主菜，有埋甜品🍮拼盤同任飲咖啡☕️茶。攞嘢食有cold plate、煙三文魚🍣、沙律🥗、壽司🍣（cheap cheap嗰d)、煙鴨胸、湯、包。個人覺得salad bar已夠就冇加主菜，食咗皓多煙三文魚🍣，小小沙樂美腸，煙鴨胸正，中湯正有螺頭，出去攞咖啡☕️點知咖啡機壞，要叫侍應用入面既機，要排隊，latte都唔錯👍🏻，最後叫侍應上甜品🍮拼盤，有生果🍊拼盤、燕窩燉蛋白（凍）同朱古力🍫cake，大滿足😌，2月尾前埋單85折

當知道酒店餐廳新開幕，見到網上評價不差就帶父母及朋友為爸爸慶祝生日。服侍員無笑容，無反應最重為意外，扮見唔到更加估計唔到。本人是素食者，要求素食菜單沒有，但官網上是寫可提供素食菜單，最後服務員向廚師為我安排 pumpkin risotto or veggie pasta, 就選了pumpkin risotto, 最後來的是corn risotto..不是故意的，但對粟米敏感！最後換了vegetable curry. 咖啡機一定未有準備好。服務員態度是不耐煩。食物質素方面是不錯的。salad bar 食物豐富新鮮。

舒服的新酒店餐廳，開業兩星期來講水準算不錯，團隊仍有進步及磨合空間，15%off性價比ok，，可以試一試支持本地酒店。每款主菜跟自已菜式嘅matching side dish, 主廚有心設計個menu。自助頭盤，沙律及甜品都OK，不是什麼驚喜，但算穩穩陣陣等做旺啲個場之後再諗新嘢！如果揸車可以放低喺堅尼地道入口18樓代客泊車(>$1000 有3小時免費 ）。無論灣仔定中環方向都係靠左邊入酒店，唔好以為以前灣仔嗰邊過去望右邊合和中心過對面線，因為而家已經開咗條隧道喺左邊入再穿過對面入酒店！

2025年的第一日好難得我哋4個約到一齊食brunch buffet👏🏻 揀來揀去於是決定試吓灣仔新開的合和酒店（順便行吓個新商場）。入到餐廳感覺環境好舒服，地方寬敞，坐得舒服．．好鬼啱我哋傾吓食吓👍🏻食物方面，選擇都算豐富，我本人喜歡食蔬菜，所以我覺得salad bar選擇種類好ok，有壽司區、熱食區、印度區、中式區的點心、粉麵、串燒、牛扒啦、仲有長腳蟹、龍蝦仔、麵包蟹．．我地一至讚最好食係燒鵝肝、燒大蝦、燒羊架👍🏻👍🏻到甜品區啦，食咗5、6款都ok喎，最有印象係個朱古力cake⋯⋯ 好濃朱古力味👏🏻坐坐下無端端想飲酒happy 吓，仲叫埋cocktails🤭 wow 有驚喜喎🥰🥰 有機會可試埋happy hour🍹🍷好耐未試過晏晝都食到咁飽，連夜晚個餐都冇食🤗

在聖誕前特來此新酒店吃聖诞晚餐。當晚只有五至六檯客，我和朋友點了半自助晚餐。自助餐桌上有各類新鮮蔬菜及配菜、前莱也有巴瑪火腿、燒牛肉及煙三文魚等等。另有日本食物如蝦刺身、宙珍雜錦魚生飯及日式小吃。每位有一客龍蝦湯，味道濃郁。主菜選擇由最平的$380的烤火雞卷至$680的燒烤肉眼不等。另備三款甜品，當天有燕窩焦糖燉蛋、樱桃雪糕及芝士Tart。三款甜品都非常美味，甜度適中，為當晚最極力推薦的一環。侍應的服務非常有禮，貼心及主動。廚師也常在自助餐桌添加食物，亦可能是新酒店，厨師有六至七位在場，他們也有與食客交流，聽取意見。那晚用餐體驗是近年難得一見的好服務，但因客户不多，埸面稍微冷清。