大圍小館

營業中

休息中

7月中炎夏，1行10人去試吓大圍出名嘅大圍小館，我哋預約咗八點，雖然餐廳有位，但所有顧客到需要等到八點才可以入餐廳， 呢方面希望可以改善。我哋叫咗大圍小豬，即係小乳豬，燒鵝，叉燒兩份，砂礓豬手仔，一口金磚，合浦珠還。其實主要想試呢間出名嘅叉燒，佢會份有五六件，待應現場會用火燒叉燒表面，味道普通，肉質唔夠鬆軟，有點失望，燒豬同燒鵝水準可以，但未去到需要特登來食。呢餐最特別係個合浦珠還，成份係乜唔清楚，表面係着炸過，香脆可以一試。

訂位要等一個月，ok呀！無問題，咁誇張真系好期待又好想去試下。今日因只有兩個人去飲茶關係，所以諗住純order點心就可以，但是點心菜單內容真的很少，唯有簡單點左三样試試吧！第一义燒(共五件) $188另加特制醬汁會掃上义燒頂部，之後再用燒槍簡單燒下，真心，我觉得醬汁麻麻，可能各人口味不同吧！韭黃蝦腸 $49好味，皮薄煎咸薄罉 $38舖上大量葱花同櫻花蝦，本應十分吸引的，因落重本啊！但可惜味道過咸，而且太多油了。茗茶 $20一位

打咗去10次，從來冇人聽過，晚飯時間餐廳有開，都唔會有人pick up，好垃圾！完全唔明白係可以點樣法？希望餐廳有人喺度啦，可以復回覆係咩原因？係咪因為太好生意唔憂做定係真係米芝蓮推介唔接受訂位

今日去大圍小館，第三次去，非常期待。但食後感不似預期。個侍應一嚟到已經同我講啲事令唔知乜嘢乜嘢嘅餐牌，我哋話乜都唔要。因為去過兩次，已經知道自己想食乜。上次覺得個蒸蟹飯非常好味，今次再叫。點知上到嚟係一個砵嘅唔知乜嘢蟹飯。個侍應係咁話我哋係叫呢個。我話我哋叫蒸蟹飯，佢話係呢個係大閘蟹蒸蟹飯囉。連個部長都要過嚟話佢哋已經整咗，我哋點都要要咗佢。冇辦法，而家一月都嚟緊，都要咗呢個唔知咩大閘蟹飯。價錢呢個唔係問題，問題在於呢一砵類似嘔吐物嘅嘢，乜嘢蟹味都冇，唔好講話係大閘蟹味。我覺得俾個侍應夾硬昆嘅feel。十二月尾食大閘蟹飯，簡直當我哋水魚，要咗佢哋放埋喺雪櫃由10月放到而家嘅大閘蟹肉（如果有）。啫啫芥蘭㷛又係另一個千祈唔好叫嘅餸。芥蘭硬到咩咁，又苦。真係唔好意思，本來都好鍾意大圍小館，但係今次真係唔得。加張圖show 張單俾你哋睇吓佢哋點將我地叫嘅蒸蟹飯變咗「鮮拆砵仔大閘蟹飯」。

今天嚟到大圍的大圍小館環境十分舒適，裝修風格簡約大方，讓人感到十分放鬆。店員的服務態度也十分親切，讓人感到十分不適。交互了一批豐盛的午餐，以下是我的食評*叉燒 ($188)：這道叉燒肉質鮮嫩，口感十分柔軟，而且甜度怡到好處。它的外層烤得怡到好處，有輕微的焦味，讓人回味無窮。*蜂巢炸芋角 (＄49)：這道炸芋角外皮酥脆，裡面鬆軟，還有芋頭的味道十分之。它的形狀像一個蜂巢，看起來十分可愛，讓人不忍心下手。*鹹菜豬肚粉腸湯 （＄68）：這道湯的湯底實在，而且豬肚的口感十分嫩滑，吃起來十分順口。再加上鹹菜的鹹菜香氣，讓人美容大開* 花菇吊魷魚燒賣 （＄25）：這道燒賣的外皮十分薄，裡面的餡料十分豐富，而且花菇的味道十分豐富。它的形狀像一個小籠包，看起來十分可愛，讓人不舒服忍心下手。*甜梅菜叉燒腸(＄40）：這道腸的口感十分嫩滑，而旦甜梅菜的味道十分獨特，讓人吃起來十分新鮮。它的形狀像-一 個小腸，看起來十分可愛，讓人不舒服忍心下手。* 百花蟹肉竹笙卷（＄43）：這道卷的口感十分嫩滑，而且竹笙的味道十分清香，讓人吃起來十分不適。再加上蟹肉的新鮮調理，讓人胸部大開。* 紙包骨(＄43)：這道骨的口

名不符實，啲嘢好普通，係個叉燒比較好($188 五件!!!)，芋角、莎翁根本唔合格，宮廷荷花酥直頭難食，唔好食到要食剩！唔明點解成日排長龍，最不能接受就係我哋食點半鐘竟然呢樣又話賣晒嗰樣又話冇，還要若無其事，點能夠咁樣呢？！佢送俾我下次可以用嘅贈券我丟了進垃圾桶。兩個月前訂桌，懷著期望帶埋仔仔女女開開心心而來，好失望，共銀 $1,591，另外泊車錢都蝕埋！ 真係唔好怪人哋要北上，坐得好過佢出品好過佢，我相信 800¥ 已經 OK。隔了成個禮拜才寫食評，皆因本來想留口德，但老友鼓勵我要寫，以警惕後來者，以免中招。

朝早12點book左枱 但佢係要全部人都要係出面排隊 明明已經準備好 入面人都無一個 條街窄到嘔 佢係迫你要係門口等 啲野好食都無用 無諗過operations 🙄🙄🙄🙄🙄

依間米芝蓮中菜館，晚餐真係日日都滿曬，想食真係要提早訂位。- 勾魂叉招牌菜，必定要食！上枱時，店員會用火槍燒叉燒表面，有少少燶邊效果，個底仲配有脆米。叉燒係半肥瘦，厚切，有咬口，又有肉汁。- 明爐脆皮燒鵝色澤均勻，外皮挺直，賣相一流。食落口，感覺皮脆肉嫩，入口好香，燒得啱啱好。- 一口金磚原本以為係炸豆腐，點知係炸咸蛋黃蘿蔔糕。外皮鬆化，中間係香濃咸蛋黃，同埋鬆軟既蘿蔔糕。- 香濃腐乳炒蝦球配西蘭花蝦球好大粒，爽口彈牙腐乳炒西蘭花，味道都幾特別。- 炸瑤柱絲蛋白炒飯好多炸瑤柱，好香口。炒飯粒粒分明，有瑤柱香氣同蛋香，同埋唔算多油。

晚市時段每日都full booking，而且分時段一批批入座 ⚠️記得要提早booking啊！🔥勾魂叉燒($188)叉燒燒得入味，外層糖色酥脆，肉質鮮嫩多汁。特色點：帶有少許陳皮味的醬汁、點上米通口感更豐富🦆明爐脆皮燒鵝($268)這款燒鵝皮脆肉嫩，入口即化，配上酸甜的醬汁更加美味，是一道非常精緻的燒味菜式🌾三馫籠仔蒸飯($208)這款蒸飯米粒飽滿，經典的蝦仁、豬肉、冬菇餡料香氣四溢，非常美味🍊無花果肉排 ($188)這款肉排燒得剛好，口感軟嫩，加上無花果的甜味和香氣，非常開胃🦀薑蔥炒本灣海蟹 ($418)用上本地的新鮮海蟹，薑蔥味道濃郁，非常開胃🌊鮮山葵海蜇頭 ($98)這款涼拌菜用上新鮮的海蜇頭，有咬落脆卜卜，配以鮮山葵和醋汁調味，味道清新🥬啫啫唐生菜煲($138)生菜煮得更好，不會過份淋出水，蝦醬味濃郁

星期日/公眾假期飲茶預咗多人, 網上book咗點半, 準時入座, 1:30pm 係第三輪, 招牌點心即刻落單, 點知...灌湯餃冇, 芝麻卷冇, 最離譜係沙翁, 13:47pm 同西裝阿伯(似老細) 落單, 即叫即做, 要等都明白嘅到左14:15, 再問下單, 西裝阿伯話冇晒, 而家先講真係離晒譜.太極鴛鴦炒飯, 無味, 汁稀叉燒大舊 但冇咩特別鯪魚球一般蝦餃$50 /4 隻, 全部嘢得呢樣嘢好食, 對得住個價錢餐廳環境一般, 門口有半邊門長期開住, 冷氣唔夠總括名過於實, 以後唔會再嚟.

呢間中菜一定一定要bookmark😍✨✨提早兩星期book咗，揀咗18:00嘅時段，當日放工即刻就可以同班好朋友食飯，仲試咗好多美食😝😝😝—————————————————————————琵琶鵝（$880）呢隻提前預訂嘅琵琶鵝不得了😍完隻上枱比客人先打卡📸外觀真係好似琵琶🤣啲色澤仲好靚😍😍😍食落個皮燒得好脆☺️肉質嫩滑多汁☺️加埋酸梅醬仲中和當中油膩感👍🏻👍🏻勾魂叉（$88）必食菜式✨店員會即時用火槍燒香叉燒表面，個底仲配有脆米☺️半肥瘦叉燒配上陳皮醬，食落肉質又腍又嫩又有肉汁😍😍😍💦💦薑米蒜香籠仔蒸焗飯（$288）呢個蒸焗飯有滿滿蟹香味🦀蟹肉蟹膏份量適中，加上用荷葉包住飯蒸，令到飯嘅味道十分香口😋香濃腐乳炒蝦球配西蘭花（$168）蝦都爽口彈牙🍤腐乳味道唔會好咸，又同西蘭花幾夾☺️😝蜑家鴛鴦魷（$188）呢款係店員推介😂用兩種唔同風味嘅魷魚一齊炒（吊片同鮮魷），食落香而不靭，都幾特別😂沙薑豬手仔（$60）肉質爽，食落有淡淡沙薑味👍🏻一口金磚（$68）以為係豆腐，原來內有乾坤🤪係咸蛋黃蘿蔔糕😗炸得非常鬆脆☺️舞茸姫松茸響螺瘦肉湯（$228）碗湯飲落非常足料清甜😍😍😍仲有脾胃益健功效😝😝連啲湯渣都入

良朋歡聚，一起品嘗，齒甲留香。約一班夜鬼午餐難，早茶更難，經友人努力下，終於成局，事不宜遲當日叫咗如下，灌湯餃，蝦餃，明蝦角，牛骨髓，芋角，蝦腸，流心奶黃包，雞卷，鮮竹卷，棉花雞，鳳爪，第一叉，沙翁，芝麻卷，海蜇頭。灌湯餃～做法正統，料足，湯鮮味，一細口咬下去再吸，嘩！小心熱，辣到口。蝦餃～晶瑩剔透，皮不會過厚，蝦味鮮，筍及肥肉配合下一流，兒時味道回來了。明蝦角～足料，唔會食到一口油👍🏻芋角～ 外夠蓬鬆，內夠飽滿，滿滿的芋頭蓉，一樣唔會食到一口油。蝦腸～ 米味香，粉皮滑，厚薄適中，好味。流心煎糯米雞～幾特別味道不錯第一叉～美味，大大件，唔會鞋口，一定要試沙翁同芝麻～水準之作！奶黃包～不用多介紹，料足，一咬開，流心即刻爆發，小心熱！雞卷～懷舊物其中之一，有如雞包，包皮沒有太硬及鬆軟，夠熱。 牛骨髓～滑嘟嘟，都係舊味道😍鳳爪，鮮竹卷，棉花雞，水準之上戴返頭盔先，我覺得好唔好食≠你覺得好唔好食，好唔好食因人而異。

之前大圍小館得walk-in 排隊，宜家就開放左預約，想試嘅話記得提早book左枱先。佢同坊間嘅茶樓唔同，主打失傳同懷舊菜，所以可以選擇嘅點心種類唔多，但每道菜都可以感受到師傅嘅技藝。每張枱都會送上佢地自家製嘅辣椒油同辣椒醬，非常惹味，鍾意食辣嘅可以試試。我地兩個人點左6道菜，份量都幾多，好彩最後食得曬。要留意嘅係呢度嘅菜式好快就售罄，建議第一輪就點曬想食嘅菜先。今次比較可惜嘅係想試嘅酸薑皮蛋酥已經賣曬。先介紹餐廳招牌菜第一叉。厚切嘅叉燒色澤鮮艷亮麗，選用上梅頭肉，肥瘦勻稱，以特製麥芽糖燒製。咬落去充滿油脂嘅香味同肉味，麥芽糖醬嘅味道有幾種層次，唔係單一嘅甜味。糯米雞有蛋黃香，外皮酥黃香脆，冬菇同糯米香味濃郁。店員會幫手剪開沙翁，上面有滿滿糖霜，如果怕太甜，建議整走少少糖霜先食。沙翁有好重蛋香味，內層鬆軟，就算我地擺左一陣先食，表面仲保留到酥脆嘅口感。我係第一次食灌湯餃，店員提醒我地將灌湯餃放喺碗嘅時候要小心唔好整穿餃子皮。餃子皮非常薄，入面用嘅餡料都幾用心，有瑤柱、帶子、蝦、花菇同金華火腿，湯汁鮮美。蝦餃就比較普通，蝦餃皮稍稍蒸過火，蝦肉餡有比較重嘅胡椒味，遮蓋左蝦肉本身嘅鮮味。我地

食物：第一叉：不愧係招牌！豬肉好嫩，而且真係有豬味。陳皮醬甜而不膩，唔會蓋過豬肉香味。一碟只有5舊，但每舊都好厚身，食落好滿足，就算咁厚啲肉都依然咁嫩，正！薄荷蒙古羊肉：唔錯，羊肉冇乜羊騷味，不過咸咗少少，建議配飯食。本身以為佢係落薄荷醬，原來直頭係成塊薄荷葉一齊炒，薄荷味好清新。牛骨髓鍋：呢鍋入面有牛骨髓、魷魚同蝦，味道都ok，點埋佢嘅辣醬會更惹味（呢到嘅辣醬好辣🥵）山葵海蜇頭：好爽脆，仲同山葵味好夾，唔錯冰花蛋球（沙翁）：非常失望……估唔到衰收尾……齋睇個樣，已經覺得佢入面唔夠鬆化。食落口，直頭似馬拉糕咁實……我家長者話傳統沙翁唔應該係咁嘅口感都未擺入口，淨係擺近個鼻都已經聞到有陣亞摩尼亞味，應該係膨脹劑嗰類野落得太多（？）食落口就冇亞摩尼亞味嘅，但除咗表面嘅砂糖之後，成舊糕係一啲味都冇……麵粉味/蛋味係零，唔知自己食緊乜桃膠蓮子紅棗糖水（送嘅）：質素仲好過$58一份嘅沙翁服務：親切有禮環境：呢個價錢黎講，坐得有啲逼價錢：9百幾希望下次可以試下飲茶食點心，但希望啲點心唔會似個沙翁咁

I recently had the opportunity to dine at Taiwai Dining Room for a lunch, a restaurant that has garnered some attention in the area. However, my overall experience left much to be desired, prompting me to question the value of this establishment. From the lengthy wait time to the quality of service and food, there were numerous aspects that fell short of my expectations.To begin with, the waiting period was exceptionally long. I had to endure an almost hour-long wait just to secure a table, whic