大叻越南牛肉粉餐廳 (已結業)

今日lunch搵野食，開openrice發現附近有間越南野，見到食評唔錯就試試佢。我叫左個大叻鮮茄牛坑腩河粉。外賣十幾分鐘就送到👍🏻，個湯好濃配河粉真係一流，牛坑腩炆得好淋好入味，紅蘿白都好入味，份量剛剛好，最後成個湯底飲曬😋

咁啱係大角咀附近又肚餓，見依間大叻望落幾地道唔係連鎖野，一於試下舖面無咩特別裝修，正正常常，但油煙極大，可能因為有部分廚房係連住舖面既緣故有心理準備好啲餐廳都係典型越南野，湯河、撈檬、春卷、炒野等等，望落啲圖都唔錯，湯河仲有套餐跟野飲小食，抵落單阿姐既態度好似我被佢捉到偷野咁喎，串到，係咪求佢先有得食，已經唔係話有無多謝、請個啲，叫野飲佢聽錯之後西個面唔出聲去打單咩料餐廳名都叫越南牛肉粉當然要試下生熟牛肉河，生熟程度做得ok，肉質鮮嫩而有肉汁個湯有驚喜既，味濃帶甜，湯入面都有牛味，另上一啲青檸、辣椒、芽菜、香茅，非常足夠既風味成碗牛肉粉幾不錯另一碗食左佢既札肉，出奇地好味，幾有特式既味道，唔係得個鹹字送既春卷食落夠脆，但粉較厚，料炒得唔錯，蘿蔔為主，味道ok成餐味道ok，比想像中出色但店員態度差到荒謬，放低食物一句野都無講又唔小心，埋單連幾錢都唔講keep住西面#大叻越南西面粉#晒左大廚既廚藝#幾好食都唔會再黎

大角咀又係一個食店林立既地方好多唔起眼既食店都係好好食咁啱有朋友帶路，入左呢間本來唔知係越菜既餐廳一入到去，佢就推介我食飯其實，我不喜歡飯的不過店舖充滿住碳燒既香味於是，我叫左碳燒雞扒飯，佢叫左碳燒豬頸肉飯無期待反變有驚喜雞扒肉質完全唔dry唔柴，反而好多汁好香，皮脆肉嫩豬頸肉一樣好juicy，醃料都好香蘸埋佢個醬汁 (有啲似泰式青辣汁)，好野味~不過就得一碟仔個飯面有啲特別既醬料，同啲餸好夾顯得好食之餘，令你會覺得唔夠飯~午餐仲包多杯飲品 抵!推介:  /5

今日同朋友黎呢間越南野食lunch, 我一向中意食越南粉既，所以就叫左個生牛肉越南粉。個湯底唔錯，但九層塔可以再多d就好了～而個牛肉我覺得有d ‘un’ 整體黎講呢個價位算係唔錯架啦。

天氣越來越熱，真係唔想再食D熱騰騰既嘢，突然間想食撈檬降下温。諗起大角咀有間大叻既越南菜就決定食佢做晚餐。一入門口，搵到個位坐低就叫咗個豬頸肉撈檬，因為佢唔係晚餐set，我另外叫咗一杯凍檸水。撈檬D配菜都幾多，有靑瓜， 紅蘿蔔絲， 花生粒等等，加上佢哋既撈檬汁，酸酸甜甜，幾開胃。豬頸肉係炭燒，好香口，肉質都好彈口，唔錯。 食完完全唔記得咗影相。凍檸水，不過不失， 一般茶餐廳水準。下次會試下佢个炭燒豬頸肉飯。

今日我哋一家人星期日行完街冇嘢做，工人姐姐又休息就去咗屋企樓下在越南餐廳晚餐。 上次就同老婆嚟食下午茶餐，今日就特登嚟品嚐最出名嘅豬扒飯。一我哋全部都係叫晚餐嘅，四五十蚊起，加埋碟無骨鳳爪、 同埋一客串燒雞沙嗲。 晚餐全部都送兩條越式春捲都幾抵㗎，包埋杯嘢飲凍飲加三蚊。豬扒係即燒入口即溶，骨入曬味真係冇得頂 而沙嗲配埋個獨有沙爹醬汁 ，都係剛燒起 冇得彈呀 泰式無骨鳳爪加埋其他一啲洋蔥同埋葱撈埋食惹味非常，亦是不錯的選擇 。太太叫了個生牛河味道超得，用牛骨湯底真係正！ 另外扎肉雞絲撈檬同埋扎肉雞絲湯河，我兩隻化骨龍都吃到津津有味！總括而言呢間越南餐廳已變成我們的飯堂了

黎開依頭唔知食乜好，又唔食西，又唔想食中，日本野又落哂場。咁就一于食越南野。黎過大角咀好多次，都冇發現到依間野。見食評都可以，咁就即管試試。依個紮肉雞絲河都幾好，湯底幾甜，雞都質地都可以，唔會散哂，雞都有啲味。整體黎講唔錯。阿姐介紹話豬扒好正，出名。咁就叫黎試試。下午茶好鬼低食，三字尾四字頭搞掂，份量十充，同午餐都無乜分別。豬扒唔係炸。唔會乾爭爭，肉質夠哂淋，阿婆無牙都食到，肉又多汁。幾好食，係啲飯應該耐左，偏硬啲。依個值得推介。平靚正下午茶飽肚之選。

星期六懶洋洋的下午， 等待著寒風的駕臨， 下星期天文台話會跌到八度，下個禮拜都應該係打邊爐的時間。今朝的普通茶記早餐， 下晝想食啲酸酸味味的東西， 呢間越南舖除了豬扒好味之外， 我最鍾意食就係 扎肉雞絲撈檬， 第一次下午茶先至嚟食， 其實夜晚食撈檬或飯類 都係40幾蚊 ，仲有兩條越南春卷送添。午餐時段通常都多人 學生、寫字樓工， 所以下午茶時段是較為少人的…… 始終人年紀大了 喜歡平淡安靜的生活， 一切從簡， 有得食就去食，又唔係食貴嘢，簡簡單單的一餐， 簡簡單單的生活， 從平時忙碌的生活慢慢淡化成簡單、簡約的生活， 笑看人生！

前幾曰同屋企人諗住趁放假夜晚揸車去aia玩,諗住醫飽個肚先出發 所以就揀左入黎大角咀食 方便迫車又唔驚會俾人抄牌！迫好車經過呢間越南餐廳見出面野食圖片幾吸引就入去坐低試下啦😃我地四個人每人叫1⃣️個set dinner 先至48蚊1位 仲跟埋餐飲同兩條竽絲炸春卷 真係超扺食講番野食方便 :札肉雞絲撈檬粉 份量岩岩好 春卷香脆好味炭燒雞扒飯 豬扒飯各叫左一個 兩者肉質都好滑生牛肉河粉 個湯好正 調味調得好好 牛肉又唔會太過火煮得岩岩好 👍🏻👍🏻四個人埋單先至198蚊 真係好抵食

大角咀呢間大叻，已經唔係第一次食，不過好多時午餐人客多，唔方便影相品評，今晚長假期無咩人，就影返做食評吧。今日二人叫左：鮮茄牛腩湯河 + 炭燒香茅豬扒飯 + 熱檸檬茶 + 咸檸七鮮茄湯係足夠濃味的，牛腩份量亦非常足夠，也炆得很淋身入味。而炭烤香茅豬扒，很明顯係呢間舖的“招牌作”之一，很多台客都有點呢個，烤得香香的，好入味，送飯一流。埋單價係 $96，二人。今時今日呢個價錢無憾了吧，仲有一杯係咸檸七，算係好抵食架啦。

有天，看到友人在這間越南餐廳吃的東西，好像這個雞扒飯還挺吸引，之後看看，原來大角咀也有分店，便步行了過來試一試。果然這個炭燒雞扒飯，好像現場也有不少人點選，炭燒雞扒飯的雞扒，對比深水埗區，其他餐廳，明顯大得多，分量多，排山倒海的份量，雖雞扒不算是肉汁非常豐富，但是還算滑而不鞋口。白飯可能會比較乾，於是需要用其中一支「是拉差醬」來拌飯。如果跟深水埗區的泰式食店，例如小泰豆，可能這間大叻更加抵食夾大件。還有一個凍飲，青檸梳打，梳打味道不錯，不太甜而很多氣，而且青檸有三大片，味道都算幾清新。不太遠的距離，間中走走過來大角咀吃午膳，舒展筋骨又散心，樂事。

尋晚同朋友去左大角咀相會傾公事，因為時間唔係好多又肚餓，去左一間越南菜食野，不約而大家都叫左生牛肉河食，個餐仲包2條春卷加埋凍飲都係48蚊，價錢一般。不過買相唔錯牛肉又夠滑，大家可以不防試下。

環境平常 簡簡單單 價格平民 但 內𥚃款款菜式 都出色！大叻鮮茄牛坑腩河 set lunchHKD 42可轉金邊粉 除咗鮮番茄味，仲加濃郁香草，湯底特別香濃！ 牛坑腩足料，厚肉，肉林，好易入口！金邊粉都唔會過軟，份量十足，42蚊都食飽飽！

大角咀有好多平靚正的餐廳，大叻越南餐廳就係其中一間。今日同友人提議食越南野，佢即刻提議食大叻，話好懷念果度d炭燒🐷沿途佢已經大讚炭燒🐷有幾好味，我心唸，一間普普通通的越南餐廳，豬頸肉同豬扒可以有幾好味呢😂我地不約而同都點左炭燒豬扒飯。一嚐，果然係非常高質素，除左好有炭香之外，內質唔好偏硬，口感一流，我地都食到十分滋味😋可以再Encore✋🏻吃到飽飽，埋單每人都係幾十蚊，食物質素唔錯👍🏻平野都可以係好野架😃

今次我就嚟到大角咀呢間越式餐廳，無睇它呢間位於舊區外表平凡的小店，食落口一D都不平凡！我呢今次叫了越南蒸粉皮……！皮不厚入面d餡新鮮，再叫了豬扒及豬頸肉超入味再點上自家製的醬，又另一番幾風味！只係下午茶我都食了不少，但還想試它的雞翼，不過飽了！最後我喝埋杯熱龍眼水滋潤一下，坐一坐實在好滿足！哈哈我臨走一刻都想它的豬扒、豬頸最後加插超香脆雞翼回家與家人共聚，下次再來試湯粉