大叻越南牛肉粉餐廳 (已結業)

天氣越來越熱，真係唔想再食D熱騰騰既嘢，突然間想食撈檬降下温。諗起大角咀有間大叻既越南菜就決定食佢做晚餐。一入門口，搵到個位坐低就叫咗個豬頸肉撈檬，因為佢唔係晚餐set，我另外叫咗一杯凍檸水。撈檬D配菜都幾多，有靑瓜， 紅蘿蔔絲， 花生粒等等，加上佢哋既撈檬汁，酸酸甜甜，幾開胃。豬頸肉係炭燒，好香口，肉質都好彈口，唔錯。 食完完全唔記得咗影相。凍檸水，不過不失， 一般茶餐廳水準。下次會試下佢个炭燒豬頸肉飯。